Génesis 38
38
Judá ko Tamar
1Ngain nchaꞌon taꞌa, Judá bachrjendeꞌe xan choo ko sakjui sabigeꞌe ngain rajna Adulam, ngain nchianduꞌa naa xii biꞌin Hira. 2Ko nthiꞌa Judá batsuan naa xan nchrii, nchrichjeꞌe naa xi cananeo biꞌin Súa, ko Judá bekaꞌo nchra ko bejuakaꞌo nchra. 3Ko jeꞌe nchra tabeyaa nchra chjan ko binchekunkjiꞌi nchra naa xan xichjan, ko binchegiꞌin xan Er. 4Kuthejan kjan beyaa nchra inaa chjan ko binchekunkjiꞌi nchra xan, ko binchegiꞌin xan Onán. 5Ko kjan beyaa nchra inaa xan ko binchekunkjiꞌi nchra xan, ko binchegiꞌin xan Sela. Ko binthe na̱ ngain rajna Quezib, are kunkjiꞌi xan jiꞌi.
6Kuthimejan Judá kjuee naa nchrii bekaꞌo Er, xan saꞌo, ko biꞌin nchra Tamar. 7Aro Er atho jianꞌa bancheꞌe ngathexin kon Ndo Dio, mexinxin Ndo Dio bincheꞌe Ndo ixin ndabeꞌen Er. 8Kuthimejan Judá ndachro ngain Onán:
—Darikoꞌo nchri gaꞌan nchri kuinthuꞌe xan choo, inchin chro ley chunda ná, ko jañaa xan choo, xan beꞌen, ruchunda xan naa chjan ixin jaꞌa.
9Aro Onán benuꞌe ixin xan ruguan rukjiꞌa inchin xeꞌen, mexinxin are bagejuakaꞌo Tamar, Onán bancheꞌe ixin rugithueꞌa nchra chjan, ko bakingo ngain jinche thi rukunchjianxin chjan, ko jañaa xruꞌin chjan ruchjee xan choo. 10Ko Ndo Dio banchexruxinꞌa thi bancheꞌe Onán, mexinxin Ndo Dio bincheꞌe Ndo ixin beꞌen Onán. 11Ko Judá ndachro ngain nchri deindeꞌe:
—Jañaa gaꞌan dithuꞌa ngain nchianduꞌa ndudaa, sangija xanꞌna Sela.
Aro Judá baka juachjaon ixin kai rugeꞌen xan Sela inchin xan choo xan. Kuthimejan Tamar sakjui ngain nchianduꞌa ndudee.
12Batho nano ko chriꞌi Judá, thi kjui xeꞌen Súa, ndabeꞌen. Ko are ujuexin juachjaon ixin beꞌen chriꞌi, Judá sakjui ngain rajna Timnat, thi te ni kjiꞌin kulekue. Ko bikao xi jian dakao diꞌin Hira, thi adulamita. 13Ko chujni binchenuꞌe Tamar ixin ndunchee kjui ndo Timnat ixin bikjiꞌin ndo kulekue ndo, 14ko bantsje nchra luntho dengaa ni gaꞌan ko bengaa nchra inaa luntho, ko kuejanthe jaa ko kjuamataon ngakon nchra ixin xruꞌin kensen rugatsuan ko kjui sabigeꞌe thi dixinxin na̱ rajna Enaim, ko rajna jiꞌi beꞌe chrikee nthiꞌá thji rajna Timnat. Tamar bincheꞌe jiꞌi ixin bikon ixin xan Sela ubangi xan ko ibirrueꞌa na̱ jeꞌe ixin rugekaꞌo xan.
15Are Judá bikon nchra, jeꞌe xraxaon ixin yaa naa nchrii nchekji nthauꞌe ixin dikjamataon jaa nchra. 16Mexinxin bachrjenda ko kjui ngain nchra, aro benueꞌa ixin nchri deindeꞌe, ko ndache nchra:
—¿Anchao sarichrin ngajin?
Ko ndachro jeꞌe nchra:
—¿Kieꞌen tsjengana ꞌna ixin sarichrin ngajin?
17Ko ndachro Judá:
—Jaꞌan rurruaꞌan naa kuthentsuchjan.
Ko ndachro jeꞌe nchra:
—Nchao jii, aro thinthuena naa lunthua ko tsunkjaꞌan are rurruana kuthentsuchjan.
18Ko banchiangi Judá:
—¿Keꞌe rinao tsinthuꞌa?
Ko jeꞌe nchra ndachro nchra:
—Chjana ntha kuthuꞌa, kuchianingo kunixin jinunchjeꞌen.
Judá chjee thi banchia ko bejuakaꞌo nchra, ko jeꞌe nchra tabeyaa nchra chjan. 19Kuthimejan jeꞌe nchra sakjan nchra nchianduꞌa nchra ko kjan bengaa nchra lunthue nchri gaꞌan.
20Ko Judá ruaꞌan xi adulamita, xi jian bagakao, ixin bikao xa kuthentsuchjan ngain thi nchrii, ixin runchekjan nchra kain thi kuinthuꞌe Judá, aro jeꞌe xa ibithjaꞌa nchra nthiꞌa. 21Kuthimejan banchiangi xa ngain nchin ni xii binthe nthiꞌa ko ndachro:
—¿Thinoo jii nchri nchekji nthauꞌe beꞌe ngandeꞌe rajna Enaim, nthiꞌi ngadeꞌe nthiꞌá?
Ko batheꞌe xa:
—Nthiꞌi xruꞌin nchri nchekji nthauꞌe deꞌe.
22Ko sakjan xa thi beꞌe Judá ko ndachro xa:
—Bithjaꞌa thi nchrii, ko ni xii te nu yaa ndachro na̱ ixin nthiꞌa xruꞌin nchri nchekji nthauꞌe deꞌe.
23Ko Judá batheꞌe:
—Ncho tadithuꞌe nchra thi chjaꞌa nchra, ixin xruꞌin kensen tsjanua ná, aro sithueꞌa ixin jaꞌan, ixin jaꞌan ruaꞌan kuthentsuchjan ko jaꞌa binchiꞌa nchra.
24Ko batho inchin nii kunithjao ko juiauꞌe na̱ naa juajna ngain Judá:
—Tamar, nchri deindaꞌa suixin, digejuakaꞌo inaa xii, ixin ujiyaa nchra chjan.
Ko seen ndachro Judá:
—¡Dantsje ra nchra ko tjaaga ra nchra!
25Ko are tedantsje na̱ nchra, jeꞌe nchra ruaꞌan nchra naa juajna ngain ndunchee nchra: «Thi kuinthuena ntha kutho, jinunchjan ko kuchianingo, mee thi ndudee chjan riyaa.» 26Are Judá batsuan thi jeꞌe kuinthuꞌe, jeꞌe ndachro: «Jaꞌan thi jianꞌa binthaꞌa ko jeꞌa jeꞌe nchra, ixin ibinthathaꞌa nchra ngain xanꞌna xan Sela.» Ko Judá ixruꞌin nchaꞌon bejuakaꞌo Tamar.
27Ko are ubithja nchaꞌon ixin Tamar urrunchekunkjiꞌi chjan, kunuꞌe ixin rukunkjiꞌi yoo xan. 28Ko are kunkjiꞌi xan, naa xan bantsje raa xan, ko thi nchrii kjuengijna Tamar kuethedunga naa chjon jatse ngain raa xan ko ndachro: «Xan jiꞌi kunkjiꞌi saꞌo.» 29Ko are xan bantsje raa saꞌo, kjan xranxiꞌin raa xan, ko xan choo xan kunkjiꞌi saꞌo, mexinxin nchri kjuengijna Tamar binchegiꞌin xan Fares, ko ndachro nchra: «¡Nduaxin, banthjeꞌe nthiaa ko bachrje saꞌo!». 30Kuthimejan bachrje xan bethea chjon jatse, ko ixin bethea raa xan, chjon jatse, mexinxin biꞌin xan Zara.
Currently Selected:
Génesis 38: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 38
38
Judá ko Tamar
1Ngain nchaꞌon taꞌa, Judá bachrjendeꞌe xan choo ko sakjui sabigeꞌe ngain rajna Adulam, ngain nchianduꞌa naa xii biꞌin Hira. 2Ko nthiꞌa Judá batsuan naa xan nchrii, nchrichjeꞌe naa xi cananeo biꞌin Súa, ko Judá bekaꞌo nchra ko bejuakaꞌo nchra. 3Ko jeꞌe nchra tabeyaa nchra chjan ko binchekunkjiꞌi nchra naa xan xichjan, ko binchegiꞌin xan Er. 4Kuthejan kjan beyaa nchra inaa chjan ko binchekunkjiꞌi nchra xan, ko binchegiꞌin xan Onán. 5Ko kjan beyaa nchra inaa xan ko binchekunkjiꞌi nchra xan, ko binchegiꞌin xan Sela. Ko binthe na̱ ngain rajna Quezib, are kunkjiꞌi xan jiꞌi.
6Kuthimejan Judá kjuee naa nchrii bekaꞌo Er, xan saꞌo, ko biꞌin nchra Tamar. 7Aro Er atho jianꞌa bancheꞌe ngathexin kon Ndo Dio, mexinxin Ndo Dio bincheꞌe Ndo ixin ndabeꞌen Er. 8Kuthimejan Judá ndachro ngain Onán:
—Darikoꞌo nchri gaꞌan nchri kuinthuꞌe xan choo, inchin chro ley chunda ná, ko jañaa xan choo, xan beꞌen, ruchunda xan naa chjan ixin jaꞌa.
9Aro Onán benuꞌe ixin xan ruguan rukjiꞌa inchin xeꞌen, mexinxin are bagejuakaꞌo Tamar, Onán bancheꞌe ixin rugithueꞌa nchra chjan, ko bakingo ngain jinche thi rukunchjianxin chjan, ko jañaa xruꞌin chjan ruchjee xan choo. 10Ko Ndo Dio banchexruxinꞌa thi bancheꞌe Onán, mexinxin Ndo Dio bincheꞌe Ndo ixin beꞌen Onán. 11Ko Judá ndachro ngain nchri deindeꞌe:
—Jañaa gaꞌan dithuꞌa ngain nchianduꞌa ndudaa, sangija xanꞌna Sela.
Aro Judá baka juachjaon ixin kai rugeꞌen xan Sela inchin xan choo xan. Kuthimejan Tamar sakjui ngain nchianduꞌa ndudee.
12Batho nano ko chriꞌi Judá, thi kjui xeꞌen Súa, ndabeꞌen. Ko are ujuexin juachjaon ixin beꞌen chriꞌi, Judá sakjui ngain rajna Timnat, thi te ni kjiꞌin kulekue. Ko bikao xi jian dakao diꞌin Hira, thi adulamita. 13Ko chujni binchenuꞌe Tamar ixin ndunchee kjui ndo Timnat ixin bikjiꞌin ndo kulekue ndo, 14ko bantsje nchra luntho dengaa ni gaꞌan ko bengaa nchra inaa luntho, ko kuejanthe jaa ko kjuamataon ngakon nchra ixin xruꞌin kensen rugatsuan ko kjui sabigeꞌe thi dixinxin na̱ rajna Enaim, ko rajna jiꞌi beꞌe chrikee nthiꞌá thji rajna Timnat. Tamar bincheꞌe jiꞌi ixin bikon ixin xan Sela ubangi xan ko ibirrueꞌa na̱ jeꞌe ixin rugekaꞌo xan.
15Are Judá bikon nchra, jeꞌe xraxaon ixin yaa naa nchrii nchekji nthauꞌe ixin dikjamataon jaa nchra. 16Mexinxin bachrjenda ko kjui ngain nchra, aro benueꞌa ixin nchri deindeꞌe, ko ndache nchra:
—¿Anchao sarichrin ngajin?
Ko ndachro jeꞌe nchra:
—¿Kieꞌen tsjengana ꞌna ixin sarichrin ngajin?
17Ko ndachro Judá:
—Jaꞌan rurruaꞌan naa kuthentsuchjan.
Ko ndachro jeꞌe nchra:
—Nchao jii, aro thinthuena naa lunthua ko tsunkjaꞌan are rurruana kuthentsuchjan.
18Ko banchiangi Judá:
—¿Keꞌe rinao tsinthuꞌa?
Ko jeꞌe nchra ndachro nchra:
—Chjana ntha kuthuꞌa, kuchianingo kunixin jinunchjeꞌen.
Judá chjee thi banchia ko bejuakaꞌo nchra, ko jeꞌe nchra tabeyaa nchra chjan. 19Kuthimejan jeꞌe nchra sakjan nchra nchianduꞌa nchra ko kjan bengaa nchra lunthue nchri gaꞌan.
20Ko Judá ruaꞌan xi adulamita, xi jian bagakao, ixin bikao xa kuthentsuchjan ngain thi nchrii, ixin runchekjan nchra kain thi kuinthuꞌe Judá, aro jeꞌe xa ibithjaꞌa nchra nthiꞌa. 21Kuthimejan banchiangi xa ngain nchin ni xii binthe nthiꞌa ko ndachro:
—¿Thinoo jii nchri nchekji nthauꞌe beꞌe ngandeꞌe rajna Enaim, nthiꞌi ngadeꞌe nthiꞌá?
Ko batheꞌe xa:
—Nthiꞌi xruꞌin nchri nchekji nthauꞌe deꞌe.
22Ko sakjan xa thi beꞌe Judá ko ndachro xa:
—Bithjaꞌa thi nchrii, ko ni xii te nu yaa ndachro na̱ ixin nthiꞌa xruꞌin nchri nchekji nthauꞌe deꞌe.
23Ko Judá batheꞌe:
—Ncho tadithuꞌe nchra thi chjaꞌa nchra, ixin xruꞌin kensen tsjanua ná, aro sithueꞌa ixin jaꞌan, ixin jaꞌan ruaꞌan kuthentsuchjan ko jaꞌa binchiꞌa nchra.
24Ko batho inchin nii kunithjao ko juiauꞌe na̱ naa juajna ngain Judá:
—Tamar, nchri deindaꞌa suixin, digejuakaꞌo inaa xii, ixin ujiyaa nchra chjan.
Ko seen ndachro Judá:
—¡Dantsje ra nchra ko tjaaga ra nchra!
25Ko are tedantsje na̱ nchra, jeꞌe nchra ruaꞌan nchra naa juajna ngain ndunchee nchra: «Thi kuinthuena ntha kutho, jinunchjan ko kuchianingo, mee thi ndudee chjan riyaa.» 26Are Judá batsuan thi jeꞌe kuinthuꞌe, jeꞌe ndachro: «Jaꞌan thi jianꞌa binthaꞌa ko jeꞌa jeꞌe nchra, ixin ibinthathaꞌa nchra ngain xanꞌna xan Sela.» Ko Judá ixruꞌin nchaꞌon bejuakaꞌo Tamar.
27Ko are ubithja nchaꞌon ixin Tamar urrunchekunkjiꞌi chjan, kunuꞌe ixin rukunkjiꞌi yoo xan. 28Ko are kunkjiꞌi xan, naa xan bantsje raa xan, ko thi nchrii kjuengijna Tamar kuethedunga naa chjon jatse ngain raa xan ko ndachro: «Xan jiꞌi kunkjiꞌi saꞌo.» 29Ko are xan bantsje raa saꞌo, kjan xranxiꞌin raa xan, ko xan choo xan kunkjiꞌi saꞌo, mexinxin nchri kjuengijna Tamar binchegiꞌin xan Fares, ko ndachro nchra: «¡Nduaxin, banthjeꞌe nthiaa ko bachrje saꞌo!». 30Kuthimejan bachrje xan bethea chjon jatse, ko ixin bethea raa xan, chjon jatse, mexinxin biꞌin xan Zara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.