Matta 1
1
1Yesu Kristi azakwoyi aye nu nyi, Dauda nugun n Ibrahim yi.
2Ibrahim ɓei zhin Ishaku dada nu Ishaku wa zhin Yakubu dada, Yakubu wa zhin Yahuda dada ɓedo n wa zajeyi.
3Yahuda wa zhin Perez dada n Zerah yi. Tamar nu ɓei zhin ɓa ʼya. Perez wa zhin Hazren dada; Hezron wa zhin Aram dada.
4Aram wa zhin Aminadaba dada, Aminadaba wa zhin Nahshon dada, Nahshon wa zhin Salmon dada.
5Salmon wa zhin Boaz dada, Rahab nu ɓei zhin wo ʼya. Boaz wa zhin Obed dada, Ruth nu ɓei zhin wo ʼya, Obed wa zhin Jesse dada.
6Jesse wa zhin Esu Dauda dada. Dauda wa zhin Solomon dada, Uriya nyikwo nu ɓei zhin owo ʼya.
7Solomon wa zhin Rohoboam dada, Rohoboam wa zhin Abija dada. Abija wa zhin Asa dada.
8Asa wa zhin Jehoshafat dada, Jehoshafat wa zhin Joram dada, Joram wa zhin Uziya dada.
9Uziya wa zhin Jotam dada, Jotam wa zhin Ahaz dada, Ahaz wa zhin Hezekiya dada.
10Hezekiya wa zhin Mannase dada, Mannase wa zhin Amon dada, Amon wa zhin Josiya dada.
11Josiya wa zhin Jokoniya dada n wa zaje yi (ama ɓa esa n na ɓei lo fyenu tnu-tnu nceyi n Babila nyi.)
12Nfyenu tnu-tnu avun, Jokoniya ɓei zhin Shetil dada nu, Shetil wa zhin Zarubbabila dada.
13Zarubbabila wa zhin Abiu dada, Abiu wa zhin Eliyakim dada, Eliyakim wa zhin Azor dada.
14Azor wa zhin Zadok dada, Zadok wa zhin Akim dada, Akim wa zhin Eliu dada.
15Eliu wa zhin Eliyazar dada, Eliyazar wa zhin Mattan dada, Mattan wa zhin Yakubu dada.
16Yakubu wa zhin Yusufu dada (wato Maryamu ɓa – Yesu Kristi Masifu ʼya).
17Nya kwo laka n Ibrahim koyi lo Dauda – Esu, a chala awo-cei-anyi nu. Kwa laka n Dauda Esu kwa lo fyenu tnu-tnu sa n Babila a chala awo-cei-anyi. A chala awo-cei-anyi n fyenu tnu-tnu sa kwoyi lo Kristi sa.
Alkawali Eɓi Nya
18Aɓo deye ɓa nu zhin gaiciya tu n Yesu Kristi mama ɓo. Yusufu nu ɓei zhin woi bwa owo ʼya Maryamu. Ama to ɓai gye ajen, a gye wo gni n nuboyi Zafun Gyi-gyi-yi nya. 19Sai owo nugun-yi, Yusufu, ntu ge wo ɓo zhin ɓe-fye-cezhi-yi nu, wa ye ntu ge wa ya wo fya, to wa dna wo vinyikwon.
20Woye dna shawara zhin mi, Dagayi wa tnu n wo malaika yi n Yusufu aba, dna n nanu mi, wa gna woge, “Yusufu, Dauda nugun, to Iwo dna n Maryamu layi wa ze ho nyikwon, ntuge nubo n wo gni n cei nyi, Zafun Gyi-gyi-yi nya nu. 21Wo ɓa ma eɓi nugbayi, Ho ɓa tu wo ʼye ge Yesu, (okwa wyega ge ‘Zagniyi’) ntu ge wo nu ɓa gni waza nɓa alaifi.” 22Deye kwo ɓa nu Shekwoyi ɓeda n wo ɓei da nwo anabi ʼgbe:
23“Wo! Ɓinyikwoi ɓa gni n nuboyi! Wo ɓa ma eɓi nugbayi, aɓa yi wo ʼye Immanuel” (watau “Shekwoyi kun-sun lo yi”). 24Shi Yusufu ɓo kun agyewyi, wa zhin shi malaika Dagayi nya ɓei gna wo, wa Maryamu la wa ze ʼwo nyikwo. 25Ama ɓa to ɓo gye ajen har wa eɓi nugbayi ma, Yusufu wa tuwo ye ge “Yesu.”
Currently Selected:
Matta 1: GAW
Highlight
Share
Copy
Want to have your highlights saved across all your devices? Sign up or sign in
Alkawali Woiwoyi
(Gbagyi New Testament)
Copyright © 1997 by Biblica, Inc.®
All rights reserved worldwide.
