Юхан 3

Иса ве Никодим

1 # Юх 7.50; 19.39 Еудий башлыкъларындан Никодим адлы бир ферисе бар эди. 2Бу адам бир геджеде Исанынъ алдына келип, Онъа:

– Равви! Сен Алладан кельген бир оджа олгъанынъны биз билемиз. Ич кимсе, эгер Алла онен олмаса, Сен косьтерген бельгилерни япалмаз, – деди.

3Иса онъа шойле джевап берди:

– Санъа керчектен догърусыны айтам: эгер ким юкъарыдан догъмаса#3.3 Я да «янъыдан догъмаса»., Алланынъ Падишалыгъыны корип оламаз.

4– Къарт адам насыл янъыдан догъаджакъ? Анасынынъ къурсагъына экинджи кере кирип догъаджакъмы? – деп сорады Никодим. 5#Мк 5.20; 16.16; Фаал 2.38; 1 Кор 15.50Иса джевап берип:

– Санъа керчектен догърусыны айтам: эгер ким сувдан ве Рухтан догъмаса, Алланынъ Падишалыгъына кирип оламаз, – деди. 6– Беденден догъгъан – бедендир, Рухтан догъгъан исе – Рухтыр. 7«Сизлер юкъарыдан догъмакъ керексиз», дегениме шашма. 8Ель#3.8 Ель – къ. юн. «пневма» сёзюнинъ эки манасы бар: «ель» ве «Рух». истеген еринде эсе. Онынъ давушыны эшитсенъ де, къайсы тарафтан келип, къайсы тарафкъа кетеджегини бильмейсинъ. Рухтан догъгъан эр бир адам да бойледир, – деди.

9– Бу шей насыл олмакъ мумкюн? – деп сорады Никодим. 10Иса онъа джевап берип:

– Сен Исраильнинъ оджасы олып, буны бильмейсинъми? 11Санъа керчектен догърусыны айтам: биз бильгенимизни айтамыз, корьгенимиз акъкъында шаатлыкъ этемиз. Лякин сиз бизим шаатлыгъымызны къабул этмейсиз. 12Эгер сиз ердеки шейлер акъкъында айткъаныма инанмасанъыз, коктеки шейлер акъкъында айткъаныма насыл инанаджакъсыз? – деди. 13#Икм 30.4; Юх 6.38; 1 Кор 15.47; Эф 4.9– Ич бир кимсе коктен тюшмеген ве кокке чыкъмагъан, тек Инсан Огълу. 14#Сай 21.9; Юх 8.28; 12.32Муса сахрада йыланны юкъарыгъа насыл котерген олса#3.14 Исраиль халкъы сахрада исьян котергенде, Рабби оларгъа зеэрли йыланларны ёллагъан эди. Муса бакъырдан бир йылан ясап, халкънынъ огюнде оны юкъарыгъа котерди. Бу йылангъа бакъкъанлар эписи тедавийлене эдилер., бойле де юкъарыгъа Инсан Огълуны котереджеклер. 15О вакъыт Онъа инангъан эр бир адам гъайып олмайджакъ, лякин эбедий омюрни аладжакъ. 16#Рим 5.8; Эф 2.4; 1 Юх 3.1; 4.10Алла дюньяны ойле севди ки, Озюнинъ бирден-бир Огълуны берди, Онъа инангъан эр бир адам гъайып олмасын, лякин эбедий омюрни алсын. 17#Юх 8.15; 12.47Алла Огълуны, дюньяны суд этмек ичюн дегиль, Онынъ ярдымынен дюньяны къуртармакъ ичюн, ёллады. 18#Мк 16.16Онъа иман эткен адам суд этильмейджек. Иман этмеген адам исе энди суд этильген эди, чюнки о, Алланынъ бирден-бир Огълунынъ Адына иман этмеген.

19 # Юх 1.4; 7.7; 8.12 Мына бу суд: дюньягъа ярыкъ кельген олса да, адамлар ярыкътан зияде къаранлыкъны севдилер, чюнки оларнынъ япкъан ишлери яманлыкъ эди. 20#Эф 5.13Ким ярамайлыкъ япып юрсе, ярыкътан нефретлене ве, яман ишлери ачыкъ олмасын деп, ярыкъкъа якъынлашмай. 21Акъикъатнен яшагъан эр ким исе, ишлери белли олсун деп, ярыкъкъа якъынлаша, чюнки олар Алланынъ истегине коре япылгъан эдилер.

Иса ве Ягъя

22 # Юх 4.1-2 Бундан сонъ Иса шегиртлеринен берабер Еудие мемлекетине кетти. О ерде оларнен къала ве адамларны сувгъа батырып чыкъара эди. 23Ягъя исе халкъны Салим якъынларында олгъан Айнон деген ерде сувгъа батырып чыкъара эди, чюнки о ерде сув чокъ эди. Адамлар Ягъягъа келе, ве о оларны сувгъа батырып чыкъара эди. 24#Мт 11.2; Мк 6.17-18; Лк 3.19-20О вакъыт Ягъя зиндангъа даа ташланмагъан эди.

25 # Юх 2.6 Бир кунь Ягъянынъ шегиртлери бир еудийнен элялланув адетлери акъкъында давалаша башлады. 26#Юх 1.7; 5.33Олар Ягъянынъ алдына барып:

– Равви! Сеннен берабер Иордан озенининъ башкъа тарафында олгъан, сен шаатлыкъ берген адам шимди халкъны сувгъа батырып чыкъара, эр кес де Онъа бара, – дедилер.

27 # 1 Кор 4.7 Ягъя джевап берип:

– Эгер коктен берильмесе, адам ич бир шей алып оламай. 28#Мал 3.1; Мк 1.2; Юх 1.20«Мен Месих дегилим, тек Онынъ огюнден ёлланылгъаным», – дегениме озюнъиз шаатсыз. 29#Мт 9.15; 25.1-13; Мк 2.19; Сыр 19.7; 21.2Келинни аладжакъ адам – киевдир. Лякин киевнинъ янында тургъан ве оны динълеген досту киевнинъ сесини эшитип пек къувана. Мен де бойле бутюнлей къуванам. 30О менден буюк олмакъ, манъа исе Ондан уфакъ олмакъ керек.

Юкъарыдан кельген

31Юкъарыдан кельген эр кестен устюндир. Ерден пейда олгъан ерге аиттир ве ердеки шейлер акъкъында лаф эте. Коктен кельген исе эр кестен устюндир. 32О, корьгени ве эшиткени акъкъында шаатлыкъ япа, амма ич кимсе Онынъ шаатлыгъыны къабул этмей. 33#Юх 8.26Онынъ шаатлыгъыны къабул эткен адам исе Алланынъ акълыгъыны тасдыкълай. 34Алла ёллагъан адам Алланынъ сёзлерини айта, чюнки Алла Озь Рухуны аджымайып бере. 35#Мт 3.17; 17.5; Юх 5.20Баба Огълуны севе. О, Онынъ къолуна эр шейни берди. 36#Юх 5.24; 6.40; 1 Юх 5.12-13Алланынъ Огълуна иман эткен адам эбедий омюрге саиптир. Огъулнынъ сёзюни тутмагъан адам исе омюрни корьмейджек, лякин Алланынъ гъазабы астында къала.

Currently Selected:

Юхан 3: CTB

Highlight

Copy