لُکَ 16

بَلْندٛلْ دٛوْ کَلِيڢَاجٛ ڢَاسِکِيجٛ

1عِيسَى وِعِ ݠُکَرَعٜنْ مُوطُمْ‏: «غٛطّٛ دِسْکُطٛ وٛودِنٛ کَلِيڢَاجٛ؞ ࢡٜنغَرِ، ࢡٜمبِعِمٛ کَلِيڢَاجٛ مَنْ طٛنْ وٛنَّ جَوْدِ مَاکٛ؞ 2دِسْکُطٛ عٜوْنِمٛ، وِعِمٛ‏: طُمٜ نَنَنْمِ دٛوْ مَ؟ وَطَنَمْ لِسَاڢِ کُوغَلْ مَ، نغَمْ يٜىٰسٛ طٛ عَلَاتَتَاکٛ کَلِيڢَاجٛ عَمْ ڢَحِنْ‏! 3کَلِيڢَاجٛ غٛ نُمِ ندٜرْ ࢡٜرْندٜ مُمْ‏: نٛ مبَطَنْمِ؟ نغَمْ جَاغٛرْطٛ عَمْ طٛنْ عِتَّ کَلِيڢَاکُ جَوْدِ مُمْ حَا عَمْ؟ رٜمُغٛ، مِوَلَا سٜمْبٜ مَنْ، رٛوکَاغٛ مِسٜمْتَنْ؞ 4يٛوَّ، مِعَنْدِ نٛ مبَطَنْمِ، نغَمْ حَا يِمْࢡٜ ڢٜىٰرٜ نجَࢡّٛ يَمْ حَا شِعٜ#16‏:4 شِعٜ مَلَّ شَلَاجٜ؞ مَࢡّٜ، تٛ مِوُرْتِنَامَ کُوغَلْ عَمْ؞ 5عٛعٜوْنِ غٛوتٛ غٛوتٛ جَࢡّٜ ࢩَمَالٜ حَا جَاغٛرْطٛ مَاکٛ ڢُو؞ عٛوِعِ عَرَنٛ‏: نٛيْ جَاغٛرْطٛ عَمْ تٛکّٛتٛ مَ؟ 6عٛجَابِ‏: نٜبَّمْ جَيْتُنْجٜ غٛنغٛنغْجِ تٜىٰمٜرّٜ؞ ندٜنْ کَلِيڢَاجٛ وِعِمٛ‏: ندَا طٜرٜىٰوٛلْ مَ؞ لَوْ، جٛوطَ وِنْدُ غٛنغٛنغْجِ شَݠَّنْطٜ جٛوِ‏! 7ندٜنْ عٛوِعِ غٛطّٛ ڢٜىٰرٜ بٛو‏: نٛيْ جَاغٛرْطٛ عَمْ تٛکّٛتٛ مَ؟ عٛجَابِ‏: بُحُوجٜ عَلْکَمَارِ تٜىٰمٜرّٜ؞ کَلِيڢَاجٛ وِعِمٛ‏: ندَا طٜرٜىٰوٛلْ مَ، وِنْدُ شَݠَّنْطٜ جٛوٜىٰتَتِ‏! 8جَاغٛرْطٛ مَنِ کَلِيڢَاجٛ ڢَاسِکِيجٛ عٛو، نغَمْ عٛحُووِ بٜى ࢨٛيْرٜ؞ نغَمْ يِمْࢡٜ دُنِيَارُ ندُعُ، ࢡٜ ࢨٛيْࢡٜ حَکُّندٜ مُوطُمْعٜنْ ࢡُرِ يِمْࢡٜ أَلنّٛورَ»؞

9عِيسَى ࢡٜسْدِ وِعُغٛ‏: «مِنْ مِطٛنْ وِعَ عٛنْ‏: کٜࢡَنٜ کٛعٜ مٛوطٛنْ سٛوبِرَاࢡٜ بٜى جَوْدِ دُنِيَارُ ندُعُ؞ تٛ ندِ تِمِّرِ عٛنْ، ࢡٜنجَࢡَ عٛنْ حَا جٛولٜ دُومِيطٜ؞ 10مٛ حُووِ کُوغَلْ ݠَمَرَلْ بٜى حٛولَارٜ، حُووَنْ بٛو کُوغَلْ مَنغَلْ بٜى حٛولَارٜ؞ مٛ حُووِ کُوغَلْ ݠَمَرَلْ بٜى ڢَاسِکَارٜ، حُووَنْ بٛو کُوغَلْ مَنغَلْ بٜى ڢَاسِکَارٜ؞ 11تٛ عٛنْ لَاتَاکِ حٛولَاࢡٜ بٜى جَوْدِ دُنِيَارُ کَلْڢِتِنَاندِ عٛنْ، مٛيْ حَلْڢِنْتَ عٛنْ جَوْدِ غٛونغَارِ؟ 12تٛ عٛنْ لَاتَاکِ حٛولَاࢡٜ بٜى جَوْدِ يِمْࢡٜ ڢٜىٰرٜ، مٛيْ حٛکَّتَ عٛنْ کٛ مَرٛتٛنْ؟»

13«وَلَا سُکَ مٛ وَاوَتَ جَغَّنَاغٛ جَاغٛرْࢡٜ طِطٛ، نغَمْ عٛوَࢩَنْ عٛو عٜ عٛيِطَنْ عٛيَ مَلَّ عٛطَکّٛتِرَ بٜى عٛو عٜ عٛمٜىٰرِطِنَ عٛيَ؞ عٛنْ مبَاوَتَا جَغَّنَاغٛ اَللَّه عٜ جَوْدِ؞»

بٛلّٜ عِيسَى غٛطّٜ

(مَتَّ 11‏:12‏-13؛ 5‏:31‏-32؛ مَرْکُسْ 10‏:11‏-12)

14ڢَرِسَعٜنْ، يِطَ-جَوْدِعٜنْ نَنِ بٛلّٜ طٜعٜ، ࢡٜنجَلِمٛ؞ 15عِيسَى وِعِ ࢡٜ‏: «عٛنٛنْ نغٛنِ وَطَنْࢡٜ بَنَ عَدِلِعٜنْ يٜىٰسٛ يِمْࢡٜ، عَمَّا اَللَّه عَنْدِ ࢡٜرْطٜ مٛوطٛنْ، نغَمْ کٛ يِمْࢡٜ ندَارَتَ بَنَ مَوْطُمْ، طُمْ ࢩِدُّطُمْ يٜىٰسٛ اَللَّه؞

16«تَوْرٜىٰتَ مُوسَى عٜ دٜڢْتٜ اَلنَّبِعٜنْ طٛنّٛ حَا يٛتِّ وَکَّتِ يُحَنَّ بَطٛووٛ بَݠْتِسْمَ؞ دِغَ وَکَّتِ مَنْ بٛو کُبَرُوٛلْ بٜلْنغٛلْ نغٛلْ لَامُ اَللَّه وٛويْنَامَ، کٛو مٛيْ طٛنْ حَࢡْدَ بٜى سٜمْبٜ نغَمْ نَسْتُغٛ ندُ؞ 17کٛيْطُمْ عَسَمَ عٜ لٜسْدِ مَجِّتَ دٛوْ حَرْڢٜىٰرٜ تَوْرٜىٰتَ وٛورٜ حَلْکَ؞

18«کٛو مٛيْ سٜىٰرِ دٜبّٛ مُوطُمْ، تٜعِ دٜبّٛ ڢٜىٰرٜ، وَطِ نجٜىٰنُ؞ کٛو مٛيْ تٜعِ دٜبّٛ شٜىٰرَاطٛ بٛو، وَطِ نجٜىٰنُ؞»

دِسْکُطٛ عٜ لَازَرُسْ

19«وٛودِنٛ غٛطّٛ دِسْکُطٛ، ࢡٛرْنِيطٛ لِمْشٜ طٜلٜمْطٜ بٛطٜىٰجٜ عٜ طُوطَ شٛغُّوجٜ؞ ࢩَلَادٜ ڢُو عٛطٛنْ ندٜرْ سٜيٛ عٜ جٜيْنِتَارٜ؞ 20حَا دَمُّغَلْ مَاکٛ، تَلَکَاجٛ بِعٜتٜىٰطٛ لَازَرُسْ طٛنْ وَالِ، ࢡَنْدُ مُوطُمْ ڢُو حٜىٰوِ کُودُوجٜ؞ 21عٛيٜلِ ࢩَامُغٛ کٛ سٛلَتَ لٜسْ تَابَلْ دِسْکُطٛ عٛو؞ دَوَاطِ طٛنْ نغَرَ، تَحَ کُودُوجٜ مَاکٛ؞ 22تَلَکَاجٛ عٛو مَايِ، مَلَاعِکَعٜنْ عٜڢْتِمٛ، نجَحْرِمٛ حَا کٛمْبِ إِبْرَاهِيمَ؞ دِسْکُطٛ بٛو مَايِ، ࢡٜعُوِ طُمْ؞ 23ندٜ عٛطٛنْ يَنغِتٛ حَا جٛوندٜ مَايْࢡٜ، عٛࢡَنغْتِ غِتٜ، عٛيِعِ إِبْرَاهِيمَ دَايِيطُمْ بٜى لَازَرُسْ حَا کٛمْبِ مُوطُمْ؞ 24عٛوٛوکِ، عٛوِعِ‏: يَا بَابِرَاوٛ عَمْ إِبْرَاهِيمَ، حِنَّمْ؞ نٜلْ لَازَرُسْ نغَمْ عٛسُووَ حٛوندُ مَاکٛ ندٜرْ ندِيَمْ، عٛڢٜىٰوْتِنَ طٜمْنغَلْ عَمْ، نغَمْ مِطٛنْ يَنغِتٛ ندٜرْ يِيتٜ نغٜعٜ؞ 25عَمَّا إِبْرَاهِيمَ جَابِ‏: ࢡِنغٜلْ عَمْ، سِڢْتٛرْ يَاکٜ عَطٛنّٛ بٜى يٛنغْکِ، عَحٜࢡِ نٜىٰمِنَارٜ، عَمَّا لَازَرُسْ، بٛنٜ عٛحٜࢡِ؞ جٛنْتَ ندَا مٛ حَا طٛ، عٛ دٜعِّتِنَاطٛ، عَنْ بٛو عَطٛنْ يَنغِتٛ؞ 26دٛوْ مَاجُمْ ڢُو بٛو، وٛودِ لٛوٛلْ لُغُّنغٛلْ حَکُّندٜ مٜىٰطٜنْ، نغَمْ يِطْࢡٜ سَلَاغٛ نجَحَ حَا مٛوطٛنْ مبَاوَتَا، نٛنْ بٛو دِغَ تٛنْ حَا طٛ؞ 27دِسْکُطٛ وِعِ‏: مِطٛنْ تٛرٛ مَ کَدِ، يَا بَابِرَاوٛ عَمْ، نٜلْ لَازَرُسْ حَا سَارٜ بَابَ عَمْ؞ 28نغَمْ مِوٛودِ دٜىٰرْطِرَاࢡٜ نجٛوٛ، حَا عٛرٜىٰنْتِنَ ࢡٜ، نغَمْ تَا ࢡٜنغَرَ کَمْࢡٜ بٛو حَا نٛکُّورٜ يَنغَدَ ندٜعٜ؞ 29ندٜنْ إِبْرَاهِيمَ جَابِمٛ‏: مُوسَى عٜ اَلنَّبِعٜنْ ڢُو طٛنْ، سٜيْ ࢡٜنَنَنَ ࢡٜ؞ 30دِسْکُطٛ وِعِ‏: نَا نٛنْ، يَا بَابِرَاوٛ عَمْ إِبْرَاهِيمَ، تٛ غٛطّٛ دِغَ مَايْࢡٜ يٜحِ حَا مَࢡّٜ، ࢡٜتُوبَنْ؞ 31إِبْرَاهِيمَ وِعِمٛ‏: تٛ ࢡٜنَنَنَايْ مُوسَى عٜ اَلنَّبِعٜنْ، ࢡٜنجَࢡَنْتَا غٛطّٛ کٛو تٛ عُمِّتِ دِغَ مَايْࢡٜ؞»

Currently Selected:

لُکَ 16: داَ

Highlight

Copy