KÜÜRORI 10
10
Pitor thi Kornilia
1Kaisaria vü anyo Kornilia ti küji nyi küsü peh, ma tü Italy vü arienyiri müzake nyia vü küji sa. 2Thi ma tü ma tsapari aveh sie Saküüwuowa krü nü mükhewiethuoh nüh nyiri vü zanyo nga tsü, thi Saküüwuowa vü khuohuo küpe nyi küsü. 3Jüma rülovü münühu tügu vü mütse she nü kümohtsa vünüh Saküüwuowa zhüleri küsü tü turu taji ma vü, “Kornilia,” ti ji.
4Thinü ma tü ma nophoke nü kükrü vünüh, “Vüwa, mowa lo?” ti küna. Thinü ma nüh ma vü “Noh kükhuori thi noh nüh kütsüküsuo küsari müküüma na küsa kenüh wa Saküüwuowa tüvü juvehthuoh,” ti küza. 5Thinü Joppa vü nyiri küze taji Simon Pitor ti küjiwa sieruluo. 6Ma tü Simon, sahu küüro küsawa vü nyipeveh nüh, thi anyi jüma azhe thuoüji juküji natovü peveh, thi noh nüh mowamüsaji mümühie nüh ma nüh noh vü küza naveh, ti küza. 7Rügizhülewa ma sie jüleküvehwa ma vünüh tewa ünü masieperi künyi thi arienyiri ma küüro sakütsehuo künyitsari küsü ma huopeküvehri azhie vünüh ti jinü, 8zanyo aveh mari vü küza taji Joppa vü küzemü.
9Rülo künyiawa mari tü tse taji nyuküjiwa shenyi ru ünü münühu türoawa vü Pitor tü kükhuo sa nti azhekürügi vü wa. 10Thinü ma tü avorüma taji ashie tsangütewa; thitü mari nüh kütsaküzhu küche küveh vü ma tü zemophoketewa. 11Thinü thajüwu tü sarie nü ajüke müzü küpe zanyokürüpuo küji küsü azhih vü küüze ngu. 12Thi jüla tü asa ajih müzü küpe küpapa küsa thi azhih vü shorhü nü zhukütseri thi prükütse müwaripeveh. 13Jütiküsavü jikhi küsü ma vü ru nü, “Pitor, süra taji fethe tsaluo,” ti küza.
14Thitü Pitor nüh, “Nyu, Vüwa, küpakenühnyunü hi tü zanyo aveh muomuo thi mükümtseri tü mütsarhuo nü,” ti rüle küza.
15Thinü akünyiawa jikhi ma vü ru le taji, “Saküüwuowa nüh mowa sakümtse saveh nüh noh tü jüma mükümtse ti müjitümü,” ti küza. 16Küchekeri hakümjie küza taji zanyo jümatü shiti rügivü vitewa.
17Thinü Pitor tü kümohtsa jüma zhünyo mowa thuoh nüh ti müshe nü ma luoveh mümüshephiera nüh sapeveh ünü, halie, Kornilia nüh küüze nyiri tü Simon azhe künanü ru akheri atüvü tsie 18taji, “Simon Pitor ti küji watü jüla peveh ünü nyu lo?” ti nyiri ji taji küna.
19Jütiküsavü Pitor tü ma kümohtsawa müshe küpevü Sietsewa nüh ma vü, “Halie, nyi küche nüh noh phatse lie,” ti küza. 20Jükenüh süra nü müshemüsüro tü tse tsuo luo, thi mari ase nyiwaluo; küpakenühnyunü mari tü hi nüh küüzewiethuoh, ti küza. 21Thinü Pitor tü anyi jümari küche vü wa nü, “Hi tünohri küche nüh phakütsewathuoh, tinü nohri tü zhünyo mowa vünüh tse lo?” ti küna.
22Thinü mari nüh, “Kornilia, arienyiri nyi müzake nyia vü küji saküveh künyitsa thi Saküüwuowa krü nü rhoküveh Judahri nyi aveh vünüh küsiake küvüri küsü, kümtse zhüleri küsü nüh ma vü küza nü hiri novü küze nü noh tü ma zhe vü ru üti wa ji luo ta, thi noh nüh mowa küza naveh nüh küna üta küzelie,” ti küza. 23Thinü ma nüh mari küche jike nü ma küze sie sa.
Jüti sataji rülo künyiawa ma tü süra nü mari vü nyitewa, thi Joppa vünüh kütsotüri wuori nga ma siewa. 24Thinü rülo künyiawa mari tü Kaisaria vü tu. Jütiküsavü Kornilia tü mari küru tsotü phakewie nü ma jienüri thi ma fü kümühieri jizhuh. 25Jüti sataji Pitor tü azhe lovü tu ünü Kornilia tu ma mütu taji ma ji vü kükietsuo ma khurü. 26Thitü Pitor nüh ma sike taji, “Tesüra, hi nga nyiri wie,” ti küza. 27Jütiküsavü Pitor nüh Kornilia sie jülemüngu nü azhe lovü tu, thinü anyi hozake zhelo jüla wa sehzhuküpela ma nüh ngu. 28Thinü ma nüh mari vü, “Judahri küsü nüh anyi küpari sie kümpamüwu nyutü jümari vü küwa müküüsa taküsa nohri mpa nüh thsüveh, thitü Saküüwuowa nüh hitü anyi müshemüküpa nyutü mümütseti jimüküpatümü üta hi kütsa. 29Jükenüh hi küüzevü zanyoküsü nga mükütsükürewiethuoh nüh tse. Tinü nohri mokenüh hi tho veh lo?” ti küna.
30Thinü Kornilia nüh ma vü, rülo müzü teküwavü tsotho hakümjie küsavü hi tü eh zhe vünüh münühu tügu vü kükhuo tsothowa viveh ünü, halie, nyiküsü tü athsü kümüji nüh küzhu nü e tüvü rutsie nü, 31“Kornilia, noh nüh kükhuo küsa thi noh nüh zanyo vi nyuri kütsü küsuo küsari Saküüwuowa tüvü mükümathuoh. 32Jükenüh nyi jümari Joppa vü küze nü Simon, Pitor ti küjiwa sie noh vü küüru luo, ma tü wa nü juküji natovü rho nü sahu küüro saküveh Simon ti küjiwa azhevü peveh nüh ma ru thuoüji ma nüh noh vü küza naveh,” ti küza. 33Jükenüh hi nüh shiti anyi jümari noh vü küze, thinü noh nga hi kümüze nü ruthuoh. Jükenüh khinyi thuoüji hiri aveh Vüwa nüh noh vü küüzari aveh küna nti ru Saküüwuowa tüvü tsievehthuoh, ti küza.
Pitor nüh Zhüküüza
34 #
Kho 10.17. Jütiküsavü Pitor tü ma po ka nü, “Saküüwuowa thuoüji nyi küsü vü nga thsümüküpa ta küsa hi nüh thsütovehthuoh. 35Thitü anyi küsüküsü nga thawa nüh ma krü thi zanyoküsa lehwa sa ti thuoüji ma nüh küvi kütsewa wiethuoh. 36Ma nüh Jisu Khrista, aveh nyia vü Vüwa vünüh Zhühthe Kümühie kütsathuohwa Israelri vü kütsü zhühlewa nohri nüh thsürathuoh. 37Thi jüma thuoüji baptis tsükümü sevü Johan nüh Galilee vünüh phrate sate taji vi Judea aveh vü küüzawa wiethuoh. 38Saküüwuowa nüh mokümjie Kümtse Sietse thi kükhra vi Jisu Nazareth küne tsü; thi ma tü wa nü mokümjie luo wie vü küüro kümühie sanüh thi Tsuore kümüsüwa nüh mürü tekütseri aveh sakümühie tsü, nüh nohri nüh thsüveh, jümatü Saküüwuowa nüh ma siekütse kenüh. 39Thi hiri tü ma nüh Judahri thi Jerusalem azhih vü küüroküsari aveh povüri wiethuoh. Mari nüh ma tü khieluothso rügi vünüh zeke taji zothe kümüwa wiethuoh. 40Thitü Saküüwuowa nüh rülo kücheawa ma sakürhole nü ma saküthola tsü, 41nyiri aveh vü nyu thitü Saküüwuowa nüh rüka nü povü saküüsa, ma rholesüra kümü sevü ma sie tsa thi zhu ti küsa hiri vü mpa küngu. 42Ma nüh kürhori nga thi küsüri nga ashih küüsana küsa kenüh Saküüwuowa nüh ma rüka müthuoh ta küsavi nyiri vü phrate thi povü sa üta hiri vü azhütsümüthuoh. 43Thi ma kütsotüri aveh thuoüji ma nyo vünüh kükhiemuo noja nata küsa setsaküthsüri aveh nüh ma povü satsü,” ti küza.
Judahmükünyuri Kümtse Sietse Küngu
44Pitor nüh hakümjie azhüküza küveh tsotho vü azhüküünarari aveh vü Kümtse Sietse teru. 45Thinü kütsotüri ahu rhekümüri aza vünüh Pitor asenyi küruri tü ngo she, küpakenühnyunü Kümtse Sietse kütsia tü Judahmükünyuri vü nga küshoke kütsü kenüh. 46Küpakenühnyunü Judahmükünyuri tü azhü küpapa vünüh phra thi Saküüwuowa khielo ta siake küveh mari nüh künara. Thinü Pitor nüh; 47“Hiri kümüjie Kümtse Sietse ngu kümüri baptis küsa kenüh nyi wuori nüh baptis küsa khemühieveh ülo?” ti küna. 48Jütiküsavü ma nüh mari vü Jisu Khrista nyo vünüh baptis samü luo ti azhü tsümü. Thinü mari nüh matü rülo pike mari siepe üti khuo.
Currently Selected:
KÜÜRORI 10: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
KÜÜRORI 10
10
Pitor thi Kornilia
1Kaisaria vü anyo Kornilia ti küji nyi küsü peh, ma tü Italy vü arienyiri müzake nyia vü küji sa. 2Thi ma tü ma tsapari aveh sie Saküüwuowa krü nü mükhewiethuoh nüh nyiri vü zanyo nga tsü, thi Saküüwuowa vü khuohuo küpe nyi küsü. 3Jüma rülovü münühu tügu vü mütse she nü kümohtsa vünüh Saküüwuowa zhüleri küsü tü turu taji ma vü, “Kornilia,” ti ji.
4Thinü ma tü ma nophoke nü kükrü vünüh, “Vüwa, mowa lo?” ti küna. Thinü ma nüh ma vü “Noh kükhuori thi noh nüh kütsüküsuo küsari müküüma na küsa kenüh wa Saküüwuowa tüvü juvehthuoh,” ti küza. 5Thinü Joppa vü nyiri küze taji Simon Pitor ti küjiwa sieruluo. 6Ma tü Simon, sahu küüro küsawa vü nyipeveh nüh, thi anyi jüma azhe thuoüji juküji natovü peveh, thi noh nüh mowamüsaji mümühie nüh ma nüh noh vü küza naveh, ti küza. 7Rügizhülewa ma sie jüleküvehwa ma vünüh tewa ünü masieperi künyi thi arienyiri ma küüro sakütsehuo künyitsari küsü ma huopeküvehri azhie vünüh ti jinü, 8zanyo aveh mari vü küza taji Joppa vü küzemü.
9Rülo künyiawa mari tü tse taji nyuküjiwa shenyi ru ünü münühu türoawa vü Pitor tü kükhuo sa nti azhekürügi vü wa. 10Thinü ma tü avorüma taji ashie tsangütewa; thitü mari nüh kütsaküzhu küche küveh vü ma tü zemophoketewa. 11Thinü thajüwu tü sarie nü ajüke müzü küpe zanyokürüpuo küji küsü azhih vü küüze ngu. 12Thi jüla tü asa ajih müzü küpe küpapa küsa thi azhih vü shorhü nü zhukütseri thi prükütse müwaripeveh. 13Jütiküsavü jikhi küsü ma vü ru nü, “Pitor, süra taji fethe tsaluo,” ti küza.
14Thitü Pitor nüh, “Nyu, Vüwa, küpakenühnyunü hi tü zanyo aveh muomuo thi mükümtseri tü mütsarhuo nü,” ti rüle küza.
15Thinü akünyiawa jikhi ma vü ru le taji, “Saküüwuowa nüh mowa sakümtse saveh nüh noh tü jüma mükümtse ti müjitümü,” ti küza. 16Küchekeri hakümjie küza taji zanyo jümatü shiti rügivü vitewa.
17Thinü Pitor tü kümohtsa jüma zhünyo mowa thuoh nüh ti müshe nü ma luoveh mümüshephiera nüh sapeveh ünü, halie, Kornilia nüh küüze nyiri tü Simon azhe künanü ru akheri atüvü tsie 18taji, “Simon Pitor ti küji watü jüla peveh ünü nyu lo?” ti nyiri ji taji küna.
19Jütiküsavü Pitor tü ma kümohtsawa müshe küpevü Sietsewa nüh ma vü, “Halie, nyi küche nüh noh phatse lie,” ti küza. 20Jükenüh süra nü müshemüsüro tü tse tsuo luo, thi mari ase nyiwaluo; küpakenühnyunü mari tü hi nüh küüzewiethuoh, ti küza. 21Thinü Pitor tü anyi jümari küche vü wa nü, “Hi tünohri küche nüh phakütsewathuoh, tinü nohri tü zhünyo mowa vünüh tse lo?” ti küna.
22Thinü mari nüh, “Kornilia, arienyiri nyi müzake nyia vü küji saküveh künyitsa thi Saküüwuowa krü nü rhoküveh Judahri nyi aveh vünüh küsiake küvüri küsü, kümtse zhüleri küsü nüh ma vü küza nü hiri novü küze nü noh tü ma zhe vü ru üti wa ji luo ta, thi noh nüh mowa küza naveh nüh küna üta küzelie,” ti küza. 23Thinü ma nüh mari küche jike nü ma küze sie sa.
Jüti sataji rülo künyiawa ma tü süra nü mari vü nyitewa, thi Joppa vünüh kütsotüri wuori nga ma siewa. 24Thinü rülo künyiawa mari tü Kaisaria vü tu. Jütiküsavü Kornilia tü mari küru tsotü phakewie nü ma jienüri thi ma fü kümühieri jizhuh. 25Jüti sataji Pitor tü azhe lovü tu ünü Kornilia tu ma mütu taji ma ji vü kükietsuo ma khurü. 26Thitü Pitor nüh ma sike taji, “Tesüra, hi nga nyiri wie,” ti küza. 27Jütiküsavü Pitor nüh Kornilia sie jülemüngu nü azhe lovü tu, thinü anyi hozake zhelo jüla wa sehzhuküpela ma nüh ngu. 28Thinü ma nüh mari vü, “Judahri küsü nüh anyi küpari sie kümpamüwu nyutü jümari vü küwa müküüsa taküsa nohri mpa nüh thsüveh, thitü Saküüwuowa nüh hitü anyi müshemüküpa nyutü mümütseti jimüküpatümü üta hi kütsa. 29Jükenüh hi küüzevü zanyoküsü nga mükütsükürewiethuoh nüh tse. Tinü nohri mokenüh hi tho veh lo?” ti küna.
30Thinü Kornilia nüh ma vü, rülo müzü teküwavü tsotho hakümjie küsavü hi tü eh zhe vünüh münühu tügu vü kükhuo tsothowa viveh ünü, halie, nyiküsü tü athsü kümüji nüh küzhu nü e tüvü rutsie nü, 31“Kornilia, noh nüh kükhuo küsa thi noh nüh zanyo vi nyuri kütsü küsuo küsari Saküüwuowa tüvü mükümathuoh. 32Jükenüh nyi jümari Joppa vü küze nü Simon, Pitor ti küjiwa sie noh vü küüru luo, ma tü wa nü juküji natovü rho nü sahu küüro saküveh Simon ti küjiwa azhevü peveh nüh ma ru thuoüji ma nüh noh vü küza naveh,” ti küza. 33Jükenüh hi nüh shiti anyi jümari noh vü küze, thinü noh nga hi kümüze nü ruthuoh. Jükenüh khinyi thuoüji hiri aveh Vüwa nüh noh vü küüzari aveh küna nti ru Saküüwuowa tüvü tsievehthuoh, ti küza.
Pitor nüh Zhüküüza
34 #
Kho 10.17. Jütiküsavü Pitor tü ma po ka nü, “Saküüwuowa thuoüji nyi küsü vü nga thsümüküpa ta küsa hi nüh thsütovehthuoh. 35Thitü anyi küsüküsü nga thawa nüh ma krü thi zanyoküsa lehwa sa ti thuoüji ma nüh küvi kütsewa wiethuoh. 36Ma nüh Jisu Khrista, aveh nyia vü Vüwa vünüh Zhühthe Kümühie kütsathuohwa Israelri vü kütsü zhühlewa nohri nüh thsürathuoh. 37Thi jüma thuoüji baptis tsükümü sevü Johan nüh Galilee vünüh phrate sate taji vi Judea aveh vü küüzawa wiethuoh. 38Saküüwuowa nüh mokümjie Kümtse Sietse thi kükhra vi Jisu Nazareth küne tsü; thi ma tü wa nü mokümjie luo wie vü küüro kümühie sanüh thi Tsuore kümüsüwa nüh mürü tekütseri aveh sakümühie tsü, nüh nohri nüh thsüveh, jümatü Saküüwuowa nüh ma siekütse kenüh. 39Thi hiri tü ma nüh Judahri thi Jerusalem azhih vü küüroküsari aveh povüri wiethuoh. Mari nüh ma tü khieluothso rügi vünüh zeke taji zothe kümüwa wiethuoh. 40Thitü Saküüwuowa nüh rülo kücheawa ma sakürhole nü ma saküthola tsü, 41nyiri aveh vü nyu thitü Saküüwuowa nüh rüka nü povü saküüsa, ma rholesüra kümü sevü ma sie tsa thi zhu ti küsa hiri vü mpa küngu. 42Ma nüh kürhori nga thi küsüri nga ashih küüsana küsa kenüh Saküüwuowa nüh ma rüka müthuoh ta küsavi nyiri vü phrate thi povü sa üta hiri vü azhütsümüthuoh. 43Thi ma kütsotüri aveh thuoüji ma nyo vünüh kükhiemuo noja nata küsa setsaküthsüri aveh nüh ma povü satsü,” ti küza.
Judahmükünyuri Kümtse Sietse Küngu
44Pitor nüh hakümjie azhüküza küveh tsotho vü azhüküünarari aveh vü Kümtse Sietse teru. 45Thinü kütsotüri ahu rhekümüri aza vünüh Pitor asenyi küruri tü ngo she, küpakenühnyunü Kümtse Sietse kütsia tü Judahmükünyuri vü nga küshoke kütsü kenüh. 46Küpakenühnyunü Judahmükünyuri tü azhü küpapa vünüh phra thi Saküüwuowa khielo ta siake küveh mari nüh künara. Thinü Pitor nüh; 47“Hiri kümüjie Kümtse Sietse ngu kümüri baptis küsa kenüh nyi wuori nüh baptis küsa khemühieveh ülo?” ti küna. 48Jütiküsavü ma nüh mari vü Jisu Khrista nyo vünüh baptis samü luo ti azhü tsümü. Thinü mari nüh matü rülo pike mari siepe üti khuo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.