Юхан 15

Акъикъий юзюм асмасы

1 # Еш 5.1 Мен – акъикъий юзюм асмасы олам, Бабам исе – багъджыдыр. 2#Йрм 2.21; Мт 3.10; 7.19Мендеки мейва бермеген эр бир пытакъны О, кесип ташлай. Мейва берген эр бир пытакъны исе, даа чокъ мейва берсин деп, пытап темизлей. 3#Юх 13.10Меним сизге айткъан сёзюм ичюн сиз энди темизсинъиз. 4#1 Юх 2.6Менде олунъыз, Мен де сизде оладжагъым. Асмада къалмагъан пытакъ озь-озюнден мейва берип оламай; сиз Менде къалмасанъыз, мейва берип оламазсыз.

5 # Мк 4.20; Юх 6.56; Рим 11.17; 1 Юх 3.24 Мен – юзюм асмасы олам, сиз – пытакъларысынъыз. Менде олгъан, Мен де онда олгъан адам чокъ мейва бере. Менсиз исе ич бир шей япып оламайсыз. 6#Мт 13.42Ким Менде олмаса, кесильген пытакъ киби атыладжакъ ве къуруйджакъ. Бойле пытакъларны джыйып, атешке атып якъалар. 7#Юх 14.14Эгер сиз Менде къалсанъыз ве сёзлерим сизде къалса, истегенинъизни соранъыз, сизге бериледжек. 8Сиз чокъ мейва берсенъиз ве Меним шегиртлерим олсанъыз, Бабам шерефленеджек.

9 # Мт 3.17; Юх 5.20 Бабам Мени насыл севген олса, Мен де сизни ойле севдим. Меним севгимде булунынъыз. 10Мен Бабамнынъ эмирлерини тутып, Онынъ севгисинде булунам. Сиз де Меним эмирлеримни тутсанъыз, Меним севгимде булунаджакъсыз.

11 # Юх 3.29; 16.24; 17.13; 1 Юх 1.4; 2 Юх 1.12 Меним къуванчым сизде олсун ве сизинъ къуванчынъыз бутюнлей олсун деп, Мен бу сёзлерни сизге айттым. 12#Юх 13.34Меним эмирим шудыр: Мен сизни насыл севген олсам, сиз де бир-биринъизни ойле севинъиз. 13#Юх 10.11; 1 Юх 3.16; Рим 5.7-8; Эф 5.2Ким озь джаныны достлары ичюн берсе, бундан юксек севги ёкъ. 14#Мк 3.35Эгер сиз буюргъанларымны беджерсенъиз, сиз Меним достларымсыз. 15#Юх 3.32; 8.26Мен сизге энди «къул» демейим. Къул эфендисининъ не япкъаныны бильмей де. Сизге «достларым» дедим, чюнки сизге Бабамдан эшиткен эр шейни бильдирдим.

16 # Мт 7.7-8; Мк 11.24; Юх 14.14; 16.23 Сиз Мени сайлагъанынъыз дегиль, сизни Мен Озюм сайладым, юрмеге ве гъайып олмайджакъ мейва бермеге тайин эттим. Шунынъ ичюн, Меним Адымдан Бабадан не истесенъиз, О, сизге береджек.

Дюньянынъ нефрети

17 # 1 Юх 2.7; 3.11; 2 Юх 1.5 Мен сизге буюрам: бир-биринъизни севинъиз! 18#Мк 13.13; Юх 7.7; 1 Юх 3.13Эгер дюньянынъ сизни кореджек козю олмаса, билинъиз ки, сизден эвель онынъ Мени кореджек козю ёкъ эди. 19#Юх 8.23; 17.14Сиз бу дюньядан олгъан олсанъыз, дюнья сизни озюнъки киби север эди. Амма сиз бу дюньядан олмагъанынъыз, Мен сизни дюньядан сайлап алгъаным ичюн, дюньянынъ сизни кореджек козю ёкъ. 20#Мт 10.24; Лк 6.40; Юх 5.16; 13.16; 1 Кор 4.12; 2 Кор 4.9; 1 Тес 2.15; 2 Тим 3.12«Къул озь эфендисинден устюн дегиль», – деген лафны акъылынъызда тутунъыз. Эгер Мени къувгъан олсалар, сизни де къуваджакълар. Эгер Меним сёзлеримни туткъан олсалар, сизинъкилерини де тутаджакълар.

21Адамлар сизге бунынъ эписини Меним Адым ичюн япаджакълар, чюнки Мени Ёллагъанны бильмейлер. 22#Юх 9.41Эгер Мен келип оларгъа айтмагъан олсам, оларда гуна олмаз эди. Энди исе гунасына сылтав къалмады. 23#Юх 5.23Мени кореджек козю олмагъан адамнынъ Бабамны да кореджек козю ёкъ. 24#Юх 7.31; 10.37Эгер Мен оларнынъ арасында башкъалары асыл япып оламагъан ишлерни япмагъан олсам, оларда гуна олмаз эди. Энди исе ишлеримни корип, Мени де, Бабамны да кореджек козю олмады. 25#Збр 34.19; 68.5Лякин себепсиз Мени кореджек козьлери къалмагъаны акъкъында Къанунында язылгъан сёзлер беджерильмек керек.

26 # Юх 14.17; 16.13; Фаал 5.32; 1 Юх 5.6-8 Бабамдан Мен сизге Къорчалайыджыны ёллайджам. О, Бабамдан чыкъаяткъан Акъикъат Рухудыр. О кельгенде, Меним акъкъымда шаатлыкъ этеджек. 27#Лк 24.48; Юх 19.35; Фаал 1.8Сиз де шаатлыкъ этеджексиз, чюнки сиз башындан Меннен берабер эдинъиз.

Currently Selected:

Юхан 15: CTB

Highlight

Copy