لُکَ 13

تُوبُغٛ مَلَّ حَلْکُغٛ

1سَاعِ مَنْ يِمْࢡٜ وٛطْࢡٜ وٛنْࢡٜ تٛنْ نغٜشِّ عِيسَى حَالَ يِمْࢡٜ غَلِيلِ ࢡٜ ݠِلَاتُ مبَرْنٛ ندٜ ࢡٜطٛنّٛ لِيعَنٛ اَللَّه کِرْسٜتٜىٰطِ؞ 2عِيسَى جَابِ ࢡٜ‏: «عٛنْ تَمِّ غَلِيلِعٜنْ مَنْ لَاتِنٛ حَکّٜعٜنْ ࢡُرِ غَلِيلِعٜنْ وٛطْࢡٜ نغَمْ سَرُّ مَنْ حٜࢡِ ࢡٜ نَ؟ 3عَاعَ، مِطٛنْ وِعَ عٛنْ، تٛ عٛنٛنْ بٛو عٛنْ تُوبَايْ، عٛنْ کَلْکِرَنْ عٛنْ ڢُو بَنَ نٛنْ‏! 4مَلَّ يِمْࢡٜ سَݠّٛ عٜ نجٛوٜىٰتَتٛ ࢡٜمَحْدِ سُودُ عَيْنِرْدُ يِبِّ دٛوْ مُوطُمْعٜنْ حَا سِلٛوَمْ، مبَرِ ࢡٜ، عٛنْ تَمِّ ࢡٜ عَيْبُࢡٜ ࢡُرِ يِمْࢡٜ عُرُسَلِيمَ وٛطْࢡٜ ڢُو نَ؟ 5عَاعَ مِطٛنْ وِعَ عٛنْ، تٛ عٛنْ تُوبَايْ، عٛنْ کَلْکِرَنْ عٛنْ ڢُو بَنَ نٛنْ‏!»

بَلْندٛلْ عِبِّ کِ رِمَتَا

6عِيسَى وٛلْوَنِ ࢡٜبَلْنْدٛلْ نغٛعٛلْ‏: «غٛطّٛ ڢٜىٰرٜ وٛودِ عِبِّ کِ عٛجُبِ ندٜرْ نغٜسَ مَاکٛ، عٛوَرِ تٜࢡُغٛ عِبّٜ، عَمَّا عٛحٜࢡَايْ؞ 7ندٜنْ عٛوِعِ عَيْنٛووٛ نغٜسَ‏: ندَا دُوࢡِ تَتِ مِطٛنْ تٜڢَ عِبّٜ حَا عِبِّ کِعِ، عَمَّا مِحٜࢡَايْ؞ ڢٜعُّ کِ، نغَمْ طُمٜ کِ طٛنْ عُسْتَ سٜمْبٜ لٜسْدِ مٜىٰرٜ؟» 8عَيْنٛووٛ نغٜسَ وِعِمٛ‏: «جَاغٛرْطٛ، عَشُّ کِ ڢَحِنْ حِتَاندٜ ندٜعٜ، مِوَسَنْ سٜرَ مَاکِ، مِرُڢَنْ کٛونَلْ؞ 9تٜىٰمَ حِتَاندٜ وَرَنْدٜ کِ رِمَنْ، تٛ نَا نٛنْ، عَڢٜعَّ کِ؞»

جَمْطِتِنْکِ دٜبّٛ جِيجِيطٛ ࢩَنْدٜ سِوْتٛرْدٜ

10عِيسَى طٛنّٛ عٜکِّتِنَ ندٜرْ سُودُ دٜوَلْ يَحُودُعٜنْ وٛطْندُ ࢩَنْدٜ سِوْتٛرْدٜ؞ 11وٛودِنٛ دٜبّٛ حَا تٛنْ، مَرْطٛ غِنَّوٛلْ بَاکِنْ دُوࢡِ سَݠّٛ عٜ جٛوٜىٰتَتِ، غِنَّوٛلْ جِيجِمٛ، عٛطٛنْ تُرِ، عٛوَاوَتَا دَرَاغٛ؞ 12ندٜ عِيسَى يِعِمٛ، عٛعٜوْنِمٛ، عٛوِعِ‏: «دٜبّٛ، عَيَمْطِتِنَامَ دِغَ جِيجَ مَ؞» 13عٛجٛعِّنِ جُوطٜ مَاکٛ دٛوْ حٛورٜ دٜبّٛ، طٛنْ نِي دٜبّٛ دَرْتِ، تٜدِّنِ اَللَّه؞ 14عَمَّا عَرْدِيطٛ سُودُ دٜوَلْ يَحُودُعٜنْ ࢡٜرْنِ نغَمْ جَمْطِتِنْکِ غٛطّٛ ࢩَنْدٜ سِوْتٛرْدٜ، عٛوِعِ مٛوࢡْرٜ‏: «ࢩَلْطٜ جٛوٜىٰغٛ ڢُو طٛنْ نغَمْ حُووُغٛ، نغَرٜ ࢩَلْطٜ مَنْ نغَمْ نجَمْطِتٛنْ، عَمَّا نَا ࢩَنْدٜ سِوْتٛرْدٜ#غُرْتَاکِ 20‏:9‏-10؛ تٛوکْتَاکِ تَوْرٜىٰتَ 5‏:13‏-14؞‏!» 15جَوْمِرَاوٛ جَابِمٛ‏: «نَاڢِکِعٜنْ‏! کٛو مٛيْ مٛوطٛنْ يٛوڢَتَا نغَارِ مُمْ مَلَّ وَمْندٜ مُمْ دِغَ ࢩَامْنِرْدٜ ࢩَنْدٜ سِوْتٛرْدٜ، نغَمْ عٛيَرْنٛيَ طُمْ نَ؟ 16دٜبّٛ مٛ دَࢩْغٛلْ إِبْرَاهِيمَ، مٛ سَيْطَانُ حَࢡِّ دُوࢡِ سَݠّٛ عٜ جٛوٜىٰتَتِ، طُمْ حَانَايْ عٛيٛوڢٜ دِغَ کَࢡّٛرْغٛلْ نغٛعٛلْ ࢩَنْدٜ سِوْتٛرْدٜ نَ؟» 17ندٜ عٛوٛلْوِ بَنَ نِي، کٛنّٜعٜنْ مَاکٛ ڢُو شٜمْتِ، عَمَّا مٛوࢡْرٜ ڢُو سٜيِ نغَمْ کُوجٜ تٜدُّطٜ طٜ عٛوَطِ؞

بَلْندٛلْ غَوٜلْ شِتَّ

(مَتَّ 13‏:31‏-32؛ مَرْکُسْ 4‏:30‏-32)

18عِيسَى وِعِ ڢَحِنْ‏: «بٜى طُمٜ لَامُ اَللَّه نَنْدِ؟ بٜى طُمٜ نَنْدِنَنْمِ نغُ؟ 19نغُ نَنْدِ بٜى غَوٜلْ شِتَّ، نغٜلْ غٛطّٛ حٛوعِ، عَاوِ ندٜرْ جَرْنٜ مُوطُمْ، نغٜلْ ڢُطِ، نغٜلْ لَاتِ لٜکِّ، حَا شٛلِّ مبَطِ شَࢡّٜ مُوطُمْعٜنْ دٛوْ لِشٜ مَاکِ؞»

بَلْندٛلْ عُڢْنِرْطُمْ

(مَتَّ 13‏:33)

20عِيسَى وِعِ ڢَحِنْ‏: «بٜى طُمٜ نَنْدِنَنْمِ لَامُ اَللَّه؟ 21نغُ نَنْدِ بٜى عُڢْنِرْطُمْ طُمْ دٜبّٛ حٛوعِ، وَاتِ ندٜرْ کُرٛورِ طُوطْندِ، حَا کُرٛورِ مَنْ ڢُو عُوڢِ؞»

دَمُّغَلْ ݠَاطْنغَلْ

(مَتَّ 7‏:13‏-14‏،21‏-23)

22عِيسَى سَالِ بٜرْنِيجِ عٜ غُرٜ، عٛعٜکِّتِنِ ندٜ عٛطٛنْ يَحَ عُرُسَلِيمَ؞ 23غٛطّٛ وِعِمٛ‏: «جَوْمِرَاوٛ، يِمْࢡٜ سٜطَّ تَنْ کِسَتَ نَ؟» عٛجَابِ‏: 24«تِيطٜ نَسْتِرْغٛ دَمُّغَلْ ݠَاطْنغَلْ؞ مِطٛنْ وِعَ عٛنْ‏: طُوطْࢡٜ نغِطِ نَسْتُغٛ، عَمَّا ࢡٜمبَاوَتَا؞

25«تٛ جَوْمُ سَارٜ عُمَّکٜ، مَࢡِّ دَمُّغَلْ، عٛنٛنْ بٛو عٛنْ لُتِّ حَا يَاسِ، عٛنْ ݠُطَّنْ تَݠُّغٛ دَمُّغَلْ، عٛنْ مبِعَنْ‏: جَاغٛرْطٛ، مَࢡِّتَنَنْ مِنْ‏! عٛجَابٛتٛ عٛنْ‏: مِعَنْدَا تٛيْ عِوْطٛنْ؞ 26ندٜنْ عٛنْ ݠُطَّنْ وِعُغٛ‏: مِنْ ࢩَامِ، مِنْ نجَرِ يٜىٰسٛ مَاطَ، عَعٜکِّتِنِ دٛوْ لَابِ عَمِنْ‏! 27عَمَّا عٛجَابٛتٛ عٛنْ‏: ندِلّٜ، مِعَنْدَا تٛيْ عِوْطٛنْ، عٛنٛنْ وَطٛوࢡٜ حَلّٜىٰندٜ#جَبُورَ 6‏:9؞‏! 28عٛنْ مبٛيَنْ، عٛنْ کِرْࢨِنْدِرَنْ ࢩِيعٜ حَا تٛنْ، يَاکٜ عٛنْ نغِعَتَ إِبْرَاهِيمَ، إِسْحَاقَ عٜ يَعْقُوبُ بٜى اَلنَّبِعٜنْ ڢُو ندٜرْ لَامُ اَللَّه عٜ عٛنٛنْ بٛو عٛنْ نغُدِنَامَ يَاسِ#مَتَّ 22‏:13؛ 25‏:30؞؞ 29يِمْࢡٜ نغَرَنْ دِغَ ڢُونَانغٜ عٜ حِيرْنَانغٜ، وٛيْلَ#13‏:29 وٛيْلَ مَلَّ سٛࢡِّيرٜ عٜ ڢٛمْبِنَ#13‏:29 ڢٛمْبِنَ مَلَّ حٛورٜ-حُطٛ؞، ࢡٜنجٛوطٛتٛ ندٜرْ لَامُ اَللَّه نغَمْ ࢡٜࢩَامَ#مَتَّ 8‏:11‏-12؞؞ 30ندٜنْ کَدِ يِمْࢡٜ عَارْتُࢡٜ شَکِّتِتّٛ عٜ سَکِّتِيࢡٜ بٛو عَارْتٛتٛ#مَتَّ 19‏:30؛ 20‏:16؛ مَرْکُسْ 10‏:31؞؞»

عِيسَى يُرْمِنِ عُرُسَلِيمَ

(مَتَّ 23‏:37‏-39)

31وَکَّتِ مَنْ ندٜنْ، ڢَرِسَعٜنْ وٛطْࢡٜ نغَرِ، مبِعِ عِيسَى‏: «دِلُّ دِغَ طٛ، نغَمْ حِرُدُسْ يِطِ مبَرُغٛ مَ‏!» 32عِيسَى وِعِ ࢡٜ‏: «نجٜحٜ، مبِعٜ دٛلْدٛلْندٜ#13‏:32 دٛلْدٛلْندٜ طُمْ جَمّٛورٜ نغَمْ غٛطّٛ لٜىٰسْطٛ، ࢨٛيْطٛ؞ مَنْ، ندَا‏: مِطٛنْ رِيوَ رُوحُوجِ شٛࢡْطِ، مِطٛنْ يَمْطِتِنَ ࢩَوْࢡٜ، حَنْدٜ عٜ جَنغٛ، ࢩَنْدٜ تَتَࢡْرٜ بٛو طُمْ تِمّٛودٜ کُوغَلْ عَمْ؞ 33عَمَّا سٜيْ مِتٛکِّتَ لَاوٛلْ عَمْ حَنْدٜ، جَنغٛ عٜ ڢَࢡِّجَنغٛ، نغَمْ حَانَايْ اَلنَّبِيجٛ مَايَ يَاسِ عُرُسَلِيمَ؞

34«عُرُسَلِيمَ‏! عُرُسَلِيمَ‏! عَمبَرِ اَلنَّبِعٜنْ، عَڢِطِ نٜلَاࢡٜ ࢡٜ اَللَّه نٜلِ حَا مَ بٜى کَاعٜ؞ ندٜ طُوطُّمْ مِيِطِنٛ مٛوࢡْتُغٛ يِمْࢡٜ مَ، بَنَ نٛ غٜرْتٛغَلْ مٛوࢡْتِرْتَ ࢡِکّٛيْ مُمْ لٜسْ بِلٜىٰجِ مُمْ، عَمَّا عٛنْ شَلِ؞ 35ندَا، سُودُ مٛوطٛنْ لَاتٛتٛ وُدِنَاندُ؞ عَمَّا مِطٛنْ وِعَ عٛنْ‏: عٛنْ نغِعَتَا يَمْ ࢡَاوٛطٛنْ حَا سَاعِ عٛنْ مبِعَتَ‏: بَرْکَ لَاتَنٛ غَرَنْطٛ بٜى عِنْدٜ جَوْمِرَاوٛ#جَبُورَ 118‏:26؞‏!»

Currently Selected:

لُکَ 13: داَ

Highlight

Copy