کُوطٜ نٜلَابٜٔ 6
6
ࢡٜشُࢡِ وَلّٛوࢡٜ نٜلَاࢡٜ نجٛوٜىٰطِطٛ
1ࢩَلْطٜ مَنْ نُطِّنْࢡٜ تٛکِّ ࢡٜسْدَاغٛ؞ ندٜنْ وٛلْوٛوࢡٜ يُنَنِنغْکٜىٰرٜ#6:1 يُنَنِنغْکٜىٰرٜ مَلَّ غِرٜکْرٜ؞ نغُرْنغُرْتِ دٛوْ وٛلْوٛوࢡٜ عِبْرَنِنغْکٜىٰرٜ نغَمْ رٜوْࢡٜ يُرُمْࢡٜ#6:1 يُرُمْࢡٜ طُمْ رٜوْࢡٜ ࢡٜ وٛرْࢡٜ مُوطُمْعٜنْ مَايِ؞ وٛنْࢡٜ شَکَ مَࢡّٜ کٜࢡَتَا غٜطَلْ حَا شٜنْدُکِ ࢩَامْدُ ࢩَلَادٜ ڢُو؞ 2نٜلَاࢡٜ سَݠّٛ عٜ طِطٛ مٛوࢡْتِ نُطِّنْࢡٜ ڢُو، ࢡٜمبِعِ: «طُمْ ڢٛتَّايْ مِنْ عَشَّ وَازَاغٛ وٛلْدٜ اَللَّه حَا مِنْ شُکْلَنٛ سٜنْدُغٛ ࢩَامْدُ؞ 3نغَمْ مَاجُمْ، دٜىٰرْطِرَاࢡٜ، شُࢡٜ شَکَ مٛوطٛنْ وٛرْࢡٜ نجٛوٜىٰطِطٛ، حٛولَاࢡٜ، حٜبِّنَاࢡٜ رُوحُ شٜنِيطٛ، مَرْࢡٜ حِکْمَ، حَا مِنْ کَلْڢِتِنَ ࢡٜ کُوغَلْ نغَعَلْ؞ 4مِنِنْ کَمْ، مِنْ تِينَنَنْ دٛعَ عٜ وَازَاغٛ وٛلْدٜ اَللَّه؞» 5حَالَ کَعَ ڢٛتَّنِ نُطِّنْࢡٜ ڢُو، ࢡٜشُࢡِ عٜتِيٜنْ، غٛطّٛ مَرْطٛ نُطِّنْکِ، کٜبِّنَاطٛ رُوحُ شٜنِيطٛ، ڢِلِݠْ، ݠٛرٛکٛرُسْ، نِکَنٛرْ، تِمٛنْ، ݠَرْمٜنَسْ بٜى نِکٛلَوُسْ مٛ عَنْتَکِيَ، جَنَنّٛ تٛکِّيطٛ دِينَ يَحُودُعٜنْ؞ 6ࢡٜنجَحْرِ ࢡٜ حَا نٜلَاࢡٜ؞ نٜلَاࢡٜ مبَطِ دٛعَ، مبَلِّنِ جُوطٜ مُوطُمْعٜنْ دٛوْ سُࢡَاࢡٜ غٛ؞
7وٛلْدٜ اَللَّه تٛکِّ سَنغْکِتَاغٛ؞ لِمْغَلْ نُطِّنْࢡٜ تٛکِّ ࢡٜسْدَاغٛ مَسِنْ ندٜرْ عُرُسَلِيمَ، طُوطْࢡٜ ندٜرْ لِمَنْعٜنْ بٛو نُطِّنِ؞
مَوْࢡٜ يَحُودُعٜنْ نَنغِ عٜتِيٜنْ
8عٜتِيٜنْ، کٜبِّنَاطٛ مٛعّٜرٜ عٜ بَاوْطٜ اَللَّه، وَطِ کَايٜىٰڢِيجِ عٜ عَلَامَاجِ مَوْطِ شَکَ يِمْࢡٜ؞ 9عَمَّا وٛطْࢡٜ ندٜرْ سُودُ دٜوَلْ يَحُودُعٜنْ وِعٜتٜىٰندُ سُودُ رِمْطِنَاࢡٜ، عِوْࢡٜ حَا سِرٜنٜ بٜى عَلٜکْسَنْدِرِيَ بٜى يِمْࢡٜ سِلِکِيَ عٜ عَسِيَ ندَرْنِ نغَابَ بٜى عٜتِيٜنْ؞ 10عٜتِيٜنْ وٛلْوِ بٜى حِکْمَ عٜ بٜى بَاوْطٜ رُوحُ حَا ࢡٜمبَاوَايْ دَرْتَنَاغٛ مٛ؞ 11نغَمْ مَنْ ࢡٜنجٛࢡِ وٛطْࢡٜ ندٜرْ سِرِّ حَا ࢡٜمبِعَ: «مِنْ نَنِ عٛوٛلْوِ کَلُّکَ دٛوْ مُوسَى عٜ دٛوْ اَللَّه بٛو؞» 12بَنَ نِي ࢡٜعُمِّنِرِ ࢡٜرْطٜ عُمَّاتٛورٜ عٜ ندٛتِّعٜنْ عٜ مٛودِࢡّٜ تَوْرٜىٰتَ؞ ࢡٜکِݠِّ عٜتِيٜنْ، ࢡٜنَنغِمٛ، ࢡٜنجَحْرِمٛ يٜىٰسٛ دَوْرٛوࢡٜ؞ 13ندٜنْ ࢡٜنغَدِّ سٜىٰدٛوࢡٜ حَا ݠٜوَنَ مٛ، ࢡٜمبِعِ: «غٛطّٛ عٛو، تُمْ عٛطٛنْ وٛلْوَ کَلُّکَ دٛوْ سُودُ اَللَّه سٜنِيندُ ندُعُ عٜ دٛوْ تَوْرٜىٰتَ مُوسَى بٛو؞ 14نغَمْ مِنْ نَنِ عٛوِعِ: عِيسَى مٛ نَسَرَتُ عٛو، وِلَنْ سُودُ اَللَّه عٜ وَيْلِتَنْ عَلْعَادَاجِ طِ مُوسَى عَشَّنِ عٜنْ؞» 15دَوْرٛوࢡٜ تَوَاࢡٜ تٛنْ ڢُو طٛنْ شُتِ عٜتِيٜنْ، ࢡٜنغِعِ يٜىٰسٛ مَاکٛ نَنْدِ بٜى يٜىٰسٛ مَلَاعِکَاجٛ؞
Currently Selected:
کُوطٜ نٜلَابٜٔ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
