يُحَنَّ 10
10
بَلْندٛلْ غَيْنَاکٛ عٜ بَالِ
1عِيسَى وَطِ بَلْندٛلْ نغٛعٛلْ، وِعِ: «غٛونغَ مِوِعَتَ عٛنْ: کٛو مٛيْ مٛ نَسْتِرَايْ وَالْدٜ بَالِ غَلْ دَمُّغَلْ، عَمَّا عٛدِوِ کٛوَاغٛلْ، عٛنَسْتِ، غٛطّٛ عٛو غُجّٛ، جَࢡْتٛووٛ؞ 2عَمَّا مٛ نَسْتِرِ دَمُّغَلْ، کَنغْکٛ وٛنِ غَيْنَاکٛ بَالِ؞ 3عَيْنٛووٛ دَمُّغَلْ مَࢡِّتَنَنْ مٛ، بَالِ بٛو نَنَنْ سَوْتُ مَاکٛ؞ عٛعٜوْنٛتٛ بَالِ مَاکٛ بٜى عِنْطٜ مَاجِ، عٛيَحْرَنْ طِ يَاسِ؞ 4تٛ عٛوُرْتِنِ بَالِ طِ عٛمَرِ ڢُو يَاسِ، عٛعَرْدٛتٛ طِ، بَالِ بٛو تٛکّٛتٛ مٛ، نغَمْ طِ عَنْدِ سَوْتُ مَاکٛ؞ 5عَمَّا ڢَکَتْ طِ تٛکَّتَاکٛ مٛ طِ عَنْدَا، طِ ندٛغَّنْ دَايِيطُمْ بٜى مَاکٛ نغَمْ طِ عَنْدَا سَوْتُ جَنَنْࢡٜ؞»
6عِيسَى وٛلْوَنِ ࢡٜبَلْنْدٛلْ نغٛعٛلْ، عَمَّا ࢡٜݠَامَايْ دٛوْ طُمٜ عٛوٛلْوَنِ ࢡٜ؞
عِيسَى وٛنِ غَيْنَاکٛ بٛوطّٛ
7ڢَحِنْ عِيسَى وِعِ: «غٛونغَ مِوِعَتَ عٛنْ: مِنْ، مِ دَمُّغَلْ وَالْدٜ بَالِ؞ 8عَارْتُࢡٜ يَمْ وَرْغٛ ڢُو، ࢡٜ وُيْࢡٜ، جَࢡْتٛوࢡٜ، عَمَّا بَالِ نَنَنَايْ ࢡٜ؞ 9مِنْ، مِ دَمُّغَلْ، تٛ غٛطّٛ نَسْتِرِ بٜى عَمْ، حِسَنْ؞ عٛنَسْتَنْ، عٛوُرْتٛتٛ، عٛحٜࢡَنْ ࢩَامْدُ؞ 10غُجّٛ طٛنْ وَرَ نغَمْ وُجُّغٛ عٜ مبَرُغٛ عٜ حَلْکُغٛ؞ مِنْ مِوَرِ نغَمْ حَا يِمْࢡٜ کٜࢡَ نغٜىٰندَمْ، ࢡٜکٜࢡَ طَمْ بٜى ڢٜىٰشَارٜ؞
11«مِنْ، مِ غَيْنَاکٛ بٛوطّٛ؞ غَيْنَاکٛ بٛوطّٛ طٛنْ حٛکَّ يٛنغْکِ مُوطُمْ نغَمْ بَالِ مُمْ؞ 12عَمَّا دُرٛووٛ نغَمْ نغٜىٰنَارِ، مٛ لَاتَاکِ غَيْنَاکٛ، مٛ مَرَايْ بَالِ، تٛ عٛيِعِ سَاڢَاندُ طٛنْ وَرَ، عٛوُدِنَنْ بَالِ، عٛدٛغَّنْ، عٛعَشَّ طِ؞ ندٜنْ سَاڢَاندُ حِݠّٛتٛ بَالِ، سَنغْکِتَ طِ؞ 13عٛدٛغَّنْ نغَمْ عٛ دُرٛووٛ حَا عٛحٜࢡَ نغٜىٰنَارِ تَنْ، وَلَا کٛ يَالِمٛ بٜى بَالِ؞ 14مِنْ، مِ غَيْنَاکٛ بٛوطّٛ، مِعَنْدِ بَالِ عَمْ، بَالِ عَمْ بٛو عَنْدِ يَمْ؞ 15بَنَ نٛ بَابِرَاوٛ عَنْدِرِ يَمْ، بَنَ نٛنْ مِنْ بٛو مِعَنْدِرِمٛ؞ مِحٛکَّنْ يٛنغْکِ عَمْ نغَمْ بَالِ عَمْ؞ 16مِوٛودِ بَالِ غٛطِّ، طِ نغٛنَايْ ندٜرْ وَالْدٜ ندٜعٜ؞ سٜيْ مِوَدَّ طِ کَنْجِ بٛو، طِ نَنَ سَوْتُ عَمْ، طِ لَاتٛ تٛکّٜرٜ وٛورٜ، بٜى غَيْنَاکٛ غٛوتٛ؞
17«بَابِرَاوٛ يِطِ يَمْ، نغَمْ مِحٛکَّنْ يٛنغْکِ عَمْ، ندٜنْ مِحٛوسِتَ کِ ڢَحِنْ؞ 18وَلَا مٛ حٛوسَتَ يٛنغْکِ عَمْ، عَمَّا مِنْ حٛکَّتَ کِ بٜى حٛورٜ عَمْ؞ مِوٛودِ بَاوْطٜ حٛکُّغٛ کِ، مِوٛودِ بَاوْطٜ حٛوسِتِتْغٛ کِ بٛو؞ کَنْجُمْ وٛنِ عُمْرٛورٜ ندٜ بَابِرَاوٛ عَمْ حٛکِّ يَمْ؞»
19نغَمْ دَلِيلَ بٛلّٜ طٜعٜ، يَحُودُعٜنْ شٜنْدِتِ حَکُّندٜ مُوطُمْعٜنْ ڢَحِنْ؞ 20طُوطْࢡٜ شَکَ مَࢡّٜ مبِعِ: «عٛوٛودِ غِنَّوٛلْ، عٛ غِنَّاطٛ، نغَمْ طُمٜ عٛنْ نَنَتَ مٛ؟» 21وٛطْࢡٜ ڢٜىٰرٜ مبِعِ: «مَرْطٛ غِنَّوٛلْ وٛلْوَتَا بَنَ نِي؞ کَدِ غِنَّوٛلْ وُمْتِنَنْ غِتٜ وُمْࢡٜ نَ؟»
يَحُودُعٜنْ شَلِ عِيسَى
22سَاعِ جُولْدٜ شٜنْکِ حَيْکَلِيرُ حَا عُرُسَلِيمَ وَطِ، طُمْ دَبُّندٜ؞ 23عِيسَى طٛنّٛ وَانْشَ ندٜرْ حَيْکَلِيرُ لٜسْ دَنغْکِ سُلَيْمَـٰنُ؞ 24يَحُودُعٜنْ طٛنّٛ تَارِمٛ، ࢡٜمبِعِمٛ: «حَا ندٜيْ عِتَّتَ سَکْلٜرٜ عَمِنْ؟ تٛ عَنْ عَ اَلْمَسِيحُ، وِعْ مِنْ طُمْ لَاࢡْطُمْ؞» 25عِيسَى جَابِ ࢡٜ: «مِوِعِ عٛنْ طُمْ دِغَ ࢡٛويْمَ، عَمَّا عٛنْ نُطِّنَايْ طُمْ؞ کُوطٜ طٜ مِطٛنْ حُووَ بٜى بَاوْطٜ بَابِرَاوٛ عَمْ، طٛنْ شٜىٰدَنٛ يَمْ؞ 26عَمَّا عٛنْ نُطِّنْتَا، نغَمْ عٛنْ نغٛنَايْ ندٜرْ بَالِ عَمْ؞ 27بَالِ عَمْ طٛنْ نَنَ سَوْتُ عَمْ، مِعَنْدِ طِ، طِ طٛنْ تٛکّٛ يَمْ؞ 28مِحٛکَّنْ طِ نغٜىٰندَمْ ندُومِيطَمْ، طِ کَلْکَتَا سَمْ؞ وَلَا مٛ جَࢡْتَتَ طِ دِغَ جُنغٛ عَمْ؞ 29بَابِرَاوٛ عَمْ مٛ حٛکِّ يَمْ طِ، ࢡُرِ کٛو مٛيْ ڢُو مَنغُ، وَلَا مٛ جَࢡْتَتَ طِ دِغَ جُنغٛ بَابِرَاوٛ عَمْ؞ 30مِنْ عٜ بَابِرَاوٛ، مِنْ غٛوتُمْ؞»
31يَحُودُعٜنْ کٛوعِ کَاعٜ ڢَحِنْ نغَمْ ڢِطُغٛ مٛ؞ 32عَمَّا عِيسَى وِعِ ࢡٜ: «مِحُووِ کُوطٜ بٛوطّٜ طُوطّٜ يٜىٰسٛ مٛوطٛنْ بٜى بَاوْطٜ بَابِرَاوٛ عَمْ؞ نغَمْ دَلِيلَ کُوغَلْ نغَلٜ ندٜرْ مَاجٜ عٛنْ نغِطِ ڢِطُغٛ يَمْ؟» 33يَحُودُعٜنْ نجَابِمٛ: «نَا نغَمْ دَلِيلَ کُوطٜ بٛوطّٜ مِنْ ݠِطَتَ مَ، عَمَّا نغَمْ عَوٛلْوِ کَلُّکَ دٛوْ اَللَّه؞ عَنْ عَ نٜطّٛ، عَمَّا عَوَطِ حٛورٜ مَاطَ عَ اَللَّه؞» 34عِيسَى جَابِ ࢡٜ: «نَا طُمْ بِنْدَاطُمْ ندٜرْ تَوْرٜىٰتَ مٛوطٛنْ، اَللَّه وِعِ: عٛنٛنْ عٛنْ طٛوَنْتٜىٰࢡٜ#جَبُورَ 92:6؞؟ 35عٜنْ عَنْدِ کٛ دٜڢْتٜرٜ وِعِ سٛتِّنْتَاکٜ؞ اَللَّه عٜوْنِ نَنْࢡٜ وٛلْدٜ مَنْ ࢡٜ طٛوَنْتٜىٰࢡٜ؞ 36عَمَّا مِنْ، شٜنَاطٛ بَابِرَاوٛ، نٜلَاطٛ ندٜرْ دُنِيَارُ، عٛنْ مبِعِ: عَطٛنْ وٛلْوَ کَلُّکَ دٛوْ اَللَّه، نغَمْ مِوِعِ مِ ࢡِطّٛ اَللَّه؟ 37تٛ کٛ مِحُووِ لَاتَاکِ کُوطٜ بَابِرَاوٛ عَمْ، ندٜنْ کَمْ تَا نُطِّنٜىٰطَمْ؞ 38عَمَّا تٛ طُمْ کُوطٜ مَاکٛ ڢَکَتْ، کٛو تٛ عٛنْ نُطِّنَايْ يَمْ مِنْ، نُطِّنٜ کُوطٜ طٜعٜ، نغَمْ حَا عٛنْ عَنْدَ عٜ عٛنْ ݠَامَ بَابِرَاوٛ طٛنْ ندٜرْ عَمْ، مِنْ بٛو مِطٛنْ ندٜرْ بَابِرَاوٛ؞»
39ࢡٜطَࢡِّ نَنغُغٛ مٛ ڢَحِنْ، عَمَّا عٛتٜىٰتٛرِ ࢡٜ؞
40ڢَحِنْ عِيسَى دِلِّ غَطَ مَايٛ عُرْدُنْ، حَا نٛکُّورٜ ندٜ يُحَنَّ عَارْتُنٛ وَطُغٛ بَݠْتِسْمَ، عٛجٛوطِ تٛنْ#يُحَنَّ 1:28؞؞ 41يِمْࢡٜ طُوطْࢡٜ نغَرِ حَا مَاکٛ؞ ࢡٜمبِعِ: «يُحَنَّ وَطَايْ کَايٜىٰڢِوٛلْ کٛو نغٛلٜ، عَمَّا کٛ عٛوٛلْوِ دٛوْ غٛرْکٛ عٛو ڢُو طُمْ غٛونغَ؞» 42طُوطْࢡٜ وٛنْࢡٜ تٛنْ نُطِّنِمٛ؞
Currently Selected:
يُحَنَّ 10: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
