Génesis 19
19
Ndo Dio binchexanthe rajna Sodoma ko rajna Gomorra
1Are kuexiꞌin kunaxin xeꞌe thi yoo ángel biji ngain rajna Sodoma, ko Lot tajii ngain thi dixinxin ni rajna. Ko are Lot bikon na̱, bingathjen ko bisee ixin chjee na̱ juajna kunixin jié juasaaya. 2Ko ndache na̱:
—Suixin ntha, nthatsaꞌan ñao ntha dithuꞌa ntha ngain nchiania ko nthiꞌa nchao tsjeen ntha ruthea ntha ko nchejugaꞌa ntha ko ndue dakao rueꞌe ntha nthiaa ntha.
Ko jeꞌe na̱ batheꞌe na̱:
—Naꞌi, Dio rutsjenga ꞌna, aro nthiꞌi sathuaxin ná thi̱e ngaa nthiꞌá.
3Aro Lot xra binchetseꞌen ñao na̱, ko jaan, sabikao na̱ nchianduꞌe; ko kuetuꞌan kunchjian thi juine na̱, ko binchechjieꞌen na̱ niuthja dikaoꞌa thi deinxin nchoꞌo ko juine na̱.
4Ko are xra tatetsjeꞌe na̱, biji kain ni xii, ni rajna Sodoma, xan xii ko ni nthaxii ko binthendajin na̱ nchia. 5Ko bayee na̱ Lot ko ndachro na̱:
—¿Thinoo te xii juii ngajin thi̱e jiꞌi? Dantsje xa ixin sinthechrikiꞌan ná xa.
6Kuthimejan Lot bachrjexin nchia ko kuejee nchia ko bikjao na̱, 7ko ndache na̱:
—Nthatsaꞌan ñao ra, jaꞌa ra chujni jian dakjiꞌan, ncheꞌa ra thi anto jianꞌa jiꞌi. 8Jaꞌan chunda yoo xanꞌna xan nchrii, ko xra xruꞌin xii dejuakaꞌo xan; jaꞌan santsje xan ko ncheꞌe ra thi jaꞌa ra sinao ra ngain xan, aro xruꞌin jianꞌa ncheꞌe ra ngain xii teꞌi, ixin jaꞌan rinda xa.
9Ko jeꞌe na̱ batheꞌe na̱:
—¡Sathji ndaꞌa! ¿Unda naa thi jeꞌa thi nthiꞌi, rinao tsetuna ná? ¡Jai icha jianꞌa sinthaꞌa ná ngajin ke ngain xii te ngain nchiandui!
Ko kunxinka na̱ Lot ko kunchieꞌen na̱ ngain ntha dijexin nchia ixin ruganka na̱ ntha. 10Aro ángel tatexiꞌin nchia kuinxe raa ko tse Lot ko xranxiꞌin ngaxiꞌin nchia ko kuejee nchia. 11Kuthimejan ángel teꞌi binchekajin kain ni binthe nduja, xan xii ko ni nthaxii, ko jañaa ibithjaꞌa na̱ thi rugixinxin na̱ nchia. 12Ko ángel teꞌi banchiangiꞌi Lot:
—¿Achunda icha chujnia nthiꞌi? Thetuꞌen xaꞌan xan xii, xan nchrii, xi kindaꞌa ko kain ni chunda ngain rajna jiꞌi. Ko dantsje na̱ ko sathjiꞌo na̱ kjín, 13ixin tsunxanthe ná rajna jiꞌi, ixin anto jianꞌa ncheꞌe chujnii rajna. Ko Ndo Dio anto tsjé kuiꞌin Ndo ixin jeꞌe na̱, mexinxin kuetuna ná Ndo ixin tsunxanthe ná rajna. 14Ko Lot bachrje ko bitsjeꞌe xan xii ruginthekaꞌo xeꞌen xan nchrii ko ndache xan:
—¡Jaikua dingathjen ra ko sathjixin ra nthiꞌi, ixin Ndo Dio tsunxanthe rajna jiꞌi!
Ko jeꞌe xan xraxaon xan ixin Lot jincheyexon xan. 15Ko ixin ujidingasaan, kayui ángel ndache Lot:
—¡Dingaxin ñao! Dingathjen ko sathjiuxin nthiꞌi, chriꞌa ko kayui xaꞌan, ja̱ rinaoꞌa seꞌen ra are sinthaxanthe ná rajna jiꞌi.
16Ko Lot xra jidingaxinꞌa ñao, ko ni ángel tseꞌe raa Lot ko chriꞌi ko kayui xeꞌen, ko bantsjegaxin na̱ rajna ixin xruꞌin ruginthekuꞌen na̱ ixin Ndo Dio kuiakunueꞌe ná. 17Ko are ubachrjegaxin na̱ rajna, naa ángel ndachro:
—¡Thinga ra ixin senꞌa ra! Ko chutaunxinꞌa ton ra ko dinthengathjenꞌa ra ngain chjaaga jiꞌi! Ko sathinga ra ngagaꞌa jna, ja̱ rinaoꞌa ra seꞌen ra.
18Aro Lot ndache ángel teꞌi:
—¡Naꞌi, nthatsaꞌan ñao ntha! 19Suixin ntha anto tsjé thi jian bincheꞌe ntha ngajin, ko kuiakunuana ni ntha ixin benꞌa ná, aro chroꞌa satsinga ná ngagaꞌa jna, ixin ja̱ thi jianꞌa jiꞌi sitse ná, ndaseꞌen ná. 20Tsjexin ntha, nthiꞌi chiaon jii naa rajna nchiin, tajanda ni ntha satsinga ná nthiꞌa ko isenꞌa ná, ko jaan, nduaxin anto nchiin rajna.
21Kuthimejan ángel batheꞌe:
—Kuian thi ndachjejin na ko sinthaꞌa thi rindachro ko tsunxantheꞌa rajnanchjan rindachjejin na, 22aro ¡dingaxin ñao ra!, sathinga ra nthiꞌa, ixin jaꞌan xruꞌin sinthaꞌa sasuja ra nthiꞌa.
Mexinxin rajna yaa biꞌin Zoar, ko mee ruchro «nchiin».
23Ko are jichrintaꞌa nchaꞌon nunthe, Lot biji Zoar. 24Kuthimejan Ndo Dio kuexiꞌin Ndo bincheganianxin Ndo ngajni, azufre ko xruꞌi xraa chrin ngataꞌa rajna Sodoma ko rajna Gomorra. 25Ko binchetjaan Ndo rajna teꞌi ko kain rajnanchjan binthe ngain chjaaga mee. Ko kain chujni, ko kain nthaa ko kain ka beꞌe ngataꞌa nunthe teꞌi ndache. 26Ko are satethji na̱ Zoar, chriꞌi Lot chutaunxin ton ko ndakjamanga nchra naa xro xijntha.
27Ko nduexin nduuyo, Abraham sakjui ngain thi kjuauxin Ndo Dio. 28Ko tsjeꞌe thi jii rajna Sodoma ko Gomorra ko nguii chjaaga mee, ko bikon jithjiꞌin nchin, xraa nchiin thja. 29Jañaa binchetjanxin Ndo Dio rajna binthe ngain chjaaga mee, thi beꞌe nchianduꞌe Lot. Aro xraxaon Ndo ixin Abraham ko bantsjexin Lot ngain nunthe ndaxanthe.
Lot ko xeꞌen xan nchrii
30Kuthimejan Lot sakjuixin rajna Zoar ixin baxraguen chujni beꞌe nthiꞌa, ko sabigeꞌe ngain naa thjao jichrjadoꞌo ngagaꞌa jna, jeꞌe ko kayui xeꞌen. 31Ko naa nchaꞌon xan nchrii xan saꞌo, ndache xan choo xan:
—Ndudaa ná unthaxichjan ndo, ko nthiꞌi xruꞌin xii sunthekoꞌo ná inchin ncheꞌe kain chujni. 32Mexinxin nthukuan ná ndudaa ná ko dunthechrikoꞌo ná ndo ixin ruchunda ná chjan, ko jañaa xra seꞌe chujni sachrjeninxin jeꞌe ndo.
33Ko thi̱e maꞌo bajon xan vino ngain ndudee xan ko binchekuan xan ndo. Ko xan saꞌo bixiꞌin bejuakaꞌo ndudee xan, aro kunueꞌa ndo are bingindeꞌe xan ko are bingathjen xan. 34Ko nduexin xan saꞌo ndache xan choo xan:
—Thi̱e batho ná jiꞌi, jaꞌan barichrikiꞌan ndudaa ná; kai thi̱e jiꞌi nthukuan ná ndo ixin sarichrikoꞌo ndo jaꞌa, ko jañaa kayui ná ruchunda ná xeꞌen ndo ko ruchunda ná chujni sachrjeninxin jeꞌe ndo.
35Ko thi̱e mee kjan bajon xan vino ngain ndudee xan, ko xan nchiin bejuakaꞌo ndudee xan aro jeꞌe ndo kunueꞌa are bingindeꞌe xan ko are bingathjen xan. 36Ko kayui xeꞌen Lot bintheyaa xan xeꞌen ndudee xan. 37Ko xan saꞌo binchekunkjiꞌi xan xeꞌen xan ko binchegiꞌin xan Moab, ko Moab jiꞌi, thi bachrjeninxin kain ni moabita, ko xra te na̱ ngain nchaꞌon teꞌi. 38Ko kai xan yuxin binchekunkjiꞌi xan xeꞌen xan, ko binchegiꞌin xan Ben-ammi, ko Ben-ammi jiꞌi, thi bachrjeninxin ni amonita, ko xra te na̱ ngain nchaꞌon teꞌi.
Currently Selected:
Génesis 19: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 19
19
Ndo Dio binchexanthe rajna Sodoma ko rajna Gomorra
1Are kuexiꞌin kunaxin xeꞌe thi yoo ángel biji ngain rajna Sodoma, ko Lot tajii ngain thi dixinxin ni rajna. Ko are Lot bikon na̱, bingathjen ko bisee ixin chjee na̱ juajna kunixin jié juasaaya. 2Ko ndache na̱:
—Suixin ntha, nthatsaꞌan ñao ntha dithuꞌa ntha ngain nchiania ko nthiꞌa nchao tsjeen ntha ruthea ntha ko nchejugaꞌa ntha ko ndue dakao rueꞌe ntha nthiaa ntha.
Ko jeꞌe na̱ batheꞌe na̱:
—Naꞌi, Dio rutsjenga ꞌna, aro nthiꞌi sathuaxin ná thi̱e ngaa nthiꞌá.
3Aro Lot xra binchetseꞌen ñao na̱, ko jaan, sabikao na̱ nchianduꞌe; ko kuetuꞌan kunchjian thi juine na̱, ko binchechjieꞌen na̱ niuthja dikaoꞌa thi deinxin nchoꞌo ko juine na̱.
4Ko are xra tatetsjeꞌe na̱, biji kain ni xii, ni rajna Sodoma, xan xii ko ni nthaxii ko binthendajin na̱ nchia. 5Ko bayee na̱ Lot ko ndachro na̱:
—¿Thinoo te xii juii ngajin thi̱e jiꞌi? Dantsje xa ixin sinthechrikiꞌan ná xa.
6Kuthimejan Lot bachrjexin nchia ko kuejee nchia ko bikjao na̱, 7ko ndache na̱:
—Nthatsaꞌan ñao ra, jaꞌa ra chujni jian dakjiꞌan, ncheꞌa ra thi anto jianꞌa jiꞌi. 8Jaꞌan chunda yoo xanꞌna xan nchrii, ko xra xruꞌin xii dejuakaꞌo xan; jaꞌan santsje xan ko ncheꞌe ra thi jaꞌa ra sinao ra ngain xan, aro xruꞌin jianꞌa ncheꞌe ra ngain xii teꞌi, ixin jaꞌan rinda xa.
9Ko jeꞌe na̱ batheꞌe na̱:
—¡Sathji ndaꞌa! ¿Unda naa thi jeꞌa thi nthiꞌi, rinao tsetuna ná? ¡Jai icha jianꞌa sinthaꞌa ná ngajin ke ngain xii te ngain nchiandui!
Ko kunxinka na̱ Lot ko kunchieꞌen na̱ ngain ntha dijexin nchia ixin ruganka na̱ ntha. 10Aro ángel tatexiꞌin nchia kuinxe raa ko tse Lot ko xranxiꞌin ngaxiꞌin nchia ko kuejee nchia. 11Kuthimejan ángel teꞌi binchekajin kain ni binthe nduja, xan xii ko ni nthaxii, ko jañaa ibithjaꞌa na̱ thi rugixinxin na̱ nchia. 12Ko ángel teꞌi banchiangiꞌi Lot:
—¿Achunda icha chujnia nthiꞌi? Thetuꞌen xaꞌan xan xii, xan nchrii, xi kindaꞌa ko kain ni chunda ngain rajna jiꞌi. Ko dantsje na̱ ko sathjiꞌo na̱ kjín, 13ixin tsunxanthe ná rajna jiꞌi, ixin anto jianꞌa ncheꞌe chujnii rajna. Ko Ndo Dio anto tsjé kuiꞌin Ndo ixin jeꞌe na̱, mexinxin kuetuna ná Ndo ixin tsunxanthe ná rajna. 14Ko Lot bachrje ko bitsjeꞌe xan xii ruginthekaꞌo xeꞌen xan nchrii ko ndache xan:
—¡Jaikua dingathjen ra ko sathjixin ra nthiꞌi, ixin Ndo Dio tsunxanthe rajna jiꞌi!
Ko jeꞌe xan xraxaon xan ixin Lot jincheyexon xan. 15Ko ixin ujidingasaan, kayui ángel ndache Lot:
—¡Dingaxin ñao! Dingathjen ko sathjiuxin nthiꞌi, chriꞌa ko kayui xaꞌan, ja̱ rinaoꞌa seꞌen ra are sinthaxanthe ná rajna jiꞌi.
16Ko Lot xra jidingaxinꞌa ñao, ko ni ángel tseꞌe raa Lot ko chriꞌi ko kayui xeꞌen, ko bantsjegaxin na̱ rajna ixin xruꞌin ruginthekuꞌen na̱ ixin Ndo Dio kuiakunueꞌe ná. 17Ko are ubachrjegaxin na̱ rajna, naa ángel ndachro:
—¡Thinga ra ixin senꞌa ra! Ko chutaunxinꞌa ton ra ko dinthengathjenꞌa ra ngain chjaaga jiꞌi! Ko sathinga ra ngagaꞌa jna, ja̱ rinaoꞌa ra seꞌen ra.
18Aro Lot ndache ángel teꞌi:
—¡Naꞌi, nthatsaꞌan ñao ntha! 19Suixin ntha anto tsjé thi jian bincheꞌe ntha ngajin, ko kuiakunuana ni ntha ixin benꞌa ná, aro chroꞌa satsinga ná ngagaꞌa jna, ixin ja̱ thi jianꞌa jiꞌi sitse ná, ndaseꞌen ná. 20Tsjexin ntha, nthiꞌi chiaon jii naa rajna nchiin, tajanda ni ntha satsinga ná nthiꞌa ko isenꞌa ná, ko jaan, nduaxin anto nchiin rajna.
21Kuthimejan ángel batheꞌe:
—Kuian thi ndachjejin na ko sinthaꞌa thi rindachro ko tsunxantheꞌa rajnanchjan rindachjejin na, 22aro ¡dingaxin ñao ra!, sathinga ra nthiꞌa, ixin jaꞌan xruꞌin sinthaꞌa sasuja ra nthiꞌa.
Mexinxin rajna yaa biꞌin Zoar, ko mee ruchro «nchiin».
23Ko are jichrintaꞌa nchaꞌon nunthe, Lot biji Zoar. 24Kuthimejan Ndo Dio kuexiꞌin Ndo bincheganianxin Ndo ngajni, azufre ko xruꞌi xraa chrin ngataꞌa rajna Sodoma ko rajna Gomorra. 25Ko binchetjaan Ndo rajna teꞌi ko kain rajnanchjan binthe ngain chjaaga mee. Ko kain chujni, ko kain nthaa ko kain ka beꞌe ngataꞌa nunthe teꞌi ndache. 26Ko are satethji na̱ Zoar, chriꞌi Lot chutaunxin ton ko ndakjamanga nchra naa xro xijntha.
27Ko nduexin nduuyo, Abraham sakjui ngain thi kjuauxin Ndo Dio. 28Ko tsjeꞌe thi jii rajna Sodoma ko Gomorra ko nguii chjaaga mee, ko bikon jithjiꞌin nchin, xraa nchiin thja. 29Jañaa binchetjanxin Ndo Dio rajna binthe ngain chjaaga mee, thi beꞌe nchianduꞌe Lot. Aro xraxaon Ndo ixin Abraham ko bantsjexin Lot ngain nunthe ndaxanthe.
Lot ko xeꞌen xan nchrii
30Kuthimejan Lot sakjuixin rajna Zoar ixin baxraguen chujni beꞌe nthiꞌa, ko sabigeꞌe ngain naa thjao jichrjadoꞌo ngagaꞌa jna, jeꞌe ko kayui xeꞌen. 31Ko naa nchaꞌon xan nchrii xan saꞌo, ndache xan choo xan:
—Ndudaa ná unthaxichjan ndo, ko nthiꞌi xruꞌin xii sunthekoꞌo ná inchin ncheꞌe kain chujni. 32Mexinxin nthukuan ná ndudaa ná ko dunthechrikoꞌo ná ndo ixin ruchunda ná chjan, ko jañaa xra seꞌe chujni sachrjeninxin jeꞌe ndo.
33Ko thi̱e maꞌo bajon xan vino ngain ndudee xan ko binchekuan xan ndo. Ko xan saꞌo bixiꞌin bejuakaꞌo ndudee xan, aro kunueꞌa ndo are bingindeꞌe xan ko are bingathjen xan. 34Ko nduexin xan saꞌo ndache xan choo xan:
—Thi̱e batho ná jiꞌi, jaꞌan barichrikiꞌan ndudaa ná; kai thi̱e jiꞌi nthukuan ná ndo ixin sarichrikoꞌo ndo jaꞌa, ko jañaa kayui ná ruchunda ná xeꞌen ndo ko ruchunda ná chujni sachrjeninxin jeꞌe ndo.
35Ko thi̱e mee kjan bajon xan vino ngain ndudee xan, ko xan nchiin bejuakaꞌo ndudee xan aro jeꞌe ndo kunueꞌa are bingindeꞌe xan ko are bingathjen xan. 36Ko kayui xeꞌen Lot bintheyaa xan xeꞌen ndudee xan. 37Ko xan saꞌo binchekunkjiꞌi xan xeꞌen xan ko binchegiꞌin xan Moab, ko Moab jiꞌi, thi bachrjeninxin kain ni moabita, ko xra te na̱ ngain nchaꞌon teꞌi. 38Ko kai xan yuxin binchekunkjiꞌi xan xeꞌen xan, ko binchegiꞌin xan Ben-ammi, ko Ben-ammi jiꞌi, thi bachrjeninxin ni amonita, ko xra te na̱ ngain nchaꞌon teꞌi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.