San Juan 21

Repaʉ neenare sieterepanare Jesús peosichejapi rani ñosi'ere kʉamʉ

1Jã'aja'ñe cho'osirʉmʉ chʉkʉna Jesús neena na'a pa'ijʉ Tiberias chiara rʉ'tʉva'te pa'ijʉna Jesús jo'e peosichejapi ñosi'kʉa'mʉ chʉkʉna'te aperʉmʉ cho'osi'eja'che. Ija'che cho'osi'kʉa'mʉ repaʉ: 2Repacheja Simón Pedro'mʉ, “Gemelo” chiikʉ Tomaa'mʉ, Galilea cheja cajoopo Caná vʉ'ejoopo cakʉ Natanaela'mʉ, chʉkʉna Zebedeo chĩi te'eka'chapana a'chʉna'me pa'isi'kʉa'mʉ chʉ'ʉ. Ũcuachi'a chekʉna te'eka'chapana chʉkʉna'te ja'me pa'isinaa'me Jesús neena. 3Ũcuarʉmʉ Simón Pedro chʉkʉna'te i'kasi'kʉa'mʉ.

—Va'i saimʉ chʉ'ʉ —chiisi'kʉa'mʉ.

Chiiʉna chʉkʉna,

—Ja'me sañu —chiisinaa'me.

Chini choovʉ caje tuni ja'me va'i saisinaa'me chʉkʉna. Sani si'añami chonata'ni te'eva'ʉrejẽ'e va'ire chomanesinaa'me chʉkʉna. 4Ñatapi'ratona repaʉ Jesús chiara rʉ'tʉva'te peosichejapi rani nʉkasi'kʉa'mʉ. Jã'ata'ni chʉkʉna repaʉ neena repaʉ'te ñavesʉsinaa'me. 5Ũcuarʉmʉ Jesús chʉkʉna'te i'kasi'kʉa'mʉ.

—Põsʉpãi, ¿va'i chomanere? —chiisi'kʉa'mʉ.

Chikʉna chʉkʉna i'kasinaa'me.

—Pãasinaa'me chʉkʉna —chiisinaa'me.

6Chitena i'kasi'kʉa'mʉ repaʉ.

—Va'i chorʉ choovʉ ʉjajʉ̃tʉ cakã'kona su'a rʉoru va'i kakajanaa'me —chiisi'kʉa'mʉ repaʉ.

Chikʉna repaʉ chʉ̃'ʉñe cho'ojʉ jairepanʉkore va'ire chorena va'i chorʉ miicu'asi'kʉa'mʉ chʉkʉna'te. 7Ũcuarʉmʉ chʉ'ʉ Jesús rʉa chiicojñokʉji i'kasi'kʉa'mʉ Pedro'te.

—Maire Paakʉ'mʉ jã'ʉ —chiisi'kʉa'mʉ chʉ'ʉ.

Jã'aja'ñe i'kaʉna asa Simón Pedro Jesuni ñara chini sẽ'sevʉ ju'ikãa repaʉ tĩtosikãa mini sacha chiarana sʉ'a tuãni runi chu'asi'kʉa'mʉ. 8Chʉkʉnata'ni repaʉ neena canʉka choovʉji va'i chorʉji va'ipi timusõrena chiachaji vavo rajʉ pa'isinaa'me. Chʉkʉna raisicheja cien metros pa'isi'kʉa'mʉ chiara joopo. 9Rani rʉ'tʉvana jʉo mani toa ñasinaa'me chʉkʉna. Ũcuatoare chiacha va'ina'me pã pa'isi'kʉa'mʉ. 10Ũcuarʉmʉ Jesús chʉkʉna'te i'kasi'kʉa'mʉ.

—Va'i mʉsanʉkona chosiva'nare te'eva'nare rajʉ̃'ʉ —chiisi'kʉa'mʉ.

11Chikʉna jo'e Simón Pedro choovʉna caje tuni va'i chorʉ ciento cincuenta y trerepana va'i ʉjanachi'a timusi'rʉre jñajñu ma ũhasi'kʉa'mʉ. Va'i jainʉko pa'irʉta'ni che'remanesi'kʉa'mʉ reparʉ. 12Jã'aja'ñe cho'o pi'niʉna Jesús i'kasi'kʉa'mʉ chʉkʉna'te.

—Rani ãijʉ̃'ʉ ãu —chiisi'kʉa'mʉ.

Chʉkʉna repaʉ neena te'eʉjẽ'e, “¿Jeeja'iʉ'ʉ mʉ'ʉ?”, chiimanesinaa'me, repaʉni ña masijʉ. “Chʉkʉna'te Paakʉ'mʉ ikʉ”, chini cuasasinaa'me. 13Ũcuarʉmʉ Jesús chʉkʉna'te pãna'me va'i mini ãusi'kʉa'mʉ.

14Repaʉ Jesús vajʉrani pa'iʉ chʉkʉna'te repaʉ neenare peosichejapi rani ñosi'e chura choteñoãa'me.

Simón Pedrona'me Jesús cutusi'ere kʉamʉ

15Ãu ãni pi'nisirʉmʉ Jesús Simón Pedro'te sẽesi'kʉa'mʉ.

—Simón, Juan mamakʉ, ina chiime chʉ'ʉre. Jã'ata'ni, ¿mʉ'ʉ chʉ'ʉre na'a rʉa chiima'kʉ? —chiisi'kʉa'mʉ.

Chiiʉna Pedro i'kasi'kʉa'mʉ.

—Jʉ̃jʉ, Chʉ'ʉre Paakʉ, mʉ'ʉre rʉa chiimʉ chʉ'ʉ. Masimʉ mʉ'ʉ jã'a —chiisi'kʉa'mʉ repaʉ.

Chikʉna Jesús i'kasi'kʉa'mʉ.

—Jã'aja'ñe pa'ito ovejachĩiva'nare kuiracheja'che kuirakaijʉ̃'ʉ mʉ'ʉ chʉ'ʉ neenare —chiisi'kʉa'mʉ repaʉ.

16Chini repaʉ'te jo'e sẽesi'kʉa'mʉ repaʉ.

—Simón, Juan mamakʉ, ¿chʉ'ʉre chiikʉ mʉ'ʉ? —chiisi'kʉa'mʉ.

Chiiʉna i'kasi'kʉa'mʉ repaʉ.

—Jʉ̃jʉ, Chʉ'ʉre Paakʉ, mʉ'ʉre chiimʉ chʉ'ʉ. Masimʉ mʉ'ʉ jã'a —chiisi'kʉa'mʉ repaʉ.

Chiiʉna Jesús i'kasi'kʉa'mʉ.

—Ovejava'nare kuiracheja'che kuirakaijʉ̃'ʉ chʉ'ʉ neenare —chiisi'kʉa'mʉ.

17Jo'e ũcuate'ere sẽesi'kʉa'mʉ Jesús repaʉ'te.

—Simón, Juan mamakʉ, ¿chʉ'ʉre chiikʉ mʉ'ʉ? —chiisi'kʉa'mʉ.

Jesupi ũcuate'ere choteñoã, “¿Chʉ'ʉre chiikʉ mʉ'ʉ?”, chiiʉna Simón Pedro sʉmaʉna i'kasi'kʉa'mʉ.

—Chʉ'ʉre Paakʉ, peore masikʉ'mʉ mʉ'ʉ. Chʉ'ʉ mʉ'ʉre chiiche masimʉ mʉ'ʉ —chiisi'kʉa'mʉ.

Chikʉna i'kasi'kʉa'mʉ repaʉ.

—Jã'aja'ñe pa'ito mʉ'ʉpi ovejava'nare kuiracheja'che kuirakaijʉ̃'ʉ chʉ'ʉ neenare. 18Ija'chere i'kamʉ chʉ'ʉ mʉ'ʉre: Mʉ'ʉ aperʉmʉ põsʉʉ pa'irʉmʉ kãña sa'che mʉ'ʉre ʉachejña ku'isi'kʉa'mʉ mʉ'ʉ. Jã'ata'ni na'a pa'isirʉmʉ mʉ'ʉ aiva'ʉ pa'itona chekʉpi mʉ'ʉ jʉ̃jña saʉʉna vẽe mʉ'ʉre saiʉamachejñana saja'mʉ mʉ'ʉre. Ũcuarepaa'me jã'a —chiisi'kʉa'mʉ repaʉ.

19Jã'aja'ñe i'kacheji Jesús Simón Pedro Dios chʉ'ore chʉ'vakʉ chuenisõʉna pãi Diore cuasajachere kʉasi'kʉa'mʉ, ũcuaʉji asa masia'kʉ chini. Jã'aja'ñe chiimʉ Dios.

Ũcuarʉmʉ Jesús Simón Pedro'te jo'e i'kasi'kʉa'mʉ.

—¡Chʉ'ʉ chʉ̃'ʉñe'te cho'okʉ pa'ijʉ̃'ʉ! —chiisi'kʉa'mʉ.

Jesús repaʉ neekʉ rʉa chiicojñokʉ pa'iche'te kʉamʉ

20Ũcuarʉmʉ chʉ'ʉ, Jesús neekʉ repaʉ rʉa chiicojñokʉji repanani cho'jepi tuhakʉna Pedro chʉri ñasi'kʉa'mʉ chʉ'ʉre, aperʉmʉ pascua ãu ãirʉmʉ Jesuni kueñe ñu'iʉ repaʉ'te jo'kajaʉni, sẽesi'kʉni. 21Ũcuarʉmʉ Pedro chʉ'ʉni ña Jesure sẽesi'kʉa'mʉ.

—Chʉkʉna'te Paakʉ, ikʉrejẽ'e, ¿je'se ti'jñeja'ʉ? —chiisi'kʉa'mʉ.

22Chikʉna Jesús i'kasi'kʉa'mʉ.

—Chʉ'ʉ cheja jo'e cajerʉmʉjatʉ'ka jũnisõma'ñe pa'iche'te chʉ̃'ʉ jo'kaʉato jo'kare'omʉ chʉ'ʉre ikʉre. Mʉ'ʉta'ni ikʉ pa'ijache cuasama'ñe chʉ'ʉ chʉ̃'ʉñe'te cho'okʉ pa'ijʉ̃'ʉ —chiisi'kʉa'mʉ repaʉ.

23Jesupi jã'aja'ñe i'kaʉna asa chekʉna repaʉ neena asavesʉjʉ sãiñechi'a ija'che cutuasome: “Repaʉ Juan jũnisõma'ñe ai pa'ijaʉasomʉ”, chiniasome. Jã'ata'ni repaʉ Jesús, “Jũnisõma'ñe ai pa'ija'mʉ ikʉ”, chiimanesi'kʉa'mʉ chʉ'ʉre Juanre. Rupʉ, “Chʉ'ʉ cheja jo'e cajerʉmʉjatʉ'ka jũnisõma'ñe pa'iche'te ikʉre chʉ'ʉni jo'kaʉato jo'kare'omʉ”, chiisi'kʉa'mʉ Jesús chʉ'ʉre Juanre.

24Chʉ'ʉ Jesús neekʉ pa'iche'te i'kasinaa'me repana. Chʉ'ʉ ũcuaʉji ie chʉ'o reparʉmʉ cho'osi'ere iphʉrona tochamʉ. Chʉ'ʉ kʉache chʉ'o ũcuarepaa'me. Masime mai jã'a. 25Chekʉmajñarʉã Jesús rʉa si'ache cho'osi'kʉa'mʉ. Iphʉro tochama'mʉ chʉ'ʉ repa. Repaʉ cho'osi'ere peore tocharu chekʉrʉmʉ repaʉ cho'osi'e kʉaphʉroã timusõra'acosomʉ cheja. Jã'aja'ñe cuasamʉ chʉ'ʉ. Ũcuamakarʉ tochamʉ chʉ'ʉ Juan.

Currently Selected:

San Juan 21: coe

Highlight

Copy