SAM 46

ദൈവം നമ്മോടുകൂടെ

ഗായകസംഘനേതാവിന്; കന്യകമാർ എന്ന രാഗത്തിൽ, കോരഹ്പുത്രന്മാരുടെ ഒരു ഗീതം

1ദൈവമാണ് നമ്മുടെ അഭയവും ബലവും;

കഷ്ടതകളിൽ അവിടുന്ന് ഏറ്റവും അടുത്ത തുണ.

2അതുകൊണ്ട് ഭൂമി കുലുങ്ങിയാലും

പർവതങ്ങൾ ഇളകി സമുദ്രമധ്യത്തിൽ വീണാലും നാം ഭയപ്പെടുകയില്ല.

3സമുദ്രം പതഞ്ഞിരമ്പട്ടെ, അതിന്റെ പ്രകമ്പനംകൊണ്ടു പർവതങ്ങൾ കുലുങ്ങട്ടെ.

നാം ഭയപ്പെടുകയില്ല.

4ദൈവത്തിന്റെ നഗരത്തെ, അത്യുന്നതന്റെ വിശുദ്ധനിവാസത്തെതന്നെ,

സന്തുഷ്ടമാക്കുന്ന ഒരു നദിയുണ്ട്.

5ദൈവം ആ നഗരത്തിൽ വസിക്കുന്നു, അതു നശിക്കുകയില്ല.

അതിരാവിലെതന്നെ അവിടുന്ന് അതിനെ സഹായിക്കും.

6ജനതകൾ രോഷംകൊള്ളുന്നു, രാജ്യങ്ങൾ പ്രകമ്പനംകൊണ്ടു.

അവിടുന്ന് ശബ്ദിക്കുമ്പോൾ ഭൂമി ഉരുകിപ്പോകുന്നു.

7സർവശക്തനായ സർവേശ്വരൻ നമ്മുടെ കൂടെയുണ്ട്.

യാക്കോബിന്റെ ദൈവം നമ്മുടെ രക്ഷാസങ്കേതം.

8സർവേശ്വരന്റെ പ്രവൃത്തികൾ വന്നു കാണുവിൻ,

9അവിടുന്നു ഭൂമിയിൽ എത്ര വിസ്മയജനകമായ കാര്യങ്ങൾ പ്രവർത്തിച്ചിരിക്കുന്നു.

അവിടുന്നു ഭൂമിയിൽ എല്ലായിടത്തും യുദ്ധങ്ങൾ ഇല്ലാതാക്കുന്നു.

അവിടുന്ന് വില്ലൊടിക്കുന്നു, കുന്തം തകർക്കുന്നു.

രഥങ്ങളെ അഗ്നിക്കിരയാക്കുന്നു.

10“ശാന്തരാകുവിൻ, ഞാൻ ദൈവമാണെന്ന് അറിയുക,

ഞാൻ ജനതകളുടെ ഇടയിൽ പ്രകീർത്തിക്കപ്പെടുന്നു,

ലോകമെങ്ങും പുകഴ്ത്തപ്പെടുന്നു.”

11സർവശക്തനായ സർവേശ്വരൻ നമ്മുടെ കൂടെയുണ്ട്.

യാക്കോബിന്റെ ദൈവം നമ്മുടെ രക്ഷാസങ്കേതം.

Currently Selected:

SAM 46: malclBSI

Highlight

Copy

Popular Bible Verses from
SAM 46