JOHANA 11
11
Meetap Lazaro
1 # Luk 10.38-39 Ak kimyan chiito age ne kiguure Lazaro, ne po Bethania, ne po nganaseetap Maria ak chepkamet Marta. 2#Jhn 12.3 Ak ki Maria niito ne ki iil Kiptaiyat eng' mwaita, ak kouuse keelyekyik suumeekyik, ne ki tinyei ng'eetap kamet, Lazaro, ne kimyan. 3Ki iyookyi chepkametwogichooto ineendet ng'olyoot, koleenji, “Kiptaiyat, keero, myani ineendet ne ichame.”
4Ago ye kingo kas Jeso nooto kole, “Ma po meet myanooto, ago po toroornatetap Kamuktaindet, ak kilasune Weeriitap Kamuktaindet nooto.”
5Ak ki chamei Jeso Marta, ak chepkamet, ak Lazaro. 6Kingo kas anyun kole myani, kota kotebi peetuusyek aeng' eng' ole ki mi. 7Kingo pata niito anyun, koleenji kasubik, Ongebe Judea kogeny. 8Koleenji kasubik, “Rabbi, kocheeng'ei Yahudik kolachin eng' koik; ak iwendi oliindo kogeny?” 9Kowol Jeso kole, “Tos ma mi saisyek tamanu ak aeng' eng' peetuut? Ngo wendot chii peet, koma kinachi, amu keerei lapkeiyetap ng'wonyuni. 10Ago ngo wendot chii kemoi, kinachi, amu ma mi lapkeiyet eng' ineendet.” 11Komwa tuguuchu: ak ye ibata koleenji icheek, Inuuchi chorwennyu Lazaro; ago awendi, si ang'eet ineendet eng' rwondo. 12Koleenji anyun kasubik ineendet, Kiptaiyat, ngot konuuchi, ko kaagaa ta kosabei. 13Ago kimwaei Jeso agobo meennyi: ak kileen icheek abeere mwaei agobo rwondo ne kiga konuuch. 14Ki mwachi anyun Jeso icheek komyee, koleenji, “Kogome Lazaro. 15Ago abaibai agobo okweek amu ki ma ami oliindo, si kobiit oyan; ago ongebe ole mi ineendet.” 16Koleenji anyun Thomas, ne kiguure Didumo, kasubik chuun alak, “Ongebe ak acheek, si kobiit kebegu ak ineendet.”
Kogaigai `Jeso Martha ak Maria
17Ye kingo it Jeso anyun, konyoor kole kiga kotebee kererit peetuusyek ang'wan. 18Ki neegitee Bethania Jerusalem, ki po olo po maelisyek aeng'; 19ak kigabwonji che chaang' che po Yahudik Marta ak Maria si kogaigai icheek agobo ng'eetap kamet.
20Kingo kas anyun Marta kole, nyoonei Jeso, kwo kotorookta ineendet; ago kita kotebi Maria eng' ko. 21Koleenji Marta anyun Jeso, Kiptaiyat, nda ki imi yu, ta ki ma komeei weeriit ne kitupche. 22Ago angen agot nguno ale, kiit age tugul ne isoome Kamuktaindet, kogoonin Kamuktaindet. 23Koleenji `Jeso ineendet, Ta kong'eetei ng'eetap kamenng'ung'. 24Koleenji Marta ineendet, Angen ale ng'eetei eng' ng'eetyeet ne po peetuutap let. 25Koleenji Jeso, Aa ng'eetyeet, ak saboondo: ineendet ne iyana, agot ngo me, kota kosabei: 26ak chii age tugul ne sabei ak koyanan koma meei matiny. Tos iyani inyee niito? 27Koleenji, “Wee Kiptaiyat; kaayan ale ii Kristo, Weeriitap Kamuktaindet, ne nyoonei ng'wony.”
Koriirei Jeso
28Ak ye kingo kagomwa niito chebooto, kwo, ak koguur Maria, chepkamet, eng' ung'oot, kole, “Miitei yu Kaneetindet; kuurin.” 29Ak ye kingo kas nooto, kong'eet kochaakta kwo ole mi ineendet. 30(Ago ki tomo koit Jeso nganasanooto, ago kita komi ole kiga tuiyechi ak Marta.) 31Ki isup anyun Yahudik chebooto, icheeget che ki mi kobooto ineendet eng' ko kogoigoi, ye kingo keer kong'eet Maria, ak kochaakta komanda saang', koleen wendi kererit koriirei eng' olooto.
32Ye kingo it anyun Maria ole mi Jeso, ak kogeer ineendet, kobutyi keelyekyik, ak koleenji, “Kiptaiyat, nda ki imi yu, ta ki ma komeei weeriit ne kitupche.” 33Ye kingo keer Jeso anyun ineendet koriirei, ak koriirtos ak icheek Yahudik che kigabwa kobooto ineendet, kogas king'wan eng' muguleldo, koaragen, 34ak kole, “Ki onde ano?” Koleenji, “Nyoo, Kiptaiyat, keer.” 35Koriir Jeso. 36Kole anyun Yahudik, “Ogeer anyuno ole ki chamdoi ineendet!” 37Ago ki le alak eng' icheek, “Kiga temenee chiichi, ne kiyatei konyegap chiito ne ki koraat, koger si ma me agine chiichi?”
Kong'eeti `Jeso Lazaro
38Kogas anyun Jeso king'wan kogeny eng' oriitinnyi konyonei kererit. Ki kebeneet, ak kigegere koita kurgeet. 39Kole Jeso, “Oiste koita.” Koleenji Marta, chepkametap ineendet ne kime, “Kiptaiyat, kogobul amu kobooch ngo me ko peetuusyek ang'wan.” 40Koleenji `Jeso ineendet, “Kama amwaun ale, ngiyani, igeere toroornatetap Kamuktaindet?” 41Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa. 42Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.” 43Ak ye kingo kagomwa ko uu nooto, komwa eng' kutit ne oo, kole, “Lazaro, mong'u.” 44Komong' anyun ineendet ne kiga me, ko ratotiin eunek ak keelyek eng' ngoroik che po kererit; ak kiga kirate togeennyi angeet. Koleenji Jeso pichooto, “Otyach, ak ounde kwo.”
Teteet kebar Jeso
(Mat 26:1-5; Mar 14:1-2; Luk 22:1-2)
45Ki iyan anyun ineendet che chaang' che po Yahudik che kigabwa ole mi Maria, ak kogeer tuguuk che kayai Jeso. 46Ago ki pa alak ole mi Pharisaik, ak komwachi icheek tuguuk che kagoyai Jeso. 47Ki kuur anyun `tisiik che eecheen ak Pharisaik tuiyetap kirwoogik, ak kole, Ki yai nee? Amu yaei chiichi kaboorunoik che chaang'. 48Ngot kebagaakte ineendet ko uu ni, koyani `ineendet piik tugul: asi kobwa Romanik korebenech emennyo ak pororyennyo. 49Ak ki leenji age eng' icheek, ne ineendet ko Caiaphas ne ki tisiindet ne oo kenyinooto, “Mongen okweek kiy age tugul, 50mongen ole myeeitu eng' okweek ngo mechi piik chiito agenge, si ma pet pororyet komugul.” 51Ki ma komwaei ineegei nooto, ago ki maoten amu ki tisiindet ne oo kenyinooto kole, ki neegit komechi Jeso pororyet; 52ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.
53Kobooch peetuunooto anyun ak kwo tai, korwoogot agobo ole partoi ineendet. 54Mata kowendot Jeso anyun eng' ole taagu eng' ole mi Yahudik, ago ki wo eng' olooto kwo emet ne neegitee surkwen, agoi nganaseet ne kiguure Ephraim; ak ki tebi eng' olooto kobooto kasubik. 55Kiga koriik paska ne po Yahudik: ak ki pa che chaang' eng' emet kotogosta Jerusalem kotom koit paska, koba koanyinygei. 56Ki cheeng' anyun Jeso, ak koleenjigei, kotonondos eng' Hekaluut, Obwaati nee okweek? Tos oleen ma nyoonei ineendet igoorto? 57Kiga ng'at tisiik che eecheen ak Pharisaik, kole, ngo nai chii age tugul ole miitei, koboor, si kobiit konam icheek ineendet.
Currently Selected:
JOHANA 11: KALDC
Highlight
Share
Copy
Want to have your highlights saved across all your devices? Sign up or sign in
Kalenjin Revised Bible Catholic Edition © Bible Society of Kenya, 2015.
JOHANA 11
11
Meetap Lazaro
1 # Luk 10.38-39 Ak kimyan chiito age ne kiguure Lazaro, ne po Bethania, ne po nganaseetap Maria ak chepkamet Marta. 2#Jhn 12.3 Ak ki Maria niito ne ki iil Kiptaiyat eng' mwaita, ak kouuse keelyekyik suumeekyik, ne ki tinyei ng'eetap kamet, Lazaro, ne kimyan. 3Ki iyookyi chepkametwogichooto ineendet ng'olyoot, koleenji, “Kiptaiyat, keero, myani ineendet ne ichame.”
4Ago ye kingo kas Jeso nooto kole, “Ma po meet myanooto, ago po toroornatetap Kamuktaindet, ak kilasune Weeriitap Kamuktaindet nooto.”
5Ak ki chamei Jeso Marta, ak chepkamet, ak Lazaro. 6Kingo kas anyun kole myani, kota kotebi peetuusyek aeng' eng' ole ki mi. 7Kingo pata niito anyun, koleenji kasubik, Ongebe Judea kogeny. 8Koleenji kasubik, “Rabbi, kocheeng'ei Yahudik kolachin eng' koik; ak iwendi oliindo kogeny?” 9Kowol Jeso kole, “Tos ma mi saisyek tamanu ak aeng' eng' peetuut? Ngo wendot chii peet, koma kinachi, amu keerei lapkeiyetap ng'wonyuni. 10Ago ngo wendot chii kemoi, kinachi, amu ma mi lapkeiyet eng' ineendet.” 11Komwa tuguuchu: ak ye ibata koleenji icheek, Inuuchi chorwennyu Lazaro; ago awendi, si ang'eet ineendet eng' rwondo. 12Koleenji anyun kasubik ineendet, Kiptaiyat, ngot konuuchi, ko kaagaa ta kosabei. 13Ago kimwaei Jeso agobo meennyi: ak kileen icheek abeere mwaei agobo rwondo ne kiga konuuch. 14Ki mwachi anyun Jeso icheek komyee, koleenji, “Kogome Lazaro. 15Ago abaibai agobo okweek amu ki ma ami oliindo, si kobiit oyan; ago ongebe ole mi ineendet.” 16Koleenji anyun Thomas, ne kiguure Didumo, kasubik chuun alak, “Ongebe ak acheek, si kobiit kebegu ak ineendet.”
Kogaigai `Jeso Martha ak Maria
17Ye kingo it Jeso anyun, konyoor kole kiga kotebee kererit peetuusyek ang'wan. 18Ki neegitee Bethania Jerusalem, ki po olo po maelisyek aeng'; 19ak kigabwonji che chaang' che po Yahudik Marta ak Maria si kogaigai icheek agobo ng'eetap kamet.
20Kingo kas anyun Marta kole, nyoonei Jeso, kwo kotorookta ineendet; ago kita kotebi Maria eng' ko. 21Koleenji Marta anyun Jeso, Kiptaiyat, nda ki imi yu, ta ki ma komeei weeriit ne kitupche. 22Ago angen agot nguno ale, kiit age tugul ne isoome Kamuktaindet, kogoonin Kamuktaindet. 23Koleenji `Jeso ineendet, Ta kong'eetei ng'eetap kamenng'ung'. 24Koleenji Marta ineendet, Angen ale ng'eetei eng' ng'eetyeet ne po peetuutap let. 25Koleenji Jeso, Aa ng'eetyeet, ak saboondo: ineendet ne iyana, agot ngo me, kota kosabei: 26ak chii age tugul ne sabei ak koyanan koma meei matiny. Tos iyani inyee niito? 27Koleenji, “Wee Kiptaiyat; kaayan ale ii Kristo, Weeriitap Kamuktaindet, ne nyoonei ng'wony.”
Koriirei Jeso
28Ak ye kingo kagomwa niito chebooto, kwo, ak koguur Maria, chepkamet, eng' ung'oot, kole, “Miitei yu Kaneetindet; kuurin.” 29Ak ye kingo kas nooto, kong'eet kochaakta kwo ole mi ineendet. 30(Ago ki tomo koit Jeso nganasanooto, ago kita komi ole kiga tuiyechi ak Marta.) 31Ki isup anyun Yahudik chebooto, icheeget che ki mi kobooto ineendet eng' ko kogoigoi, ye kingo keer kong'eet Maria, ak kochaakta komanda saang', koleen wendi kererit koriirei eng' olooto.
32Ye kingo it anyun Maria ole mi Jeso, ak kogeer ineendet, kobutyi keelyekyik, ak koleenji, “Kiptaiyat, nda ki imi yu, ta ki ma komeei weeriit ne kitupche.” 33Ye kingo keer Jeso anyun ineendet koriirei, ak koriirtos ak icheek Yahudik che kigabwa kobooto ineendet, kogas king'wan eng' muguleldo, koaragen, 34ak kole, “Ki onde ano?” Koleenji, “Nyoo, Kiptaiyat, keer.” 35Koriir Jeso. 36Kole anyun Yahudik, “Ogeer anyuno ole ki chamdoi ineendet!” 37Ago ki le alak eng' icheek, “Kiga temenee chiichi, ne kiyatei konyegap chiito ne ki koraat, koger si ma me agine chiichi?”
Kong'eeti `Jeso Lazaro
38Kogas anyun Jeso king'wan kogeny eng' oriitinnyi konyonei kererit. Ki kebeneet, ak kigegere koita kurgeet. 39Kole Jeso, “Oiste koita.” Koleenji Marta, chepkametap ineendet ne kime, “Kiptaiyat, kogobul amu kobooch ngo me ko peetuusyek ang'wan.” 40Koleenji `Jeso ineendet, “Kama amwaun ale, ngiyani, igeere toroornatetap Kamuktaindet?” 41Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa. 42Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.” 43Ak ye kingo kagomwa ko uu nooto, komwa eng' kutit ne oo, kole, “Lazaro, mong'u.” 44Komong' anyun ineendet ne kiga me, ko ratotiin eunek ak keelyek eng' ngoroik che po kererit; ak kiga kirate togeennyi angeet. Koleenji Jeso pichooto, “Otyach, ak ounde kwo.”
Teteet kebar Jeso
(Mat 26:1-5; Mar 14:1-2; Luk 22:1-2)
45Ki iyan anyun ineendet che chaang' che po Yahudik che kigabwa ole mi Maria, ak kogeer tuguuk che kayai Jeso. 46Ago ki pa alak ole mi Pharisaik, ak komwachi icheek tuguuk che kagoyai Jeso. 47Ki kuur anyun `tisiik che eecheen ak Pharisaik tuiyetap kirwoogik, ak kole, Ki yai nee? Amu yaei chiichi kaboorunoik che chaang'. 48Ngot kebagaakte ineendet ko uu ni, koyani `ineendet piik tugul: asi kobwa Romanik korebenech emennyo ak pororyennyo. 49Ak ki leenji age eng' icheek, ne ineendet ko Caiaphas ne ki tisiindet ne oo kenyinooto, “Mongen okweek kiy age tugul, 50mongen ole myeeitu eng' okweek ngo mechi piik chiito agenge, si ma pet pororyet komugul.” 51Ki ma komwaei ineegei nooto, ago ki maoten amu ki tisiindet ne oo kenyinooto kole, ki neegit komechi Jeso pororyet; 52ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.
53Kobooch peetuunooto anyun ak kwo tai, korwoogot agobo ole partoi ineendet. 54Mata kowendot Jeso anyun eng' ole taagu eng' ole mi Yahudik, ago ki wo eng' olooto kwo emet ne neegitee surkwen, agoi nganaseet ne kiguure Ephraim; ak ki tebi eng' olooto kobooto kasubik. 55Kiga koriik paska ne po Yahudik: ak ki pa che chaang' eng' emet kotogosta Jerusalem kotom koit paska, koba koanyinygei. 56Ki cheeng' anyun Jeso, ak koleenjigei, kotonondos eng' Hekaluut, Obwaati nee okweek? Tos oleen ma nyoonei ineendet igoorto? 57Kiga ng'at tisiik che eecheen ak Pharisaik, kole, ngo nai chii age tugul ole miitei, koboor, si kobiit konam icheek ineendet.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalenjin Revised Bible Catholic Edition © Bible Society of Kenya, 2015.