کُوطٜ نٜلَابٜٔ 5
5
عَنَنِيَسْ عٜ سَڢِرَ
1عَمَّا وٛودِ غٛطّٛ بِعٜتٜىٰطٛ عَنَنِيَسْ، عِنْدٜ دٜبّٛ مَاکٛ بٛو سَڢِرَ، عٛسٛورِّ غٛطُّمْ حَا مَرَلْ مَࢡّٜ؞ 2عٛنَرِّ بٜى دٜبّٛ مَاکٛ، عٛسٜنْدِ شٜىٰدٜ مَنْ، يٜࢡْرٜ عٛسِغِ، يٜࢡْرٜ#5:2 يٜࢡْرٜ مَلَّ ڢٜشّٜرٜ؞ بٛو عٛيَحْرِ حَا نٜلَاࢡٜ؞ 3ݠِيٜرْ وِعِمٛ: «عَنَنِيَسْ، کٛنِ عَعَشِّ سَيْطَانُ نَسْتَ ࢡٜرْندٜ مَ حَا عَڢٜوَنَ رُوحُ شٜنِيطٛ، عَسِغِ يٜࢡْرٜ شٜىٰدٜ شٛغُّ بَبَلْ مٛوطٛنْ؟ 4دِغَ عَسٛورَّايْ نغَلْ، عَنْ جٜيِ؞ ندٜ عَسٛورِّ نغَلْ بٛو، عَنْ مَرِ شٜىٰدٜ مَنْ؞ کٛنِ عَوَطِ عَنِّيَ حُووُغٛ کُوغَلْ نغَعَلْ؟ اَللَّه عَڢٜوَنِ، نَا يِمْࢡٜ؞» 5ندٜ عَنَنِيَسْ نَنِ بٛلّٜ طٜعٜ، عٛدٛعِّ، عٛمَايِ؞ کُلٛلْ مَنغٛلْ نَنغِ نَنْࢡٜ حَالَ کَعَ ڢُو؞ 6سُکَعٜنْ نغَرِ، کَسْنِمٛ، کٛوعِمٛ، عُوٛيِمٛ؞
7ࢡَاوٛ سَاعَاجِ تَتِ دٜبّٛ مَاکٛ وَرِ، عٛعَنْدَا کٛ سَالِ؞ 8ݠِيٜرْ وِعِمٛ: «يٜشَّمْ، شٜىٰدٜ بَنَ نِي شٛورُّطٛنْ بَبَلْ مٛنْ نَ؟» عٛوِعِ: «عٛوحٛ، نٛنْ مِنْ شٛورِّ نغَلْ؞» 9ندٜنْ ݠِيٜرْ وِعِمٛ: «کٛنِ عٛنْ نَرِّ، عَنْ بٜى غٛرْکٛ مَ نغَمْ جَرِّبَاغٛ رُوحُ جَوْمِرَاوٛ؟ سُکَعٜنْ عُوْࢡٜ غٛرْکٛ مَ طٛنْ حَا يٛلْندٜ جٛنْتَ، ࢡٜندٛونْدٜتٜ عَنْ بٛو!» 10طٛنْ نِي، عٛدٛعِّ، عٛمَايِ؞ سُکَعٜنْ نَسْتِ، تَوِ عٛمَايِ، ࢡٜندٛونْدِ مٛ، ࢡٜعُوٛيِمٛ کٛمْبِ يٜنَاندٜ غٛرِيکٛ؞ 11کُلٛلْ مَنغٛلْ نَنغِ جَمَعَارٜ نُطِّنْࢡٜ عٜ نَنْࢡٜ حَالَ کَعَ ڢُو؞
نٜلَاࢡٜ کُووِ کُوطٜ کَايٜىٰڢِيجٜ
12نٜلَاࢡٜ طٛنْ کُووَ کُوطٜ عٜ عَلَامَاجِ عٜ کَايٜىٰڢِيجِ طُوطِّ شَکَ عُمَّاتٛورٜ؞ نُطِّنْࢡٜ ڢُو طٛنْ کَوْتَ لٜسْ دَنغْکِ سُلَيْمَـٰنُ؞ 13يِمْࢡٜ وُرٛ ڢُو کُلِ حَوْتَنْغٛ ࢡٜ کٛو ندٜ عُمَّاتٛورٜ طٛنّٛ مَنغْتَ ࢡٜ؞ 14تُمْ وٛرْࢡٜ عٜ رٜوْࢡٜ طُوطْࢡٜ طٛنْ ࢡٜسْدَنٛ نُطِّنْࢡٜ جَوْمِرَاوٛ؞ 15نغَمْ مَاجُمْ ࢡٜطٛنْ نجَحْرَ ࢩَوْࢡٜ حَا لَابِ، ࢡٜطٛنْ مبَلِّنَ ࢡٜ حَا لٜىٰسٜ عٜ دَاغٜ، نغَمْ حَا مبٜىٰلُ ݠِيٜرْ يَالَ دٛوْ وٛطْࢡٜ مَࢡّٜ، سَاعِ تٛ عٛطٛنْ سَالٛ؞ 16يِمْࢡٜ نغَرِ دِغَ غُرٜ تَارِيطٜ عُرُسَلِيمَ، ࢡٜنغَدِّ ࢩَوْࢡٜ مَࢡّٜ ࢡٜ رُوحُوجِ شٛࢡْطِ تٛرِّ؞ ࢡٜ ڢُو ࢡٜنجَمْطِتِ؞
يِمْࢡٜ تٛرِّ نٜلَاࢡٜ
17ندٜنْ حٛورٜىٰجٛ لِمَنْعٜنْ عٜ وٛنْدُࢡٜ بٜى مَاکٛ ڢُو، وَاتٛ يٜࢡْرٜ سَدُکِعٜنْ، کَاجِ نٜلَاࢡٜ مَسِنْ، 18ࢡٜنَنغِ ࢡٜ، ࢡٜنَسْتِنِ ࢡٜ ڢُرْسِنَ#5:18 ڢُرْسِنَ مَلَّ يَنغَدَ؞؞ 19عَمَّا جٜمَّارٜ مَنْ مَلَاعِکَاجٛ جَوْمِرَاوٛ وَرِ، مَࢡِّتِ ݠَرٜىٰجٜ ڢُرْسِنَ، وُرْتِنِ نٜلَاࢡٜ، وِعِ ࢡٜ: 20«نجٜحٜ، ندَرٜ ندٜرْ حَيْکَلِيرُ، نغٜشّٜ عُمَّاتٛورٜ ڢُو حَالَ نغٜىٰندَمْ کٜسَمْ طَعَمْ؞» 21نٜلَاࢡٜ نجَࢡِ، مبَطِ نٛنْ؞ بٜى بَࢡّٛلْ ࢡٜنَسْتِ حَيْکَلِيرُ، ࢡٜعٜکِّتِنَنِ يِمْࢡٜ کُوجٜ طٜعٜ؞
حٛورٜىٰجٛ لِمَنْعٜنْ عٜ وٛنْدُࢡٜ بٜى مَاکٛ نغَرِ، ࢡٜعٜوْنِ ندٛتِّعٜنْ يَحُودُعٜنْ ڢُو نغَمْ دَوْرِيندٜ؞ ندٜنْ ࢡٜنٜلِ حَا ڢُرْسِنَ حَا ࢡٜنغَدَّنَ ࢡٜ نٜلَاࢡٜ غٛ؞ 22ندٜ سٛوجٜعٜنْ نجٛتِّ ڢُرْسِنَ، ࢡٜتَوَايْ ࢡٜ تٛنْ؞ ندٜنْ ࢡٜلٛرِ، ࢡٜنغٜشِّ دَوْرٛوࢡٜ: 23«مِنْ تَوِ دَمُّطٜ طٛنْ مَࢡِّ بٛوطُّمْ، عَيْنٛوࢡٜ بٛو طٛنْ عَيْنَ، عَمَّا ندٜ مِنْ مَࢡِّتِ، مِنْ تَوَايْ کٛو غٛطّٛ حَا تٛنْ؞» 24ندٜ مَوْطٛ عَيْنٛوࢡٜ حَيْکَلِيرُ عٜ مَوْࢡٜ لِمَنْعٜنْ نَنِ طُمْ، طُمْ سَکْلِ ࢡٜ نغَمْ ࢡٜعَنْدَا کٛ سَالِ؞ 25ندٜنْ غٛطّٛ وَرِ، وِعِ ࢡٜ: «ندَا، وٛرْࢡٜ ࢡٜ عٛنْ نَسْتِنّٛ ڢُرْسِنَ طٛنْ ندَرِ ندٜرْ حَيْکَلِيرُ، طٛنْ عٜکِّتِنَ عُمَّاتٛورٜ!» 26ندٜنْ مَوْطٛ عَيْنٛوࢡٜ دِلِّدِ بٜى يِمْࢡٜ مُمْ تٛنْ، ࢡٜنغَدِّ نٜلَاࢡٜ، عَمَّا نَا بٜى سٜمْبٜ، نغَمْ ࢡٜکُلِ تَا عُمَّاتٛورٜ ڢِطَ ࢡٜ بٜى کَاعٜ؞
27ندٜ ࢡٜنغَدِّ نٜلَاࢡٜ، ࢡٜندَرْنِ ࢡٜ يٜىٰسٛ دَوْرٛوࢡٜ؞ حٛورٜىٰجٛ لِمَنْعٜنْ ڢٜلِ ࢡٜ، 28وِعِ: «مِنْ کَطِ عٛنْ، تَا عٛنْ نغَازِنَ عُمَّاتٛورٜ بٜى عِنْدٜ غٛرْکٛ عٛو سَمْ، عَمَّا ندَا کٛ عٛنْ مبَطِ! عٛنْ شَنغْکِتِ وَازُ مٛنْ حَا عُرُسَلِيمَ ڢُو؞ عٛنْ نغِطِ يٛوَنْغٛ مِنْ عَيْبٜ مبَرٜىٰکِ مَاکٛ#مَتَّ 27:25؞!» 29ݠِيٜرْ عٜ نٜلَاࢡٜ وٛطْࢡٜ نجَابِ: «اَللَّه مِنْ طٛوْتَنْتٛ، نَا يِمْࢡٜ؞ 30اَللَّه مٛ کَاکِرَاࢡٜ مٜىٰطٜنْ عُمِّتِنِ عِيسَى دِغَ مَايْدٜ، کٛو ندٜ عٛنْ مبَرِنٛ مٛ بٜى ࢡِلُغٛ مٛ دٛوْ لٜغَّلْ؞ 31اَللَّه بٛو ࢡَنغْتِمٛ، جٛعِّنِمٛ حَا ࢩَامٛ مُوطُمْ، لَاتِنِمٛ لَامِيطٛ، کِسْنٛووٛ، نغَمْ حَا إِسْرَاءِيلَ حٜࢡَ تُوبُ عٜ يَاڢُيٜ حَکّٜىٰجِ؞ 32مِنِنْ نغٛنِ سٜىٰدٛوࢡٜ حَالَ کَعَ، نٛنْ بٛو رُوحُ شٜنِيطٛ، مٛ اَللَّه حٛکِّ طٛوْتَنِيࢡٜ مٛ؞»
33ندٜ دَوْرٛوࢡٜ نَنِ طُمْ، ࢡٜࢡٜرْنِ مَسِنْ حَا ࢡٜمبَطِ عَنِّيَ مبَرُغٛ نٜلَاࢡٜ؞ 34عَمَّا وٛودِ غٛوتٛ مَࢡّٜ، ڢَرِسَاجٛ مٛ عِنْدٜ مُمْ غَمَلِيٜلْ؞ عٛ مٛودِبّٛ تَوْرٜىٰتَ، تٜدِّنَاطٛ يٜىٰسٛ عُمَّاتٛورٜ ڢُو؞ عٛدَرِ، عٛعُمْرِ ࢡٜنغُرْتِنَ نٜلَاࢡٜ يَاسِ نغَمْ وَکَّتِ سٜطَّ؞ 35ندٜنْ عٛوِعِ دَوْرٛوࢡٜ: «عٛنٛنْ إِسْرَاءِيلَعٜنْ، کَکِّلَنٜ کٛ عٛنْ تَمِّ وَطُغٛ يِمْࢡٜ ࢡٜعٜ؞ 36عَرَنْ بٛو تٜوْدَسْ وَنغِ، عٛوِعِ عٛ غٛطّٛ مَوْطٛ؞ يِمْࢡٜ بَاکِنْ تٜىٰمٜطّٜ نَيٛ تٛکِّمٛ؞ عَمَّا عٛمبَرَامَ، تٛکِّيࢡٜ مٛ ڢُو شَنغْکِتِ، حَالَ مَاکٛ وَاتِ؞ 37ࢡَاوٛطٛنْ يَحُودَ غَلِيلِيجٛ وَنغِ يَاکٜ لِمْکِ يِمْࢡٜ لٜسْدِ؞ کَنغْکٛ بٛو، يِمْࢡٜ تٛکِّمٛ، عَمَّا ندٜ عٛمبَرَ، تٛکِّيࢡٜ مٛ شَنغْکِتِ؞ 38نغَمْ مَاجُمْ مِطٛنْ وِعَ عٛنْ، ندَايٜ يِمْࢡٜ ࢡٜعٜ، عَشّٜ ࢡٜ؞ نغَمْ تٛ نُڢَيٜ مَنْ مَلَّ کُوغَلْ مَنْ عِوِ حَا يِمْࢡٜ، طُمْ مَجَّنْ؞ 39عَمَّا تٛ حَا اَللَّه طُمْ عِوِ، عٛنْ مبَاوَتَا جَالَاغٛ ࢡٜ؞ کَکِّلٜ نغَمْ تَا عٛنْ کَࢡَ بٜى اَللَّه!» دَوْرٛوࢡٜ نجَࢡِ حَالَ مَاکٛ؞ 40ࢡٜعٜوْنِتِ نٜلَاࢡٜ، ࢡٜݠِيِ ࢡٜ، ࢡٜکَطِ ࢡٜوٛلْوُغٛ بٜى عِنْدٜ عِيسَى؞ ندٜنْ ࢡٜنجٛوڢِ ࢡٜ؞ 41نٜلَاࢡٜ عُمِّ شَکَ دَوْرٛوࢡٜ، نغُرْتِ، ندِلِّ؞ ࢡٜ سٜيِيࢡٜ مَسِنْ نغَمْ اَللَّه حٜيْنِ ࢡٜتٛرّٜىٰغٛ نغَمْ دَلِيلَ عِنْدٜ عِيسَى؞ 42ࢩَلَادٜ ڢُو، ࢡٜطٛنْ عٜکِّتِنَ عٜ ࢡٜطٛنْ نغَازِنَ يِمْࢡٜ لِنْجِيلَ عِيسَى اَلْمَسِيحُ ندٜرْ حَيْکَلِيرُ عٜ حَا شِعٜ#5:42 شِعٜ مَلَّ شَلَاجٜ؞؞
Currently Selected:
کُوطٜ نٜلَابٜٔ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
