لُکَ 6
6
عِيسَى عٜ ࢩَنْدٜ سِوْتٛرْدٜ
(مَتَّ 12:1-8؛ مَرْکُسْ 2:23-28)
1 ࢩَنْدٜ سِوْتٛرْدٜ وٛطْندٜ، عِيسَى طٛنّٛ سَالٛ ندٜرْ نغٜسَ عَلْکَمَارِ بٜى ݠُکَرَعٜنْ مُوطُمْ؞ ݠُکَرَعٜنْ عِتِّ شَمّٜىٰجٜ عَلْکَمَارِ، ࢡٜݠٛڢْلِ طٜ بٜى جُوطٜ مَࢡّٜ، ࢡٜࢨَکِّ#تٛوکْتَاکِ تَوْرٜىٰتَ 23:24؞؞ 2ڢَرِسَعٜنْ وٛطْࢡٜ مبِعِ ࢡٜ: «نغَمْ طُمٜ عٛنْ طٛنْ نغَطَ کٛ تَوْرٜىٰتَ دُنغَاکِ ࢩَنْدٜ سِوْتٛرْدٜ؟» 3عِيسَى جَابِ ࢡٜ: «عٛنْ نجَنغَايْ کٛ دَاوُدَ بٜى يِمْࢡٜ مُوطُمْ مبَطْنٛ ࢩَنْدٜ ڢٜىٰرٜ، ندٜ دٛلٛ نَاوِ ࢡٜ نَ؟ 4عٛنَسْتِ سُودُ اَللَّه، عٛحٛوسِ تَمْسٜىٰجٜ جٛعِّنَاطٜ يٜىٰسٛ اَللَّه، عٛࢩَامِ، عٛحٛکِّ يِمْࢡٜ مَاکٛ بٛو، ࢡٜࢩَامِ، کٛو ندٜ تَوْرٜىٰتَ مٜىٰطٜنْ دُنغَنَاکِ وٛطْࢡٜ ڢٜىٰرٜ ࢩَامُغٛ، سٜيْ لِمَنْعٜنْ تَنْ#ڢَرِلَّاجِ لٜوِعٜنْ 24:9؛ 1 سَمُيِلَ 21:1-6؞؞» 5عِيسَى ࢡٜسْدِ وِعُغٛ: «ࢡِي-نٜطّٛ وٛنِ جَوْمُ ࢩَلَادٜ سِوْتٛرْدٜ؞»
غٛرْکٛ وَاتَ-جُنغٛوجٛ
(مَتَّ 12:9-14؛ مَرْکُسْ 3:1-6)
6 ࢩَنْدٜ سِوْتٛرْدٜ وٛطْندٜ بٛو، عِيسَى نَسْتِ سُودُ دٜوَلْ يَحُودُعٜنْ، عٛڢُطِّ عٜکِّتِنْغٛ؞ غٛطّٛ مٛ جُنغٛ مُمْ ࢩَامٛ وَاتِ طٛنْ تٛنْ؞ 7مٛودِࢡّٜ تَوْرٜىٰتَ عٜ ڢَرِسَعٜنْ طٛنّٛ عَيْنَ نغَمْ حَا ࢡٜنغِعَ تٛ عِيسَى يَمْطِتِنَنْ غٛطّٛ ࢩَنْدٜ سِوْتٛرْدٜ، نغَمْ حَا ࢡٜکٜࢡَ حُجَّ وُلَّاغٛ مٛ؞ 8عَمَّا عِيسَى عَنْدِ نُمٛوجِ مَࢡّٜ؞ عٛوِعِ وَاتَ-جُنغٛوجٛ غٛ: «عُمَّ، دَرَ شَکَ يِمْࢡٜ حَا طٛ؞» غٛطّٛ عٛو عُمِّ، دَرِ؞ 9ندٜنْ عِيسَى وِعِ ࢡٜ: «مِطٛنْ ࢨَمَ عٛنْ: طُمٜ تَوْرٜىٰتَ مٜىٰطٜنْ دُنغِ وَطُغٛ ندٜرْ ࢩَلَادٜ سِوْتٛرْدٜ؟ مبٛوطٜىٰنغَ نَا مَلَّ حَلّٜىٰندٜ؟ حِسْنُغٛ يٛنغْکِ نٜطّٛ نَا مَلَّ حَلْکُغٛ کِ؟» 10عٛلَارِ ࢡٜ ڢُو، ندٜنْ عٛوِعِ غٛطّٛ غٛ: «ڢٛرْتُ جُنغٛ مَ!» عٛڢٛرْتِ نغٛ، نغٛ يَمْطِتِ؞ 11مٛودِࢡّٜ تَوْرٜىٰتَ عٜ ڢَرِسَعٜنْ کٜىٰوِ تِکّٜرٜ مَسِنْ، ࢡٜندَوْرِدِ دٛوْ کٛ ࢡٜمبَطَتَ عِيسَى؞
عِيسَى سُࢡِ ݠُکَرَعٜنْ سَݠّٛ عٜ طِطٛ
(مَتَّ 10:1-4؛ مَرْکُسْ 3:13-19)
12ࢩَنْدٜ مَنْ عِيسَى وَعِّ دٛوْ حٛوسٜىٰرٜ نغَمْ حَا عٛوَطَ دٛعَ، عٛتٛرِ اَللَّه جٜمَّارٜ مَنْ ڢُو؞ 13ندٜ وٜىٰتِ، عٛعٜوْنِ ݠُکَرَعٜنْ مَاکٛ، عٛسُࢡِ سَݠّٛ عٜ طِطٛ شَکَ مَࢡّٜ، عٛعٜوْنِ ࢡٜ نٜلَاࢡٜ: 14سِمٛنْ مٛ عٛعِنْدِ طُمْ بٛو ݠِيٜرْ عٜ دٜىٰرْطُمْ عَندِرٜ، يَاکُبَ عٜ يُحَنَّ، ڢِلِݠْ عٜ بَرْتٛلٛمٜ، 15مَتَّ عٜ تٛمَسْ، يَاکُبَ ࢡِي حَلْڢَ، سِمٛنْ مٛ غٛطّٛ يٜࢡْرٜ زٜلٛتْعٜنْ، 16يَحُودَ ࢡِي يَاکُبَ عٜ يَحُودَ عِسْکَرِيٛتْ، زَمْبٛتٛوطٛ عِيسَى؞
عِيسَى وَازِنِ مٛوࢡْرٜ، عٛيَمْطِتِنِ ࢩَوْࢡٜ
(مَتَّ 4:23-25)
17عِيسَى جِݠِّدِ حٛوسٜىٰرٜ غٛ بٜى مَࢡّٜ، عٛدَرِ حَا بَبَلْ ݠٜىٰشِينغَلْ، ݠُکَرَعٜنْ مَاکٛ طُوطْࢡٜ طٛنّٛ تٛنْ، نٛنْ بٛو يِمْࢡٜ ࢡٜ لٜسْدِ يَحُدِيَ ڢُو عٜ يِمْࢡٜ عُرُسَلِيمَ عٜ يِمْࢡٜ ڢٛمٛوندٜ مبٜىٰلَ کٛمْبِ تِرُسْ عٜ سِدٛنْ؞ 18ࢡٜنغَرِ نغَمْ نَنُغٛ مٛ عٜ نغَمْ عٛيَمْطِتِنَ ࢡٜ دِغَ ࢩَوُجِ مَࢡّٜ؞ تٛرَّاࢡٜ رُوحُوجِ شٛࢡْطِ بٛو نغَرِ، ࢡٜنجَمْطِتِ؞ 19يِمْࢡٜ ڢُو طٛنّٛ تٜڢَ مٜىٰمُغٛ مٛ، نغَمْ بَاوْطٜ طٛنْ نغُرْتٛ حَا مَاکٛ، نجَمْطِتِنَ ࢡٜ ڢُو؞
بَرْکَ عٜ نَالٛورٜ
(مَتَّ 5:1-12)
20ندٜنْ عِيسَى لَارِ ݠُکَرَعٜنْ مُوطُمْ، عٛوِعِ:
«بَرْکَ لَاتَنٛ عٛنْ، عٛنٛنْ تَلَکَعٜنْ،
نغَمْ عٛنٛنْ نجٜيِ لَامُ اَللَّه؞
21بَرْکَ لَاتَنٛ عٛنْ، عٛنٛنْ دٛلْࢡٜ جٛنْتَ،
نغَمْ عٛنْ تَمِّ حَارُغٛ؞
بَرْکَ لَاتَنٛ عٛنْ، عٛنٛنْ وٛيَنْࢡٜ جٛنْتَ،
نغَمْ عٛنْ تَمِّ جَلُغٛ؞
22«بَرْکَ لَاتَنْتٛ عٛنْ، تٛ يِمْࢡٜ نغَࢩِ عٛنْ، نغُرْتِنِ عٛنْ شَکَ مَࢡّٜ، کُطِ عٛنْ، مبٛلْوِ کَلُّکَ دٛوْ مٛوطٛنْ دَلِيلَ ࢡِي-نٜطّٛ#1 ݠِيٜرْ 4:14؞؞ 23مبٜلْمبٜلْتٜ ࢩَنْدٜ مَاجُمْ، ندِوٜ نغَمْ سٜيٛ، نغَمْ مبَرْجَارِ مَوْندِ طٛنْ رٜىٰنَ عٛنْ حَا عَسَمَ؞ نغَمْ بَنَ نٛنْ کَاکِرَاࢡٜ مَࢡّٜ مبَطْنٛ اَلنَّبِعٜنْ نَانٜ#2 حَبَرُوجِ ࢩَلَاطٜ 36:16؛ کُوطٜ نٜلَاࢡٜ 7:52؞؞
24عَمَّا بٛنٜ لَاتَنٛ عٛنْ، عٛنٛنْ رِسْکُࢡٜ،
نغَمْ عٛنْ کٜࢡِ حَيْرُ مٛوطٛنْ تِمِّ؞
25بٛنٜ لَاتَنٛ عٛنْ، عٛنٛنْ حَارْࢡٜ جٛنْتَ،
نغَمْ عٛنْ تَمِّ مَاتُغٛ دٛلٛ؞
بٛنٜ لَاتَنٛ عٛنْ، عٛنٛنْ جَلَنْࢡٜ جٛنْتَ،
نغَمْ عٛنْ نغٛنَنْ ندٜرْ سُنٛ عٜ بٛجِّ؞
26بٛنٜ لَاتَنٛ عٛنْ، تٛ يِمْࢡٜ ڢُو مبِعَنِ عٛنْ بٛوطُّمْ،
نغَمْ بَنَ نٛنْ کَاکِرَاࢡٜ مَࢡّٜ مبِعَنِ ڢٜوٛوࢡٜ وِعْࢡٜ ࢡٜعَنَّبِعٜنْ؞»
يِطُغٛ کٛنّٜعٜنْ
(مَتَّ 5:38-48؛ 7:12)
27«مِطٛنْ وِعَ عٛنْ، عٛنٛنْ نَنَنْࢡٜ يَمْ: نغِطٜ کٛنّٜعٜنْ مٛوطٛنْ، مبٛونَنٜ وَࢩَنْࢡٜ عٛنْ؞ 28مبَرْکِطِنٜ نَالَنْࢡٜ عٛنْ؞ ندٛعَنٜ تٛرَّنْࢡٜ عٛنْ؞ 29تٛ غٛطّٛ مَارِ مَ حَا غَلَنغَلْ نغَعَلْ، وَيْلِتَنْ مٛ نغَلَ بٛو؞ تٛ غٛطّٛ حٛوسِ مَ نغَݠَلٜىٰوٛلْ، تَا حَطْ مٛ حٛوسُغٛ تٛغّٛورٜ مَاطَ؞ 30حٛکُّ تٛرِيطٛ مَ کٛو طُمٜ ڢُو؞ تٛ غٛطّٛ حٛوسِ کٛ مَرْطَ، تَا ࢨَمْتُ طُمْ؞ 31مبَطَنٜ يِمْࢡٜ کٛ نغِطّٛنْ ࢡٜمبَطَنَ عٛنْ#مَتَّ 7:12؞؞
32«تٛ عٛنْ نغِطِ يِطْࢡٜ عٛنْ تَنْ، يٜتّٛورٜ ندٜيٜ ندٜىٰنٛتٛنْ؟ کٛو حَکّٜعٜنْ بٛو نغِطِ يِطْࢡٜ طُمْعٜنْ؞ 33تٛ عٛنْ طٛنْ مبَطَ مبٛوطٜىٰنغَ حَا وَطَنَنْࢡٜ عٛنْ مبٛوطٜىٰنغَ، يٜتّٛورٜ ندٜيٜ ندٜىٰنٛتٛنْ؟ کٛو حَکّٜعٜنْ بٛو طٛنْ مبَطَ بَنَ نٛنْ؞ 34تٛ عٛنْ طٛنْ ندٛکَّ ࢩَمَاندٜ حَا ࢡٜ عٛنْ تَمّٛتٛ نجٛࢡَنْ عٛنْ تَنْ، يٜتّٛورٜ ندٜيٜ ندٜىٰنٛتٛنْ؟ کٛو حَکّٜعٜنْ طٛنْ ندٛکَّ حَکّٜعٜنْ ࢩَمَاندٜ نغَمْ ࢡٜنجٛࢡَ ࢡٜ بَنَ نٛ طُمْ ڢٛتِ؞ 35عَمَّا نغِطٜ کٛنّٜعٜنْ مٛوطٛنْ، مبَطَنٜ ࢡٜ مبٛوطٜىٰنغَ عٜ ندٛکّٜ ࢡٜ ࢩَمَاندٜ بِلَا تَمَّاغٛ کٛو طُمٜ؞ مبَرْجَارِ مٛوطٛنْ لَاتٛتٛ مَوْندِ، عٛنْ لَاتٛتٛ بٛو ࢡِࢡّٜ اَللَّه ࢡَنغِيطٛ؞ نغَمْ عٛ بٛوطّٛ حٜىٰدِ يٜتَّرْࢡٜ عٜ حَلُّࢡٜ؞ 36لَاتٜ عٜنْطٛوࢡٜ بَنَ بَابِرَاوٛ مٛوطٛنْ عٛ عٜنْطُطٛ؞»
تَا کِيتٜ وٛطْࢡٜ
(مَتَّ 7:1-5)
37«تَا لَاتٜ حِيتٛوࢡٜ وٛطْࢡٜ، اَللَّه بٛو حِيتَتَاکٛ عٛنْ؞ تَا ندٛعّٜ وٛطْࢡٜ کِيتَ، اَللَّه بٛو دٛعَّتَا عٛنْ کِيتَ؞ نجَاڢٜ وٛطْࢡٜ، اَللَّه بٛو يَاڢٛتٛ عٛنْ؞ 38ندٛکّٜ وٛطْࢡٜ، اَللَّه بٛو حٛکَّنْ عٛنْ، عٛرُڢَنْ ندٜرْ جِيبَ مٛوطٛنْ مَکَّ عٜتَاطُمْ بٛوطُّمْ، تِطِّيطُمْ، کٜىٰوْطُمْ حَا رُڢَ؞ نغَمْ اَللَّه عٜتَنَنْ عٛنْ بٜى عٜتِرْغٜلْ نغٜلْ عٛنْ عٜتِرَنِ وٛطْࢡٜ بٜى مُوطُمْ؞»
39عِيسَى وٛلْوَنِ ࢡٜبَلْنْدٛلْ ڢَحِنْ: «بُمْطٛ وَاوَنْ طٛوُغٛ بُمْطٛ نَ؟ ࢡٜ طِطٛ ڢُو ࢡٜندٛعَّتَاکٛ ندٜرْ نغَسْکَ نَ#مَتَّ 15:14؞؟ 40جَنغٛووٛ ࢡُرَتَا جَنغِنٛووٛ مُوطُمْ مَنغُ، عَمَّا جَنغِنَاطٛ بٛوطُّمْ ڢُو لَاتٛتٛ بَنَ جَنغِنٛووٛ مُوطُمْ#مَتَّ 10:24-25؛ يُحَنَّ 13:16؛ 15:20؞؞
41«کٛنِ عَطٛنْ يِعَ کُطٜلْ حَا يِيتٜرٜ دٜىٰرْطَ، عَمَّا عَحَکِّلَنْتَا لٜغَّلْ غٛنْنغَلْ ندٜرْ يِيتٜرٜ مَ؟ 42نٛيْ مبِعْرَتَ دٜىٰرْطَ: عَشُّ مِعِتَّنٜ کُطٜلْ حَا يِيتٜرٜ مَ، عَنْ مَا، لٜغَّلْ طٛنْ ندٜرْ يِيتٜرٜ مَاطَ! عَنْ نَاڢِکِيجٛ، عَارْتُ عِتُّغٛ لٜغَّلْ غٛنْنغَلْ ندٜرْ يِيتٜرٜ مَاطَ، ندٜنْ کَمْ عَيِعَنْ لَاࢡْطُمْ، حَا عَعِتَّ کُطٜلْ ندٜرْ يِيتٜرٜ دٜىٰرْطَ؞»
لٜکِّ عٜ ࢡِࢡّٜ مُوطُمْ
(مَتَّ 7:16-20؛ 12:33-35)
43«وَلَا لٜکِّ بٛوطْکِ رِمَتَ ࢡِࢡّٜ کَلُّطٜ، وَلَا لٜکِّ کَلُّکِ بٛو رِمَتَ ࢡِࢡّٜ بٛوطّٜ؞ 44لٜکِّ ڢُو طٛنْ عَنْدِتِرٜ دِغَ ࢡِࢡّٜ مُوطُمْ؞ ࢡٜتٜࢡَتَا عِبّٜ حَا لٜکِّ غِعٜ؞ ࢡٜتٜࢡَتَا عِنَبٛوجٜ حَا جَاجِيحِ#مَتَّ 12:34؞؞ 45نٜطّٛ بٛوطّٛ طٛنْ وُرْتِنَ مبٛوطٜىٰنغَ دِغَ سِغَ ࢡٜرْندٜ مُمْ مبٛوطْکَ؞ نٜطّٛ کَلُّطٛ بٛو طٛنْ وُرْتِنَ حَلّٜىٰندٜ دِغَ سِغَ ࢡٜرْندٜ مُمْ کَلُّکَ؞ نغَمْ کٛ ࢡٜرْندٜ نٜطّٛ حٜىٰوْرِ کَنْجُمْ حُنْدُکٛ وٛلْوَتَ؞»
شُوطِ طِطِ
(مَتَّ 7:24-27)
46«نغَمْ طُمٜ عٜوْنٛتٛوطٛنْ يَمْ جَوْمِرَاوٛ، جَوْمِرَاوٛ، عَمَّا عٛنْ مبَطَتَا کٛ مبِعَنْمِ عٛنْ؟ 47کٛو مٛيْ غَرَنْطٛ حَا عَمْ، نَنَنْطٛ بٛلّٜ عَمْ، طٛوْتَنْتٛوطٛ طٜ، مِحٛلَّنَنْ عٛنْ بٜى مٛيْ عٛنَنْدِرِ؞ 48عٛنَنْدِ بٜى نٜطّٛ مَحَنْطٛ سُودُ، مٛ وَسِ نغَسْکَ، لُغِّنِ کَ حَا جٛکِّ تَݠَارٜ، عٛسَࢡِّ شَࢡَّوَلْ دٛوْ مَارٜ؞ عِلَمْ وَرِ، ندِيَمْ مَاجٜ لُکِّ ندُ، عَمَّا ندُ دِمْبَاکِ سَمْ، نغَمْ ندُ مَحَاندُ بٛوطُّمْ؞ 49عَمَّا نَنَنْطٛ بٛلّٜ عَمْ، طٛوْتَنْتَاکٛ طٜ، عٛنَنْدِ بٜى غٛطّٛ مَحْطٛ سُودُ دٛوْ مبُلْوُلْدِ بِلَا سَࢡُّغٛ شَࢡَّوَلْ؞ ندٜ عِلَمْ لُکِّ ندُ، لَوْ ندُ ڢُو مَارُ ندُ يِبِّ يِبّٜرٜ نَاوْندٜ؞»
Currently Selected:
لُکَ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
