Лука 9
9
Иса он эки шегиртини ёллай
1 #
Мт 10.5-15; Мк 6.7-13 #Лк 6.12-16Иса он эки шегиртини янына чагъырып, оларгъа джинлернинъ эписини къувмакъ ве хасталыкъларны тедавийлемек ичюн къудрет ве акимлик берди. 2Оларны Алланынъ Падишалыгъыны илян этмек ве дертлерни тедавийлемек ичюн ёллап:
3– Ёлгъа ич бир шей алманъыз: не ёл таягъы, не торба, не отьмек, не акъча, эки дане урба биле алманъыз, – деди. 4– Къайсы эвге кирсенъиз, о ерден кеткендже, шу эвде къалынъыз. 5#Фаал 13.51Эгер сизни къабул этмеселер, о шеэрден чыкъкъанда, аякъларынъыздаки тозны биле къакъып кетинъиз. Бу, оларгъа къаршы шаатлыкъ олур.
6 #
Мк 1.15
Шегиртлер кеттилер. Олар къасабадан-къасабагъа кечип, эр ерде Къуванчлы Хаберни илян эте ве эр бир ерде хасталарны тедавийлей эдилер.
Ироднынъ анълап оламагъаны
7 #
Мт 14.1-12; Мк 6.14-29 #Лк 3.1; 9.19Виляет укюмдары Ирод бу вакъиалар акъкъында эшитип, шашмалап къалды. Базылары: «Ягъя олюлерден тирильди», 8#3 Пад 17.1; Мал 4.5башкъалары исе: «Ильяс пейда олды», даа башкъалары: «Къадимий пейгъамберлерден бириси тирильди», – дей эдилер. 9#Лк 3.19-20; 23.8Ирод: «Мен Ягъянынъ башыны кестирген эдим де. Амма мен бойле шейлер эшиткен бу адам ким экен?» – деди ве Исаны корьмеге чаре къыдыра башлады.
Иса беш бинъ адамны тойдура
10 #
Мт 14.13-21; Мк 6.30-44; Юх 6.1-14 #Лк 9.2Эльчилер къайтып кельген сонъ, Исагъа япкъан ишлери акъкъында айтып бердилер. Иса оларны янына алып, оларнен бир Озю олып, Бетсайда шеэрине кетти. 11Амма халкъ буны билип, Онынъ артындан кетти. Иса оларны яхшы къаршылап, Алланынъ Падишалыгъы акъкъында оларнен лаф этти ве мухтадж олгъанларны тедавийледи.
12Акъшам олаяткъанда, Исанынъ он эки шегирти Онынъ алдына келип:
– Бу ерде кимсе яшамай экен. Халкъны йибер, этрафтаки къасаба ве койлерге барып, озьлерине ятмагъа ер ве ашамагъа аш тапсынлар, – дедилер.
13 #
4 Пад 4.42-44
– Сизлер оларгъа аш беринъиз! – деди Иса.
– Бизим беш отьмек ве эки балыкътан гъайры ич бир шейимиз ёкъ. Я да барып, о къадар адам ичюн аш сатын алайыкъмы? – деди олар. 14О ерде беш бинъге якъын акъай бар эди. Иса шегиртлерине:
– Халкъны эллишер-эллишер болип, топнен отуртынъыз, – деди.
15Шегиртлери бойле япып, эписини отурттылар. 16Иса беш отьмекнен эки балыкъны алды ве кокке бакъып, шукюр дувасыны окъуды. Сонъ ашны парчалады ве адамларгъа даркъатмакъ ичюн шегиртлерине берди. 17Эр кес ашап тойды. Артып къалгъан парчаларны топлагъанда, он эки буюк сепет толды.
Пётр Исагъа Месих дей
18 #
Мт 16.13-19; Мк 8.27-29 Куньлернинъ биринде Иса ялынъыз Озю къалып дува окъугъанда, Онынъ янына шегиртлери кельди. Иса олардан:
– Халкъ Мени ким деп сая? – деп сорады.
19 #
3 Пад 17.1; Мал 4.5; Лк 9.7 Олар джевап берип:
– Базылары Сени Сувгъа Батырыджы Ягъя, башкъалары – Ильяс деп саялар, даа башкъалары: «Къадимий пейгъамберлерден бириси тирильди», – дейлер, – дедилер.
20 #
Лк 22.67; Юх 11.27 Иса олардан:
– Я сиз Мени ким деп саясыз? – деп сорады. Пётр Онъа:
– Алланынъ Месихи, – деп джевап берди.
Иса Озюнинъ олюми ве тириледжеги акъкъында эвельден айта
21 #
Мт 16.20-28; Мк 8.30–9.1 Иса буларны бир кимсеге айтмагъа ясакъ этти. 22#Лк 17.25; 18.33; 24.7; Юх 2.19О:
– Инсан Огълу чокъ азаплар чекип, акъсакъаллар, баш руханийлер ве Къанун оджалары тарафындан ред этильмек керек. Оны ольдюреджеклер, амма учюнджи куню кельгенде, О, тириледжек, – деди.
23 #
Мт 10.38-39; Лк 14.27 Сонъ эр кеске:
– Эгер ким Меним артымдан кетмеге истесе, озюнден вазгечип, эр кунь озь хачыны котерип, Меним артымдан юрсюн. 24Озь джаныны къуртармагъа истеген адам оны джояджакъ. Ким исе Мен ичюн джаныны берсе, оны къуртараджакъ. 25#Лк 12.20Эгер инсан бутюн дюньянынъ саиби олып, озюни джойса я да озю гъайып олса, бундан насыл файда кореджек? 26#Текр 33.2; Дан 7.13; Зек 14.5; Рим 1.16; 2 Тим 1.8Ким Менден ве Меним сёзлеримден утанса, Инсан Огълу да, Озюнинъ шерефи иле, Бабасынынъ шерефи иле ве мукъаддес мелеклернинъ шерефи иле кельгенде, ондан утаныр. 27#Лк 21.32; Юх 21.22Сизге догърусыны айтам: мында тургъан адамлар арасында, олюм не олгъаныны бильмейип, Алланынъ Падишалыгъыны кореджек сойлары бар.
Исанынъ корюниши денъише
28 #
Мт 17.1-8; Мк 9.2-8 #Мк 14.33; Лк 8.51Иса бу сёзлерни айткъан сонъ, секиз кунь къадар кечти. Янына Пётрны, Юханны ве Якъупны алып, Иса дува окъумакъ ичюн дагъгъа чыкъты. 29#Дан 7.9Дува окъугъан вакъытта, Исанынъ юзю денъишти, урбалары козь къамаштырып бем-беяз олдылар. 30-31#Мал 4.5Бакъса, кок шуретинде келип, эки адам – Муса ве Ильяс – Исанен субетлеше башладылар, Онынъ Ерусалимге барып, бу дюньядан кетеджеги акъкъында айта эдилер.
32Пётр ве онынъ янындакилери терен юкъуда эдилер. Уянгъанда, Исанынъ Шуретини ве Онынъ янында тургъан эки адамны корьдилер. 33Муса ве Ильяс Исанен сагълыкълашкъанда, Пётр Исагъа:
– Саип, бу ерде бизге не яхшы я! Биз учь чалаш къурайыкъ да, бириси Санъа, бириси Мусагъа ве бириси Ильяскъа олсун, – деди. О, не айткъаныны озю де бильмей эди.
34Пётр лафыны даа битирмегенде, бир булут пейда олып, оларны кольгесинен къапатты. Шегиртлер булут тюбюнде къалып, пек къоркътылар. 35#Текр 18.15; Еш 42.1; Лк 23.35; 2 Пётр 1.17Булутнынъ ичинден бир сес чыкъып: «Бу Меним Огълумдыр; Оны Мен сайладым; Оны динъленъиз!» – деди. 36Сес кесильген сонъ, Иса кене бир Озю къалды. Шегиртлер буны гизли туттылар ве корьгенлери акъкъында о куньлери ич кимсеге айтмадылар.
Иса джин ургъан баланы тедавийлей
37 #
Мт 17.14-18; Мк 9.14-27 Эртеси куню олар дагъдан тюшкенде, Исаны пек чокъ адам къаршылады. 38Бирден халкъ ичинден бир адам багъырып:
– Оджам, Санъа ялварам, огълумны бакъса, о меним бирден-бир балам! 39Онъа джин уджюм эте, ве о пек къычыра. Джин оны, дудакъларында копюк чыкъкъандже, сарсыта, оны пек чекиштирип, зорнен къалдыра. 40Мен Сенинъ шегиртлеринъе джинни къувмагъа ялвардым, лякин оларнынъ къолундан кельмеди, – деди.
41Иса бунъа джевап берип:
– Эй, имансыз ве бозукъ адамлар! Мен сизнен даа не къадар оладжам? Сизге не къадар чыдап тураджам? Огълунъны бу ерге кетир! – деди.
42 #
Лк 4.35
Бала Исагъа якъынлашкъанда, джин оны ерге йыкътырып сарсытты. Лякин Иса арам рухкъа баланы къыйнамагъа ясакъ этти, баланы тедавийледи ве бабасына берди.
Иса кене Озь олюми акъкъында айта
43 #
Мт 17.22-23; Мк 9.30-32 Эр кес Алланынъ улулыгъына шаша эди. Эписи адамлар Исанынъ япкъан ишлеринден тааджипленген вакъытта, О, Озь шегиртлерине:
44 #
Лк 9.22; 18.32-33 – Меним сёзлеримни дикъкъатнен динъленъиз: Инсан Огълуны адамларнынъ къолуна тутып береджеклер, – деди. 45#Лк 2.50; 18.34Олар исе бу сёзлерни анъламай эдилер. Оларны анъламасын деп, манасы оларгъа гизли эди. Исадан сорамагъа исе къоркътылар.
Ким буюкче?
46 #
Мт 18.1-5; Мк 9.33-37 Шегиртлер арасында, олардан къайсы бири энъ буюк, деген дава чыкъты. 47Юреклеринде не тюшюнгенлерини бильген Иса бир баланы алып, Озюнинъ янына турсатты да, 48#Мт 10.40; Лк 10.16; Юх 13.20оларгъа:
– Адым огъруна бу баланы къабул эткен Мени де къабул эте. Ким Мени къабул этсе, Мени Ёллагъанны да къабул эте. Аранъызда энъ кучюк сою эписинден буюктир, – деди.
49 #
Мк 9.38-40
#Сай 11.28; Мт 7.22; 12.27; Фаал 19.13Юхан исе Исагъа:
– Саип, биз Сенинъ Адынънен джинлерни къувгъан бир адамны корьдик. О, бизнен берабер юрмегени ичюн, биз онъа бу шейни япмагъа ясакъ эттик, – деди.
50 #
Лк 11.23
– Онъа ясакъ этменъиз! Ким сизге къаршы чыкъмаса, о сизинъ тарафынъызда, – деди Иса.
Коктен кельген атеш акъкъында
51 #
Лк 24.51; Фаал 1.9 Исанынъ кокке котериледжек вакъты якъынлашкъанда, О, Ерусалимге бармакъ къарарына кельди. 52#Мт 10.5Озюнден эвель хаберджилерини ёллады. Олар, Исагъа керек шейлерни азырламакъ ичюн, бир самариели коюне кельдилер. 53Амма анда Исаны къабул этмедилер, чюнки О, Ерусалимге кетеяткъаны корюнип тура эди. 54#4 Пад 1.10; Сыр 13.13Онынъ шегиртлери Якъуп ве Юхан буны корип:
– Рабби, буларны ёкъ этмек ичюн коктен атеш тюшсюн деп, айткъанымызны истейсинъми? – дедилер. 55Иса исе оларгъа айланып, ясакъ этти. 56Сонъ олар башкъа койге кеттилер.
Исанынъ артындан юрмек акъкъында
57 #
Мт 8.19-22
Ёлны девам эткен вакъытта, кимдир Исагъа:
– Къайда барсанъ да, мен Сенинъ артынъдан юрмеге азырым, – деди. 58Иса онъа:
– Тилькилернинъ къобалары бар, коктеки къушларнынъ ювалары бар. Лякин Инсан Огълунынъ башыны ястыкъкъа къойып ятмагъа ери ёкъ, – деп джевап берди.
59Башкъасына исе:
– Артымдан юр! – деди. Лякин о:
– Эфенди, башта барып бабамны дефн этмеге разылыкъ бер, – деди. 60Иса онъа:
– Олюлер озь олюлерини дефн этсинлер. Сен исе барып, Алланынъ Падишалыгъыны илян эт, – деди.
61 #
3 Пад 19.20
Башкъа бир адам Онъа:
– Эфенди, мен Сенинъ артынъдан юреджем. Тек башта барып эвдекилеримнен сагълыкълашмагъа рухсет эт, – деди. 62Иса онъа:
– Къолларыны сабанда тутып ве артына айланып бакъкъан эр бир адам Алланынъ Падишалыгъы ичюн келишикли дегиль, – деп джевап берди.
Currently Selected:
Лука 9: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
