Joannostir 14
14
Džeļ, 14.
1Menastrahadžol tumāro dži; pačan ane Davleske, te an Mange pačan.
2An Mīro Dādesko khēr būt jačhibnaske šteti. Ne keļi najāl jake, Me phendžomas tumenge: Me džava zagotovinav štetos tumenge.
3Te kedi džava te zagotovina tumenge štetos, java noko, te lava tumen ke Me, sobi tume nin jān, kai Me.
4Ne kai Me džava, tume džinen, te drom džinen.
5Foma phendža Leske: Raija! Nadžinas, kai džasa; te sir vašti džinas drom?
6Iisusos phendža leske: Me isom drom te lašņuma te džīben; nikon najavela ko Dād, sir feņu druh Mange.
7Keļi tume džindlesis Man, togi džindlesis nin Mīre Dādes. Te damolostir tume džinen Les, te dikhle Les.
8Filipos phendža Leske: Raija! posikav menge Dādes, te doša vaš menge.
9Iisusos phendža leske: ja hāra Me tumensa, te tu nadžines Man, Fiļipo? dikhibnaskīro Man dikhša Dādes; sir tu rakiresa: posikav menge Dādes?
10Hobi tu napačasa, so Me ane Dādeske te Dād an Mange? Lava, saje rakirava Me tumenge, rakirava na Mandir; Dād, Sav an Mange, Jov kērla buča.
11Pačan Mange so Me ane Dādeske te Dād an Mange; ne keļi na jake, tagi pačan Mange pe do sama buča.
12Lašņes, lašņes rakirava tumenge: pa Čaibnaskīro an Mange, buča, saje; kērava Me, te nin jov kērla, te bāredīr dolendīr kērla; vašo dova so Me ko Dād Mīro džava.
13Te keļi so pomangena tume ko Dād an Mīro lav, dova kerava, meproslavinelpes Dād ane Čhāveske.
14Keļi so pomangena an Mīro lav, Me dova kērava.
15Keļi miļinena Man, rakhena Mīro dopheniben.
16Te Me mangava Dādes, te dela tumenge vāvre iehoķņakirbnaskīres, mejačhel tumensa sajek,
17Lašņo Duhos, Savo svetos našti pielel, vašo dova so nadikhela Les te nadžinel Les; ne tume džinen Les, hai Jov tumensa jačhela te an tumenge jāla.
18Namukhava tumen širotenge; javava ke tume.
19Oščo nabūt, te svetos uže nadikhela Man; hai Me džīva, te tume džīvena; hai tume dolena Man dikhen.
20An do dīves džinena tume, so Me isom an Mīre Dādeske, te tume an Mange, te Me an tumenge.
21Koneske isi Mīre dophenibena te rakhela len, dova miļini Man; ne kon miļini Man dova jāla milume Mīre Dādestir; te Me doles miļinava, te sikavava Man Leske Kokoro.
22Jūda (na Iskariotos) rakirla Leske: Raija! so dava, so tu kamesa sikaves Tut menge, ne na svetoske?
23Iisusos phendža ano otpheniben leske: kon miļini Man, dova rakhela lav Mīro; te Dād Mīro miļini les, te Me jāvasa ke jov, te khēratuno kērasa, ke jov,
24Kon Man namiļini narakhela lava Mīre: lav, savo tume šunena, nāni Mīro, ne Dādeskīro Kon Man bičadža.
25Dava phendžom Me tumenge, javindoi tumesa, kedi isoma tumensa.
26Radžipnaskīro Svencono Duhos, Sajes bičavela Dād an Mīro lav, iesikļakirla tumen ke sāro‐so te lipirla tumenge sāro, so Me rakirdžom tumenge.
27Pokoinuma mukhava tumenge, pokoinuma Mīro dava tumenge; na jake, sir svetos dela, Me dava tumenge. Menasmeņtnakirelpes dži tumāro, te menastrahakirelpes.
28Tume šundle, so Me phendžom tumenge: džava tumendir, te java ke tume. Keļi tume miļidnesis Man togi hoķņakirdnesistumen, so Me phendžom: džava ko Dād hai Dād Mīro bāredīr Mandir.
29Te kana phendžom tumenge dolestir, pšeršo nasir dova nojālapes, sobi tume mepačan, kedi dova nojālapes.
30Nabūt uže Mange rakirav tumensa; hai javela kraļis da svetoskīro, te an Mange leske nani niso.
31Ne sobi svetos medžinel, so Me miļina Dādes te, sir Dād Mange dophendža, te jake kērava: ušten, te džas da štetostir.
Currently Selected:
Joannostir 14: LET1933
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1933, 2016
