Johannes 16

O DESCHUSCHOWTO KAPITLO.

1Godo pendem dumenge, hod dena cholaiwen. 2Won schudenna dumen andi Fama. Dai awla o Zeito, hat gindina, dumen de murdarna, hat mischto gerna angla Del. 3Anda godo gerna dumenssa godo, ga tschi mure Dades, dai tschi man tschi bindjaren. 4Akanik penaw gado dumenge, hod o Zeito de awla, de gindin dume ba mure Worbi. Tschi pendem gado dumenge mindjar anglunes, ga inke dumende ssimas. 5De akanik godoleste jaw, gon man bischadass; dai konig anda dume tschi puschel: hod ga jaw? 6De ga getssawo Worbi pendem dumenge, ssi dumare Jile perdo Briga. 7De me o Tschatschimo penaw dumenge: Mischto dumenge ga me jaw. Ei dena jo, hat o Aschawno tsch’awla dumen; de ga me jaw, hat bischawo les. 8Dai godo de awla, hat strofoliya a Luma anda Bino, anda Tschatschimo dai anda Griessi. 9Anda Bino, ga ande ma tschi badschan. 10Anda Tschatschimo, ga me ga o Datt jaw, dai dume man tschi dikenna mai but. 11Anda Griessi, ga gado Grai a Lumako griessasia. 12Me iggen but ssite penos dumenge; de tschi birin les inke awri. 13De hamen godo, i Godji ä Tschatschimaski de awella, hat godo ssidjarla dume ando Tschatschimo. Ei na bra pe worbiya, hamen sso schunla dai sso awla, godo penla. 14Godo man tschirarla ma, ga mandar lela, dai dumenge penla. 15Ssa sso ä Dades, ssi muroy godo. Anda godo pendem: Anda muro lela, dai dumenge penla. 16Ba’t Falatigo, tschi dikna man; dai bale ba’t Ssemmo, hat man dikna, me ga o Datt jaw. 17Ä Ssogalowura pendä jek awreske: Sso godoy Worbi, ga penel, ba’t Ssigno, man dikna, dai ba’t Ssemmo tschi dikna man, dai me ga o Datt jaw? 18Dai pendä: Sso godo, sso penel: Ba’t Falatigo? Ame tschi janas, hod sso penel. 19O Jesuska hadschardass, hod biren de puschen lestar, dai pendass lenge: Godo puschen ga pendem: Ba’t Falatigo man tschi dikna, dai ba’t Ssemmo, man dikna. 20Tschatschimassa, Tschatschimassa, me penaw dumenge; Dume rowna dai urlassa, de i Luma bukuriya pe: dume brigake awna; de dumari Briga Bukuriya gerdjolla. 21Gana etta Schuwla gerdjol, hat brigaki, ga lako Tschasso awilass. Gana o Schawo gerdjilass, tschi gindi mai andi Dar, andai Bukuriya, ga o Manusch be Luma gerdjilass. 22Dai wi dumen akanik Briga! de me bale diko dumen, dai dumaro Jilo ssite bukuri pe, dai dumari Bukuriya konig dena lel dumendar. 23De be 24godo Djes tschi puschna mandar kantschi. J’akanik tschi manglan kantschi ande muro Anaw. Mangen, hat dino awla dumen, dai dumari Bukuriya bari awla. 25Getssawo tschoriganes worbindem dumenssa, de awla o Zeito, ga tschi worbino tschordanes dumenssa, hamen slobodo worbino ba muro Datt. 26Begodo Djes mangna ande muro Anaw. Dai tschi penaw, hod mure Dade anda dume rudjino. 27Ei woï, o Datt gamel dume; ga wi dume man gamen, dai badschan, hod katar o Datt awilem. 28Me katar o Datt awilem andi Luma; akanik jawtar bai Luma bale ga muro Datt. 29Ä Ssogalowura pendä leske: Dik, akanik slobodo worbis awri, dai tschi penes tschordani Worba. 30Akanik janas, hod tu ingregi Baiyura janes dai katar o Del awilan. 31Jesuska pendass lenge: Akanik badschan? 32Diken, awel o Tschasso dai aba wi awilass, hod ssa repsina dume, ssako ande besko, dai man mukna gorkori. De ma tschi ssim gorkori, hamen o Datt ssi bascha ma. 33Anda godo pendem dumenge gado, hod de awel, dume Hodina ande ma. Andi Luma dume daran; de na daran, me a Luma nerrindem.

Currently Selected:

Johannes 16: LOV1930

Highlight

Copy