ATÜTSAR 5
5
Adam Küshukürari
(1 Kkz 1.1-4)
1 #
Atü 1.27. Hamatü Adam küshuküra zhüku. Saküüwuowa nüh anyiri küsa vü ma kümjie küsa vünüh satsü. 2#Mat 19.4; Mrk 10.6. Ma nüh nyimpari thi nyimzari saküje, masü saküjeküm sevü tsia masü tsü thi Nyiri ti ji. 3Adam tü mahvi müzake nü cherake rhoküm sevü ma kümjie küsa ma küthse atsa nyimpari küsü apa sa, thi ma nyo tü Seth ti ji. 4Adam tsotho tü Seth apa saküm sevü mahvi müzatüze, thi jüma sevü nga nüh atsa nyimpari nga thi nyimzari nga ngura lehü. 5Jüti sanü Adam kürho rülo aveh küsaji mahvi müza tüguh nü cherake rho nü ma tü süm. 6Seth mahvi müzake nü münga rhoküm sevü ma tü Enosh apa sa. 7Seth tü Enosh wuoküm sevü nüh mahvi müzatüze nü türü rho, thi jüma sevü nga atsa nyimpari nga thi nyimzari nga ngura le. 8Jükümjie Seth kürho rülo aveh küsaji mahvi müza tüguh nü türakünyi rho nü ma tü süm.
9Enosh tü mahvi guhrake rhoküm sevü nüh Kenan apa sa. 10Kenan wuo küm sevü nüh Enosh tü mahvi müzatüze nü türamnga rho, thi jü chih ünüh atsa nyimpari nga thi nyimzari nga ngura lehü. 11Jükümjie Enosh nüh kürho mahvi aveh küsaji müzatüguh nü münga rho nü süm.
12Kenan mahvi rürake rhoküm sevü nüh Mahalalel apa sa. 13Mahalalel wuo küm sevü nüh Kenan mahvi müzatüze nü zürake rho, thi jüse vünüh atsa nyimpari nga thi nyimzari nga ngura le. 14Jükümjie Kenan nüh kürho mahvi aveh küsaji müzatüguh nü türake rho nü süm.
15Mahalalel mahvi rorake nü münga rhoküm sevü nüh Jared apa sa. 16Jared wuo küm sevü nüh Mahalalel tü mahvi müzatüze nü cherake rho, thi jüsevü nüh atsa nyimpari nga thi nyimzari nga ngura le. 17Jükümjie Mahalalel nüh kürho mahvi aveh küsaji müzatüze guhrake nü münga rho nü süm. 18Jared Mahvi müzake rorake nü künyi rhoküm sevü nüh Enok apa sa. 19Enok wuoküm sevü nüh Jared tü mahvi müzatüze rho, thi jüsevü nüh atsa nyimpari nga thi nyimzari nga ngura le. 20Jükümjie Jared nüh kürho mahvi aveh küsaji müzatüguh rorake nü künyi rho nü süm.
21Enok mahvi rorake nü münga rhoküm sevü nüh Methusela apa sa. 22Methusela wuoküm sevü nüh Enok tü mahvi müzaküche Saküüwuowa sie nü rho, thi jüsevü nüh atsa nyimpari nga thi nyimzari nga ngura le. 23Jükümjie Enok nüh kürho mahvi aveh küsaji müzaküche rorake nü münga rho. 24#Ebr 11.5; Jud 14. Enok tü Saküüwuowa sie nü rho, thinü ma müngu nüh satewa, küpakenühnyunü Saküüwuowa nüh kümrho ma sietekükuo kenüh.
25Methusela mahvi müzake zerake nü türü rho küm sevü nüh Lamek apa sa. 26Lamek wuoküm sevü nüh Methusela tü mahvi müzatürü zerake nü künyi rho, thi jüse vünüh atsa nyimpari nga thi nyimzari nga ngura le. 27Jükümjie Methusela nüh kürho mahvi aveh küsaji müzatüguh rorake nü tüguh rho nü süm. 28Lamek mahvi müzake zerake nü künyi rhoküm sevü nüh atsa nyimpari küsü ngura, 29thi “ma nyo Noah ta ji nü küüza, Vüwa nüh müzüküm azhih vünüh anyi hama nüh eh küürohri vünüh thi eh keri nüh küüroh kükho küsa vünüh sakürüzitsü na küveh kenüh,” ti küza.
30Noah wuo küm sevü nüh Lamek tü mahvi müza münga guhrake nü münga rho; thi jüse vünüh atsa nyimpari nga thi nyimzari nga ngura le. 31Jüti sanü Lamek nüh kürho mahvi aveh küsaji müzatürü rürake nü türü rho nü süm.
32Noah mahvi müzamünga khruoküm sevü nüh ma tü Shem, Ham thi Jafet apa sa.
Currently Selected:
ATÜTSAR 5: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
