Johannes 8
8
O OCHTATO KAPITLO.
1Jesuska gelass bo Plei, ssawo buschollass Ulayesko Plei. 2Heinalba awilass bale andi Kangeri, dai na zerra Nipo awilas ga les, dai voï beschlass dele dai ssidjarlass le. 3Godola sso o Skirimo jannenas dai ä Raschaiya ande leste andä etta Gaïdja, sso bascha besko Rom gamlassass dai schudä la maschgaral. 4Dai pendä ä Jesuseske: Meisterinna, aduntschi raklam la ssar korwiyass. 5O Mose pendass amenge ando Skirimo, getzawa Barenza de murdaras — tu sso penes? 6Godole Worbenssa ferri birennas ä Jesuses de sumawen, hod Garfin de roden. De o Jesuska bandjardass pe dele dai skirindass ä Nayessa bä Puw. 7Ssar mindig won les awri puschennas, wastass pe woï opre dai pendass lenge: Gas nai anda dumen Bino, hat godo de schudel o angluno Baar bre la. 8Dai bandjilass bale dele dai skiriyass. 9Gana godo schundä, gelattar ssa, jek bala jek awres, katar mai puro ji ga mai tschorro; dai o Jesuska aschilass kote gorkori a Gaïdjassa bo Tann. 10O Jesuska wastass pe opre, diklass ferri a Gaïdja dai puschlass: Schuwle, ga aschilä, sso birindä tu ande? tschi schindass awri tschi Griessi konig? 11Woï hamen pendass: Raiya, konig. Jesuska hamen pendass: No, tschi me tschi schino tschi Griessi awri. Jatar dai na binosin mai but. 12O Jesuska bale worbindass lenssa dai pendass: Me ssim o Udut a Lumaki; gon bala ma awla, hat godo tschi jalla ando Tunariko, hamen awla les o Udut ä Draiyesko. 13Ale ä Raschaiya leske: Tu bra tu penes Hiro; tschiro Hiro nai Tschatschimo. 14De me bra ma Hiro de penos, hat muro Hiro Tschatschimoi, ga me janaw katar awilem, dai wi ga jo. Dume katar me awilem dai katar me jaw tschi janen. 15Dume bala Maass schinen Griessi, me tschi griessasinaw konigas. 16De me de chutilaw Griessi, hat muri Griessi Tschatschimoi; ei tschi ssim me gorkori, hamen me dai o Datt, sso man bischadass. 17Dai wi ande dumaro Skirimo ande dordjol, hod duyen Manuschenge Ssolach Tschatschimoi. 18Me ssim, sso Hiro anaw bra ma; dai o Datt sso man bischadass, wi godo Hiro anel bra ma. 19Ale won leske: Ei, galo tscho Datt? Jesuska pendass lenge: Dume tschi bindjaren tschi man tschi mure Dades. Man de bindjarna dume, hat wi — mure Dades bindjarna. 20Godoy Worbi o Jesuska kote penellass, ga i Kasta ssass, sso ä Lowe schon ande; tschi ssosko Manusch tschi drobundass de chutilel les, ga lesko Tschasso tsch’awilassass inke. 21Dai pendass lenge o Jesuska bale: Me jawtar, dai dume man rodenna dai merna ande dumare Binura. 22Ale ä Jidowi: Birel de murdarel pe ga penel getzawi Worbi? 23Dai woï pendass lenge: Dume delune ssan, hamen me opruno ssim. Dume ba gadi Luma ssan, me tschi ssim ba gadi Luma. 24Dai de na badschana hod me ssim, hat ande dumare Binura merenna. Dai de na badschana hod me ssim, hat ande dumare Binura merenna. 25Dai pendä leske: Ei, gon ssan tu? Ale won o Jesuska: Anglunes me ssim godo, sso gadei Worbi penel dumenge. 26But Hiro ssite penaw dai de griessinaw bra dume. De godo, gon man bischadass, Tschatschoi — dai sso me sso bra les tschundem, godo worbinaw angla Luma. 27Won tschi hadschardä hod ba besko Datt worbi. 28Dai woï pendass lenge: De barassa ä Manuschenge Schawes, hat aduntschi hadscharna, hod me ssim, dai gorkori kantschi tschi geraw, hamen ssar man muro Datt ssidjardass, gade worbinaw. 29Dai gon man bischadass, hat godo mantzei. Tschi mukel man o Datt gorkori ga mindig lesko Gindo geraw. 30Ga gade worbiyass, badschanas but Jene ande les. 31Godolenge pendass o Jesuska, ä Jidowonge, sso ande les badschanas: De aschna ande mure Worbi, hat mure tschatsche Ssogalowura awna. 32Dai bindjarna o Tschatschimo, dai o Tschatschimo gerla dumen slobodi. 33Dai pendä leske: Ei, ame o Nipo ssam ä Abrahamesko dai ssam anda godo slobodi dai tschi ssam konigaske Foglura, ssar hat tschi penes tu: Slobodi d’awen. 34O Jesuska pendass lenge: Tschatschimassa, Tschatschimassa, me penaw dumenge: Gon Bino gerel, hat ä Binengo Walettoy. 35O Waletto tschi aschel mindig Khere, de o Schawo aschel. 36Gana o Schawo slobodiy dume, hat aduntschi tschatsche sloboda ssan. 37Me janaw, hod dume a Abrahamesko Nipo ssan; de ga mure Worbi tschi detzin dumenge, anda godo biren de murdaren ma. 38Me worbinaw, sso mure Dadesdar schundem; no, hat geren dume godo, sso dumare Dadesdar schundan. 39Won pendä leske: O Abraham ssass amaro Datt. Ale lengo o Jesuska: De awennas leske Schawe, hat gerennas leske Baiyura. 40Man biren de murdaren, ga o Tschatschimo penaw, sso ä Dewlestar schundem. Tschi gerlass o Abraham godo. 41Hamen dume dumare Dadeske Baiyura geren. Won pendä leske: Ame tschi gerdjilam bi Dadesko, amen ssi et Datt, o Del. 42Jesuska pendass lenge: De awellass o Del dumaro Datt, hat man gamennas, ei me lestar awilem, ei tschi ssim me mandar, hamen woï bischadass ma. 43Ei, ssostar tschi hadscharen muri Schip? Ga naschtig schunen mure Worbi. 44Dume ssan ä Dadestar, ä Bengestar, dai bala dumare Dadeski Voya biren de geren. Godo et Mörderi ssass mindig; dai tschi birindass ande Tschatschimo de aschel. 45De o Tschatschimo nai ande les. De mange ga o Tschatschimo penaw, tschi badschan. 46Ssawo anda dume biri de penel, hod ä Bino gerdem? Ssostar tschi badschan mure Tschatschimaske? 47Gon katar o Del i, hat godo schunel ä Dewleske Worbi; de dume, ga tschi ssan katar o Del, hat naschtig schunen. 48Ä Jidowi pendä leske: No, tschi penas mischto, hod et Samariter ssan dai ssi tu o Benk? 49Ale o Jesuska: Nai man Benk, hamen me mure Dades Batschiw geraw, dai dume tschi geren Batschiw mange. 50Me tschi rodaw muri Batschiw; de et awer rodel la dai wi Griessi schinel. 51Tschatschimassa, Tschatschimassa, gon muri Worba ikel, godo ä Mermas schoha tschi dikla. 52Ale ä Jidowi leske: No, akanik diklam, hod o Benk ande tu; ei o Abraham dai ä Dudoscha deissa mulä; dai tu penes: Ssar warikon muri Worba chutilel, godo schoha ä Merimas tschi dikla. 53No, tu mai baro ssan ssar ä Dudoscha dai ssar amaro Datt, o Abraham, ga mulä? Sso geres tu anda tu? 54O Jesuska pendass: Me tschi ascharaw ma; muri Batschiw man muro Datt del, sso dume worbin hod dumaro Del. 55Dume tschi bindjaren les, de me bindjaraw les; dai de penos hod tschi bindjaraw les, hat aduntschi chochawos ssar dume, ga me bindjaraw les dai chutilaw leske Worba. 56O Abraham, dumaro Datt bukuriyass pe ga schai dikla muro Djes. Dai woï diklass les dai wi bukurindass pe. 57Ä Jidowi pendä leske: Ei, tschi ssan tschi bansch wardeschengo dai diklan ä Abrahames? 58O Jesuska pendass lenge: Tschatschimassa, Tschatschimassa, me penaw dumenge: Mek o Abraham ssass, hat me dolmut ssimas. 59Dai wastinä Baar, hod de murdaren les, de o Jesuska garadjilo dai gelottar andey Kangeri awri maschgaral anda le.
Currently Selected:
Johannes 8: LOV1930
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1930.
