Waefeso Utangulizi

Utangulizi

Paulo aliandika waraka huu akiwa gerezani huko Rumi ili kuwatia moyo waumini wa jimbo la Asia. Waraka huu ulikuwa kama mwongozo uliokusudiwa kwa makundi kadhaa ya waumini wa Isa Al-Masihi. Zaidi ya hayo, kwenye waraka huu hakuna salamu za watu binafsi, wala hakuna matatizo maalum. Paulo alielezea kwamba jumuiya ya waumini ilianzishwa na Mwenyezi Mungu, akiwaelezea mpango wa Mungu wa tangu awali wa kuwaokoa watu wake kupitia Al-Masihi kwa imani. Mpango huu ulikuwako hata kabla ya ulimwengu kuumbwa. Mwenendo wa maisha mapya upo kinyume kabisa na ule wa maisha ya kale bila Al-Masihi.

Mwandishi

Mtume Paulo.

Kusudi

Kuwaimarisha waumini katika imani yao ya wafuasi wa Al-Masihi kwa kueleza asili na kusudi la jumuiya ya waumini wa Isa, ambayo ni mwili wa Isa Al-Masihi.

Mahali

Rumi.

Tarehe

Mnamo 60 B.K.

Wahusika Wakuu

Paulo, Tikiko, na waumini wa Efeso.

Wazo Kuu

Mpango wa Mwenyezi Mungu wa milele wa kuuokoa ulimwengu ulitimizwa kupitia kwa Al-Masihi katika mwili wake.

Mambo Muhimu

Umoja katika Al-Masihi na maisha mapya katika Al-Masihi (2:4-6), na umoja katika mwili wa Al-Masihi. Pia maisha wafuasi wa Al-Masihi wanayopaswa kuishi kuhusu ndoa, tabia, mwenendo, wazazi na watoto, watumishi na mabwana zao.

Yaliyomo

Mpango wa Mwenyezi Mungu, na wokovu wa wote wanaomwamini (1:1–2:22)

Siri ya Injili (3:1-21)

Maisha ya mfuasi wa Al-Masihi duniani (4:1–6:9)

Silaha za Mwenyezi Mungu, salamu za mwisho (6:10-24).

Currently Selected:

Waefeso Utangulizi: NENO

Highlight

Copy

Want to have your highlights saved across all your devices? Sign up or sign in

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Learn More About Neno: Maandiko Matakatifu 2024