Юхан 1

Аят Сёзю

1 # Баш 1.1; Юх 20.28; 1 Юх 5.20; Флп 2.6; Сыр 19.13 Башта Сёз бар эди, ве Сёз Алланен бирликте эди, ве Сёзнинъ Озю – Алла эди. 2О башта Алланен бирликте эди. 3#Збр 32.6; 1 Кор 8.6; Кол 1.16; Еуд 1.2Эр бир шей Онынъ ярдымынен яратылгъан эди, ич бир яратылгъан шей Онсуз яратылмагъан эди. 4#Юх 5.26; 8.12; 9.5; 11.25; 12.46; 1 Юх 1.2; 5.11Онда омюр бар эди, ве бу омюр инсанларгъа ярыкъ эди. 5Ярыкъ къаранлыкъта парылдай. Къаранлыкъ исе ярыкъны къаплап оламады.

6 # Мт 3.1; Мк 1.4; Лк 1.80; 3.2 Куньлернинъ биринде бир адам пейда олды. Оны Алла ёллагъан эди. Ады Ягъядыр. 7#Юх 3.26; 5.33; 10.41; 20.31; Фаал 19.4Ягъя, адамларнынъ эписи онынъ ярдымынен имангъа кельсин деп, ярыкъ акъкъында шаатлыкъ этмеге кельди. 8О озю ярыкъ дегиль эди, амма ярыкъ акъкъында шаатлыкъ этмек ичюн кельди. 9#Збр 35.10; Еш 49.6; 1 Пётр 2.9Адамларнынъ эписини ярыкълатаджакъ акъикъий ярыкъ исе дюньягъа келеята эди. 10О, дюньяда бар эди. Дюнья Онынъ ярдымынен яратылгъан олса да, Оны танымады. 11#Юх 5.43О, Озюнъкилерине кельди, лякин Озюнъкилери Оны къабул этмеди. 12#Мт 5.9; 1 Юх 3.1; 5.1; Рим 8.14Оны къабул эткенлерге исе, – Адына иман эткенлернинъ эписине, – О, Алланынъ эвляды олмакъ чаресини берди. 13#Юх 3.3; Якъ 1.18Олар не къарындан, не бедений истек ичюн, не акъайнынъ къарары ичюн догъдылар. Лякин олар Алладан догъды.

14 # 1 Юх 4.2; 2 Юх 1.7; 1 Тим 3.16; Еуд 2.14 Сёз джан-тен олды ве бизим арамызда яшап башлады. Биз Онынъ шерефли ишлерини корьдик, Бабасынынъ бирден-бир Олгъанынынъ шерефли ишлерини. О, яхшылыкъкъа ве акъикъаткъа толу эди.

15 # Мт 3.11 Ягъя О акъкъында шаатлыкъ эте ве къычырып айта эди:

– Мен: «Меним артымдан Келеяткъан менден буюк, чюнки О менден эвель бар эди», – дей эдим. Буны мен бу адам акъкъында айттым.

16Онынъ ачыкъ къоллулыгъындан биз эпимиз яхшы бахшышлар бир-бири артындан алдыкъ. 17#Текр 33.4; Юх 7.19; 14.6Алла Озь Къануныны Мусанен берген эди, эйилигини ве акъикъатыны исе Иса Месихнен ачып косьтерди. 18#Чыкъ 33.20; Юх 6.46; 1 Юх 4.12; Кол 1.15; 1 Тим 6.16Ич кимсе ич бир вакъыт Алланы корьмеген; тек Бабасына энъ якъын, бирден-бир Алла, О, Озю Оны танытты.

Сувгъа Батырып Чыкъарыджы Ягъянынъ шаатлыгъы

19 # Мт 3.1-12; Мк 1.2-8; Лк 3.15-17 Мына Ягъянынъ шаатлыгъы.

Еудийлер Ерусалимден руханийлер ве левийлилерни ёллап, Ягъядан:

– Сен кимсинъ? – деп сорадылар. 20#Фаал 13.25Ягъя джеваптан къачмады. О, ачыкъ-айдын айтты:

– Мен Месих дегилим.

21 # Текр 18.15, 18-19; Мал 4.5; Мт 17.12-13; Лк 1.17 Олар ондан:

– Ойле олса, сен Ильяс оласынъмы? – деп сорадылар.

– Ёкъ, мен о дегилим! – деди о.

– Анавы Пейгъамберсинъми#1.21 Анавы Пейгъамбер – базы еудийлер Месихнинъ келеджегини илян этеджек пейгъамбер пейда оладжагъына инана эдилер.?

– Ёкъ! – деп джевап берди о.

22– Ахыр-сонъу, сен кимсинъ? Бизни ёллагъанларгъа джевап бермек керекмиз. Сен озюнъ акъкъынъда не айтасынъ? – деп сорадылар.

23 # Еш 40.3 Ешая пейгъамбернинъ айткъаны киби, Ягъя шай деди:

– Раббининъ кечеджек ёлуны тюм-тюз этинъиз, – деп, сахрада бир сес къычыра. Мен бу сес олам.

24Ягъягъа ёлланылгъанларнынъ арасында фериселер бар эди. 25Олар Ягъядан:

– Эгер сен не Месих, не Ильяс, не Анавы Пейгъамбер олсанъ, не ичюн халкъны сувгъа батырып чыкъарасынъ? – деп сорадылар. 26Ягъя оларгъа джевап берип:

– Мен адамларны сувгъа батырып чыкъарам. Лякин аранъызда сизлерге белли олмагъан бириси бар. 27О, меним артымдан келеята. Мен Онынъ аякъкъапынынъ багъыны чезмеге биле ляйыкъ дегилим, – деди.

28Бу шейлер Бетания еринде, Иордан озенининъ ялысында олды. Ягъя анда адамларны сувгъа батырып чыкъара эди.

Алланынъ Къозусы

29 # Чыкъ 12.3; Лев 1.10; Еш 53.7; 1 Пётр 1.19; 1 Юх 2.2; 4.10 Эртеси куню Ягъя Исанынъ якъынлашкъаныны корип, шойле деди:

– Мына Алланынъ Къозусы! О, Озюне дюньянынъ гунасыны ала. 30«Артымдан келеяткъан Акъай менден буюк, чюнки О менден эвель бар эди», – Онынъ акъкъында айта эдим. 31#Лк 1.17Мен Оны танымай эдим, лякин О, Исраильге ачылсын деп, мен адамларны сувгъа батырып чыкъармагъа кельдим.

32 # Еш 11.2; Мт 3.16; Мк 1.10; Лк 3.22 Сонъ Ягъя шойле шаатлыкъ берди:

– Мен корьдим ки, коклерден гогерджин киби, Рух энди ве Онынъ устюне къонды. 33#Ёэль 2.28; Фаал 1.5Мен Оны танымай эдим. Лякин адамларны сувгъа батырып темизлемек ичюн мени Ёллагъан: «Рух кимнинъ устюне энеяткъаныны корьсенъ, Мукъаддес Рухнен Темизлейиджи Одыр», – деген эди манъа. 34Энди мен корьдим ве шаатлыкъ эттим: мына бу Адам – Алланынъ Огълудыр.

Исанынъ биринджи шегиртлери

35 # Мт 11.2; Мк 2.18; Лк 11.1 Эртеси куню Ягъя эки шегиртинен берабер кене шу ерде турмакъта эди. 36#Юх 1.29Кечип кетеяткъан Исагъа дикъкъатнен бакъып:

– Мына Алланынъ Къозусыдыр! – деди.

37Эки шегирт Ягъянынъ бу сёзлерини эшитип, Исанынъ артындан кеттилер. 38#Юх 18.4, 7Иса айланып, артындан кельгенлерни корьди ве олардан:

– Сизлерге не керек? – деп сорады.

– Равви, сен къаерде яшайсынъ? – деди олар. (Равви – «Оджам» демектир.)

39– Келип бакъынъыз, – деди Иса.

Саат дёрт къарарларында эди. Олар барып, Исанынъ яшагъан ерини корьди ве шу куню Онен къалдылар.

40 # Мт 4.18-20; Мк 1.16-20; Лк 5.2-11 Ягъянынъ Иса акъкъында айткъаныны эшиткен ве Онынъ артындан кельген эки акъайдан бири, Симон Пётрнынъ къардашы Андрей эди. 41#Юх 4.25О, биринджиден агъасы Симонны тапа да, онъа: «Биз Месихни таптыкъ», – дей. (Месих – «Христос» демектир.) 42#Мт 16.18; Мк 3.16; Гал 1.18; 1 Кор 1.12Андрей агъасыны Исанынъ алдына алып кельди. Иса онъа дикъкъатнен бакъып:

– Сен Юхан огълу Симонсынъ, энди адынъ Кифа оладжакъ, – деди. (Кифа#1.42 Кифа – къ. арам. «Кифа» ве къ. юн. «Петрос» сёзлери «къая» манасыны ташый. – «Пётр» демектир.)

Иса Филипни ве Натанельни чагъыра

43Эртеси куню Иса Галилеягъа бармагъа истеди. Филипни тапып, онъа: «Айды, юр меннен!» – деди. 44#Юх 12.21Филип Бетсайда шеэринден, Андрей ве Пётр яшагъан еринден эди. 45#Текр 18.15; Мт 2.23; Лк 2.39; 24.27; Юх 21.2Филип барып Натанельни тапты, онъа:

– Биз Муса Къанунда, башкъа пейгъамберлер де язгъан адамны таптыкъ. О адам – Юсуф огълу назаретли Иса, – деди.

46– Назарет шеэринден яхшы бир шей чыкъар экенми? – деп сорады Натанель ондан.

– Барып озюнъ бакъ! – деди онъа Филип.

47 # Збр 31.2; Рим 9.6 Иса, Натанельнинъ Онъа якъынлашкъаныны корип:

– Бакъынъыз, мына ич айнеджиликни бильмеген акъикъий исраиллидир! – деди.

48Натанель Исадан:

– Сен мени къайдан билесинъ? – деп сорады.

– Филип сени чагъырмаздан эвель, Мен сени инджир тереги тюбюнде олгъанынъны корьдим, – деп джевап берди Иса. 49#Збр 2.7; Мт 27.11, 42; Юх 11.27О вакъыт Натанель:

– Равви, Сен Алланынъ Огълусынъ, Исраильнинъ Падишасысынъ! – деди.

50Иса онъа джевап берип:

– Мен санъа: «Сени инджир тереги тюбюнде корьдим», – дегеним ичюн инанасынъмы? Сен бундан буюк ишлерни кореджексинъ! – деди.

51 # Баш 28.12; Дан 7.13 Сонъ онъа:

– Сизлерге керчектен догърусыны айтам: коклернинъ ачылгъаныны ве Алла мелеклерининъ Инсан Огълуна тюшкенлерини ве Ондан котерильгенлерини кореджексиз, – деди.

Currently Selected:

Юхан 1: CTB

Highlight

Copy