Yon 2
2
Wimbo wa Kushukuru
1Ndipo Yona akamwomba BWANA, Mungu wake, katika tumbo la yule samaki, 2Akasema,
Nalimlilia BWANA kwa sababu ya shida yangu,
Naye akaniitikia;
Katika tumbo la kuzimu naliomba,
Nawe ukasikia sauti yangu.
3 #
Zab 88:6
Maana ulinitupa vilindini,
Ndani ya moyo wa bahari;
Gharika ya maji ikanizunguka pande zote;
Mawimbi yako yote na gharika zako zote zimepita juu yangu.
4 #
Zab 31:22; Isa 49:14; 1 Fal 8:38 Nami nikasema, Nimetupwa mbali na macho yako;
Lakini nitatazama tena kukabili hekalu lako takatifu.
5Maji yalinizunguka, hata nafsini mwangu;
Vilindi vilinizunguka;
Mwani ulikizinga kichwa changu;
6Nalishuka hata pande za chini za milima;
Hiyo nchi na mapingo yake yalinifunga hata milele;
Lakini umeipandisha nafsi yangu kutoka shimoni,
Ee BWANA, Mungu wangu,
7 #
Zab 18:6; 34:6; 130:2; Yer 2:13 Roho yangu ilipozimia ndani yangu,
Nalimkumbuka BWANA;
Maombi yangu yakakuwasilia,
Katika hekalu lako takatifu.
8 #
2 Fal 17:15; Zab 31:6; Yer 10:8 Watu waangaliao mambo ya ubatili na uongo
Hujitenga na rehema zao wenyewe;
9 #
Zab 50:14; 66:13-15; Hos 14:2; Ebr 13:15 Lakini mimi nitakutolea sadaka kwa sauti ya shukrani;
Nitaziondoa nadhiri zangu.
Wokovu hutoka kwa BWANA.
10 #
Yon 1:17; Mt 8:9 BWANA akasema na yule samaki, naye akamtapika Yona pwani.
Currently Selected:
Yon 2: SUV
Highlight
Share
Copy
Want to have your highlights saved across all your devices? Sign up or sign in
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.
