Génesis 20
20
Abraham ko Abimelec
1Ko Abraham ko kain chujnii sakjui na̱ nu nunthe ngain nuntheꞌe Neguev, ko sabigeꞌe na̱ ngayee rajna Cades ko nuntheꞌe Shur. Kuthimejan sabigeꞌe na̱ ngain rajna Gerar, xraa chujni jeꞌa nuntheꞌe. 2Nthiꞌa Abraham ndachro ixin Sara jeꞌa chriꞌi, ko ndachro ixin xan choo. Mexinxin Abimelec, xi rey baketuꞌan nthiꞌa, ruaꞌan juajna bixrakua Sara ixin rugekaꞌo. 3Aro thi̱e mee Abimelec kununxiꞌin Ndo Dio ngathe kuthachrin, ko ndachro Ndo: «Jai ndaseꞌen, ixin nchrii birrueꞌe ko rinao sarikoꞌo ujikaꞌo nchra xii.»
4Aro Abimelec xra bejuakaoꞌa nchra, ko ndachro: «Nchana, ¿akaxon ndasuꞌen chujni xruꞌin teka? 5Ixin Abraham ndachjejin na ixin nchrii yaa xan choo, ko kai jeꞌe nchra ndachro nchra ixin Abraham xi choo nchra, mexinxin tununa ixin jaꞌan jian binthaꞌa ko xruꞌin jianꞌa rika.»
6Ko ngathe kuthachrin Ndo Dio ndache Abimelec: «Jaꞌan nuna ixin jaꞌa xruꞌin rika, mexinxin jaꞌan kuajandaꞌa barichrikoꞌo nchra ko runcheꞌe thi jianꞌa ngathexin kon na. 7Aro jai nchekjan chriꞌi xii yaa, ixin jeꞌe naa thi dayée juajnana, ko jeꞌe xa sakeꞌe xa juatutseꞌen ñao ixin jaꞌa sarichon. Ja̱ sinchekjanꞌa nchra, tunuꞌa jian ixin jaꞌa ko kain chujnia ndaseꞌen ra.»
8Kuthimejan Abimelec bingathjen nduuyo ko bayee kain ni nchexree ko ndache na̱ thi kuxinxin ko jeꞌe na̱ anto xraon na̱. 9Kuthimejan Abimelec bayee Abraham ko ndache:
—¿Keꞌe binchena ni ra? ¿Keꞌe jianꞌa binthaꞌa ngajin ixin bikuꞌna naa thi jianꞌa anto jié ngataꞌa na, ko ngataꞌa chujnina? Jaꞌa runcheꞌa thi binchena.
10Ko kai ndachro Abimelec ngain Abraham:
—¿Keꞌe rixraxaon?, ko ¿unda bincheꞌe jiꞌi?
11Ko Abraham batheꞌe:
—Jaꞌan xraxaꞌon ixin ngain rajna jiꞌi xruꞌin kensen nchesayeꞌe Ndo Diuna, ko ruguen na na̱ ko rugantsje na na̱ chriꞌna. 12Nduaxin jaan, xan chian, ixin kai xeꞌen ndudana aro jeꞌa xeꞌen janana, mexinxin kuajanda na na̱ kuthena ngain xan. 13Ko are Ndo Dio kuetuna bachrjexin nchianduꞌa ndudana ko benunaꞌa thinoo rukji, jaꞌan ndathjan ixin nguii thi rukji ná, rundachro ixin jaꞌan xi choo.
14Ko Abimelec binchethuen tsjé kuleko, kuxinthaa, chujni dikeꞌna, ni xii ko ni nchrii, ko kunkjeꞌen chriꞌi. 15Ko ndachro Abimelec:
—Chuntaon nuntheꞌna ko dinchieꞌe thinoo rinao sariꞌi.
16Ko ndache Sara:
—Thi chjaꞌa xan choo renthe naa no̱ tumi chia plata, ko jiꞌi thi tsjaago ixin anto renthe jaꞌa ko xruꞌin kensen nchao runichja jianꞌa ixin jaꞌa.
17Kuthimejan Abraham nichjayee Ndo Dio ko Ndo Dio binchexrueꞌen Abimelec, ko kai chriꞌi ko nchri nchexree Abimelec, ko unchao binthechunda nchra chjan 18ixin Ndo Dio undachro ixin kain nchrii te nchianduꞌe Abimelec chroꞌa runchekunkjiꞌi nchra chjan ixin thi bincheꞌe Sara.
Currently Selected:
Génesis 20: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
