John 15

CHAP. XV.

Tsini hondaddenoronghkwa ne Christus oni ne sahhoderiwat, nene tsi rotrori ne wadennageraghton ne onenhhare.

1Iih naah ne togenske onenhhare, ok ne Ragenihha ne raghsnyese. 2Tsini wakenhaghtayen nene yaghten waghyaniyonden eren sahahhàwighte: ok tsinikanhaghtage nene waghyaniyonden, wahharàkewe nene senhha aontewaghyaniyondhak. 3Onen nonwa kanohhare sitsyonhe ne aoriwa ne owenna nene kwaghtharane tsinahhe. 4Iihne ensewesege, oni iih ne isege. Tsiniyought ne kanhaghta aonhha yaghten yaweght enwaghyaniyonden, togat yagh egh tʼaontekanhaghtodak tsi onenhharetseragwenniyo; yagh oni ise aontesewadonseke, nene yagh iihne tʼenseweseke. 5Iih naah ne onenhhare, ok ise yaweght nene kanhaghtòden. Raonha nene iihne yehennderon, ok Iih ne raonhhage, ne sagat eso enhoghyaniyòndhak, iken ne yagh nʼIih tʼikyàdare, yaghothenon tʼaonse warìghwagwè ni. 6Togat ne rongwe yagh Iihne ten hennderon, eren wahhonwatyeghte tsiniyought ne wa-enhaghtolkàren, ok wa-ondakenhheye ok ne ongwe wa-eròroke, oni otsisdage waakòdi, ok waontshaghte. 7Togat isewese Iihne, oni akewennaogon sewanigonragon yegayen, ensewarighwanekha, tsiok nahhoten ensewerhek, ok enyetshinigonrayerite. 8Etho niyought wahonwagloriste ne Ragenihha, nene tsi eso se waghyaniyonden; etho niyought aketyonghkwa ensewàdon. 9Tsiniyought ne Ranihha tsiwahhakenoronghkwa, etho oni niyought tsiwakwanoronghkwa, okonen tsiniyought sewesek akenoronghkwatseragon. 10Togat sewarighwatsteristha tsiniwakerighwisson akenoronghkwatseragon ne enseweseke; nene agwagh tsiniyought tsiwakerighwatsteristha tsini horighwisson ne Ragenihha, ok onen tsiniyought raonoronghkwatseragon ikese. 11Ne kengayen ne karihhòten wakwaghtharaghgwenni; ne ne akwaddonweshenghtsera egh aontakayendak tsi isewese, ok oni nene sewaddonweshenghtsera aontakanànon. 12Ne kengayen ne wakerighwisson, nene entsyadaddenoronghkwake, tsiniyought niih tsi wakwanoronghkwa. 13Yagh onghka ne ongwe senhha ten hanoronghkwa tsiniyought ne kengayen, ne ne rongwe aontehadewenndeghte tsi ronhe ne raoderswa ne rondenron. 14Ise naah ne dewadènron, togat aontesewarighwayèrite tsiok nahhoten ne kwarighwissa-enni. 15Tsi nondawe yaghten enkadonhek, kwanhase: iken ne ronwanhase yaghten harighwayenderi tsini hoyerenhatye ne Royaner: ok denghnon wakwanadonghkwa dewadènron; iken yorighwagwegon tsini wakaghrònken ne Ragenihne wakwarighwaghronkatha. 16Yagh ise teghsgwaragwènni, ok Iih denghnon kwaragwenni oni wakwanghhondàne, nene aontesewaghdendi oni aontesewaghyaniyondhak, oni ne sewahhihk aontekarighwadatye: nene tsiok nahhoten enghtsisewarighwanèkhen ne Ranihha iih aksennagon, aonteghtsisewàwi ne etho. 17Ne ken ne karihhoten wakwènni nene aontetsyadaddenoronghkwake. 18Togat ne ongwehogon yetshighswense, sewayenderi wahhy wa-onkswen-nʼiih atekho nʼise ten yetshighswe-on. 19Togat nonken ongweghne aontesewayadare, enyenoronghkwake ne ongwe nene akòwenk, ok ne aoriwa tsi yagh ongweghne ten sewayàdare, ok ne kwayadaragwènni ne ongweghne, ne kadi wahhoni ne ongwe yetshighswense. 20Seweghytirek ne owenna tsinikwayetàse, ne ronwanhase yagh serihha ten hakorwànen tsiniyought ne Raoyanèda. Togat nonken waonkyèsaghte nʼiih, enyetshiyesaghte oni nʼise: togat wacntstèrist nʼIih tsini wakerihhòten, enyontsterist oni tsinisewarihhoten nʼise. 21Ok denghnon yorighwagwegon ne kengayen ne enyetshíyere ne aoriwa ne aksènna, ne wahhone tsi yaghten honwayenderi ne rakhenha-on. 22Togat yagh tʼaontewàkon yagh oni aontewakeghtharàni, yaghten aontahoderighwannerak-serayendake: ok denghnon nonwa yaghten hodiyen ne karhòrrokten ne raoderighwanneren. 23Raonhha nene rakswense nʼIih roghswense oni ne Ragenihha. 24Togat yaghten aonkyèren tsi radideron tsinikarihhotense nene yagh onghka oya ne ongwe etho ten yakoyèren, yaghten aontahoderighwannerak-serayendake: ok onen yaweght wahhontkaghtho oni wa-onkfwen nʼIih, ok oni wahhonwaghfwen ne Ragenihha. 25Ok denghnon etho ne wa-àwenne nene aonte-karighwayèrìne tsi kaghyàdon ne raoderighwàge ne Law. Yagh ogh ten wakstonden tsi wa-onkswen. 26Ok ne onen enrawa ne Kanigonghraghser-onyàtha (ne Ronigonghriyoston) nene Ragenihne enhinhane isege enreghte ne ne agwagh aonigonra ne togensketsera, nene Ranihne tehoyenghtaghkwe raonha enhakerighwaghniratse ne nʼIih. 27Ise oni ensewarighwaghniratse, ne wahhone tsinahhe tyodaghsawen wadogen iddewese.

Currently Selected:

John 15: MOH1804

Highlight

Copy