کُوطٜ نٜلَابٜٔ 15
15
حَوْرِيندٜ حَا عُرُسَلِيمَ
1يِمْࢡٜ وٛطْࢡٜ عُمِّ يَحُدِيَ نجٜحِ عَنْتَکِيَ، عَنْدِنِ دٜىٰرْطِرَاࢡٜ، مبِعِ: «عٛنْ کٜࢡَتَا حِسُغٛ سٛنَا تٛ عٛنْ نجَࢡِ جُولْنَاغٛ ڢٛدّٜ کٛ تَوْرٜىٰتَ مُوسَى عُمْرِ#ڢَرِلَّاجِ لٜوِعٜنْ 12:3؞؞» 2ݠٛلْ عٜ بَرْنَبَسْ کُجّٛتِرِ بٜى مَࢡّٜ مَسِنْ دٛوْ حَالَ کَعَ؞ نغَمْ مَاجُمْ ࢡٜندَوْرِ، ݠٛلْ عٜ بَرْنَبَسْ عٜ يِمْࢡٜ عَنْتَکِيَ وٛطْࢡٜ نجَحَ حَا عُرُسَلِيمَ وٛلْوَنْغٛ نٜلَاࢡٜ عٜ ندٛتِّعٜنْ دٛوْ حَالَ مَنْ؞
3ندٜنْ جَمَعَارٜ نُطِّنْࢡٜ حٛکِّ ࢡٜ کٛ ࢡٜمَرِ حَاجٜ نغَمْ جَحَانغَلْ نغَعَلْ؞ ندٜ ࢡٜطٛنْ شَالٛ ندٜرْ ڢِنِکِيَ عٜ سَمَرِيَ، ࢡٜنغٜشِّ نُطِّنْࢡٜ: يِمْࢡٜ عُمَّاتٛوجٜ غٛطّٜ بٛو نُطِّنِ اَللَّه؞ حَبَرُ مَنْ سٜيْنِ دٜىٰرْطِرَاࢡٜ مَسِنْ؞ 4ندٜ ࢡٜنجٛتِّ عُرُسَلِيمَ، جَمَعَارٜ نُطِّنْࢡٜ عٜ نٜلَاࢡٜ عٜ ندٛتِّعٜنْ ڢُو نجَࢡِّ ࢡٜ؞ ࢡٜنغٜشِّ ࢡٜ کٛ اَللَّه وَطِ بٜى جُوطٜ مَࢡّٜ؞ 5عَمَّا نُطِّنْࢡٜ وٛطْࢡٜ ندٜرْ يٜࢡْرٜ ڢَرِسَعٜنْ عُمِّ، مبِعِ: «سٜيْ ࢡٜنجَࢡَ جُولْنَاغٛ، سٜيْ ࢡٜتٛکّٛ تَوْرٜىٰتَ مُوسَى؞»
6نٜلَاࢡٜ عٜ ندٛتِّعٜنْ کَوْتِ، لِࢩِ حَالَ کَعَ؞ 7نغٜىٰوْتَ مَنْ وُلِ جَوْ؞ ندٜنْ ݠِيٜرْ عُمِّ، وِعِ: «دٜىٰرْطِرَاࢡٜ، عٛنْ عَنْدِ دِغَ ࢡٛويْمَ اَللَّه سُࢡِ يَمْ شَکَ مٛوطٛنْ حَا مِوَازِنَ لِنْجِيلَ حَا يِمْࢡٜ عُمَّاتٛوجٜ غٛطّٜ، حَا ࢡٜنَنَ، ࢡٜنُطِّنَ#کُوطٜ نٜلَاࢡٜ 10:1-43؞؞ 8اَللَّه، عَنْدُطٛ ࢡٜرْطٜ يِمْࢡٜ ڢُو، سٜىٰدَنَکٜ ࢡٜ ندٜ عٛحٛکِّ ࢡٜ رُوحُ شٜنِيطٛ بَنَ نٛ عٛحٛکِّرِ عٜنْ طُمْ#کُوطٜ نٜلَاࢡٜ 2:4؛ 10:44؞؞ 9عٛوَطَايْ ڢٜرٛوتِرَلْ حَکُّندٜ مٜىٰطٜنْ عٜ مَࢡّٜ نغَمْ عٛلَࢡِّنِ ࢡٜرْطٜ مَࢡّٜ ندٜ ࢡٜنُطِّنِ؞ 10نغَمْ مَنْ، کٛنِ عٛنْ نغِطِ ڢٛونْدُغٛ اَللَّه بٜى يٛوَنْغٛ ࢡٜ دٛنغَلْ نغَعَلْ؟ کٛو عٜنٜنْ، کٛو کَاکِرَاࢡٜ مٜىٰطٜنْ ڢُو، عٜنْ مبَاوَايْ رٛونْدَاغٛ نغَلْ؞ 11بَنَ عٜنٜنْ عٜنْ نُطِّنِ، عٜنْ کِسْرِ بٜى مٛعّٜرٜ جَوْمِرَاوٛ مٜنْ عِيسَى، نٛنْ کَمْࢡٜ بٛو ࢡٜکِسْرِ؞»
12مٛوࢡْرٜ ڢُو سِرْوِ ندٜ ࢡٜنَنِ کٛ بَرْنَبَسْ عٜ ݠٛلْ نغٜشِّ ࢡٜ ڢُو، ࢡٜعَنْدِنِ ࢡٜ عَلَامَاجِ عٜ کَايٜىٰڢِيجِ طِ اَللَّه وَطِ بٜى جُوطٜ مَࢡّٜ شَکَ عُمَّاتٛوجٜ غٛطّٜ؞ 13ندٜ ࢡٜتِمِّنِ وٛلْوُغٛ، يَاکُبَ وِعِ: «دٜىٰرْطِرَاࢡٜ، نَنَنٜىٰطَمْ! 14جٛنْتَ سِمٛنْ يٜشِّ عٜنْ بٜى لَاࢡْطُمْ نٛ اَللَّه حَکِّلِرَنِ عُمَّاتٛوجٜ غٛطّٜ دِغَ ڢُطَّمْ، عٛسُࢡِ وٛطْࢡٜ مَࢡّٜ حَا ࢡٜلَاتٛ عُمَّاتٛورٜ مَاکٛ؞ 15حَالَ کَعَ يَحْدِ بٜى وٛلْدٜ اَلنَّبِعٜنْ بَنَ کٛ وِنْدَ:
16جَوْمِرَاوٛ وِعِ: ࢡَاوٛطٛنْ مِلٛرٛتٛ،
مِࢩِࢡْتٛتٛ سُودُ دَاوُدَ يِبُّنٛوندُ#15:16 سُودُ دَاوُدَ يِبُّنٛوندُ: نَا دٛوْ سُودُ مٜىٰرٜ طُمْ وٛلْوَتَ، عَمَّا دٛوْ يِمْࢡٜ دَاوُدَ؞ ،
مِࢩِࢡْتٛتٛ بِلّٜ مَارُ،
مِدَرْنَنْ ندُ،
17-18نغَمْ حَا لُتُّࢡٜ ڢُو نغَيْلِتٛ حَا جَوْمِرَاوٛ،
نٛنْ بٛو يِمْࢡٜ عُمَّاتٛوجٜ غٛطّٜ طٜ عِنْدٜ عَمْ عٜوْنَ دٛوْ مُوطُمْعٜنْ،
نٛنْ جَوْمِرَاوٛ وِعِ،
کَنغْکٛ عٛوَنغِنِ کُوجٜ طٜعٜ دِغَ ࢡٛويْمَ#عَمٛسْ 9:11-12؞؞»
19نغَمْ مَاجُمْ مِنْ، مِيٜرْدِ نُمٛ نغٛعٛ: «تَا عٜنْ شَکْلَ يِمْࢡٜ عُمَّاتٛوجٜ غٛطّٜ، نُطِّنْࢡٜ اَللَّه؞ 20ندِکَّ عٜنْ مبِنْدَنَ ࢡٜ حَا ࢡٜندٜىٰنْتٛ عٜ کُسٜلْ لِيعَنَانغٜلْ لَبِّ عٜ دَاکَارٜىٰکُ عٜ کٛ حِرْسَاکَ عٜ ࢨِيࢨَمْ بٛو#غُرْتَاکِ 34:15-17؛ ڢَرِلَّاجِ لٜوِعٜنْ 17:16؛ 18:6-23؞؞ 21نغَمْ دِغَ ࢡٛويْمَ ࢡٜطٛنْ نغَازِنَ تَوْرٜىٰتَ مُوسَى ندٜرْ بٜرْنِيجِ ڢُو، ࢡٜطٛنْ نجَنغَ کَ ندٜرْ شُوطِ دٜوَلْ يَحُودُعٜنْ کَلَ ࢩَنْدٜ سِوْتٛرْدٜ ڢُو؞»
ࢡٜنٜلْدِ بَتَاکٜوٛلْ حَا نُطِّنْࢡٜ شَکَ عُمَّاتٛوجٜ غٛطّٜ
22ندٜنْ نٜلَاࢡٜ عٜ ندٛتِّعٜنْ عٜ جَمَعَارٜ نُطِّنْࢡٜ ڢُو نغٜرْدِ شُࢡِ وٛطْࢡٜ مَࢡّٜ، نغَمْ ࢡٜنٜلَ ࢡٜ حَا عَنْتَکِيَ بٜى ݠٛلْ عٜ بَرْنَبَسْ؞ ࢡٜشُࢡِ يَحُودَ بِعٜتٜىٰطٛ بَرْسَبَسْ عٜ سِلَسْ؞ ࢡٜ طِطٛ ڢُو، ࢡٜ عَرْدِيࢡٜ شَکَ دٜىٰرْطِرَاࢡٜ؞ 23ࢡٜنٜلْدِ ࢡٜ بٜى بَتَاکٜوٛلْ نغٛعٛلْ:
«مِنِنْ نٜلَاࢡٜ عٜ ندٛتِّعٜنْ، دٜىٰرْطِرَاࢡٜ مٛنْ، مِنْ کٛوڢْنِ عٛنْ، عٛنٛنْ دٜىٰرْطِرَاࢡٜ ࢡٜ عُمَّاتٛوجٜ غٛطّٜ وٛنْࢡٜ حَا عَنْتَکِيَ عٜ سِرِيَ عٜ سِلِکِيَ؞ 24مِنْ نَنِ وٛطْࢡٜ عَمِنْ نجٜحِ حَا مٛنْ، نجِيࢡِ عٛنْ، شَکْلِ عٛنْ بٜى بٛلّٜ مُوطُمْعٜنْ؞ عَمَّا مِنِنْ مِنْ نٜلَايْ ࢡٜ؞ 25نغَمْ مَاجُمْ مِنْ ندَوْرِ، مِنْ نَرِّ، مِنْ شُࢡِ وٛطْࢡٜ، مِنْ نٜلَ ࢡٜ حَا مٛوطٛنْ؞ ࢡٜنجَحْدَنْ بٜى يِطَاࢡٜ مٜنْ بَرْنَبَسْ عٜ ݠٛلْ؞ 26يِمْࢡٜ ࢡٜعٜ کَسْدِ کٛو مَايُغٛ نغَمْ عِنْدٜ جَوْمِرَاوٛ مٜىٰطٜنْ عِيسَى اَلْمَسِيحُ؞ 27نغَمْ مَاجُمْ مِنْ نٜلْدِ عٛنْ يَحُودَ عٜ سِلَسْ؞ کَمْࢡٜ ࢡٜنغٜشَّنْ عٛنْ حَبَرُ مَنْ بٜى کُنْدُطٜ مَࢡّٜ؞ 28طُمْ ڢٛتَّنِ رُوحُ شٜنِيطٛ بٜى عَمِنْ ڢُو تَا مِنْ ࢡٜسْدَنَ عٛنْ دٛنغَلْ ڢٜىٰرٜ سٛنَا عُمْرٛوجٜ کَانْدُطٜ طٜعٜ: 29ندٜىٰنْتٜ عٜ کُسٜلْ لِيعَنَانغٜلْ لَبِّ عٜ ࢨِيࢨَمْ عٜ کٛ حِرْسَاکَ عٜ دَاکَارٜىٰکُ؞ عٛنْ مبَطِ کٛ وٛوطِ تٛ عٛنْ کَطِ کٛعٜ مٛنْ کُوجٜ طٜعٜ؞ نجٛوطٜ جَمْ؞»
30يِمْࢡٜ ࢡٜعٜ عَشِّ ࢡٜ، نجِݠِّ عَنْتَکِيَ؞ ندٜ ࢡٜنجٛتِّ تٛنْ، ࢡٜمٛوࢡْتِ نُطِّنْࢡٜ ڢُو، ࢡٜندٛکِّ ࢡٜ بَتَاکٜوٛلْ مَنْ؞ 31ندٜ ࢡٜنجَنغِ نغٛلْ، ࢡٜشٜيِ نَنُغٛ حَالَ مَاغٛلْ، نغٛلْ سٜمْبِطِنِ ࢡٜ؞ 32يَحُودَ عٜ سِلَسْ، لَاتِيࢡٜ اَلنَّبِعٜنْ، مبٛلْوَنِ ࢡٜ بٛلّٜ طُوطّٜ، سٜمْبِطِنِ ࢡٜ، تِطِّنِ ࢡٜ؞ 33ندٜ ࢡٜݠَࢡِّ حَا تٛنْ سٜطَّ، دٜىٰرْطِرَاࢡٜ طٛڢْتِ ࢡٜ، نجَࢡِّتِ ࢡٜ، تٛرَنِ ࢡٜسَلَامَنْ؞ ندٜنْ ࢡٜلٛرِ حَا نٜلْࢡٜ ࢡٜ؞ [ 34عَمَّا سِلَسْ جٛوطِ تٛنْ؞]
35ݠٛلْ عٜ بَرْنَبَسْ ݠَࢡِّ حَا عَنْتَکِيَ؞ کَمْࢡٜ عٜ وٛطْࢡٜ طُوطْࢡٜ، ࢡٜعٜکِّتِنِ يِمْࢡٜ، ࢡٜنغَازِ ࢡٜلِنْجِيلَ، وٛلْدٜ جَوْمِرَاوٛ؞
لُورَلْ حَکُّندٜ ݠٛلْ بٜى بَرْنَبَسْ
36ࢡَاوٛ ࢩَلْطٜ سٜطَّ، ݠٛلْ وِعِ بَرْنَبَسْ: «عٜنْ لٛرٛ، عٜنْ ندَارَ دٜىٰرْطِرَاࢡٜ حَا بٜرْنِيجِ حَا عٜنْ نغَازِنٛ وٛلْدٜ جَوْمِرَاوٛ ڢُو، حَا عٜنْ ندَارَ نٛ ࢡٜمبَعِ؞» 37بَرْنَبَسْ يِطِ يُحَنَّ بِعٜتٜىٰطٛ مَرْکُسْ يَحْدَ بٜى مَࢡّٜ، 38عَمَّا ݠٛلْ جَࢡَايْ، نغَمْ مَرْکُسْ سٜنْدِرِنٛ بٜى مَࢡّٜ دِغَ ݠَمْڢِلِيَ، عَشِّنٛ کُوغَلْ، حَوْتَنَايْنٛ ࢡٜ ڢَحِنْ#کُوطٜ نٜلَاࢡٜ 13:13؞؞ 39لُورَلْ وَطِ حَکُّندٜ مَࢡّٜ، حَا ࢡٜشٜنْدِرِ؞ بَرْنَبَسْ حٛوعِ مَرْکُسْ، ࢡٜنَسْتِ کٛومْبٛوَلْ#15:39 کٛومْبٛوَلْ مَلَّ لَانَوَلْ؞، ࢡٜنجٜحِ کِݠْرُسْ؞ 40ݠٛلْ بٛو سُࢡِ سِلَسْ، ࢡٜندِلِّ؞ دٜىٰرْطِرَاࢡٜ کَلْڢِنِ ࢡٜ حَا مٛعّٜرٜ اَللَّه؞ 41ݠٛلْ يٜحِ ندٜرْ لٜسْدِ سِرِيَ عٜ سِلِکِيَ، عٛسٜمْبِطِنِ جَمَعَاجٜ نُطِّنْࢡٜ؞
Currently Selected:
کُوطٜ نٜلَابٜٔ 15: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
