Génesis 18
18
Ndo Dio bitsjeꞌe Abraham
1Ko Ndo Dio kununxin ngain Abraham are beꞌe nthiꞌa ngain nthajie̱ nthathjao, ngain nuntheꞌe Mamre, ko naa nchaꞌon tajii ngandangii nchia ndasiꞌin ko jichantha sua. 2Ko xendua ko bikon nii xii tate xa chiaon thi beꞌe jeꞌe, ko jaikua bichuenxin na̱ ngatja nthiꞌa, ko bethuxin ko bisetaꞌa nunthe 3ko ndachro:
—Suixin ntha, ja̱ jikininxin na bitsjena ni ntha, nthatsaꞌan ñao ntha sadikjiꞌa ntha tuin. 4Ko tsetuꞌan tsiaꞌo na̱ nchin jinda dikjenxin ntha ruthea ntha, ko nchejugaꞌa ntha ngain naa saꞌon. 5Kai sikian nchin niuthja sinthe ntha tsusujixin ntha, kuthejan nchao rurrueꞌe ntha nthiaa ntha. Jiꞌi nchiandui ntha ko ja̱ chrujan rugundaꞌa ntha, ndachjejin ni ntha.
Ko kanio xii teꞌi ndachro xa:
—Nchao jii ko ncheꞌe thi ndachro.
6Ko Abraham kuinga bixiꞌin nchia ndasiꞌin thi tajii Sara, ko ndachro:
—¡Dingaxin ñao! Tse kan kilo nchoꞌo, thi ncho icha jian ko jaikua nchechjian niuthja.
7Kuthimejan kuinga ngain thi teaxiꞌin kuxinthaa ko tse naa ku icha nthao ko xra dichaꞌa ba, ko bajon ba ngain xi nchexree, ko xi nchexree bingaxin ñao kjuenga ba. 8Ko are juexin kunchjian kain, Abraham bajon tsjin ko xeꞌe dachrjetauꞌen tsjin, ko are tatene na̱ Abraham tabeꞌe ngain na̱ chringi naa saꞌon ixin runchenthuxiꞌin na̱ icha.
9Kuthimejan ni juii bitsjeꞌe banchiangiꞌi na̱:
—¿Thinoo jii chriꞌa Sara?
Ko jeꞌe batheꞌe:
—Ngaxiꞌin nchia ndaasin.
10Ko naa ni teꞌi ndachro:
—Nthiꞌi nano, rukjan na sitsjaꞌa ko are mee, chriꞌa, urruchunda naa chjan.
Ko Sara tajii thi dixinxin ni nchia ndaasin, tuenxin Abraham, ko tajithiꞌin thi tendachro na̱. 11Abraham ko Sara ujunchjan na̱ ko tsjé nano binthechunda na̱ ko Sara ibaxindangeꞌa jnii. 12Ko kjuano ko ndachro ngathe anseen: «¿Akunachrijan na ko xixiꞌna ujunchjan axra chrjuin tsununa?» 13Kuthimejan Ndo Dio ndachro ngain Abraham:
—Unda kjuano Sara ko ndachro: «¿A xra nchao sinthakunkjia naa chjan maski ujunchjan na?» 14¿Ajii chrujan thi atho tangi ixin Ndo Dio? Nano tsii inchin nchaꞌon teꞌi, rukjan na siꞌi sitsjaꞌa ra, ko are mee Sara usechunda chjan.
15Are Sara kuiꞌin jiꞌi, bidoꞌo juaxraon, ko mexinxin juinao runcheeya ko ndachro:
—Jaꞌan kjuanuꞌa.
Aro Ndo Dio ndachro Ndo:
—Jaꞌan nuna ixin jaan, kjuano.
Abraham nichjaxin rajna Sodoma
16Ko are juexin juine na̱ bingathjen na̱ ixin rurruee na̱ nthiee na̱ ko sakjui na̱ ngain rajna Sodoma, ko Abraham sakjui ngain na̱ ixin bikanxin na̱ ngatja nthiꞌá. 17Ko Ndo Dio xraxaon Ndo: «Chroꞌa tsemaa Abraham thi sinthaꞌa 18ixin jeꞌe rukjan ndudee anto tsjé chujni ko jié juachaxin ruchunda na̱. Ko ixin jeꞌe tsunchaunxin kain rajna te ngataꞌa nunthe. 19Jaꞌan kuinchiaa jeꞌe ixin tsetuꞌen xeꞌen ko ni sachrjeninxin xeꞌen ixin sithikaon na̱ thi jaꞌan kjuaago ko sincheꞌe na̱ thi jian ko thi jikininxin. Ko ja̱ jañaa sincheꞌe na̱, jaꞌan sinthaꞌa kain thi ndachrjan ngain Abraham.» 20Kuthimejan Ndo Dio ndachro ngain Abraham:
—Tajitutsjé thi jianꞌa nichja chujni ixin rajna Sodoma ko Gomorra, ixin athukua jianꞌa ncheꞌe na̱. 21Ko jai tsji sitsjaa, ajaan ndua atho jianꞌa thi tencheꞌe na̱ inchin ndachjejin na na̱.
22Kuthimejan yoo thi ni bitsjeꞌe Abraham sakjui na̱ rajna Sodoma, aro Ndo Dio xra bithuꞌe ngain Abraham. 23Ko Abraham kunchieꞌen nchin ngain Ndo Dio ko banchiangi:
—¿A suꞌen chujni xruꞌin teka kunixin ni ncheꞌe thi jianꞌa? 24Ja̱ jii ngain rajna yoo thi kan ko the chujni xruꞌin teka, ¿asinchetjañeꞌa rajna ixin thi yoo kan ko the chujni xruꞌin teka? 25Suixin chroꞌa suꞌen thi jika ko thi xruꞌin jika, ¿asincheꞌe jie̱ ngain thi jika ko ngain thi jikaꞌa? Suixin thi ncheꞌe jie̱ ngain nguixin nunthe, ¿ajeꞌa Suixin ncheꞌe jian jie̱?
26Ndo Dio batheꞌe:
—Ja̱ sithja yoo kan ko the chujni xruꞌin teka ngain rajna Sodoma, jaꞌan sinthatjañaa nguii rajna, ixin thjuaa ni xruꞌin teka.
27Ko kjan nichja Abraham:
—Nchetjañana ixin rinichjakua ngajin jaꞌin, ixin Suixin Ndo Dio ko jaꞌan jeꞌo jinche na ko ntheeso giꞌi na. 28Ko ja̱ rugeꞌe jeꞌo yoo kan ko naꞌo chujni xruꞌin teka, ¿asuixin ndarrugeꞌen nguii rajna?
Ko Ndo Dio ndachro:
—Jaꞌan suenꞌa rajna yaa ixin ni xruꞌin teka.
29Ko kjan nichja Abraham:
—Ja̱ rugeꞌe jeꞌo yoo kan chujni xruꞌin teka, ¿arruguꞌen na̱?
Ko batheꞌe Ndo Dio:
—Jaꞌan suenꞌa rajna ixin thi yoo kan chujni xruꞌin teka.
30Abraham kjan nichja:
—Deguñaoꞌa Suixin ngajin ixin anto ridanchiangi jiꞌi; ja̱ rugeꞌe jeꞌo kan ko the chujni xruꞌin teka, ¿arruguꞌen na̱?
Ndo Dio batheꞌe Ndo ko ndachro Ndo:
—Ixin thi kan ko the chujni teꞌi, sinthatjanꞌa rajna.
31Abraham xra banchiangi:
—Nchana, athukua rinthaꞌa ixin rinichja ngajin Suixin, aro ¿keꞌe tsuꞌen ja̱ sinchii jeꞌo kan chujni xruꞌin jika?
Ndo Dio batheꞌe:
—Ixin thi kan chujni xruꞌin teka sinthatjanꞌa rajna.
32Ko xra ndachro Abraham:
—Nthatsaꞌan ñao Nchana, deguñaoꞌa ngajin, ko jeꞌo nakua nthiꞌá runichja ngajin ko irukjanꞌa na sinthañao: ¿Keꞌe sincheꞌe ja̱ jeꞌo sinchii the chujni xruꞌin teka?
Ndo Dio ndachro Ndo:
—Jeꞌo ixin thi the na̱, sinthatjanꞌa rajna. 33Ko are Ndo Dio juexin nichja ngain Abraham, sakjui Ndo ko Abraham sakjan nchia ndasiꞌin.
Currently Selected:
Génesis 18: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 18
18
Ndo Dio bitsjeꞌe Abraham
1Ko Ndo Dio kununxin ngain Abraham are beꞌe nthiꞌa ngain nthajie̱ nthathjao, ngain nuntheꞌe Mamre, ko naa nchaꞌon tajii ngandangii nchia ndasiꞌin ko jichantha sua. 2Ko xendua ko bikon nii xii tate xa chiaon thi beꞌe jeꞌe, ko jaikua bichuenxin na̱ ngatja nthiꞌa, ko bethuxin ko bisetaꞌa nunthe 3ko ndachro:
—Suixin ntha, ja̱ jikininxin na bitsjena ni ntha, nthatsaꞌan ñao ntha sadikjiꞌa ntha tuin. 4Ko tsetuꞌan tsiaꞌo na̱ nchin jinda dikjenxin ntha ruthea ntha, ko nchejugaꞌa ntha ngain naa saꞌon. 5Kai sikian nchin niuthja sinthe ntha tsusujixin ntha, kuthejan nchao rurrueꞌe ntha nthiaa ntha. Jiꞌi nchiandui ntha ko ja̱ chrujan rugundaꞌa ntha, ndachjejin ni ntha.
Ko kanio xii teꞌi ndachro xa:
—Nchao jii ko ncheꞌe thi ndachro.
6Ko Abraham kuinga bixiꞌin nchia ndasiꞌin thi tajii Sara, ko ndachro:
—¡Dingaxin ñao! Tse kan kilo nchoꞌo, thi ncho icha jian ko jaikua nchechjian niuthja.
7Kuthimejan kuinga ngain thi teaxiꞌin kuxinthaa ko tse naa ku icha nthao ko xra dichaꞌa ba, ko bajon ba ngain xi nchexree, ko xi nchexree bingaxin ñao kjuenga ba. 8Ko are juexin kunchjian kain, Abraham bajon tsjin ko xeꞌe dachrjetauꞌen tsjin, ko are tatene na̱ Abraham tabeꞌe ngain na̱ chringi naa saꞌon ixin runchenthuxiꞌin na̱ icha.
9Kuthimejan ni juii bitsjeꞌe banchiangiꞌi na̱:
—¿Thinoo jii chriꞌa Sara?
Ko jeꞌe batheꞌe:
—Ngaxiꞌin nchia ndaasin.
10Ko naa ni teꞌi ndachro:
—Nthiꞌi nano, rukjan na sitsjaꞌa ko are mee, chriꞌa, urruchunda naa chjan.
Ko Sara tajii thi dixinxin ni nchia ndaasin, tuenxin Abraham, ko tajithiꞌin thi tendachro na̱. 11Abraham ko Sara ujunchjan na̱ ko tsjé nano binthechunda na̱ ko Sara ibaxindangeꞌa jnii. 12Ko kjuano ko ndachro ngathe anseen: «¿Akunachrijan na ko xixiꞌna ujunchjan axra chrjuin tsununa?» 13Kuthimejan Ndo Dio ndachro ngain Abraham:
—Unda kjuano Sara ko ndachro: «¿A xra nchao sinthakunkjia naa chjan maski ujunchjan na?» 14¿Ajii chrujan thi atho tangi ixin Ndo Dio? Nano tsii inchin nchaꞌon teꞌi, rukjan na siꞌi sitsjaꞌa ra, ko are mee Sara usechunda chjan.
15Are Sara kuiꞌin jiꞌi, bidoꞌo juaxraon, ko mexinxin juinao runcheeya ko ndachro:
—Jaꞌan kjuanuꞌa.
Aro Ndo Dio ndachro Ndo:
—Jaꞌan nuna ixin jaan, kjuano.
Abraham nichjaxin rajna Sodoma
16Ko are juexin juine na̱ bingathjen na̱ ixin rurruee na̱ nthiee na̱ ko sakjui na̱ ngain rajna Sodoma, ko Abraham sakjui ngain na̱ ixin bikanxin na̱ ngatja nthiꞌá. 17Ko Ndo Dio xraxaon Ndo: «Chroꞌa tsemaa Abraham thi sinthaꞌa 18ixin jeꞌe rukjan ndudee anto tsjé chujni ko jié juachaxin ruchunda na̱. Ko ixin jeꞌe tsunchaunxin kain rajna te ngataꞌa nunthe. 19Jaꞌan kuinchiaa jeꞌe ixin tsetuꞌen xeꞌen ko ni sachrjeninxin xeꞌen ixin sithikaon na̱ thi jaꞌan kjuaago ko sincheꞌe na̱ thi jian ko thi jikininxin. Ko ja̱ jañaa sincheꞌe na̱, jaꞌan sinthaꞌa kain thi ndachrjan ngain Abraham.» 20Kuthimejan Ndo Dio ndachro ngain Abraham:
—Tajitutsjé thi jianꞌa nichja chujni ixin rajna Sodoma ko Gomorra, ixin athukua jianꞌa ncheꞌe na̱. 21Ko jai tsji sitsjaa, ajaan ndua atho jianꞌa thi tencheꞌe na̱ inchin ndachjejin na na̱.
22Kuthimejan yoo thi ni bitsjeꞌe Abraham sakjui na̱ rajna Sodoma, aro Ndo Dio xra bithuꞌe ngain Abraham. 23Ko Abraham kunchieꞌen nchin ngain Ndo Dio ko banchiangi:
—¿A suꞌen chujni xruꞌin teka kunixin ni ncheꞌe thi jianꞌa? 24Ja̱ jii ngain rajna yoo thi kan ko the chujni xruꞌin teka, ¿asinchetjañeꞌa rajna ixin thi yoo kan ko the chujni xruꞌin teka? 25Suixin chroꞌa suꞌen thi jika ko thi xruꞌin jika, ¿asincheꞌe jie̱ ngain thi jika ko ngain thi jikaꞌa? Suixin thi ncheꞌe jie̱ ngain nguixin nunthe, ¿ajeꞌa Suixin ncheꞌe jian jie̱?
26Ndo Dio batheꞌe:
—Ja̱ sithja yoo kan ko the chujni xruꞌin teka ngain rajna Sodoma, jaꞌan sinthatjañaa nguii rajna, ixin thjuaa ni xruꞌin teka.
27Ko kjan nichja Abraham:
—Nchetjañana ixin rinichjakua ngajin jaꞌin, ixin Suixin Ndo Dio ko jaꞌan jeꞌo jinche na ko ntheeso giꞌi na. 28Ko ja̱ rugeꞌe jeꞌo yoo kan ko naꞌo chujni xruꞌin teka, ¿asuixin ndarrugeꞌen nguii rajna?
Ko Ndo Dio ndachro:
—Jaꞌan suenꞌa rajna yaa ixin ni xruꞌin teka.
29Ko kjan nichja Abraham:
—Ja̱ rugeꞌe jeꞌo yoo kan chujni xruꞌin teka, ¿arruguꞌen na̱?
Ko batheꞌe Ndo Dio:
—Jaꞌan suenꞌa rajna ixin thi yoo kan chujni xruꞌin teka.
30Abraham kjan nichja:
—Deguñaoꞌa Suixin ngajin ixin anto ridanchiangi jiꞌi; ja̱ rugeꞌe jeꞌo kan ko the chujni xruꞌin teka, ¿arruguꞌen na̱?
Ndo Dio batheꞌe Ndo ko ndachro Ndo:
—Ixin thi kan ko the chujni teꞌi, sinthatjanꞌa rajna.
31Abraham xra banchiangi:
—Nchana, athukua rinthaꞌa ixin rinichja ngajin Suixin, aro ¿keꞌe tsuꞌen ja̱ sinchii jeꞌo kan chujni xruꞌin jika?
Ndo Dio batheꞌe:
—Ixin thi kan chujni xruꞌin teka sinthatjanꞌa rajna.
32Ko xra ndachro Abraham:
—Nthatsaꞌan ñao Nchana, deguñaoꞌa ngajin, ko jeꞌo nakua nthiꞌá runichja ngajin ko irukjanꞌa na sinthañao: ¿Keꞌe sincheꞌe ja̱ jeꞌo sinchii the chujni xruꞌin teka?
Ndo Dio ndachro Ndo:
—Jeꞌo ixin thi the na̱, sinthatjanꞌa rajna. 33Ko are Ndo Dio juexin nichja ngain Abraham, sakjui Ndo ko Abraham sakjan nchia ndasiꞌin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.