Salmow 20
20
SALM 20.
Exaudiat te Dominus.
1An Arloedh re worthyppo dhis yn dydh anken : Hanow Duw Yakob re'th wittho.
2Re dhannvonno ev gweres dhis dhiworth an sentri : ha'th krevhe jy dhiworth Sion.
3Re bortho kov a'th offrynnow oll : ha degemmeres dha offrynnow leskys.
4Re wronttyo dhis hwans dha golonn : ha kowlwul oll dha gusul.
5Kriyn yn lowen y'th selwyans, hag yn Hanow an Arloedh agan Duw ni a dhrehav agan baneryow : re gowlwrello an Arloedh oll dha wovynnadow.
6Lemmyn my a woer an Arloedh dhe selwel y Untys; ev a worthyp dhodho dhiworth nevow y sansoleth : y'n nerth a selwyans y leuv dhyghow.
7Re a drest yn charettow ha re yn mergh : mes ni a berth kov a Hanow an Arloedh agan Duw.
8Plegys yns i dhe'n dor, ha koedhys : mes ni a omdhrehav, ha sevel a'gan sav.
9A Arloedh, salw an Myghtern : ha gorthyp dhyn y'n jydh may helwyn.
Currently Selected:
Salmow 20: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019