Hechos 1
1
Ti itsi Ncha̱kuén Díos
1 #
Lc. 1:1-4. *Jaha Teófilo imá tjua̱há, ti libro sa̱oxín ikjian la ikjian kaín ti nkehe kjuako Jesús la ko ti ixra̱ kjuíchꞌe chꞌan ti xránkíxixín 2hasta ti ña̱o sákjui̱ chꞌan nka̱jní. Ti na̱xa̱ itjen chꞌan ntihi la kjuachaxíen Ncha̱kuén Díos mé kꞌue̱tue̱hen chꞌan ti sin kjueyá chꞌan kixin sichꞌe sin ixra̱. 3Ti ó ikꞌuén chꞌin Jesús, la kjua̱ko̱xi̱n chꞌan kixin chaxín xechón chꞌan, la kꞌuíkon ti sin tsíkjeyá chꞌan. La cuarenta ña̱o kꞌuéjóko sin chꞌan la chrónka chꞌan nkexrín itjen ti kjuachaxin kuènté Díos.
4 #
Lc. 24:49. *Ti na̱xa̱ kꞌuéjóko sin chꞌan la kꞌue̱to̱an chꞌan kixin sátsjixinhña sin Jerusalén. Ndáchro chꞌan:
―Chohénra ntihó hasta tsꞌayéjiara ti nkehe tsjajon Tꞌaná, ti nkehe ó kuihínra xrja̱nká senó. 5#Mt. 3:11; Mr. 1:8; Lc. 3:16; Jn. 1:33.*Chꞌin Juan la chaxín ìnta̱ ó kui̱ki̱texín chꞌan chojni. A̱ndá jahara la kanhñó isé la Ncha̱kuén Díos tsikitiaxínra.
Jesús sákjui̱ nkaya nka̱jní
6Ndá ti sin tjejó ntiha la kjuanchankí sin:
―Ìnchéni, ¿á ijie tsjánjua kjuachaxin kixin jeheni chojni Israelita tsꞌe̱to̱ani ti chjaséni ní? ―ichro sin.
7Ndá kjuáte̱he chꞌin Jesús, ndáchro:
―Jahara la chontahyara kjuachaxin tso̱nohara nkesá tso̱hen tíha. Jehó Tꞌaná mé nohe. 8#Mt. 28:19; Mr. 16:15; Lc. 24:47, 48.*Kjánchó tsꞌayéhéra kjuachaxin ti ó itsi Ncha̱kuén Díos, ndá sátsjichro̱nka̱ra nke ixra̱ kjui̱tꞌa, tsjákohéra kaín ti chojni Jerusalén la ko Judea la ko Samaria la ko kuenté chjasintajni.
9 #
Mr. 16:19; Lc. 24:50, 51. *Ndá ti ó kjuixin nixja chꞌin Jesús la tjejótsjehe sin sákjui̱ chꞌan nka̱jní hasta kjuákꞌenkákjan chꞌan ijnko itji la í kꞌuíkonhña sin chꞌan. 10Ndá na̱xa̱ tjejokonta sin sákjui̱ chꞌin Jesús nka̱jní, la titàya̱ kꞌuikuén sin yaá chojnindoa tjejótsá sin ika tjóá, tjejó chjinaxón ti tjejó sin. 11Ndá ti sin a, ndáchro:
―Jahara chojni Galilea, ¿nkekuènté tjejokontára nka̱jní? Ti nkexro tjejotsjehéra sákjui̱ la xi̱kaha xíki chꞌan ínaá.
Kjueyá sin Matias sichꞌe ti ixra̱ kꞌuékjichꞌe Judas
12A̱ndá sákjuixin sin ti ijna̱ Olivo la ikjan sin Jerusalén. Ti ijna̱ mé kanhñó ikjin itjen kixin xi̱kahó ti kjuajon ley kjuachaxin itsji sin ti ña̱o to̱kꞌéhe chojni. 13#Mt. 10:2-4; Mr. 3:16-19; Lc. 6:14-16.*La ti ó kjuíji sin ntiha, la kꞌui̱tꞌótjen sin ti yaáxin piso ti nchia kꞌuejó sin. Mé ntiha itjen Pedro, Jacobo, Juan, Andrés, Felipe, Tomás, Bartolomé, la ko Mateo, Jacobo xje̱en Alfeo, Simón Zelote, la ko Judas, kícho chꞌin Jacobo. 14Kaín sin nkoya̱xón kónkotsé sin ntiha nixje̱he̱ sin Díos la kja̱xin kꞌuéjóko sin ti kícho chꞌin Jesús la ko ti tjan María, ìñé chꞌan, la ko íso chojnichjin.
15Ti ña̱o a, kꞌuínkatjen chꞌin Pedro nko̱siñe ti tjejó ti sin tinkáchónki Ìnchéni, mé ijnko ciento ikán chojni tsíkónkotsé ntiha. La ndáchro chꞌan:
16―Kíchóni, ticháxi̱n tsoxiteyá éxi nixja ti xroon itén Díos éxi tsínixja̱xi̱n David tsíchronka Ncha̱kuén Díos nkehe sichꞌe Judas, mé ti nkexro kjui̱ka̱o ti sin itsé chꞌin Jesús. 17Judas la kja̱xin kuékꞌajikoni la nkokón ti ixra̱ kꞌuáyéhe̱ni. 18#Mt. 27:3-8.*A̱ndá jehe chꞌan mé kꞌue̱naxín chꞌan ijnko nonte ti chichaon kjuacha chꞌan ti kjuínchekji chꞌan ti chꞌin Jesús. Ndá ntiha kꞌuánótje̱xi̱n chꞌan noi la ikja chꞌan kꞌuitja nonte la xitje̱he̱ tse̱e chꞌan, la kꞌuaxrje kaín ti si̱ntanòé chꞌan. 19Ndá ti ó kuíhin ti chojni chjasin Jerusalén kixin xi̱kaha kóhen, la kjuínchekꞌin sin ti nonte a Acéldama, mé ngive̱e sin la tꞌaxrjexín nonte kuènté ijni̱. 20#Sal. 69:25; Sal. 109:8.*Ti xroon Salmo mé ndáchro kja̱xin:
Ti ndo̱e chꞌan la tsito̱he jehó,
la ninkexró tsjakꞌehya ntiha.
La ko kja̱xin ndáchro:
Íjnko nkexro tsꞌáyéhe̱ ti ixra̱ kjuíchꞌe chꞌan.
21 #
Mt. 3:16; Mr. 1:9; Lc. 3:21;
Mr. 16:19; Lc. 24:51. *’Ti tjejóni ntihi la siín chojni ó kꞌuájikoni ti na̱xa̱ kuékꞌajikoni Ìnchéni Jesús 22ndesi ti kui̱ki̱te chꞌin Juan ti chꞌin Jesús la ko hasta sákjui̱ chꞌan nkaya nka̱jní. Ndá ijie la ticháxi̱n tsoxreyá nkojín ti sin tinkáchréhe̱ kja̱xin kixin tsꞌejókoni sin kixin kja̱xin sin tsochronka sin kixin chaxín xechón Ìnchéni Jesús.
23Ndá kjueyá sin yaá chojni, ijnko mé itꞌin José, ti̱ki̱texín sin Barsabás la ko Justo, la ko íjnko nkexro mé itꞌin Matias. 24Ndá nixje̱he̱ sin Díos la ndáchro sin:
―Ìnchéni, jaha choxián a̱sén kaín chojni. Tjákohéni nkexéhe ti yaá sin i tjinkaoan tsꞌáyéhe̱ ti ixra̱ 25kꞌuékjichꞌe Judas kixin jehe chꞌan mé kuíto̱he chꞌan ti ixra̱ kixin kjuasin chꞌan ijie̱, la sákjuí chꞌan tjetjasóte chꞌan kixin ti nkehe jínahña kjuíchꞌe chꞌan ―ichro sin.
26Ndá kjuíchꞌe sin suerte la kónoxín Matias, ndá tuénxín ti hora a kuákja chꞌan ti ixra̱ la kꞌuéjóko chꞌan ti tejnko sin tsíkjeyá Ìnchéni.
Currently Selected:
Hechos 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
