JOHANA 10
10
Mestowot ne myee
1Amwaiwok, iman, iman, ale, Choriin ak ko rebin ineendet ne ma punei kurgeetap piutap keechiirek, ne laanyei oldo age. 2Ago mestowotap keechiirek ineendet ne punei kurgeet. 3Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek. 4Ak ye kagomaanda ineendet chechiget tugul koba saang', kondoe, ak koosup keechiirek ineendet: amu ingen kutinnyi. 5Ak ma chamei koosup toondet, ago mwee: amu ma naei kutusweegap toek. 6Komwachi Jeso icheek kalewenoni: ago ma iguiyo icheek kole nee tuguuchooto ki kamwachi.
Ormariichetap keechiirek
7Koleenji anyun Jeso icheek kogeny, Amwaiwok, iman, iman, ale, Aa kurgeetap keechiirek. 8Choriik ak ko rebiik tugul che ki indounena: ago ma kas keechiirek icheek. 9Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage. 10Nyoonei choriindet si kochoor, ak kobar, ak kong'em kityo: ki anyoo si kobiit konyoor saboondo, ak kotepto saboonooto inne.
11Aa mestowot ne myee: igoitoi mestowot ne myee saboondanyi agobo keechiirek. 12Ago ineendet ne otwogin, ne ma mestowot, ne ma chiitap ko po keechiirek, kogeerei konyonei suiyot, ak kobagaakta keechiirek, ak komwei, ak konam anyun suiyot icheek, ak koiyesta. 13Mweei ineendet ne otwogin amu otwogin koma mage kiy keechiirek. 14Aa mestowot ne myee. Angen chechuuk ak kongeno chechuuk, 15#Mat 11.27; Luk 10.22 ko uu ye ingeno Kwanda, ak angen Kwanda; ak agoitoi saboondanyu agobo keechiirek. 16Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.
17Chama anyun Kwanda amu nooto, amu agoitoi saboondanyu, si kobiit anam kogeny. 18Marebena chii, ago agoitoi aneege. Atinye kimnateet agoito, ak atinye kimnateet anam kogeny. Ki ataach ng'atuutyoni eng' Abba.
19Ki piit toiyet kogeny eng' Yahudik agobo ng'aleechuuto. 20Ak ki le che chaang' eng' icheek, Tinyei oindet, ak koamei iywek; kalya si ogas ineendet? 21Kole alage, Ma po ng'aleechu chii ne tinyei oindet. Tos imuuchi oindet koyaat konyegap chiito ne koraat?
Jeso eng' igoortap katabaanet
22Ak kimi igoortap katabaanet eng' Jerusalem: ak kibetusyegap kaititindo; 23ak kiwendot Jeso eng' Hekaluut eng' keterut ne po Solomon. 24Ki pwa anyun Yahudik koyiem ineendet, koleenji, “Igoonech kigenisye eng' saget kot kotyanit? Ngo ii Kristo, imwaiwech komyee.” 25Kowolji Jeso koleenji, “Ki amwaiwok, amoyani, poisyosyek che ayae eng' kainetap Abba ko chooto che paoryanjino. 26Ago moyani, amu mo po keechiirekyuk. 27Kasei kutinnyu keechiirekyuk, ak angen icheek, ak kosuba. 28Agoochini icheek saboondap koigeny; ak ma koi lusyo, ama rebena chii icheek eng' eunnyu. 29Oo Abba, ne ki koono icheek, kosiir tugul; ama mi chii ne imuuchi korep icheek eng' eutap Abba. 30Anee ak Kwanda, ko ki agenge.”
31Ki nam anyun Yahudik koik kogeny koleen kolach ineendet. 32Kowolji Jeso koleenji, “Koaboorwok poisyosyek che chaang' che myach che punu Kwanda; olacha agobo poisyo nee eng' chooto?” 33#A.La 24.16 Kowolji `Yahudik ineendet koleenji, “Ma kilachin amu poisyet ne myee, ago amu chotisyet; ak amu inyee ne ii chii, iyaegei iegu Kamuktaindet.” 34#T.Kal 82.6 Kowolji `Jeso pichooto, koleenji, “Tos ma siraat eng' Ng'atuutyeng'wong' keele, ‘Ki amwa ale, oo kamuktaik?’ 35Ngo kigoguure ineendet icheek ‘kamuktaik’, icheeget che ki nyoonji ng'olyootap Kamuktaindet (ama imugaksei kebut siruutyet), 36tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’ 37Ngot koma yai poisyosyegap Kwandanyu, ko matoyana. 38Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.” 39Ki cheeng' anyun kogeny konam ineendet: ago kibetito eng' eunekwak.
40 # Jhn 1.28 Ak ki wo kogeny Jordan komosin ole ki ibatisanisye Johana eng' tai; ak ki tebi eng' olooto. 41Ak ki pwanji `che chaang' ineendet; ak kole, “Ki ma yai Johana kaboorunet; ago tuguuk alak tugul che ki mwa Johana agobo chiichi ko po iman.” 42Ak ki iyan ineendet che chaang' eng' olooto.
Currently Selected:
JOHANA 10: KALDC
Highlight
Share
Copy
Want to have your highlights saved across all your devices? Sign up or sign in
Kalenjin Revised Bible Catholic Edition © Bible Society of Kenya, 2015.
JOHANA 10
10
Mestowot ne myee
1Amwaiwok, iman, iman, ale, Choriin ak ko rebin ineendet ne ma punei kurgeetap piutap keechiirek, ne laanyei oldo age. 2Ago mestowotap keechiirek ineendet ne punei kurgeet. 3Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek. 4Ak ye kagomaanda ineendet chechiget tugul koba saang', kondoe, ak koosup keechiirek ineendet: amu ingen kutinnyi. 5Ak ma chamei koosup toondet, ago mwee: amu ma naei kutusweegap toek. 6Komwachi Jeso icheek kalewenoni: ago ma iguiyo icheek kole nee tuguuchooto ki kamwachi.
Ormariichetap keechiirek
7Koleenji anyun Jeso icheek kogeny, Amwaiwok, iman, iman, ale, Aa kurgeetap keechiirek. 8Choriik ak ko rebiik tugul che ki indounena: ago ma kas keechiirek icheek. 9Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage. 10Nyoonei choriindet si kochoor, ak kobar, ak kong'em kityo: ki anyoo si kobiit konyoor saboondo, ak kotepto saboonooto inne.
11Aa mestowot ne myee: igoitoi mestowot ne myee saboondanyi agobo keechiirek. 12Ago ineendet ne otwogin, ne ma mestowot, ne ma chiitap ko po keechiirek, kogeerei konyonei suiyot, ak kobagaakta keechiirek, ak komwei, ak konam anyun suiyot icheek, ak koiyesta. 13Mweei ineendet ne otwogin amu otwogin koma mage kiy keechiirek. 14Aa mestowot ne myee. Angen chechuuk ak kongeno chechuuk, 15#Mat 11.27; Luk 10.22 ko uu ye ingeno Kwanda, ak angen Kwanda; ak agoitoi saboondanyu agobo keechiirek. 16Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.
17Chama anyun Kwanda amu nooto, amu agoitoi saboondanyu, si kobiit anam kogeny. 18Marebena chii, ago agoitoi aneege. Atinye kimnateet agoito, ak atinye kimnateet anam kogeny. Ki ataach ng'atuutyoni eng' Abba.
19Ki piit toiyet kogeny eng' Yahudik agobo ng'aleechuuto. 20Ak ki le che chaang' eng' icheek, Tinyei oindet, ak koamei iywek; kalya si ogas ineendet? 21Kole alage, Ma po ng'aleechu chii ne tinyei oindet. Tos imuuchi oindet koyaat konyegap chiito ne koraat?
Jeso eng' igoortap katabaanet
22Ak kimi igoortap katabaanet eng' Jerusalem: ak kibetusyegap kaititindo; 23ak kiwendot Jeso eng' Hekaluut eng' keterut ne po Solomon. 24Ki pwa anyun Yahudik koyiem ineendet, koleenji, “Igoonech kigenisye eng' saget kot kotyanit? Ngo ii Kristo, imwaiwech komyee.” 25Kowolji Jeso koleenji, “Ki amwaiwok, amoyani, poisyosyek che ayae eng' kainetap Abba ko chooto che paoryanjino. 26Ago moyani, amu mo po keechiirekyuk. 27Kasei kutinnyu keechiirekyuk, ak angen icheek, ak kosuba. 28Agoochini icheek saboondap koigeny; ak ma koi lusyo, ama rebena chii icheek eng' eunnyu. 29Oo Abba, ne ki koono icheek, kosiir tugul; ama mi chii ne imuuchi korep icheek eng' eutap Abba. 30Anee ak Kwanda, ko ki agenge.”
31Ki nam anyun Yahudik koik kogeny koleen kolach ineendet. 32Kowolji Jeso koleenji, “Koaboorwok poisyosyek che chaang' che myach che punu Kwanda; olacha agobo poisyo nee eng' chooto?” 33#A.La 24.16 Kowolji `Yahudik ineendet koleenji, “Ma kilachin amu poisyet ne myee, ago amu chotisyet; ak amu inyee ne ii chii, iyaegei iegu Kamuktaindet.” 34#T.Kal 82.6 Kowolji `Jeso pichooto, koleenji, “Tos ma siraat eng' Ng'atuutyeng'wong' keele, ‘Ki amwa ale, oo kamuktaik?’ 35Ngo kigoguure ineendet icheek ‘kamuktaik’, icheeget che ki nyoonji ng'olyootap Kamuktaindet (ama imugaksei kebut siruutyet), 36tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’ 37Ngot koma yai poisyosyegap Kwandanyu, ko matoyana. 38Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.” 39Ki cheeng' anyun kogeny konam ineendet: ago kibetito eng' eunekwak.
40 # Jhn 1.28 Ak ki wo kogeny Jordan komosin ole ki ibatisanisye Johana eng' tai; ak ki tebi eng' olooto. 41Ak ki pwanji `che chaang' ineendet; ak kole, “Ki ma yai Johana kaboorunet; ago tuguuk alak tugul che ki mwa Johana agobo chiichi ko po iman.” 42Ak ki iyan ineendet che chaang' eng' olooto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalenjin Revised Bible Catholic Edition © Bible Society of Kenya, 2015.