Hechos 20
20
Chꞌin Pablo sákjuí Macedonia la ko Grecia
1Ti ó kjuixin ti kjuanínkaon, la chꞌin Pablo kꞌuéye̱he̱ chꞌan kaín ti sin tinkáchónki Ìnchéni tjejó ntiha la nixje̱he̱ chꞌan sin, ndá sákjuí chꞌan Macedonia 2la kꞌuatsínka chꞌan nkuíxín ntiha la nixje̱he̱ chꞌan ti sin tinkáchónki Ìnchéni ti nkehe jína kuènté Díos. Ndá chrꞌéxi̱n kjuíji chꞌan Grecia. 3Ndá ntiha kuíto̱he chꞌan iní nitjó, ndá ó chrókui̱tꞌótjen chꞌan ijnko ntabarco ndá sáchrokjui chꞌan Siria la kuíhin chꞌan kixin iso sin judío nínkaon chrókꞌóñá sin ti jehe chꞌan, la kjuénka̱yáxin chꞌan kixin to̱tó chꞌan tso̱kja̱nxi̱n chꞌan Macedonia. 4Ti sin sákjuikotoxi̱n chꞌan, mé chꞌin Sópater, xje̱en Pirro tsíkji̱xi̱n Berea, Aristarco, la ko chꞌin Segundo, tsíkji̱xi̱n chjasin Tesalónica, chꞌin Gayo tsíkji̱xi̱n chjasin Derbe, chꞌin Timoteo, chꞌin Tíquico, la ko chꞌin Trófimo, tsíkji̱xi̱n Asia. 5Ti sin i mé kuítónxi̱n nti̱a, la ó kꞌuejóchóhen sin tsjijini ti chjasin Troas. 6Ndá ti ó kꞌuatsínka ti kia inie sin nio̱tja̱ chóntahya nkehe tꞌánkíxin, ndá kꞌuitꞌótjeni ijnko ntabarco la kꞌuaxrjexíni Filipos la nꞌóxin ña̱o ndá kjuíjini Troas, ndá ntiha kuito̱heni yato ña̱o.
Chꞌin Pablo sákjuí chjasin Troas
7Ndá ti ña̱o xránkíxixín semana la kónkotséni kixin tsochrítꞌo̱ ti nio̱tja̱ xraxinkakonxíni Ìnchéni. Ndá chꞌin Pablo nixje̱he̱ chꞌan kaín ti sin tinkáchónki Ìnchéni kixin ó sátsji chꞌan ti ña̱o chrꞌéxi̱n, ndá imá itsjé ti nkehe chrónka chꞌan, la hasta kꞌaxrotjen na̱xa̱ tjenixja chꞌan. 8Ti níxin piso kónkotséxini mé síche itsjé xrohi kixin tsꞌinkaséñaxín. 9Ndá ijnko ndasoá itꞌin Eutico tjetja̱xi̱n ti itjen ventana. Ndá chꞌin Pablo imá isé nixja la ti ndasoá a tsíki̱hi̱ kotáchrin. Ndá xrína̱hña kꞌuajua chꞌan la kꞌuánótje̱xi̱n ti níxin piso ndá sákjuitsjehe sin chꞌan la ó tsíkꞌen chꞌan. 10Ndá chꞌin Pablo kꞌuinkajin chꞌan la kꞌuakꞌetsínkatákꞌa chꞌan ti ntasoá tsíkꞌánótjen, la kjóa chꞌan. Ndá ndáche chꞌan ti sin kíchóni:
―Chrakonhñara, na̱xa̱ tjetsjehe chꞌan.
11Ndá chꞌin Pablo kꞌui̱tꞌótjen chꞌan ínaá ntiha la kóchrítꞌo̱ chꞌan ti nio̱tja̱ tsoxraxinkakonxín sin Ìnchéni la kꞌóxika̱ye̱he chꞌan. Ndá xi̱kaha na̱xa̱ nixja chꞌan kuenté tie hasta kꞌuínkaséña ndá sákjuí chꞌan. 12Ndá ti ndasoá kꞌuánótjen la sákjuíko sin la kohya nkehe xéhe chꞌan la kaín sin imá kóchéhe̱ sin.
Chꞌin Pablo sákjuí chjasin Mileto
13Ndá jeheni la kuitónxini nti̱a la kꞌuitꞌótjeni ijnko ntabarco sákjuini nó Asón kixin ntiha tsoxétani chꞌin Pablo éxi ndáchro chꞌan kixin tjinkaon chꞌan to̱tó chꞌan sátsjixin chꞌan ntiha. 14Ndá ti ó xétani chꞌan ti chjasin Asón, la kꞌui̱tꞌótjen chꞌan ti ntabarco la sákjuini nó Mitilene. 15Ndá ti ña̱o chrꞌéxi̱n la sákjuixini ntiha, la kꞌuatsínkani ti nonte Quíos, ndá ti ña̱o chrꞌéxi̱n la kjuíjini Samos. Ndá ti kóña̱o la kꞌuitꞌótjeni ijnko ntabarco la sákjuini Trogilio, la ntiha ko̱kꞌéheni, ndá ti ña̱o chrꞌéxi̱n la kjuíjini Mileto. 16Xi̱kaha sákjuini kixin chꞌin Pablo la í tjinkakonhña chꞌan chrókꞌuatsínka chꞌan Éfeso la tjinkakonhña chꞌan chrokjuakꞌe chꞌan isé ti nonte Asia kixin tjinkaon chꞌan tjoka tsjiji chꞌan Jerusalén kixin ntiha chrókjuákꞌe chꞌan ti ña̱o Pentecostés, ichro chꞌan.
Chꞌin Pablo nixje̱he̱ ti sin tꞌe̱to̱an ni̱nko Éfeso
17Ndá ti ó kjuákꞌe chꞌin Pablo ti chjasin Mileto la kꞌuéye̱he̱ chꞌan ti sin tꞌe̱to̱an ti ni̱nko Éfeso kixin itsji sin. 18Ndá ti ó kjuíji sin la ndáchro chꞌan:
―Jahara la ó nohara nkexrín kjuakꞌé la ko kjuàkua ndesi ti ña̱o xránkíxixín kꞌuinka Asia. 19Ó nohara kixin kaín ti ña̱o kꞌuéjoni la kaín a̱sená kjui̱tꞌaha̱ ixra̱ Ìnchéni la kjui̱ntahnkehya la imá tsja̱nka kixin nchónhña kjuasótena kixin tjinkaon ti sin judío chrókꞌóñá sin ti janhan. 20Jahara ó nohara kixin kui̱to̱a̱hya kjuàkua kaín ti nkehe jína ticháxi̱n tso̱nohara. Kaín ti nkehe ticháxi̱n tsihínra la kjuàkua ti ó kónkotséra la ko kja̱xin kjuàkua nkojnko nchia. 21Kjuáko̱ha̱ kaín chojni judío la ko jehya judío kixin ticháxi̱n tsito̱he sin ti ijie̱ tjasin sin la tsitekaon sin Díos la ko Ìnchéni Jesucristo. 22Ndá ijie sátsji̱á Jerusalén kixin xi̱kaha tꞌe̱to̱an Ncha̱kuén Díos kjónté nonahña nkehe tso̱na ntiha. 23Jehó nona kixin kaín ti chjasin tꞌatsínka la chronka Ncha̱kuén Díos kixin tsjakꞌéchjina la ko tsjasótena. 24#2Ti. 4:7.*Kaín tíha la tóxakonahña. Kjónté chrókjuasótexian janhan, la chàna kixin chrókjuintaxín ti ixra̱ chonta la chrókjui̱ntaxiteyá ti ixra̱ kjuajon Ìnchéni Jesús, kixin tsjàkua ti itan jína nkexrín tjue̱he Díos kaín chojni.
25’A̱ndá ijie la kaínra la kaín ti sin kjuákohá kjuachaxíen Díos la í tsꞌikonhñara ti janhan ínaá. 26Méxra̱ tihínra ijie kixin í jehya ijie̱ kuénta̱na ti nkojinra chrókꞌuitjáñara, 27kixin ó kjuàkua kaín ti nkehe tjinkaon Díos kixin jína tso̱nohara, la í tꞌitjáñahña ninkehó. 28Méxra̱ xráxinkaonra tꞌejora nkojína la tꞌayakohénra kaín ti sin tinkáchónki Ìnchéni kixin Ncha̱kuén Díos tjáhara ti ixra̱ kixin tsꞌayakohénra ti sin ni̱nko kixin Ìnchéni kꞌue̱naxín chꞌan ti ijni̱é chꞌan. 29Ó nona kixin ti ó sátsjia la itsi itsjé chojni éxi lobo jie̱he xi̱kaha tsotjinkaon sinchekꞌitjáña ti sin tinkáchónki Ìnchéni. 30La hasta nkojinra tjejora ntihi la tsjankíxinra tsjàkora kjuachꞌia, la xi̱kaha ti sin tinkáchónki Ìnchéni la tsochréhe̱ sin ti nkehe nduáhya. 31Méxra̱ xráxinkaonra kixin chjina iní nánó kjuakꞌé kjuákohára ncha̱kotjin la ko tie la kui̱to̱a̱hya kjui̱ntaxraxinka̱onra hasta kjuíntaníha a̱sená, nixjahára nkojnkora.
32’A̱ndá ijie la jahara kíchóni, tjáncháha̱ Díos kixin tsꞌayakuaxínra chꞌan ti itén chꞌan kixin tjua̱hára chꞌan. Díos imá chónta kjuachaxin tsjinki̱tsa ti jahara ndá tsꞌayéhéra kaín ti nkehe tsochjéhe chꞌan kaín ti chojni tsíkótjóá. 33Janhan la kjuakéhya a̱sená chi̱cha̱ko̱en chojni o̱ iké nkojín chojni. 34Náhí. Jahara la ó nohara kixin janhan la tjaná kjui̱tꞌaxián ixra̱, la kꞌuénaxián ti nkehe ticháxi̱na la ko kja̱xin ti nkehe tichánxi̱hin ti chojni kꞌuejóki̱a̱n. 35Méxra̱, xi̱kaha kjuàkuaxínra kixin si̱chꞌera ixra̱ kixin jína tsjínki̱tsara ti chojni chóntahya. Xráxinkaonra kixin Ìnchéni Jesús ndáchro: “A̱ntsí tso̱chéhe̱ni ti tsjajoni nkehe, ke ti jeheni chrókui̱to̱nhe̱ni nkojín nkehe.”
36Ndá ti ó kjuixin ndáchro chꞌin Pablo tíha, la kꞌuejóxin tochꞌin sin la nixje̱he̱ sin Díos. 37Ndá kaín sin tsjánka sin la ko kjóa sin chꞌin Pablo. 38La imá kꞌuává sin kixin chrónka chꞌan kixin í tsꞌikonhña sin ti jehe chꞌan ínaá. Ndá sákjuikotoxi̱n sin chꞌan ti itjen ti ntabarco sátsjiko chꞌan.
Currently Selected:
Hechos 20: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 20
20
Chꞌin Pablo sákjuí Macedonia la ko Grecia
1Ti ó kjuixin ti kjuanínkaon, la chꞌin Pablo kꞌuéye̱he̱ chꞌan kaín ti sin tinkáchónki Ìnchéni tjejó ntiha la nixje̱he̱ chꞌan sin, ndá sákjuí chꞌan Macedonia 2la kꞌuatsínka chꞌan nkuíxín ntiha la nixje̱he̱ chꞌan ti sin tinkáchónki Ìnchéni ti nkehe jína kuènté Díos. Ndá chrꞌéxi̱n kjuíji chꞌan Grecia. 3Ndá ntiha kuíto̱he chꞌan iní nitjó, ndá ó chrókui̱tꞌótjen chꞌan ijnko ntabarco ndá sáchrokjui chꞌan Siria la kuíhin chꞌan kixin iso sin judío nínkaon chrókꞌóñá sin ti jehe chꞌan, la kjuénka̱yáxin chꞌan kixin to̱tó chꞌan tso̱kja̱nxi̱n chꞌan Macedonia. 4Ti sin sákjuikotoxi̱n chꞌan, mé chꞌin Sópater, xje̱en Pirro tsíkji̱xi̱n Berea, Aristarco, la ko chꞌin Segundo, tsíkji̱xi̱n chjasin Tesalónica, chꞌin Gayo tsíkji̱xi̱n chjasin Derbe, chꞌin Timoteo, chꞌin Tíquico, la ko chꞌin Trófimo, tsíkji̱xi̱n Asia. 5Ti sin i mé kuítónxi̱n nti̱a, la ó kꞌuejóchóhen sin tsjijini ti chjasin Troas. 6Ndá ti ó kꞌuatsínka ti kia inie sin nio̱tja̱ chóntahya nkehe tꞌánkíxin, ndá kꞌuitꞌótjeni ijnko ntabarco la kꞌuaxrjexíni Filipos la nꞌóxin ña̱o ndá kjuíjini Troas, ndá ntiha kuito̱heni yato ña̱o.
Chꞌin Pablo sákjuí chjasin Troas
7Ndá ti ña̱o xránkíxixín semana la kónkotséni kixin tsochrítꞌo̱ ti nio̱tja̱ xraxinkakonxíni Ìnchéni. Ndá chꞌin Pablo nixje̱he̱ chꞌan kaín ti sin tinkáchónki Ìnchéni kixin ó sátsji chꞌan ti ña̱o chrꞌéxi̱n, ndá imá itsjé ti nkehe chrónka chꞌan, la hasta kꞌaxrotjen na̱xa̱ tjenixja chꞌan. 8Ti níxin piso kónkotséxini mé síche itsjé xrohi kixin tsꞌinkaséñaxín. 9Ndá ijnko ndasoá itꞌin Eutico tjetja̱xi̱n ti itjen ventana. Ndá chꞌin Pablo imá isé nixja la ti ndasoá a tsíki̱hi̱ kotáchrin. Ndá xrína̱hña kꞌuajua chꞌan la kꞌuánótje̱xi̱n ti níxin piso ndá sákjuitsjehe sin chꞌan la ó tsíkꞌen chꞌan. 10Ndá chꞌin Pablo kꞌuinkajin chꞌan la kꞌuakꞌetsínkatákꞌa chꞌan ti ntasoá tsíkꞌánótjen, la kjóa chꞌan. Ndá ndáche chꞌan ti sin kíchóni:
―Chrakonhñara, na̱xa̱ tjetsjehe chꞌan.
11Ndá chꞌin Pablo kꞌui̱tꞌótjen chꞌan ínaá ntiha la kóchrítꞌo̱ chꞌan ti nio̱tja̱ tsoxraxinkakonxín sin Ìnchéni la kꞌóxika̱ye̱he chꞌan. Ndá xi̱kaha na̱xa̱ nixja chꞌan kuenté tie hasta kꞌuínkaséña ndá sákjuí chꞌan. 12Ndá ti ndasoá kꞌuánótjen la sákjuíko sin la kohya nkehe xéhe chꞌan la kaín sin imá kóchéhe̱ sin.
Chꞌin Pablo sákjuí chjasin Mileto
13Ndá jeheni la kuitónxini nti̱a la kꞌuitꞌótjeni ijnko ntabarco sákjuini nó Asón kixin ntiha tsoxétani chꞌin Pablo éxi ndáchro chꞌan kixin tjinkaon chꞌan to̱tó chꞌan sátsjixin chꞌan ntiha. 14Ndá ti ó xétani chꞌan ti chjasin Asón, la kꞌui̱tꞌótjen chꞌan ti ntabarco la sákjuini nó Mitilene. 15Ndá ti ña̱o chrꞌéxi̱n la sákjuixini ntiha, la kꞌuatsínkani ti nonte Quíos, ndá ti ña̱o chrꞌéxi̱n la kjuíjini Samos. Ndá ti kóña̱o la kꞌuitꞌótjeni ijnko ntabarco la sákjuini Trogilio, la ntiha ko̱kꞌéheni, ndá ti ña̱o chrꞌéxi̱n la kjuíjini Mileto. 16Xi̱kaha sákjuini kixin chꞌin Pablo la í tjinkakonhña chꞌan chrókꞌuatsínka chꞌan Éfeso la tjinkakonhña chꞌan chrokjuakꞌe chꞌan isé ti nonte Asia kixin tjinkaon chꞌan tjoka tsjiji chꞌan Jerusalén kixin ntiha chrókjuákꞌe chꞌan ti ña̱o Pentecostés, ichro chꞌan.
Chꞌin Pablo nixje̱he̱ ti sin tꞌe̱to̱an ni̱nko Éfeso
17Ndá ti ó kjuákꞌe chꞌin Pablo ti chjasin Mileto la kꞌuéye̱he̱ chꞌan ti sin tꞌe̱to̱an ti ni̱nko Éfeso kixin itsji sin. 18Ndá ti ó kjuíji sin la ndáchro chꞌan:
―Jahara la ó nohara nkexrín kjuakꞌé la ko kjuàkua ndesi ti ña̱o xránkíxixín kꞌuinka Asia. 19Ó nohara kixin kaín ti ña̱o kꞌuéjoni la kaín a̱sená kjui̱tꞌaha̱ ixra̱ Ìnchéni la kjui̱ntahnkehya la imá tsja̱nka kixin nchónhña kjuasótena kixin tjinkaon ti sin judío chrókꞌóñá sin ti janhan. 20Jahara ó nohara kixin kui̱to̱a̱hya kjuàkua kaín ti nkehe jína ticháxi̱n tso̱nohara. Kaín ti nkehe ticháxi̱n tsihínra la kjuàkua ti ó kónkotséra la ko kja̱xin kjuàkua nkojnko nchia. 21Kjuáko̱ha̱ kaín chojni judío la ko jehya judío kixin ticháxi̱n tsito̱he sin ti ijie̱ tjasin sin la tsitekaon sin Díos la ko Ìnchéni Jesucristo. 22Ndá ijie sátsji̱á Jerusalén kixin xi̱kaha tꞌe̱to̱an Ncha̱kuén Díos kjónté nonahña nkehe tso̱na ntiha. 23Jehó nona kixin kaín ti chjasin tꞌatsínka la chronka Ncha̱kuén Díos kixin tsjakꞌéchjina la ko tsjasótena. 24#2Ti. 4:7.*Kaín tíha la tóxakonahña. Kjónté chrókjuasótexian janhan, la chàna kixin chrókjuintaxín ti ixra̱ chonta la chrókjui̱ntaxiteyá ti ixra̱ kjuajon Ìnchéni Jesús, kixin tsjàkua ti itan jína nkexrín tjue̱he Díos kaín chojni.
25’A̱ndá ijie la kaínra la kaín ti sin kjuákohá kjuachaxíen Díos la í tsꞌikonhñara ti janhan ínaá. 26Méxra̱ tihínra ijie kixin í jehya ijie̱ kuénta̱na ti nkojinra chrókꞌuitjáñara, 27kixin ó kjuàkua kaín ti nkehe tjinkaon Díos kixin jína tso̱nohara, la í tꞌitjáñahña ninkehó. 28Méxra̱ xráxinkaonra tꞌejora nkojína la tꞌayakohénra kaín ti sin tinkáchónki Ìnchéni kixin Ncha̱kuén Díos tjáhara ti ixra̱ kixin tsꞌayakohénra ti sin ni̱nko kixin Ìnchéni kꞌue̱naxín chꞌan ti ijni̱é chꞌan. 29Ó nona kixin ti ó sátsjia la itsi itsjé chojni éxi lobo jie̱he xi̱kaha tsotjinkaon sinchekꞌitjáña ti sin tinkáchónki Ìnchéni. 30La hasta nkojinra tjejora ntihi la tsjankíxinra tsjàkora kjuachꞌia, la xi̱kaha ti sin tinkáchónki Ìnchéni la tsochréhe̱ sin ti nkehe nduáhya. 31Méxra̱ xráxinkaonra kixin chjina iní nánó kjuakꞌé kjuákohára ncha̱kotjin la ko tie la kui̱to̱a̱hya kjui̱ntaxraxinka̱onra hasta kjuíntaníha a̱sená, nixjahára nkojnkora.
32’A̱ndá ijie la jahara kíchóni, tjáncháha̱ Díos kixin tsꞌayakuaxínra chꞌan ti itén chꞌan kixin tjua̱hára chꞌan. Díos imá chónta kjuachaxin tsjinki̱tsa ti jahara ndá tsꞌayéhéra kaín ti nkehe tsochjéhe chꞌan kaín ti chojni tsíkótjóá. 33Janhan la kjuakéhya a̱sená chi̱cha̱ko̱en chojni o̱ iké nkojín chojni. 34Náhí. Jahara la ó nohara kixin janhan la tjaná kjui̱tꞌaxián ixra̱, la kꞌuénaxián ti nkehe ticháxi̱na la ko kja̱xin ti nkehe tichánxi̱hin ti chojni kꞌuejóki̱a̱n. 35Méxra̱, xi̱kaha kjuàkuaxínra kixin si̱chꞌera ixra̱ kixin jína tsjínki̱tsara ti chojni chóntahya. Xráxinkaonra kixin Ìnchéni Jesús ndáchro: “A̱ntsí tso̱chéhe̱ni ti tsjajoni nkehe, ke ti jeheni chrókui̱to̱nhe̱ni nkojín nkehe.”
36Ndá ti ó kjuixin ndáchro chꞌin Pablo tíha, la kꞌuejóxin tochꞌin sin la nixje̱he̱ sin Díos. 37Ndá kaín sin tsjánka sin la ko kjóa sin chꞌin Pablo. 38La imá kꞌuává sin kixin chrónka chꞌan kixin í tsꞌikonhña sin ti jehe chꞌan ínaá. Ndá sákjuikotoxi̱n sin chꞌan ti itjen ti ntabarco sátsjiko chꞌan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.