کُوطٜ نٜلَابٜٔ 3
3
ݠِيٜرْ يَمْطِتِنِ بٛوسْطٛ
1ࢩَنْدٜ ڢٜىٰرٜ ݠِيٜرْ بٜى يُحَنَّ نجٜحِ حَيْکَلِيرُ نغَمْ وَطُغٛ دٛعَ عَسِرِ؞ 2حَا دَمُّغَلْ بِعٜتٜىٰنغَلْ دَمُّغَلْ-بٛوطْنغَلْ، وٛودِ غٛطّٛ بٛوسْطٛ#3:2 بٛوسْطٛ طُمْ غٛطّٛ مٛ کٛسْطٜ مُمْ مبَاتِ؞ دِغَ دَࢩٜىٰکِ مُمْ؞ ندٜ وٜىٰتِ ڢُو يِمْࢡٜ مَاکٛ طٛنْ ندٛونْدٛ مٛ، نجٛعِّنَ مٛ تٛنْ نغَمْ عٛرٛوکٛ نَسْتَنْࢡٜ حَيْکَلِيرُ؞ 3ندٜ عٛلَارِ ݠِيٜرْ عٜ يُحَنَّ طٛنْ نَسْتَ، عٛرٛوکِ ࢡٜ؞ 4ࢡٜشُتِمٛ، ندٜنْ ݠِيٜرْ وِعِ: «لَارْ مِنْ!» 5بٛوسْطٛ لَارِ ࢡٜ بٛوطُّمْ، نغَمْ عٛتَمِّنٛ ࢡٜندٛکَّنْ مٛ حُوندٜ؞ 6عَمَّا ݠِيٜرْ وِعِمٛ: «مِوَلَا شٜىٰدٜ، مِوَلَا بٛو کَنغّٜىٰرِ، عَمَّا مِحٛکّٜتٜ کٛ مَرْمِ: بٜى عِنْدٜ عِيسَى اَلْمَسِيحُ مٛ نَسَرَتُ، عُمَّ، يَحْ!» 7ندٜنْ ݠِيٜرْ نَنغِ جُنغٛ مَاکٛ ࢩَامٛ، عُمِّنِمٛ؞ لَوْ، کٛسْطٜ مَاکٛ کٜࢡِ سٜمْبٜ، 8عٛحَڢْتِ، عٛدَرِ، عٛڢُطِّ يَحُغٛ؞ عٛنَسْتِدِ بٜى ݠِيٜرْ عٜ يُحَنَّ ندٜرْ حَيْکَلِيرُ، عٛطٛنْ يَحَ، عٛطٛنْ دِوَ، عٛطٛنْ يٜتَّ اَللَّه؞ 9عُمَّاتٛورٜ ڢُو يِعِمٛ عٛطٛنْ يَحَ، عٛطٛنْ يٜتَّ اَللَّه؞ 10ندٜ ࢡٜعَنْدِتِ طُمْ بٛوسْطٛ مٛ جٛوطِنٛ حَا دَمُّغَلْ-بٛوطْنغَلْ نغَلْ حَيْکَلِيرُ نغَمْ رٛوکَاغٛ، ࢡٜکَيْطِنِ مَسِنْ دٛوْ کٛ سَالِ؞
ݠِيٜرْ وَازِ ندٜرْ حَيْکَلِيرُ يَحُودُعٜنْ
11ندٜ نِي غٛرْکٛ غٛ عَشَّايْ ݠِيٜرْ عٜ يُحَنَّ، عُمَّاتٛورٜ ڢُو دٛغِّ، يٜحِ حَا مَࢡّٜ حَا دَنغْکِ بِعٜتٜىٰکِ دَنغْکِ سُلَيْمَـٰنُ، نغَمْ طُمْ حَيْطِنِ ࢡٜ مَسِنْ؞ 12ندٜ ݠِيٜرْ يِعِ ࢡٜ، عٛوِعِ: «عٛنٛنْ إِسْرَاءِيلَعٜنْ، کٛ حَيْطِنِ عٛنْ، کٛنِ شُتِيطٛنْ مِنْ؟ عٛنْ تَمِّ غٛرْکٛ عٛو ڢُطِّ يَحُغٛ بٜى بَاوْطٜ عَمِنْ مَلَّ کُوطٜ عَمِنْ بٛوطّٜ نَ؟ 13اَللَّه مٛ إِبْرَاهِيمَ، مٛ إِسْحَاقَ، مٛ يَعْقُوبُ، اَللَّه کَاکِرَاࢡٜ مٜىٰطٜنْ تٜدِّنِ سُکَ مُوطُمْ عِيسَى مٛ عٛنْ ندٛکِّ حَا جُوطٜ مَوْࢡٜ، عٛنْ نغٜدِّمٛ يٜىٰسٛ ݠِلَاتُ، کٛو ندٜ ݠِلَاتُ يِطِنٛ يٛوڢُغٛ مٛ#غُرْتَاکِ 3:15؞؞ 14عٛنْ نغُدِنِ شٜنِيطٛ، عَدِلِيجٛ، عٛنْ تٛرِ ݠِلَاتُ عٛيٛوڢَنَ عٛنْ مبَرٛووٛ کٛعٜ#مَتَّ 27:15-23؛ مَرْکُسْ 15:6-14؛ لُکَ 23:13-23؛ يُحَنَّ 19:12-15؞؞ 15نٛنْ عٛنْ مبَرِ جَوْمُ نغٜىٰندَمْ، عَمَّا اَللَّه عُمِّتِنِمٛ دِغَ مَايْدٜ؞ مِنِنْ بٛو مِنْ سٜىٰدٛوࢡٜ حَالَ کَعَ؞ 16بٛوسْطٛ مٛ نغِعٛتٛنْ عٜ مٛ عَنْدُطٛنْ عٛو حٜࢡْتِ سٜمْبٜ مُمْ نغَمْ دَلِيلَ نُطِّنْکِ ندٜرْ عِنْدٜ عِيسَى؞ نُطِّنْکِ کِعِ حٛکِّمٛ نجَمُ يٜىٰسٛ مٛوطٛنْ ڢُو؞
17«دٜىٰرْطِرَاࢡٜ عَمْ، مِعَنْدِ، عٛنٛنْ عٜ مَوْࢡٜ مٛنْ، عٛنْ مبَطِ طُمْ نغَمْ عٛنْ ݠَامَايْنٛ؞ 18دِغَ ࢡٛويْمَ بٜى کُنْدُطٜ اَلنَّبِعٜنْ ڢُو، اَللَّه عَنْدِنِ نٛ اَلْمَسِيحُ مُوطُمْ تٛرّٛتٛ؞ بَنَ نِي عٛغٛونغْطِنِرِ کٛ عٛوِعْنٛ؞ 19تُوبٜ! نغَرْتَنٜ اَللَّه، نغَمْ حَا عٛيَاڢَنٛ عٛنْ حَکّٜىٰجِ مٛنْ ڢُو، 20عٛسُوسْطِنَ ࢡٜرْطٜ مٛنْ، عٛنٜلْدَنَ عٛنْ عِيسَى اَلْمَسِيحُ مٛ عٛسُࢡَنِ عٛنْ دِغَ ࢡٛويْمَ؞ 21دٛولٜ عِيسَى جٛوطٛ حَا عَسَمَ، حَا وَکَّتِ اَللَّه تَمِّ حٜسْطِتِنْغٛ کُوجٜ ڢُو يٛتّٛ، بَنَ نٛ عٛوِعِ دِغَ ࢡٛويْمَ بٜى کُنْدُطٜ اَلنَّبِعٜنْ سٜنَاࢡٜ؞ 22مُوسَى وِعِ: اَللَّه، جَوْمِرَاوٛ مٛوطٛنْ عُمِّنَنَنْ عٛنْ اَلنَّبِيجٛ بَنَ عَمْ ندٜرْ دٜىٰرْطِرَاࢡٜ مٛوطٛنْ؞ سٜيْ عٛنْ نَنَ کٛ عٛوِعَتَ عٛنْ ڢُو#تٛوکْتَاکِ تَوْرٜىٰتَ 18:15،18؞؞ 23مٛ نَنَنَايْ اَلنَّبِيجٛ عٛو ڢُو، عٛ غُرْتِنْتٜىٰطٛ عٜ عٛ نَتِّنْتٜىٰطٛ دِغَ شَکَ عُمَّاتٛورٜ#تٛوکْتَاکِ تَوْرٜىٰتَ 18:19؞؞ 24اَلنَّبِعٜنْ ڢُو، دِغَ سَمُيِلَ عٜ اَلنَّبِعٜنْ وَرْࢡٜ ࢡَاوٛ مَاکٛ، مبٛلْوِ دٛوْ بَلْطٜ طٜعٜ، نغٛويْنِ طٜ؞ 25عٛنٛنْ نغٛنِ ࢡِࢡّٜ اَلنَّبِعٜنْ عٜ ࢡِࢡّٜ عَلْکَوَلْ نغَلْ اَللَّه حَࢡِّ بٜى کَاکِرَاࢡٜ مٛوطٛنْ، عٛوِعِ إِبْرَاهِيمَ: دَلِيلَ دَࢩْغٛلْ مَاطَ، عُمَّاتٛوجٜ دُنِيَارُ ڢُو کٜࢡَنْ بَرْکَ#لَاتَانٛوجِ 22:18؞؞ 26نٛنْ اَللَّه عُمِّنِ سُکَ مُمْ، عَارْتِ نٜلُغٛ مٛ حَا مٛوطٛنْ، حَا کٜࢡٛنْ بَرْکَ، حَا کٛو مٛيْ مٛوطٛنْ وَيْلِتٛ، عَشَّ کُوطٜ مُمْ کَلُّطٜ؞»
Currently Selected:
کُوطٜ نٜلَابٜٔ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
