Markus Uram 5:25-26

A banmai nang kankan ara bunga ining yibarmururamwe ner tentok milirbinmou. A ner malyi ai ining yibarmururamwe talak ara kwalina amolbaryi kwaliamnyi. A ner aryi ninyi kweten nang ilinto asi, “Kwetebnurum,” eboka bobaramuryi er taruk dam kuamwe bona nirya kwetena kira ilinto ati kareboka dengloramwe. Ato kuramwe bok, er malyi ai ining kum danana kum kuramwe, erda tabakoka ining yibarmururamwe. A deyok aryi, a ner mambul weik dororamwe.