کُوطٜ نٜلَابٜٔ 12
12
تٛرَّ نُطِّنْࢡٜ تُلِّتِ
1يَاکٜ مَنْ لَامِيطٛ حِرُدُسْ ڢُطِّ تٛرُّغٛ يِمْࢡٜ وٛطْࢡٜ ندٜرْ جَمَعَارٜ نُطِّنْࢡٜ؞ 2عٛمبَرِ يَاکُبَ، دٜىٰرْطِرَاوٛ يُحَنَّ بٜى کَاڢَحِ؞ 3ندٜ عٛيِعِ طُمْ ڢٛتَّنِ يَحُودُعٜنْ، عٛوَطِ عَنِّيَ نَنغُغٛ ݠِيٜرْ بٛو؞ طُمْ وَطِ ندٜرْ ࢩَلْطٜ جُولْدٜ تَمْسٜىٰجٜ طٜ عُڢْنَاکَ؞ 4ندٜ عٛنَنغِمٛ، عٛمَࢡِّمٛ ندٜرْ ڢُرْسِنَ#12:4 ڢُرْسِنَ مَلَّ يَنغَدَ؞؞ عٛعُمْرِ غٜࢡٜ سٛوجٜعٜنْ نَيِ عَيْنَ مٛ، يٜࢡْرٜ ڢُو مَرِ سٛوجٜعٜنْ نَيٛ؞ حِرُدُسْ وَطِ عَنِّيَ حِيتَاغٛ مٛ يٜىٰسٛ يِمْࢡٜ ڢُو ࢡَاوٛ جُولْدٜ ݠَسْکَ#غُرْتَاکِ 12:1-27؞؞ 5نِي نٛنْ ࢡٜعَيْنِرِ ݠِيٜرْ ندٜرْ ڢُرْسِنَ، عَمَّا جَمَعَارٜ نُطِّنْࢡٜ طٛنْ تٛرٛ اَللَّه نغَمْ مَاکٛ بٜى تِينَارٜ؞
مَلَاعِکَاجٛ وُرْتِنِ ݠِيٜرْ سَارٜ ڢُرْسِنَ
6حِرُدُسْ عَنِّنِ حِيتَاغٛ مٛ جَنغٛ؞ جٜمَّارٜ مَنْ ݠِيٜرْ طٛنْ طَانِ شَکَ سٛوجٜعٜنْ طِطٛ؞ ࢡٜکَࢡِّمٛ بٜى شَلَّلُّوجِ طِطِ، سٛوجٜعٜنْ بٛو طٛنْ عَيْنَ حَا دَمُّطٜ سَارٜ ڢُرْسِنَ؞ 7ندَا، مَلَاعِکَاجٛ اَللَّه وَرِ، أَلنّٛورَ يَيْنِ ندٜرْ سُودُ؞ مَلَاعِکَاجٛ دِمْبِ ݠِيٜرْ، ڢِنْدِنِ مٛ، وِعِمٛ: «عُمَّ لَوْ!» طٛنْ نِي شَلَّلُّوجِ ݠِيسْتِ حَا جُوطٜ مَاکٛ، نجَنِ؞ 8ندٜنْ مَلَاعِکَاجٛ وِعِ: «تَادَ، ڢَطَّ ݠَطٜ مَ؞» ݠِيٜرْ وَطِ نٛنْ، ندٜنْ مَلَاعِکَاجٛ وِعِمٛ: «مٛجَ مٛجَارٜ مَ، تٛکَّمْ؞» 9ݠِيٜرْ تٛکِّمٛ حَا ࢡٜنغُرْتِ سَارٜ ڢُرْسِنَ؞ عَمَّا عٛنُمَايْ نِي کٛ مَلَاعِکَاجٛ طٛنّٛ وَطَ طٛنْ لَاتٛ بٜى غٛونغَ، عٛتَمِّ طُمْ کٛيْطٛلْ؞ 10ࢡٜشَالِ يٜࢡْرٜ سٛوجٜعٜنْ عَيْنٛوࢡٜ عَرَنْدٜ، ࢡٜشَالِ بٛو يٜࢡْرٜ طِطَوْرٜ، ندٜنْ ࢡٜنجٛتِّ دَمُّغَلْ نجَمْندِ ڢُرْسِنَ تِيتِينغَلْ بٜرْنِوٛلْ؞ ݠَرٜوَلْ مَࢡِّتِ ڢٜىٰرٜ مُوطُمْ؞ ࢡٜنغُرْتِ، ࢡٜتٛکِّ لَاوٛلْ، طٛنْ نِي مَلَاعِکَاجٛ غٛ دِلِّ، عَشِّ ݠِيٜرْ حَا تٛنْ؞
11ندٜ ݠِيٜرْ حٜࢡْتِ حَکِّيلٛ مُوطُمْ، عٛوِعِ: «جٛنْتَ مِعَنْدِتِ ڢَکَتْ جَوْمِرَاوٛ نٜلِ مَلَاعِکَاجٛ مُوطُمْ، حِسْنِ يَمْ جُنغٛ حِرُدُسْ عٜ طُمْ کٛ يِمْࢡٜ يَحُودُعٜنْ عَنِّنِنٛ وَطُغٛ يَمْ ڢُو؞»
12ندٜ عٛڢَامِ کٛ وَطِ، عٛيٜحِ حَا سَارٜ مَرِيَمَ، دَادَ يُحَنَّ شٛومٜتٜىٰطٛ مَرْکُسْ؞ يِمْࢡٜ طُوطْࢡٜ طٛنْ کَوْتِ تٛنْ، ࢡٜطٛنْ مبَطَ دٛعَ؞ 13ݠِيٜرْ تَݠِّ ݠَرٜوَلْ حَا يٛلْندٜ؞ دٜرْکٜىٰجٛ دٜبّٛ بِعٜتٜىٰطٛ رٛدٜ يٜحِ لَارُغٛ طُمْ مٛيْ؞ 14ندٜ عٛعَنْدِتِ دَاندٜ ݠِيٜرْ، عٛسٜيِ مَسِنْ، عَمَّا عٛمَࢡِّتَايْ ݠَرٜوَلْ، عٛدٛغِّ، عٛلٛرِ حَا جٛوطِيࢡٜ غٛ، عٛوِعِ: ݠِيٜرْ طٛنْ دَرِ يَاسِ؞ 15ࢡٜمبِعِمٛ: «عَ غِنَّاطٛ نَ؟» عَمَّا عٛتٛکِّ وِعُغٛ ࢡٜ: «غٛونغَ، طُمْ کَنغْکٛ؞» ندٜنْ ࢡٜمبِعِ: «ندٜنْ کَمْ طُمْ مَلَاعِکَاجٛ مَاکٛ؞» 16ݠِيٜرْ تٛکِّ تَݠُّغٛ ݠَرٜوَلْ؞ ندٜ ࢡٜمَࢡِّتِ، ࢡٜنغِعِمٛ، ندٜنْ ࢡٜکَيْطِنِ؞ 17عٛࢡَنغْتَنِ ࢡٜجُنغٛ نغَمْ حَا ࢡٜنجٜىٰطٛ، عٛتِنْدِنِ ࢡٜ نٛ جَوْمِرَاوٛ وُرْتِنِرِمٛ سَارٜ ڢُرْسِنَ؞ عٛوِعِ: «نغٜشّٜ يَاکُبَ عٜ دٜىٰرْطِرَاࢡٜ وٛطْࢡٜ حَالَ کَعَ؞» ندٜنْ عٛدِلِّ نٛکُّورٜ ڢٜىٰرٜ؞
18ندٜ وٜىٰتِ، سٛوجٜعٜنْ شَکْلِ مَسِنْ؞ ࢡٜطٛنْ مبِعَ: «نٛيْ ݠِيٜرْ وَطِ؟» 19حِرُدُسْ طَࢡِّتِمٛ، عَمَّا عٛحٜࢡْتَايْ مٛ؞ عٛدِلِ سٛوجٜعٜنْ عَيْنٛوࢡٜ غٛ، ندٜنْ عٛعُمْرِ ࢡٜمبَرَ ࢡٜ؞ ࢡَاوٛطٛنْ حِرُدُسْ عُمِّ يَحُدِيَ، دِلِّ کَيْسَرِيَ، ڢَࢡّٛيِ تٛنْ؞
مَايْدٜ حِرُدُسْ
20حِرُدُسْ تِکَّنِ يِمْࢡٜ تِرُسْ عٜ يِمْࢡٜ سِدٛنْ مَسِنْ؞ ࢡٜمٛوࢡْتِ، ࢡٜنغَرِ حَا مَاکٛ؞ ࢡٜعَارْتِ نَرُّغٛ بٜى بَلَسْتُسْ، کَلِيڢَاجٛ وَالٜتٜىٰندُ لَامِيطٛ حَا عٛجِنغَ ࢡٜ؞ ندٜنْ ࢡٜنجٜحِ حَا حِرُدُسْ، ࢡٜتٛرِمٛ سُلْحُ، نغَمْ يِمْࢡٜ مَࢡّٜ طٛنْ شٛودَ نغُورٜ حَا لٜسْدِ مَاکٛ؞
21ندٜ ࢩَلَادٜ حِرُدُسْ تَعِنٛ وَطِ، عٛࢡٛرْنِ لِمْشٜ لَامُ، عٛجٛوطِ حَا لٜىٰسٛ لَامُ، عٛوٛلْوَنِ ࢡٜ؞ 22يِمْࢡٜ کٛولِ، مبِعِ: «طُمْ اَللَّه وٛلْوِ، نَا طُمْ نٜطّٛ!» 23طٛنْ نِي مَلَاعِکَاجٛ جَوْمِرَاوٛ ڢِيِمٛ نغَمْ عٛتٜدِّنَايْ اَللَّه؞ غِلْطِ ࢩَامِمٛ، عٛمَايِ؞
24عَمَّا وٛلْدٜ اَللَّه تٛکِّ يَحُغٛ يٜىٰسٛ يٜىٰسٛ؞
25ندٜ بَرْنَبَسْ عٜ سٛلْ تِمِّنِ کُوغَلْ مَࢡّٜ حَا عُرُسَلِيمَ، ࢡٜکٛوتِدِ بٜى يُحَنَّ شٛومٜتٜىٰطٛ مَرْکُسْ حَا عَنْتَکِيَ؞
Currently Selected:
کُوطٜ نٜلَابٜٔ 12: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
