Hechos 21
21
Chꞌin Pablo sákjuí Jerusalén
1Ndá ti ó kuíto̱heni ti sin kíchóni ndá kꞌuitꞌótjeni ijnko ntabarco, la tuénxín sákjuini nonte Cos. Ndá ti ña̱o chrꞌéxi̱n la sákjuini Rodas, ndá chrꞌéxi̱n sákjuini Pátara. 2Ndá ntiha kꞌuitjani ijnko ntabarco sátsji Fenicia, la sákjuini. 3Ndá ti ó kꞌuatsínkani ntiha la kꞌuíkoni Chipre, la nó itjani kjon kuíto̱he, la sákjuini nó Siria. Ndá ti ntabarco la sákjuí ti puerto Tiro kixin ntiha tsíto̱he ti nkehe kjui̱ka̱o, ndá xi̱kaha kja̱xini kꞌuíxeheni ti chjasin a. 4Ndá ntiha kꞌuitjani ti sin tinkáchónki Ìnchéni, ndá kuíto̱ekoni sin yato ña̱o, la Ncha̱kuén Díos kjuínchenohe sin la chénka sin ti chꞌin Pablo kixin sáchrókjuihya chꞌan Jerusalén. 5Ndá ti ó kꞌuatsínka ti yato ña̱o, ndá sákjuixini ntiha. La kaín ti sin tinkáchónki Ìnchéni la ti ichjién sin la ko xje̱en sin mé sákjuikotóxi̱n sin ti jeheni hasta kꞌuaxrjentáni ikon chjasin, ndá sákjuini chrínta nda̱ñao la kꞌuejóxini tochꞌini nixje̱he̱ni Díos 6Ndá nixje̱he̱ni sin nkojína, ndá kꞌuitꞌótjeni ti ntabarco la sákjuini, ndá jehe sin la ikjan sin ndo̱e sin.
7Ndá jeheni la kꞌuaxrjexíni ti chjasin Tiro, ndá kjuíjini Tolemaida, la ntiha nixje̱he̱ni ti sin kíchóni tinkáchónki Ìnchéni la kꞌuejókoni sin ntiha ijnko ña̱o. 8#Hch. 6:5; 8:5.*Ndá ti ña̱o chrꞌéxi̱n sákjuixini ntiha la kjuíjini Cesarea. Ndá ntiha sákjuini ndo̱e chꞌin Felipe, ijnko nkexro tjako itén Díos. Jehe chꞌan mé ijnko ti ya̱to̱xi̱n ti sin tsíkjeyá Ìnchéni, la kuíto̱heni ndo̱e chꞌan. 9Chꞌin Felipe mé chónta chꞌan noó xje̱en chꞌan ichjin na̱xa̱ tóte̱ehya sin, la jehe sin mé chrónkaxín sin itén Díos. 10#Hch. 11:28.*Ntiha kꞌuejókoni sin itsjé ña̱o, ndá ikui ijnko nkexro nixja itén Díos itꞌin Agabo, tsíkji̱xi̱n Judea. 11Ikjui chꞌan kixin tsonixje̱he̱ chꞌan ti jeheni, la kuákja chꞌan ti tjo̱a̱ tꞌinkatꞌóxin chꞌin Pablo, ndá kjuínchentetoxín chꞌan to̱té chꞌan la ko itja chꞌan la ndáchro chꞌan:
―Ti Ncha̱kuén Díos mé ndáchro kixin xi̱ki̱hi sichꞌehe ti sin judío ti nkexro kuènté ti sincho̱ i, la tsjikaan sin ti tjejó ti sin jehya judío, ti chjasin Jerusalén.
12Ndá kjuixin kuíhini tíha, ndá jeheni la ko ti sin chjasin Cesarea chrónoéhe̱ni ti chꞌin Pablo kixin sáchrókjuihya chꞌan Jerusalén. 13Ndá jehe chꞌan ndáchro chꞌan:
―¿Nkekuènté tsja̱nkara la ko nchekꞌavára a̱sená? Janhan la chrakonhña, kjónté sinchentetona sin o̱ chrókꞌuenxian Jerusalén kixin tinkachónkia Ìnchéni.
14Ndá kjuachahyani kixin chrókuitekaon chꞌan la jehó ndáchroni:
―Tso̱hen éxi ti nkehe tjinkaon Ìnchéni.
15Ndá chrꞌéxi̱n, la kóyaxíhini, ndá sákjuini Jerusalén. 16La sákjuikoni iso ti sin tinkáchónki Ìnchéni tsíkji̱xi̱n Cesarea. Sákjuikoni sin ndo̱e ijnko nkexro tsíkji̱xi̱n Chipre itꞌin Mnasón. Jehe chꞌan mé ósé tinkáchónki chꞌan Ìnchéni, landá kjuajon chꞌan kjuachaxin kuito̱heni ndo̱e chꞌan.
Chꞌin Pablo sákjuitsjehe chꞌin Jacobo
17Ti ó kjuíjini Jerusalén, la ti sin kíchóni tinkáchónki Ìnchéni la chéhe̱ sin kjuajon sin kjuachaxin kꞌuejókoni sin. 18Ndá ti ña̱o chrꞌéxi̱n la sákjuikoni chꞌin Pablo kjuitsjeheni chꞌin Jacobo la ntiha kꞌuejó kaín ti sin tꞌe̱to̱an kuènté ni̱nko. 19Ndá Pablo nixje̱he̱ chꞌan sin, ndá kjuixin la chrónka chꞌan kaín ti ixra̱ kjuíchꞌe Díos ti ó kjua̱ko̱he̱ chꞌan ti sin jehya sin judío. 20Ndá ti ó kuíhin sin tíha, la chjéhe sin Díos kjuasáya, la ndáche sin chꞌin Pablo:
―Kíchóni, ó tꞌíkua̱n kixin siín itsjé mil ti sin judío titekaon sin Jesús, kjánchó kaín sin ndáchro sin kixin ticháxi̱n tsíto̱ehyani ti ley. 21La tsíkihin sin kixin jaha tjákohé ti sin judío tjejó ókjé chjasin kixin ticháxi̱nhña sinchexiteyá sin ti nkehe tsíkꞌe̱to̱an Moisés. La kja̱xin tsíkihin sin kixin tjákohé sin kixin ti xje̱en sin la ticháxi̱nhña itsa xro̱ye la ko tsicháxi̱nhña tsinkáchónki sin éxi kꞌuékinkáchónki sin ósé. 22¿Ndá nkehe chrókjuíchꞌeni? Ti ó tsihin sin kixin kjuihá la tso̱nkotsé itsjé sin. 23#Nm. 6:13-21.*Méxra̱, ícha jína si̱nchexiteyá tíha. Ntihi tjejó noó sin ticháxi̱n sinchexiteyá sin ti nkehe tsíchenka sin Díos. 24Sátjiko̱a sin la chrókótjóá jaha la ko jehe sin, la tjènka ti tsokjín sin ndá xi̱kaha tso̱noexín ti sin judío kixin chaxínhña ti nkehe kuíhin sin la tso̱nohe sin kixin kja̱xian nchexiteyá ti ley. 25#Hch. 15:29.*A̱ndá ti sin jehya judío titekaon Ìnchéni, la ó ikjini ijnko xroon kꞌue̱tue̱heni sin kixin siniehña sin ti into tsíchroxi̱hi̱ chojni ti nkehe tsíkjano̱ña, siniehña sin ijni̱é iko la ko ti nto̱e iko tsíchríjinhña ikja, la tsochóntahya sin íjnko chojnichjin jehya ichjién sin.
Nkaxehen ni̱nko tséxin sin Pablo
26Ndá chꞌin Pablo sákjuíko ti noó sin ndá ti ña̱o chrꞌéxi̱n la kjuínchetjóá a̱sén sin éxi kuinkáchónki sin. Ndá kjuixin, la kꞌuíxehen sin ti ni̱nko kixin tsochronka sin kixin ó kjuixin kjuínchexiteyá sin ti nkehe tsíndáchro sin, la nkojnko sin kjuajon sin ti nkehe tsꞌáyéhe̱ Díos.
27Ndá ti ó chjina tsoxítja ti yato ña̱o kꞌuejó sin ni̱nko, ndá iso ti sin judío tsíkji̱xi̱n Asia mé kꞌuíkon sin itjen chꞌin Pablo nkaxehen ni̱nko. Ndá kjuínchekónínkaon sin itsjé ti chojni tjejó ntiha, la itsé sin chꞌan. 28Ndá itsen ndáchro sin:
―Kaínra chojni Israel, tjínki̱tsarani kixin tsotséni ti nkexro i, kixin jehe chꞌan ixri chꞌan xritja̱ko̱he̱ chꞌan chojni nkehe jehya jína kuènté chjaséni, la ndáchro chꞌan kixin sínkíhya ti ley tsíkꞌe̱to̱an Moisés la ko ti ni̱nkuéni. Ndá ijie la tsíchrꞌaxehen chꞌan iso sin griego ni̱nko la kjuínchekji̱ta̱ sin ti ni̱nko tjóá.
29 #
Hch. 20:4. *Mé xi̱kaha ichro sin kixin tsíkꞌikon sin kixin ntiha kuékꞌajiko Pablo ti chꞌin Trófimo tsíkji̱xi̱n Éfeso, la kjuénka̱yáxin sin kixin tsíkjiko chꞌan ti nkexro a nkaxehen ni̱nko.
30Ndá kuenté ti chjasin kónínkaon, la kaín sin kuinká sin ikui sin itsé sin chꞌin Pablo, la nkánkákjen sin kuakitsje sin chꞌan ndója, ndá tuénxín kꞌuekjehe̱ sin ti puerta kuènté ni̱nko. 31Ndá tjinkaon sin chrókꞌóñá sin chꞌan, kjánchó ti comandante tꞌe̱tue̱hen itsjé soldado romano mé kuíhin chꞌan kixin kuenté ti chjasin Jerusalén kꞌuíxité sin, kónínkaon sin. 32Ndá sákjuíko chꞌan iso sin soldado la ko ti sin tꞌe̱tue̱hen ti sin soldado, la kuinká sin sákjuí sin ti tsíkónkotsé ti sin a. Ndá ti ó kꞌuíkon ti sin a kixin kjuíji ti comandante la ko ti sin soldado ndá kuíto̱he sin, í kjuáte̱hya sin chꞌin Pablo. 33Ndá ti comandante kóchjina la itsé chꞌan ti chꞌin Pablo, la kꞌue̱to̱an chꞌan kixin tso̱ntetoxín chꞌan yaá cadena. Ndá chrꞌéxi̱n ti comandante kjuanchankí nkexro ti jehe chꞌan la ko nkehe kjuíchꞌe chꞌan. 34A̱ndá ti chojni tsíkónkotsé ntiha kóyako sin ndáchro sin ijnko nkehe la íso sin ókjé nkehe. A̱ndá ti comandante la tienxínhña chꞌan nkehe tsíkóhen kixin sítjité sin. Ndá kꞌue̱to̱an chꞌan kixin sátsjiko sin chꞌin Pablo ti cuartel. 35Ndá sákjuíko sin chꞌan la kjuíji sin ti tꞌi̱tꞌótje̱nxi̱n sin ti nchia a, ndá kuamá sin chꞌan kixin ti chojni tsíkónkotsé tjejó ntiha la tjinkaon sin chrókjuate sin chꞌan kixin imá nínkaon sin. 36La kaín sin chréhe̱ sin nóton chꞌan tꞌóyako sin, ndáchro sin:
―Tꞌoñára chꞌan ―ichro sin.
Pablo chrónka chꞌan kixin chóntahya chꞌan ijie̱
37Ndá ti ó sáchrókjuiko sin chꞌan nkaxehen ti cuartel kuènté sin, la kjuanchankíhi chꞌin Pablo ti comandante:
―¿Á jína tsonixjani intsí ní?
Ndá ti comandante ndáchro:
―¿Noha nixja griego ní? 38¿Xá jehya jaha ti chojni tsíkji̱xi̱n Egipto kjuínchekónínkaon chojni la ko sákjuíko nte̱je̱ noó mil chojni tsíkjàya ní? ―ichro ti comandante.
39Ndá kjuáte̱he chꞌin Pablo ndáchro chꞌan:
―Náhí, janhan la ijnko chojni judío, tsíkokjíexín Tarso, nonte Cilicia. Janhan la ijnko chojni kjui̱xi̱n ijnko chjasin imá tjetoan. A̱ndá ijie xrja̱noáha kixin tsjánjua kjuachaxin tsonixja̱ha̱ ti chojni tjejó ntihi ―ichro chꞌan.
40Ndá ti comandante kjuajon kjuachaxin, ndá chꞌin Pablo la kjuákꞌexín to̱té ti itjen escalera la kjua̱ko̱xi̱n chꞌan itja chꞌan kixin tsotání sin. Ndá ti ó tání sin ndá nixja̱xi̱n chꞌan ngiva hebreo, ndáchro chꞌan:
Currently Selected:
Hechos 21: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 21
21
Chꞌin Pablo sákjuí Jerusalén
1Ndá ti ó kuíto̱heni ti sin kíchóni ndá kꞌuitꞌótjeni ijnko ntabarco, la tuénxín sákjuini nonte Cos. Ndá ti ña̱o chrꞌéxi̱n la sákjuini Rodas, ndá chrꞌéxi̱n sákjuini Pátara. 2Ndá ntiha kꞌuitjani ijnko ntabarco sátsji Fenicia, la sákjuini. 3Ndá ti ó kꞌuatsínkani ntiha la kꞌuíkoni Chipre, la nó itjani kjon kuíto̱he, la sákjuini nó Siria. Ndá ti ntabarco la sákjuí ti puerto Tiro kixin ntiha tsíto̱he ti nkehe kjui̱ka̱o, ndá xi̱kaha kja̱xini kꞌuíxeheni ti chjasin a. 4Ndá ntiha kꞌuitjani ti sin tinkáchónki Ìnchéni, ndá kuíto̱ekoni sin yato ña̱o, la Ncha̱kuén Díos kjuínchenohe sin la chénka sin ti chꞌin Pablo kixin sáchrókjuihya chꞌan Jerusalén. 5Ndá ti ó kꞌuatsínka ti yato ña̱o, ndá sákjuixini ntiha. La kaín ti sin tinkáchónki Ìnchéni la ti ichjién sin la ko xje̱en sin mé sákjuikotóxi̱n sin ti jeheni hasta kꞌuaxrjentáni ikon chjasin, ndá sákjuini chrínta nda̱ñao la kꞌuejóxini tochꞌini nixje̱he̱ni Díos 6Ndá nixje̱he̱ni sin nkojína, ndá kꞌuitꞌótjeni ti ntabarco la sákjuini, ndá jehe sin la ikjan sin ndo̱e sin.
7Ndá jeheni la kꞌuaxrjexíni ti chjasin Tiro, ndá kjuíjini Tolemaida, la ntiha nixje̱he̱ni ti sin kíchóni tinkáchónki Ìnchéni la kꞌuejókoni sin ntiha ijnko ña̱o. 8#Hch. 6:5; 8:5.*Ndá ti ña̱o chrꞌéxi̱n sákjuixini ntiha la kjuíjini Cesarea. Ndá ntiha sákjuini ndo̱e chꞌin Felipe, ijnko nkexro tjako itén Díos. Jehe chꞌan mé ijnko ti ya̱to̱xi̱n ti sin tsíkjeyá Ìnchéni, la kuíto̱heni ndo̱e chꞌan. 9Chꞌin Felipe mé chónta chꞌan noó xje̱en chꞌan ichjin na̱xa̱ tóte̱ehya sin, la jehe sin mé chrónkaxín sin itén Díos. 10#Hch. 11:28.*Ntiha kꞌuejókoni sin itsjé ña̱o, ndá ikui ijnko nkexro nixja itén Díos itꞌin Agabo, tsíkji̱xi̱n Judea. 11Ikjui chꞌan kixin tsonixje̱he̱ chꞌan ti jeheni, la kuákja chꞌan ti tjo̱a̱ tꞌinkatꞌóxin chꞌin Pablo, ndá kjuínchentetoxín chꞌan to̱té chꞌan la ko itja chꞌan la ndáchro chꞌan:
―Ti Ncha̱kuén Díos mé ndáchro kixin xi̱ki̱hi sichꞌehe ti sin judío ti nkexro kuènté ti sincho̱ i, la tsjikaan sin ti tjejó ti sin jehya judío, ti chjasin Jerusalén.
12Ndá kjuixin kuíhini tíha, ndá jeheni la ko ti sin chjasin Cesarea chrónoéhe̱ni ti chꞌin Pablo kixin sáchrókjuihya chꞌan Jerusalén. 13Ndá jehe chꞌan ndáchro chꞌan:
―¿Nkekuènté tsja̱nkara la ko nchekꞌavára a̱sená? Janhan la chrakonhña, kjónté sinchentetona sin o̱ chrókꞌuenxian Jerusalén kixin tinkachónkia Ìnchéni.
14Ndá kjuachahyani kixin chrókuitekaon chꞌan la jehó ndáchroni:
―Tso̱hen éxi ti nkehe tjinkaon Ìnchéni.
15Ndá chrꞌéxi̱n, la kóyaxíhini, ndá sákjuini Jerusalén. 16La sákjuikoni iso ti sin tinkáchónki Ìnchéni tsíkji̱xi̱n Cesarea. Sákjuikoni sin ndo̱e ijnko nkexro tsíkji̱xi̱n Chipre itꞌin Mnasón. Jehe chꞌan mé ósé tinkáchónki chꞌan Ìnchéni, landá kjuajon chꞌan kjuachaxin kuito̱heni ndo̱e chꞌan.
Chꞌin Pablo sákjuitsjehe chꞌin Jacobo
17Ti ó kjuíjini Jerusalén, la ti sin kíchóni tinkáchónki Ìnchéni la chéhe̱ sin kjuajon sin kjuachaxin kꞌuejókoni sin. 18Ndá ti ña̱o chrꞌéxi̱n la sákjuikoni chꞌin Pablo kjuitsjeheni chꞌin Jacobo la ntiha kꞌuejó kaín ti sin tꞌe̱to̱an kuènté ni̱nko. 19Ndá Pablo nixje̱he̱ chꞌan sin, ndá kjuixin la chrónka chꞌan kaín ti ixra̱ kjuíchꞌe Díos ti ó kjua̱ko̱he̱ chꞌan ti sin jehya sin judío. 20Ndá ti ó kuíhin sin tíha, la chjéhe sin Díos kjuasáya, la ndáche sin chꞌin Pablo:
―Kíchóni, ó tꞌíkua̱n kixin siín itsjé mil ti sin judío titekaon sin Jesús, kjánchó kaín sin ndáchro sin kixin ticháxi̱n tsíto̱ehyani ti ley. 21La tsíkihin sin kixin jaha tjákohé ti sin judío tjejó ókjé chjasin kixin ticháxi̱nhña sinchexiteyá sin ti nkehe tsíkꞌe̱to̱an Moisés. La kja̱xin tsíkihin sin kixin tjákohé sin kixin ti xje̱en sin la ticháxi̱nhña itsa xro̱ye la ko tsicháxi̱nhña tsinkáchónki sin éxi kꞌuékinkáchónki sin ósé. 22¿Ndá nkehe chrókjuíchꞌeni? Ti ó tsihin sin kixin kjuihá la tso̱nkotsé itsjé sin. 23#Nm. 6:13-21.*Méxra̱, ícha jína si̱nchexiteyá tíha. Ntihi tjejó noó sin ticháxi̱n sinchexiteyá sin ti nkehe tsíchenka sin Díos. 24Sátjiko̱a sin la chrókótjóá jaha la ko jehe sin, la tjènka ti tsokjín sin ndá xi̱kaha tso̱noexín ti sin judío kixin chaxínhña ti nkehe kuíhin sin la tso̱nohe sin kixin kja̱xian nchexiteyá ti ley. 25#Hch. 15:29.*A̱ndá ti sin jehya judío titekaon Ìnchéni, la ó ikjini ijnko xroon kꞌue̱tue̱heni sin kixin siniehña sin ti into tsíchroxi̱hi̱ chojni ti nkehe tsíkjano̱ña, siniehña sin ijni̱é iko la ko ti nto̱e iko tsíchríjinhña ikja, la tsochóntahya sin íjnko chojnichjin jehya ichjién sin.
Nkaxehen ni̱nko tséxin sin Pablo
26Ndá chꞌin Pablo sákjuíko ti noó sin ndá ti ña̱o chrꞌéxi̱n la kjuínchetjóá a̱sén sin éxi kuinkáchónki sin. Ndá kjuixin, la kꞌuíxehen sin ti ni̱nko kixin tsochronka sin kixin ó kjuixin kjuínchexiteyá sin ti nkehe tsíndáchro sin, la nkojnko sin kjuajon sin ti nkehe tsꞌáyéhe̱ Díos.
27Ndá ti ó chjina tsoxítja ti yato ña̱o kꞌuejó sin ni̱nko, ndá iso ti sin judío tsíkji̱xi̱n Asia mé kꞌuíkon sin itjen chꞌin Pablo nkaxehen ni̱nko. Ndá kjuínchekónínkaon sin itsjé ti chojni tjejó ntiha, la itsé sin chꞌan. 28Ndá itsen ndáchro sin:
―Kaínra chojni Israel, tjínki̱tsarani kixin tsotséni ti nkexro i, kixin jehe chꞌan ixri chꞌan xritja̱ko̱he̱ chꞌan chojni nkehe jehya jína kuènté chjaséni, la ndáchro chꞌan kixin sínkíhya ti ley tsíkꞌe̱to̱an Moisés la ko ti ni̱nkuéni. Ndá ijie la tsíchrꞌaxehen chꞌan iso sin griego ni̱nko la kjuínchekji̱ta̱ sin ti ni̱nko tjóá.
29 #
Hch. 20:4. *Mé xi̱kaha ichro sin kixin tsíkꞌikon sin kixin ntiha kuékꞌajiko Pablo ti chꞌin Trófimo tsíkji̱xi̱n Éfeso, la kjuénka̱yáxin sin kixin tsíkjiko chꞌan ti nkexro a nkaxehen ni̱nko.
30Ndá kuenté ti chjasin kónínkaon, la kaín sin kuinká sin ikui sin itsé sin chꞌin Pablo, la nkánkákjen sin kuakitsje sin chꞌan ndója, ndá tuénxín kꞌuekjehe̱ sin ti puerta kuènté ni̱nko. 31Ndá tjinkaon sin chrókꞌóñá sin chꞌan, kjánchó ti comandante tꞌe̱tue̱hen itsjé soldado romano mé kuíhin chꞌan kixin kuenté ti chjasin Jerusalén kꞌuíxité sin, kónínkaon sin. 32Ndá sákjuíko chꞌan iso sin soldado la ko ti sin tꞌe̱tue̱hen ti sin soldado, la kuinká sin sákjuí sin ti tsíkónkotsé ti sin a. Ndá ti ó kꞌuíkon ti sin a kixin kjuíji ti comandante la ko ti sin soldado ndá kuíto̱he sin, í kjuáte̱hya sin chꞌin Pablo. 33Ndá ti comandante kóchjina la itsé chꞌan ti chꞌin Pablo, la kꞌue̱to̱an chꞌan kixin tso̱ntetoxín chꞌan yaá cadena. Ndá chrꞌéxi̱n ti comandante kjuanchankí nkexro ti jehe chꞌan la ko nkehe kjuíchꞌe chꞌan. 34A̱ndá ti chojni tsíkónkotsé ntiha kóyako sin ndáchro sin ijnko nkehe la íso sin ókjé nkehe. A̱ndá ti comandante la tienxínhña chꞌan nkehe tsíkóhen kixin sítjité sin. Ndá kꞌue̱to̱an chꞌan kixin sátsjiko sin chꞌin Pablo ti cuartel. 35Ndá sákjuíko sin chꞌan la kjuíji sin ti tꞌi̱tꞌótje̱nxi̱n sin ti nchia a, ndá kuamá sin chꞌan kixin ti chojni tsíkónkotsé tjejó ntiha la tjinkaon sin chrókjuate sin chꞌan kixin imá nínkaon sin. 36La kaín sin chréhe̱ sin nóton chꞌan tꞌóyako sin, ndáchro sin:
―Tꞌoñára chꞌan ―ichro sin.
Pablo chrónka chꞌan kixin chóntahya chꞌan ijie̱
37Ndá ti ó sáchrókjuiko sin chꞌan nkaxehen ti cuartel kuènté sin, la kjuanchankíhi chꞌin Pablo ti comandante:
―¿Á jína tsonixjani intsí ní?
Ndá ti comandante ndáchro:
―¿Noha nixja griego ní? 38¿Xá jehya jaha ti chojni tsíkji̱xi̱n Egipto kjuínchekónínkaon chojni la ko sákjuíko nte̱je̱ noó mil chojni tsíkjàya ní? ―ichro ti comandante.
39Ndá kjuáte̱he chꞌin Pablo ndáchro chꞌan:
―Náhí, janhan la ijnko chojni judío, tsíkokjíexín Tarso, nonte Cilicia. Janhan la ijnko chojni kjui̱xi̱n ijnko chjasin imá tjetoan. A̱ndá ijie xrja̱noáha kixin tsjánjua kjuachaxin tsonixja̱ha̱ ti chojni tjejó ntihi ―ichro chꞌan.
40Ndá ti comandante kjuajon kjuachaxin, ndá chꞌin Pablo la kjuákꞌexín to̱té ti itjen escalera la kjua̱ko̱xi̱n chꞌan itja chꞌan kixin tsotání sin. Ndá ti ó tání sin ndá nixja̱xi̱n chꞌan ngiva hebreo, ndáchro chꞌan:
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.