Imbombo Ukwanda
Ukwanda
Imbombo izya Batumiwa ko kwendelela ukwa Mazyu Amiza ghagho ghakasimbiwa nu Luka. Ifundo yache iyenecho ko kunena nizya mumo abakonki abakwanda aba Yesu, umwakulongoziwa nu Muzimu Umuzelu, bakalumbilila Amazyu Amiza nizya yuyo “Mu Yelusalemu, na mosi mu Yudeya na mu Samaliya, sona na kumpaka iya chisu ichapasi” (1.8). Ipangwi likunena nizya mumo Ichikilisitu chikendelela ukuyana namumo chikandila mu ba Yuda, sona nukwendelela pakuba lwitiko ulwa bantu aba muchisu chosi ichapasi. Umusimbi uwa ibuku ili akabasimikizizyanga ababelengi bache ukuti abakilisitu batakaba kabukatila akandyali akakususannya nu Bumwene ubwa Chiloma, awe. Akabasimikizizya sona ukuti ulwitiko ulwa Chikilisitu kukaba kukwanilisya ukwa chiputo icha Chiyuda.
Ibuku ilya Mbombo izya Batumiwa lingagabiwa muvigaba ivikulu vitatu. Likulanjizya ubuzilo ubukulu bubo Amazyu Amiza aghakunena nizya Yesu ghakalumbililiwa, sona namumo ichipanga chikikaziwa: (1) Ukwanda ukwa kabukatila ka Chikilisitu bo u Yesu asendiwa pakubuka kumwanya; (2) Ukusata ukwa kabukatila aka Chikilisitu muvigaba ivinji ivya Palesitina; (3) Nukusata umwakuchilapo muchisu icha Medeteleniya mupaka nukufika mu Loma.
Ichintu chicho chaneniwa nkani mwibuku ilya Mbombo izya Batumiwa yo mbombo iya Muzimu Umuzelu yuyo akwiza na maka pa bitiki mu Yelusalemu pisiku ilya Pentekositi, nukwendelela pakuchilongozya nukuchikazya ichipanga, sona na balongozi bache muvintu vyosi vivyo vyasimbiwa mwibuku ili. Amazyu aghakwanda agha Chikilisitu ghakuneniwa mubupimpa mu bulumbilili ubwinji. Ivintu vivyo visimbiwe mwibuku ilya Mbombo izya Batumiwa vikulanjizya amaka agha mazyu ghanagha mubumi ubwa bitiki, sona na mubupoka ubwa chipanga.
Ivyamukasi
Ukwiyannya ukwa bakaboni 1.1-26
a. Ukulamula ukwa Yesu ukwabumalilo, sona ni layizyo lyache 1.1-14
b. Uwakupyana mubuzilo ubwa Yudasi 1.15-26
Abakaboni mu Yelusalemu 2.1—8.3
Abakaboni mu Yudeya, sona na mu Samaliya 8.4—12.25
Imbombo iya Pabuli iya bulumbilili 13.1—28.31
a. Ubulendo ubwakwanda pakulumbilila 13.1—14.28
b. Ulukomano mu Yelusalemu 15.1-35
c. Ubulendo ubwabubili pakulumbilila 15.36—18.22
d. Ubulendo ubwabutatu pakulumbilila 18.23—21.16
e. U Pabuli abikiwa mujele mu Yelusalemu, na mu Kesaliya, sona na mu Loma 21.17—28.31
Currently Selected:
Imbombo Ukwanda: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya