يُحَنَّ 15

بَلْندٛلْ عِنَبٛحِ

1عِيسَى تٛکِّ وِعُغٛ‏: «مِنْ، مِ عِنَبٛحِ غٛونغَحِ، بَابِرَاوٛ عَمْ وٛنِ جَوْمُ نغٜسَ؞ 2لِسَلْ کٛو نغَلٜ حَا عَمْ نغَلْ رِمَتَا ࢡِࢡّٜ، عٛتَعَنْ نغَلْ؞ عَمَّا لِسَلْ دِمَنْنغَلْ ࢡِࢡّٜ، عٛمٛعِّنَنْ نغَلْ حَا نغَلْ ࢡٜسْدَ رِمُغٛ ࢡِࢡّٜ ڢَحِنْ؞ 3عٛنٛنْ عٛنْ مٛعِّنَاࢡٜ نغَمْ دَلِيلَ وٛلْدٜ ندٜ مِوٛلْوَنِ عٛنْ؞ 4تَبِتٜ ندٜرْ کَوْتَلْ بٜى عَمْ، ندٜنْ کَمْ مِنْ بٛو مِتَبِتَنْ ندٜرْ کَوْتَلْ بٜى مٛوطٛنْ؞ بَنَ نٛ لِسَلْ عِنَبٛحِ رِمَتَا ࢡِࢡّٜ، سٛنَا تٛ نغَلْ حَوْتِ بٜى عِنَبٛحِ، بَنَ نٛنْ عٛنٛنْ بٛو، عٛنْ مبَطَتَا نَڢُودَ سٛنَا تٛ عٛنْ طٛنْ تَبِتِ ندٜرْ کَوْتَلْ بٜى عَمْ؞

5«مِنْ وٛنِ عِنَبٛحِ، عٛنٛنْ عٛنْ لِشٜ؞ مٛ تَبِتِ ندٜرْ کَوْتَلْ بٜى عَمْ، مِنْ بٛو مِتَبِتِ ندٜرْ کَوْتَلْ بٜى مُوطُمْ، کَنغْکٛ عٛوَطَنْ نَڢُودَ؞ عَمَّا تٛ عٛنْ نغٛنْدَايْ بٜى عَمْ، عٛنْ مبَاوَتَا وَطُغٛ کٛو طُمٜ؞ 6تٛ غٛطّٛ تَبِتَايْ ندٜرْ کَوْتَلْ بٜى عَمْ، عٛ وُدِنْتٜىٰطٛ يَاسِ بَنَ لِسَلْ تَعَانغَلْ، نغَلْ يٛورَنْ، ندٜنْ ࢡٜکٛوشَنْ نغَلْ ࢡٜنغُدِنَ نغَلْ ندٜرْ يِيتٜ، نغَلْ وُلَ؞ 7تٛ عٛنْ طٛنْ تَبِتِ ندٜرْ کَوْتَلْ بٜى عَمْ، بٛلّٜ عَمْ بٛو طٛنْ تَبِتِ ندٜرْ مٛوطٛنْ، تٛرٜ کٛ عٛنْ نغِطِ ڢُو، عٛنْ کٜࢡَنْ طُمْ؞ 8ندَا کٛ تٜدِّنْتَ بَابِرَاوٛ عَمْ‏: عٛنْ مبَطَ نَڢُودَ طُوطْکَ، عٛنْ لَاتٛ ݠُکَرَعٜنْ#15‏:8 ݠُکَرَعٜنْ مَلَّ عَحِيࢡٜ؞ عَمْ؞ 9بَنَ نٛ بَابِرَاوٛ يِطِرِ يَمْ، نٛنْ مِنْ بٛو مِيِطِرِ عٛنْ؞ تَبِتٜ ندٜرْ يِيدٜ عَمْ؞ 10تٛ عٛنْ طٛنْ نجٛغٛ عُمْرٛوجٜ عَمْ، عٛنْ تَبِتَنْ ندٜرْ يِيدٜ عَمْ، بَنَ نٛ مِنْ بٛو مِجٛغٛرِ عُمْرٛوجٜ بَابِرَاوٛ عَمْ، مِطٛنْ تَبِتِ ندٜرْ يِيدٜ مَاکٛ؞

11«مِوٛلْوَنِ عٛنْ طُمْ بَنَ نِي نغَمْ حَا سٜيٛ عَمْ وٛنَ ندٜرْ ࢡٜرْطٜ مٛوطٛنْ، سٜيٛ مٛوطٛنْ بٛو حٜىٰوَ؞ 12ندَا عُمْرٛورٜ عَمْ‏: نغِطِنْدِرٜ بَنَ نٛ مِيِطِرِ عٛنْ#يُحَنَّ 13‏:34؛ 15‏:17؛ 1 يُحَنَّ 3‏:23؛ 2 يُحَنَّ 5؞؞ 13وَلَا يِيدٜ ࢡُرَتَ ندٜعٜ‏: غٛطّٛ حٛکَّ يٛنغْکِ مُوطُمْ نغَمْ سٛوبِرَاࢡٜ مُوطُمْ؞ 14عٛنْ سٛوبِرَاࢡٜ عَمْ، تٛ عٛنْ طٛنْ مبَطَ کٛ مِعُمْرِ عٛنْ؞ 15مِعٜوْنَتَا عٛنْ حُووٛوࢡٜ ڢَحِنْ، نغَمْ کُووٛووٛ عَنْدَا کٛ جَاغٛرْطٛ مُوطُمْ وَطَتَ؞ مِعٜوْنِ عٛنْ سٛوبِرَاࢡٜ عَمْ، نغَمْ کٛ مِنَنِ حَا بَابِرَاوٛ عَمْ ڢُو، مِعَنْدِنِ عٛنْ طُمْ؞ 16نَا عٛنٛنْ شُࢡِ يَمْ، عَمَّا مِنْ سُࢡِ عٛنْ؞ مِسُࢡِ عٛنْ، مِيٛوَنِ عٛنْ کُوغَلْ، نغَمْ حَا عٛنْ نجَحَ، عٛنْ مبَطَ نَڢُودَ، نَڢُودَ مٛوطٛنْ بٛو تَبِتَ، نغَمْ حَا کٛ عٛنْ ࢨَمَتَ حَا بَابِرَاوٛ بٜى عِنْدٜ عَمْ ڢُو، عٛحٛکَّ عٛنْ طُمْ؞ 17نغِطِنْدِرٜ، کَنْجُمْ مِعُمْرِ عٛنْ؞»

دُنِيَارُ وَࢩِ عِيسَى عٜ يِمْࢡٜ مُوطُمْ

18تٛ دُنِيَارُ وَࢩِ عٛنْ، عَنْدٜ ندُ عَارْتِ وَࢩُغٛ يَمْ مِنْ؞ 19تٛ عٛنْ لَاتِنٛ ࢡٜ دُنِيَارُ، ندُ يِطَنّٛ عٛنْ نغَمْ عٛنْ يِمْࢡٜ مَارُ؞ عَمَّا ندٜ نِي عٛنْ لَاتَاکِ ࢡٜ دُنِيَارُ، مِسُࢡِ عٛنْ، مِوُرْتِنِ عٛنْ دِغَ دُنِيَارُ، نغَمْ مَاجُمْ، دُنِيَارُ طٛنْ وَࢩَ عٛنْ؞ 20شِڢْتٛرٜ کٛ مِوِعِ عٛنْ‏: کُووٛووٛ ࢡُرَتَا جَاغٛرْطٛ مُوطُمْ مَنغُ؞ تٛ ࢡٜتٛوࢩَکٜ يَمْ، ࢡٜتٛوࢩٛتٛ عٛنْ عٛنٛنْ بٛو؞ تٛ ࢡٜطٛوْتَنَکٜ بٛلّٜ عَمْ، ࢡٜطٛوْتَنْتٛ بٛلّٜ مٛوطٛنْ بٛو#مَتَّ 10‏:24؛ لُکَ 6‏:40؛ يُحَنَّ 13‏:16؞؞ 21عَمَّا ࢡٜمبَطَنْ عٛنْ طُمْ ڢُو نغَمْ دَلِيلَ عِنْدٜ عَمْ، نغَمْ ࢡٜعَنْدَا نٜلْطٛ يَمْ؞ 22ࢡٜنغَلَانٛ عَيْبٜ تٛ مِوَرَايْنٛ، مِوٛلْوَنَايْنٛ ࢡٜ؞ عَمَّا جٛنْتَ ࢡٜنغَلَا حُجَّ نغَمْ حَکّٜ مَࢡّٜ؞ 23کٛو مٛيْ وَࢩِ يَمْ، وَࢩِ بَابِرَاوٛ عَمْ بٛو؞ 24ࢡٜنغَلَانٛ عَيْبٜ تٛ مِحُووَايْنٛ کُوطٜ شَکَ مَࢡّٜ طٜ غٛطّٛ مٜىٰطَايْ حُووُغٛ؞ عَمَّا جٛنْتَ ࢡٜنغِعِ کُوطٜ عَمْ، بٜى نٛنْ ڢُو ࢡٜنغَࢩِ يَمْ، مِنْ عٜ بَابِرَاوٛ عَمْ؞ 25طُمْ لَاتِ نٛنْ، نغَمْ حَا کٛ وِنْدَ ندٜرْ دٜڢْتٜ مَࢡّٜ، وَاتٛ تَوْرٜىٰتَ غٛونغْطَ‏: ࢡٜنغَࢩِ يَمْ بِلَا دَلِيلَ#جَبُورَ 35‏:19؛ 69‏:4؞؞

26تٛ بَلّٛووٛ مٛ مِنٜلَتَ حَا مٛوطٛنْ دِغَ بَابِرَاوٛ وَرِ، وَاتٛ رُوحُ مٛ غٛونغَ غَرَنْطٛ دِغَ بَابِرَاوٛ، کَنغْکٛ عٛسٜىٰدَنْتٛ يَمْ؞ 27عٛنٛنْ بٛو عٛنْ شٜىٰدَنْتٛ يَمْ، نغَمْ عٛنْ نغٛنْدِ بٜى عَمْ دِغَ ڢُطَّمْ؞

Currently Selected:

يُحَنَّ 15: داَ

Highlight

Copy