Keriben 6
6
VI
O Šofto Šero
1He andr’akada d’ivesa, kana o ginipen e Sikl’ārdengro ehas bāreder, o Junāne ehas xol’ārde mamuj o bibolde, kaj lengre phivl’a ehas mukle avri andre sakod’iveskri kangerakri būt’i.
2Pales o dešuduj vičinde e Sikl’ārdonen ke peste, he phende, Nāne lāčes kaj te mukas mre Devleskro Lav, he te keras e būt’i paš o skamina.
3Auka, phrala, roden pašal tumende efta ǧāndle he bixoxāne manušen, pherde e devleskre Vōd’eha, he god’aver, havonen amen šaj vičinas pr’akada būt’i.
4Amen karaha korkoro mangipen he i Laveskri būt’i.
5He savore manuša ada kamenas, he jon l’ile avri e Štefanos, muršes, havo ehas pherdo e bāre pat’avibnaha he e devleskre Vōd’eha, h’e Filipos, h’e Proxoros, h’e Nikanoris, h’e Timonis, h’e Permenāšis, h’e Nikolāšis, havo ehas boldo andral e Antioxia.
6Thode len angal o Bičhade, he kana pes mangle thode peskre vasta pre lende.
7He o Devleskro Lav bāril’as, he o ginipen e Sikl’ārdengro ehas but bāreder andri Jeruzalema, he but rašaja šunde mre Devleskro Lav.
8O Štefanos, pherdo e pat’avibnaha he a zōraha, kerd’as bāre būt’a maškar o manuša.
9Pales ušt’ile varehave manuša andral e biboldengri kangeri, havi bučolas e Libertineskri Kangeri, he andral e Kirenia, he andral e Aleksandria, he andral e Azia, so pes košenas e Štefanoha.
10He jon našt’i kerenas či mamuj o god’averipen, he mamuj o Vōd’i, havoneha vakerelas.
11He potsinde e manušen, kaj te phenen, Amen šund’am te vakerel bidevleskre lava mamuj o Mojžišis, he mamuj mro Devel.
12He jon xanǧārde e manušen upre, he o Phure he o Čhinipnaskre avle ke leste, he ikerenas les, he ligede les ko Bāre Manuša.
13He thode xoxāne jakhengren, have phende, Akada manuš n’ačhel te vakerel bidevleskre lava mamuj e Kangeri, he mamuj o Bāro Lav.
14Amen les šund’am te vakerel, kaj akada Nazaretsko Ježišis kerela preko akada phuv, he paruvela e phurāne büt’a, have amen diñas o Mojžišis.
15He akada savore Bāre Manuša dikle phusade jakhentsa pre leste, he dikle har leskro čekat ehas har jekhe devleskro bičhadeskro.
Currently Selected:
Keriben 6: MOR1936
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1936.
