Дуулал 47
47
Бурханы захиргаа
Удирдаачид. Корагийн хөвгүүдээс. Дуулал.
1Хүмүүс ээ, бүгд алгаа таш.
Уухайн дуугаар Бурханд хашхирагтун.
2Учир нь Хамгийн Дээд ЭЗЭН
Аймшигтай бөгөөд
Бүх дэлхийн аугаа Хаан юм.
3Тэр бидний дор ард түмнүүдийг,
Хөл дор маань улс үндэстнүүдийг оруулсан.
4Өөрийн хайрласан Иаковын сүр жавхлан болох
Өвийг маань Тэр бидэнд сонгосон. Села
5Бурхан хашхирах дуунд,
Бүрээн дуун дунд
ЭЗЭН дээш залрав.
6Магтан дуулагтун,
Бурханыг магтан дуулагтун.
Магтан дуулагтун,
Бидний Хааныг магтан дуулагтун.
7Бурхан бүх дэлхийн Хаан тул
Яруу сайхан дууллаар магтан дуулагтун.
8Бурхан улс үндэстнүүдийг захиран
Ариун сэнтийдээ залардаг.
9Улс үндэстнүүдийн ноёд
Абрахамын Бурханы ард түмэнтэй хамт цугларчээ.
Учир нь дэлхийн бамбайнууд Бурханых
Тэр үлэмж ихээр өргөмжлөгдсөн.
Currently Selected:
Дуулал 47: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.