John 19

CHAP. XIX.

Ethone wahhonwawennotane.

1Ethone kadi Pilate sahhoyadenhhawe ne Jesus, ok wahhoghsoghkwawisson. 2Ok ne shodar wahhonwanonghwaròrotserronyon ne ohhíkta, oni wahhonwanonghwàròrohke, oni wahhonwaghíerronyate nene yodàgon ne waghsiròten. 3Oni wahhoniron, wakwanotighweràton, Korah ne Jewshaga! oni radisnonke rontha wahhonwàyenghte. 4Pilate kadi sahhayagenne àre, ok wahshakawenhaghse, tsyatkaghtho, isege sahhiyathewe, nene aontesewadogense yaghothènon ten kerighwatshenryese ne aontehoyendak ne wahhetken. 5Ethone Jesus tensahhayàgenne, rononghwaroron ne ohhíkten oni rotyatawìda ne yodagon ne kanennòten. Ok Pilate wahshakàwenhhàghse, Tsyatkaghtho ne rongwe? 6Neonen kadi ne Radikòwanenghse ne Cohenason, oni ne radighsennaweghtennyon wahhowatkaghtho, wahhondewennayendonwe rondonyon, eghtsisevvayenclanharen, eghtsisewayendannaren. Pilate wahshakawenhhaghse, saghtsisewayadenhhen nʼise, oni eghtsisewayendanharen: iken yaghothènon nʼIih ten kerighwatshenryese aontehoyendak newahhetken. 7Ne Jewshaga tentahhondadi, ongwariwayen ne yoghtyawenratsera, oni tsiniyakwarihhòten etho ne aghrenhheye, ne wahhone rodaddonyon ne Yehovah Ronwayeah.

8Neonen kadi Pilate tsiroghronken nʼetho ne karihhòten, senhha wathodonghharènron; 9Ok are sahhadaweyade tsi teyondadyadoreghthen, oni wahhawenhaghse ne Jesus, kah nonwe tesaghdenntyon? Ok denghnon Jesus yaghten tʼhodadi. 10Ethone Pilate sahhawenhhaghse, yagh ken ten sadadigh, tsi wakowennara-on? yagh ken ten serighwayendèri tsi wakegwennyontserayen nene aontayesayendanharen, oni wakegwennyohtserayen nene aontayesaghtkawen? 11Jesus tentahhadadi, yaghothenon, aontaghsgwennyon Iihne, nene yagh eneken ten yesagwennyontserawigh: ne kadi raonhha nene wahhakwaghtkawe isege, senhha karihhowanen rorighwannerakserayen. 12Ok ethone tejodaghsawen Pilate wahhodondaghkwane aontahhoghtkawen: ok ne Jewshaga wahhondewennayendon, rondonyon, togat enghtsisewaghtkawe ne ken rongwe, yagh ne tsyadènron te gen ne Cesar; onghka kiok Korah wahhadaddonyon rorighwayesaghthen wahhy ne Cesar. 13Neonen kadi Pilate roghronken nʼetho tsinaèyere, sahhoyathewe ne Jesus, ok egh wahhatyen tsi rontyendaghkwa ne teyeyadoreghthà, tsinonwe ne konwayats Tekanenyadenghtarhon, ok denghnon tsiniyewennòten ne Hebrew, Gabbatha. 14Ok ethone tsinihondenrharats ne yondennyodane tsi èren waondengoghte, oni ne yayakhadont hour: ok wahshakawenhaghse ne Jewshaga, tsyatkaghtho, ne sewakòrah! 15Ok sahhondewennayendon, eren eghtsisewahhawighte, eren eghtsisewahhawighte, eghtsisewayendanharen. Pilate wahshakawenhhaghse, enhiyendanharen ken ne sewakorah? ne Radikowanense Cohenason tentahhondadi, yaghten ongwakorahtserayen neok ne Cesar. 16Ethone kadi wahhodewenndeghte rononhage nene enhonwayendanharen. Ok wahhowayena ne Jesus, oni eren tahhonwanontshíneghte.

17Ok raonhha tsi rahhawe ne raoyaghsonde etho wareghte tsinonwe ne konwayats, Ononghwaragoghne, nene konwayats yaweght tsiniyewennòten ne Hebrew Golgotha: 18Etho nonwe wathonwadiyendanharen raonhha ok teghniyaghse ne òya, tetsyarongwa nongadih sʼhayadat, ok raonhha ne Jesus sadowaghsènna.

19Ok ken ne kaghsennòten wahhaghyadon ne Pilate, ok eghwahharanendakte tsi tekayaghsonde. Ok tsinikawennoten ne kaghyadon, naah, JESUS NE NAZARETHAGA NE ROWAKORAH NE JEWSHAGA. 20Ne ken tsi kaghyadon ethone yawetowanen ne Jewshaga wa-ewennaghnòdon; iken tsinonwe wathonwayendanhàren ok niyorè-ah tsi kanàdayen: ok oni agwegon tsinihadiwènnage ne Hebrew, Greek oni ne Latin, etho niyought tsikaghsennaghyàdon. 21Ethone ne Radikowanenghse Cohenason wahhonwenhaghse ne Pilate toghsa syàdon, Neronwakorah ne Jewshaga; neok denghnon tsi rà-wen Iih naah ne ronwakorah ne Jewshaga. 22Pilate tentahhadadi, tsiniwakyàdon, ne naah ne wakyàdon.

23Ethone ne shodar, neonen wathonwayendanhàren Jesus, wathàdighkwe ne raonèna, kayèri ne rodiyàkon, tsinihadi ne shodar skatshon; ok oni ne raodyatawed: ok ne raodyadawed kenhha yagh kanèga ten kanikhon, sewaghsírat yaweght tsi waeweyenendane. 24Wahhoníron kadi ok tsi rononha, toghsa dewàrighte, ok dedewàyenhha, onghka se akònwen enkenhak. Nene aontakayèríne ne kaghyadonghseradogenghti, tsi wàdon, wathadikhaghsyònkon akenéna, ok wathodiyenhha nene enhodiyèndane ne akwadyàdawid. Kengh kadi ne hodiyèren ne sʼhodar.

25Ok egh yedaghkwe tsiraoyaghsonde ne Jesus ne Ronisdenhha, ne ronisdenhha yadennoshenha, Mary ne Cleophas ròne, oni Mary Magdalene. 26Neonen kadi Jesus wahshakòken ne ronistenhha, oni ne sʼhayadat ne raotyonghkwa nene ronoronghkwa ok egh inade, wahshakawenhaghse ne ronistenhha, senheghtyen, eghtsyatkaghtho ne eghtsye-ah! 27Ethone wahhawenhhaghse ne rongwe ne raotyonghkwa, scyatkaghthonesanistenhha! Ok ethone oksaok ne etho shayàdat ne raotyonghkwa wahshakoyadinyonte tsi agwagh rononghsode.

28Oghnagenke ne kengàyen, Jesus tsi roderyendare nene yorighwagwegon onen watkayèríne, nene aontakarighwayèríne ne kaghyadonghseradogenghte, ràwen wakonyadathenghse. 29Ok egh kaksayendaghkwe kanànon ne teyoghnekaghyotsis (vinegar): ok wa-ènaghne oneraghsa ne vinegar, oni ne hyssop waakohhàren, ok egh waèyen tsiraghsakàronde. 30Neonen kadi Jesus wahhayena ne vinegar, wahhenron, onen se kaweyenenda-on; ok wathatsagete ne raonontsine, oni tahhonigonghrinnegenwe.

31Ne Jewshaga kadi, ne wahhone tsi rondenrharatsgwe, nene yaghten aontahhodiyadaniyonthake tsi tekayaghsonde ne ne yawenndadogenglidonke, (iken ne etho yawenndadogenghton agwagh wenndowanenne) wahhonwarighwanekhen ne Pilate nene aontahhonwadirenghsyake, oni èren aontahhonwadihhawighte. 32Ethone wahhonewe ne shodar, ok wahhonwarenghsyake ne shayadat, ok oni nene òya nene wadogen wathonwadiyendanharen. 33Ok ne onen wahhonwayadòrenne ne Jesus, oni wahhontkaghtho onen tsi rawenhhèyon, yaghten honwarenghsyakon: 34Ok denghnon shayadat ne shodar aghsikwa wahhàyenghte wahhoghteghkaròngoghte, ok egh wakayàgenne onegwenghsa oni oghnekanonghs te-kayeston. 35Ok raonhha nene rotkaghtho ne wahhatrori, ok togenske naah tsinihorihhòten: ok rarighwayenderi tsi togenske tsinihayerha, nene aontesewegho taghkon. 36Iken etho ne yorighwawe-on, nene, aontakarighwayèrine ne kaghyadonghseradogenghti, skaghtsyendat ne raoghstyen yaghten entayerighte, 37Ok àre òya ne kaghyadonghseradogenghti wadon, enthonwakànerek nene ronwa-ashon.

38Ok oghnagen ne Joseph ne ne Arimatheahaga, tsi yaweght ne shayadat ne Raotyonghkwa ne Jesus, ok adaghseghtonke tsishakotsanise ne: Jewshaga, wahhorighwanekhen ne Pilate nene èren aontahahhàwighte ne raoyeronde kenhha ne Jesus: ok ne Pilate wahhathondadde. Egh kadi wàrawe, ok wàtraghkwe ne raoyeronde kenhha ne Jesus. 39Ok oni wàrawe ne Nicodemus, nene tsitontyèrenghte aghsennthage royadorè-on ne Jesus, oni rahhàwine tekayeston ne myrrh oni aloes, ensket tewennyawe ne kakontserage tsiniyokste. 40Ethone wathàdighkwe ne raoyeronde kenhha ne Jesus, oni onyadara-on wahhadighwennonyate wadògen ne ononghkwa-soe, tsiniyakorihhòten ne Jewshaga ne enyondadyadathen. 41Ok egh nonwe tsiwathonwayendanharen egh kayenthone; ok oni tsikayentho ase ne sepulchre (tsi vondadyadatta-aghstha) tsinonwe arekho onghka ne ongwe ten wa-èyen. 42Etho kadi wahhonwàyen ne Jesus, ne wahhòne tsi onontohha tsinihondénrhharats ne Jewshaga; iken ok niyoréa tsi gayen ne sepulchre.

Currently Selected:

John 19: MOH1804

Highlight

Copy