Ruka MAZWI EKUTANGA
MAZWI EKUTANGA
Vhangeri raRuka rinoereketa ndiJesu kuti ndiye Muponesi wakagondiswa kunaIsuraeri noMuponesi womunhu weshe. Mubhuku raRuka mwakanyorwa kuti Jesu wakadaidzwa ndiMweya waMAMBO MWARI, “Kuchumaira Vhangeri kuvarombo,” neVhangeri iri rakazara ngokutambudzikira vanhu vane mbeu dzeshe dzeurombo. Chinyorwa chokudakara chinonasazve kuzwisisika mubhuku raRuka, kakurutu mundima dzokutanga dzinoereketa ngokuuya kwaJesu, nokumagumisiro, apo Jesu paanokwira mudenga.
Ndaa yokukura nokupararira kwokugonda kwemaKristu apo Jesu akwira mudenga inonasa kuronzwa ngomunyori umwewo mubhuku raZvakaitwa.
Rupande rwechipiri (2) nerwechitanhatu (6) (Onayi urongwa hunoteera pashi) mwakazara ngendaa zhinji dzinoonwa muVhangeri iri rega, dzakadai ngendaa yenduyo yengirosi nokuvhakacha kwevaushi panguva yekubarwa kwaJesu, Jesu ari mutemperi achiri murumbwana mudoko, nendaa yomuedzaniso womuSamaria Wakanaka noMukororo Wakarashika. MuVhangeri reshe kubvira pakutanga metsa pamagumo rinonasa kugwinyisisa yaamho ngendaa yomukumbiro, yoMweya Wakachena, mishando inoitwa ngemadzimai mumushando waJesu, nokukungurirwa kunoitwa ndiMwari zvishaishi.
URONGWA HWEZVIRI MUBHUKU RARUKA
Mazwi okutanga 1:1-4
Kubarwa noudoko hwaJohani MuBhabhatidzi naJesu 1:5—2:52
Kushanda kwaJohani MuBhabhatidzi 3:1-20
Kubhabhatidzwa nokuedzwa kwaJesu 3:21—4:13
Mushando waJesu muGarire 4:14—9:50
Kubvira Garire kuguma Jerusarema 9:51—19:27
Vhiki rokugumisira muJerusarema nepasinde 19:28—23:56
Kumuka kwevakafa, kuoneka, nokukwira mudenga kwaMambo Jesu 24:1-53
Currently Selected:
Ruka MAZWI EKUTANGA: Ndau
Highlight
Share
Copy
Want to have your highlights saved across all your devices? Sign up or sign in