Génesis 39
39
José ngain nchianduꞌa Potifar
1Ko are ni ismaelita, ni banchekji ko bakeꞌna, biji na̱ Egipto, ko binchekji na̱ José ngain Potifar, thi kjui naa xi nchexree faraón, ko kai baketuꞌen ni bakjaaya ko ni bagenda xi rey. 2Ko Ndo Dio beꞌe ngain José, mexinxin jian bancheꞌe kain xree, kain nchaꞌon beꞌe ngain nchianduꞌa nchee, thi kueꞌna. 3Ko Potifar bikon ixin Ndo Dio bakjengijna José ixin kain jian bancheꞌe. 4Ko Potifar banchexruxiꞌin kain thi bancheꞌe José, mexinxin Potifar binchekjan José naa xi ncheꞌe xra benda nchianduꞌa ko kuetuꞌan kain thi bechunda. 5Ko ngain nchaꞌon kuexinxin kuetuꞌan José ngain nchianduꞌa Potifar ko ngain kain thi bechunda, Ndo Dio binchenchaon ngain nchianduꞌa ko ngain jngiꞌi. 6Ko Potifar bajon kain juachaxin ngain José, ko ixruꞌin juachjaon baka, jeꞌo ixin thi bane.
Ko José kjui naa xan xii chrjuin betsjeꞌe ko chrjuin beꞌe. 7Ko batho kainxion nchaꞌon ko chriꞌi Potifar binchexruxiꞌin José, ko ndachro nchra:
—Xrakui darichrin ngajin.
8Aro José binaoꞌa ko ndachro:
—Nthatsaꞌan ñao, nchana kuinthuena kain thi chunda jeꞌe, ko jeꞌe xruꞌin juachjaon chunda ixin riꞌi nthiꞌi nchianduꞌa. 9Ngain nchia jiꞌi nchana chjana kain juachaxin, jeꞌo ngajin suixin naꞌi ixin suixin chriꞌi nchana. ¿Unda sinthaꞌa thi jianꞌa yaa ngain nchana ko sinthaꞌa thi jianꞌa ngathexin kon Ndo Dio?
10Ko jeꞌe nchra kain nchaꞌon bandache nchra José ixin rugejuakaꞌo nchra, aro jeꞌe bagithuexinꞌa. 11Aro naa nchaꞌon José bixiꞌin nchia ixin runcheꞌe xra, ko xruꞌin kensen beꞌe ngain nchia. 12Ko jeꞌe nchra tseꞌe nchra lunthue ko ndachro nchra:
—Darichrin ngajin.
Aro José sakuingeꞌe nchra ko jeꞌe nchra ixin jitse nchra luntho, tabithuꞌe lunthue José ngaa raa nchra are bachrje. 13Ko are bikon nchra ixin tabithuꞌe nchra lunthue José, 14bayee nincheꞌe xra te ngain nchia ko ndachro nchra:
—Tsjexin ra, xixiꞌna juiaꞌo naa xi hebreo ko jai tjanua ná xa. Ixin juii xa ko binao xa rugarichrikiꞌan xa, aro jaꞌan suji kuyao. 15Ko are kuiꞌin xa ixin suji kuyao, kuinga xa bachrje xa ko kuinthuꞌe xa lunthue xa nthiꞌi.
16Ko jeꞌe nchra tabithuꞌe nchra luntho, juija xixiꞌi nchra nchia. 17Ko xrajeꞌo kuekin nchra ngain xixiꞌi nchra ko ndachro nchra:
—Thi xii kueꞌna jaꞌa, thi hebreo, bixiꞌin nchia ko binao rukaxin na nunthe, 18aro jaꞌan suji kuyao, ko sakuinga xa ko kuinthuꞌe xa lunthue xa nthiꞌi. 19Ko jañaa binchena xi nchexraa.
Ko are kuiꞌin nchee José kain jiꞌi, anto guñao, 20ko tuin kuetuꞌan ixin rukiaxiꞌin na̱ ngain nduꞌa xiiso, thi te ni kuiaxiꞌin xi rey. Aro maski xrangaxiꞌon ndua xiiso, 21Ndo Dio xra beꞌe ngain José ko kjuague Ndo ixin jeꞌe Ndo anto thjueꞌe Ndo, ko bincheꞌe Ndo ixin José kjui thi icha jian rugakao thi baketuꞌan ngain nduꞌa xiiso. 22Ko thi baketuꞌan nduꞌa xiiso, bajon kain juachaxin ngain José ixin jeꞌe ruketuꞌan ngain nduꞌa xiiso, ko José bandachro keꞌe rukuꞌen. 23Ko thi baketuꞌan xruꞌin juachjaon baka ixin thi bancheꞌe José, ixin Ndo Dio beꞌe ngain José, ko bancheꞌe Ndo ixin jian bagachrje kain.
Currently Selected:
Génesis 39: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 39
39
José ngain nchianduꞌa Potifar
1Ko are ni ismaelita, ni banchekji ko bakeꞌna, biji na̱ Egipto, ko binchekji na̱ José ngain Potifar, thi kjui naa xi nchexree faraón, ko kai baketuꞌen ni bakjaaya ko ni bagenda xi rey. 2Ko Ndo Dio beꞌe ngain José, mexinxin jian bancheꞌe kain xree, kain nchaꞌon beꞌe ngain nchianduꞌa nchee, thi kueꞌna. 3Ko Potifar bikon ixin Ndo Dio bakjengijna José ixin kain jian bancheꞌe. 4Ko Potifar banchexruxiꞌin kain thi bancheꞌe José, mexinxin Potifar binchekjan José naa xi ncheꞌe xra benda nchianduꞌa ko kuetuꞌan kain thi bechunda. 5Ko ngain nchaꞌon kuexinxin kuetuꞌan José ngain nchianduꞌa Potifar ko ngain kain thi bechunda, Ndo Dio binchenchaon ngain nchianduꞌa ko ngain jngiꞌi. 6Ko Potifar bajon kain juachaxin ngain José, ko ixruꞌin juachjaon baka, jeꞌo ixin thi bane.
Ko José kjui naa xan xii chrjuin betsjeꞌe ko chrjuin beꞌe. 7Ko batho kainxion nchaꞌon ko chriꞌi Potifar binchexruxiꞌin José, ko ndachro nchra:
—Xrakui darichrin ngajin.
8Aro José binaoꞌa ko ndachro:
—Nthatsaꞌan ñao, nchana kuinthuena kain thi chunda jeꞌe, ko jeꞌe xruꞌin juachjaon chunda ixin riꞌi nthiꞌi nchianduꞌa. 9Ngain nchia jiꞌi nchana chjana kain juachaxin, jeꞌo ngajin suixin naꞌi ixin suixin chriꞌi nchana. ¿Unda sinthaꞌa thi jianꞌa yaa ngain nchana ko sinthaꞌa thi jianꞌa ngathexin kon Ndo Dio?
10Ko jeꞌe nchra kain nchaꞌon bandache nchra José ixin rugejuakaꞌo nchra, aro jeꞌe bagithuexinꞌa. 11Aro naa nchaꞌon José bixiꞌin nchia ixin runcheꞌe xra, ko xruꞌin kensen beꞌe ngain nchia. 12Ko jeꞌe nchra tseꞌe nchra lunthue ko ndachro nchra:
—Darichrin ngajin.
Aro José sakuingeꞌe nchra ko jeꞌe nchra ixin jitse nchra luntho, tabithuꞌe lunthue José ngaa raa nchra are bachrje. 13Ko are bikon nchra ixin tabithuꞌe nchra lunthue José, 14bayee nincheꞌe xra te ngain nchia ko ndachro nchra:
—Tsjexin ra, xixiꞌna juiaꞌo naa xi hebreo ko jai tjanua ná xa. Ixin juii xa ko binao xa rugarichrikiꞌan xa, aro jaꞌan suji kuyao. 15Ko are kuiꞌin xa ixin suji kuyao, kuinga xa bachrje xa ko kuinthuꞌe xa lunthue xa nthiꞌi.
16Ko jeꞌe nchra tabithuꞌe nchra luntho, juija xixiꞌi nchra nchia. 17Ko xrajeꞌo kuekin nchra ngain xixiꞌi nchra ko ndachro nchra:
—Thi xii kueꞌna jaꞌa, thi hebreo, bixiꞌin nchia ko binao rukaxin na nunthe, 18aro jaꞌan suji kuyao, ko sakuinga xa ko kuinthuꞌe xa lunthue xa nthiꞌi. 19Ko jañaa binchena xi nchexraa.
Ko are kuiꞌin nchee José kain jiꞌi, anto guñao, 20ko tuin kuetuꞌan ixin rukiaxiꞌin na̱ ngain nduꞌa xiiso, thi te ni kuiaxiꞌin xi rey. Aro maski xrangaxiꞌon ndua xiiso, 21Ndo Dio xra beꞌe ngain José ko kjuague Ndo ixin jeꞌe Ndo anto thjueꞌe Ndo, ko bincheꞌe Ndo ixin José kjui thi icha jian rugakao thi baketuꞌan ngain nduꞌa xiiso. 22Ko thi baketuꞌan nduꞌa xiiso, bajon kain juachaxin ngain José ixin jeꞌe ruketuꞌan ngain nduꞌa xiiso, ko José bandachro keꞌe rukuꞌen. 23Ko thi baketuꞌan xruꞌin juachjaon baka ixin thi bancheꞌe José, ixin Ndo Dio beꞌe ngain José, ko bancheꞌe Ndo ixin jian bagachrje kain.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.