لُکَ 8
8
رٜوْࢡٜ وٛنْدُࢡٜ بٜى عِيسَى
1-2ࢡَاوٛ مَاجُمْ عِيسَى يِيلٛيِ بٜرْنِيجِ عٜ غُرٜ ڢُو، عٛوَازِنِ حَبَرُ لَامُ اَللَّه؞ ݠُکَرَعٜنْ سَݠّٛ عٜ طِطٛ طٛنْ بٜى مَاکٛ نٛنْ بٛو رٜوْࢡٜ وٛطْࢡٜ يَمْطِتِنَاࢡٜ عٜ رُوحُوجِ کَلُّطِ عٜ ࢩَوُجِ ڢُو طٛنْ نغٛنْدِ بٜى مَاکٛ؞ کَمْࢡٜ نغٛنِ: مَرِيَمَ بِعٜتٜىٰطٛ مَرِيَمَ مٛ وُرٛ مَغْدَلَ مٛ غِنَّاجِ جٛوٜىٰطِطِ نغُرْتُنٛ حَا مُوطُمْ 3عٜ يٛوَنَّ، دٜبّٛ شُجَ، کَلِيڢَاجٛ دٛوْ سَارٜ لَامِيطٛ حِرُدُسْ عٜ سُزَنْ عٜ رٜوْࢡٜ وٛطْࢡٜ طُوطْࢡٜ، وَلّٛوࢡٜ وٛرْࢡٜ غٛ بٜى جَوْدِ مُوطُمْعٜنْ#مَتَّ 27:55-56؛ مَرْکُسْ 15:40-41؛ لُکَ 23:49؞؞
بَلْندٛلْ عَاوٛووٛ
(مَتَّ 13:1-9؛ مَرْکُسْ 4:1-9)
4يِمْࢡٜ طُوطْࢡٜ دِغَ غُرٜ ڢٜىٰرٜ ڢٜىٰرٜ نغَرِ، مٛوࢡْتِ حَا عِيسَى؞ ندٜنْ عٛوٛلْوَنِ ࢡٜبَلْنْدٛلْ نغٛعٛلْ: 5«دٜمٛووٛ يٜحِ نغٜسَ نغَمْ سَاکٛيْغٛ؞ ندٜ عٛطٛنْ سَاکَ، عَاوْدِ نغٛطْندِ سٛلِ سٜرَ لَاوٛلْ؞ يِمْࢡٜ نجَاࢡِ ندِ، شٛلِّ بٛو شُࢡْتِ ندِ ڢُو؞ 6عَاوْدِ نغٛطْندِ بٛو سٛلِ حَا ݠٜلّٜلْ کَاعٜ؞ ندِ ڢُطِ، عَاوْرٜ مَنْ يٛورِ لَوْ، نغَمْ ݠٜىٰوٛلْ نغَکَّنِ ندٜ؞ 7ڢَحِنْ عَاوْدِ نغٛطْندِ سٛلِ شَکَ غِعٜ، طُمْ ڢُو طُمْ ڢُطِ، عَمَّا غِعٜ ࢡِطِّ عَاوْرٜ مَنْ؞ 8عَمَّا نغٛطْندِ بٛو سٛلِ حَا لٜسْدِ مبٛوندِ؞ عَاوْرٜ ڢُطِ، مَوْنِ، وَطِ شَمّٜىٰجٜ: غَوٜلْ ڢُو رِمِ تٜىٰمٜرّٜ تٜىٰمٜرّٜ؞» ندٜ عِيسَى تِمِّنِ وٛلْوُغٛ، عٛوِعِ بٜى سَوْتُ: «مَرْطٛ نٛݠِّ نغَمْ نَنُغٛ ڢُو، نَنَ!»
دَلِيلَ بَلْندِ
(مَتَّ 13:10-17؛ مَرْکُسْ 4:10-12)
9ݠُکَرَعٜنْ عِيسَى ࢨَمِمٛ کٛ بَلْندٛلْ نغٛعٛلْ يِطِ وِعْغٛ؞ 10عٛجَابِ: «حَا مٛوطٛنْ طُمْ حٛکَّامَ عَنْدُغٛ سِرِّيجِ لَامُ اَللَّه، عَمَّا حَا يِمْࢡٜ ڢٜىٰرٜ سٜيْ بٜى بَلْندِ؞
نغَمْ حَا ࢡٜندَارَ، عَمَّا ࢡٜنغِعَتَا،
ࢡٜنَنَ، عَمَّا ࢡٜݠَامَتَا#عٜسَايَ 6:9-10؞ ؞»
عِيسَى ڢَامْتِنِ بَلْندٛلْ عَاوٛووٛ
(مَتَّ 13:18-23؛ مَرْکُسْ 4:13-20)
11«ندَا کٛ بَلْندٛلْ نغٛعٛلْ يِطِ وِعْغٛ: عَاوْدِ طُمْ وٛلْدٜ اَللَّه؞ 12وٛطْࢡٜ ڢٜىٰرٜ نَنْدِ بٜى سٜرَ لَاوٛلْ حَا عَاوْدِ سٛلِ؞ طُمْ نَنَنْࢡٜ، ندٜنْ عِبْلِسَ وَرَ وِڢْتَ بٛلّٜ مَنْ ندٜرْ ࢡٜرْطٜ مَࢡّٜ، نغَمْ تَا ࢡٜنُطِّنَ، ࢡٜکِسَ؞ 13وٛطْࢡٜ بٛو نَنْدِ بٜى ݠٜلّٜلْ کَاعٜ، طُمْ نَنَنْࢡٜ وٛلْدٜ، ࢡٜنجَࢡَ ندٜ بٜى سٜيٛ؞ عَمَّا ندٜ وَلَا طَطِ ندٜرْ مَࢡّٜ، ࢡٜنُطِّنَ نغَمْ وَکَّتِ سٜطَّ؞ تٛ جَرِّبٜىٰکِ وَرِ، ࢡٜنجٛوڢَ؞ 14عَاوْدِ شٛلْندِ شَکَ غِعٜ بٛو، نَنْدِ بٜى نَنَنْࢡٜ وٛلْدٜ؞ عَمَّا ࢡٜعَشَّ لَرُورَاجِ، يِطُغٛ رِسْکُ عٜ بٜلْطُمْ دُنِيَارُ ࢡِطَّ وٛلْدٜ غٛ، ندٜ وَطَتَا نَڢُودَ؞ 15عَاوْدِ شٛلْندِ ندٜرْ لٜسْدِ مبٛوندِ، طُمْ نَنَنْࢡٜ وٛلْدٜ، ࢡٜنجٛغٛ ندٜ بٜى ࢡٜرْطٜ لَاࢡْطٜ، بٛوطّٜ، ࢡٜمبَطَ نَڢُودَ دَلِيلَ تِينَارٜ مَࢡّٜ؞»
بَلْندٛلْ ݠِتِّرْلَ
(مَرْکُسْ 4:21-25)
16وَلَا جَمْنَنْطٛ ݠِتِّرْلَ نغَمْ جٛعِّنْغٛ نغَ لٜسْ بٛکٛتِ مَلَّ لٜسْ لٜىٰسٛ؞ عَمَّا عٛجٛعِّنَنْ نغَ دٛوْ جٛعِّنِرْطُمْ ݠِتِّرْلَ، نغَمْ حَا نغَ يَيْنَنَ نَسْتَنْࢡٜ ڢُو#مَتَّ 5:15؛ لُکَ 11:33؞؞ 17نغَمْ وَلَا شُوطِيطُمْ طُمْ وَنغِنْتَاکٜ، وَلَا سِرِّيجُمْ بٛو طُمْ عَنْدَتَاکٜ ندٜرْ لَاࢡْطُمْ#مَتَّ 10:26؛ لُکَ 12:2؞؞
18«کَکِّلَنٜ نٛ نَنْرٛتٛنْ؞ نغَمْ مَرْطٛ حُوندٜ، ࢡٜࢡٜسْدَنَنْ مٛ، عَمَّا مٛ مَرَايْ کٛو طُمٜ، ࢡٜکٛوشَنْ کٛو ݠٜىٰتُمْ طُمْ عٛتَمِّ مَرُغٛ#مَتَّ 25:29؛ لُکَ 19:26؞؞»
دٜىٰرْطِرَاࢡٜ عِيسَى عٜ دَادَ مُمْ
(مَتَّ 12:46-50؛ مَرْکُسْ 3:31-35)
19دَادَ عِيسَى عٜ دٜىٰرْطِرَاࢡٜ مُوطُمْ نغَرِ، تَوِمٛ، عَمَّا ࢡٜکٜࢡَايْ يٛتَّاغٛ مٛ نغَمْ طُوطَلْ يِمْࢡٜ؞ 20ࢡٜمبِعِمٛ: «دَادَ مَاطَ عٜ دٜىٰرْطِرَاࢡٜ مَاطَ طٛنْ يَاسِ، ࢡٜنغِطِ لَارُغٛ مَ؞» 21عَمَّا عٛجَابِ: «دَادَ عَمْ عٜ دٜىٰرْطِرَاࢡٜ عَمْ نغٛنِ نَنَنْࢡٜ وٛلْدٜ اَللَّه، طٛوْتَنٛ ندٜ؞»
عِيسَى دٜعِّتِنِ حٜنْدُ
(مَتَّ 8:23-27؛ مَرْکُسْ 4:35-41)
22ࢩَنْدٜ ڢٜىٰرٜ عِيسَى نَسْتِ کٛومْبٛوَلْ بٜى ݠُکَرَعٜنْ مُوطُمْ، عٛوِعِ ࢡٜ: «عٜنْ عٜىٰرٛ غَطَ وٜىٰندُ؞» ࢡٜندِلِّ؞ 23ندٜ ࢡٜطٛنْ عٜىٰرٛ بٜى کٛومْبٛوَلْ#8:23 کٛومْبٛوَلْ مَلَّ لَانَوَلْ؞، عِيسَى طَانِ؞ لَوْ حٜنْدُ عُمِّ دٛوْ ندِيَمْ، کٛومْبٛوَلْ طٛنّٛ حٜىٰوَ ندِيَمْ، ࢡٜطٛنْ يٜىٰسٛ جٛوتٜ؞
24ݠُکَرَعٜنْ ࢡَدِتِمٛ، ࢡٜݠِنْدِنِ مٛ بٜى وِعْغٛ: «جَاغٛرْطٛ، جَاغٛرْطٛ، عٜنْ طٛنْ کَلْکَ!» عِيسَى ڢِنِ، عٛتٜلْࢡَنِ حٜنْدُ عٜ ࢨُوغٜ ندِيَمْ، طُمْ دٜعِّتِ؞ دٜعّٜرٜ مَوْندٜ وَطِ؞
25عِيسَى وِعِ ݠُکَرَعٜنْ: «تٛيْ نُطِّنْکِ مٛوطٛنْ کَدِ؟» عَمَّا ࢡٜکُلْتٛرِ، ࢡٜکَيْطِنِ، ࢡٜمبِعِ: «طُمْ مٛيْجٛ، عُمْرَنْطٛ کٛو حٜنْدُ عٜ ࢨُوغٜ ندِيَمْ، طُمْ طٛوْتَنٛ مٛ؟»
جَمْطِتِنْکِ مَرْطٛ رُوحُوجِ شٛࢡْطِ طُوطِّ
(مَتَّ 8:28-34؛ مَرْکُسْ 5:1-20)
26ࢡٜنجٛتِّ حَا لٜسْدِ غٜرَسٜنِعٜنْ غَطَ وٜىٰندُ غَلِيلِ؞ 27ندٜ عِيسَى وُرْتِ کٛومْبٛوَلْ، غٛطّٛ وُرٛ مَنْ وَرِ، ڢٛتِّ بٜى مَاکٛ؞ غٛطّٛ عٛو مَرِ رُوحُوجِ شٛࢡْطِ طُوطِّ ندٜرْ مَاکٛ؞ دُورِ عٛࢡٛرْنَتَاکٛ لِمْشٜ، عٛجٛوطَتَاکٛ حَا سَارٜ، سٜيْ حَا غٜنَالٜ؞ 28ندٜ عٛيِعِ عِيسَى، عٛوٛوکِ، عٛدٛعِّ کٛمْبِ عِيسَى، عٛوٛلْوِ بٜى سَوْتُ: «طُمٜ نغِطَّ حَا عَمْ، عِيسَى، ࢡِطّٛ اَللَّه ࢡَنغِيطٛ؟ مِتٛرِ مَ، تَا تٛرَّمْ!» 29نغَمْ عِيسَى طٛنّٛ عُمْرَ رُوحُوٛلْ شٛࢡْنغٛلْ وُرْتٛ حَا مَاکٛ؞ نغٛلْ طٛنّٛ نَنغَ مٛ ندٜ طُوطُّمْ، ࢡٜطٛنّٛ کَࢡَّ کٛسْطٜ عٜ جُوطٜ مَاکٛ بٜى شَلَّلُّوجِ عٜ غٜعٜلّٜ نغَمْ عَيْنُغٛ مٛ، عَمَّا عٛطٛنّٛ تَعَ طُمْ؞ نغٛلْ طٛنّٛ يَحْرَ مٛ ندٜرْ لَدّٜ؞ 30عِيسَى ࢨَمِمٛ: «نٛيْ عِنْدٜ مَ؟» عٛجَابِ: «عِنْدٜ عَمْ مٛوࢡْرٜ»، نغَمْ رُوحُوجِ طُوطِّ نَسْتِ حَا مَاکٛ؞ 31طِ تٛرِ عِيسَى تَا عٛرِيوَ طِ، تَا عٛيَحْرَ طِ حَا نغَسْکَ لُغُّکَ؞
32وٛودِ تٛکّٜرٜ غَدُوجِ حَا تٛنْ، طٛنْ دُرَ دٛوْ تٛوْندِيرٜ؞ رُوحُوجِ غٛ تٛرِ عِيسَى، عٛعَشَّ طِ نَسْتَ غَدُوجِ مَنْ؞ عٛدُنغَنِ طِ؞ 33ندٜنْ رُوحُوجِ شٛࢡْطِ نغُرْتِ حَا غٛرْکٛ غٛ، طِ نَسْتِ غَدُوجِ؞ غَدُوجِ مَنْ ڢُو شَامْنِ، دٛعِّ دِغَ دٛوْ ڢٛمٛوندٜ تٛوْندٜ ندٜرْ وٜىٰندُ، کَلْکِ تٛنْ؞
34ندٜ دُرٛوࢡٜ غَدُوجِ نغِعِ کٛ وَطِ، ࢡٜندٛغِّ، ࢡٜعَنْدِنِ حَالَ مَنْ ندٜرْ وُرٛ عٜ حَا کَوْيٜىٰجِ؞ 35يِمْࢡٜ نغُرْتِ حَا ࢡٜندَارَ کٛ وَطِ؞ ࢡٜنغَرِ حَا عِيسَى، ࢡٜتَوِ غٛرْکٛ مٛ رُوحُوجِ شٛࢡْطِ نغُرْتُنٛ عٜ مُمْ غٛ، طٛنْ جٛوطِ کٛمْبِ مَاکٛ، عٛطٛنْ ࢡٛرْنِ، عٛطٛنْ بٜى حَکِّيلٛ؞ ࢡٜکُلْتٛرِ؞ 36يِعْࢡٜ کٛ وَطِ نغٜشِّ ࢡٜ نٛ غِنَّاطٛ يَمْطِتِرِ؞ 37غٜرَسٜنِعٜنْ ندٜرْ لٜسْدِ مَنْ ڢُو تٛرِ عِيسَى عٛوُرْتٛ لٜسْدِ مَࢡّٜ، نغَمْ ࢡٜکُلْتٛرِ مَسِنْ؞ عِيسَى نَسْتِ کٛومْبٛوَلْ، عٛدِلِّ؞ 38غٛطّٛ مٛ رُوحُوجِ شٛࢡْطِ نغُرْتِ حَا مُمْ غٛ، تٛرِ عِيسَى يٜرْدٛ عٛوٛنْدَ بٜى مَاکٛ؞ عِيسَى لٛرْنِمٛ، وِعِمٛ: 39«حٛوتُ سَارٜ مَ، يٜشُّ کٛ اَللَّه وَطَنِ مَ ڢُو!» عٛدِلِّ، عٛيٜشِّ يِمْࢡٜ وُرٛ ڢُو کٛ عِيسَى وَطَنِمٛ؞
جَمْطِتِنْکِ ࢡِنغٜلْ جَيْرُسْ دٜيٜلْ عٜ دٜبّٛ مٜىٰمْطٛ لِمْشٜ عِيسَى
(مَتَّ 9:18-26؛ مَرْکُسْ 5:21-43)
40ندٜ عِيسَى وَرْتٛيِ، يِمْࢡٜ طُوطْࢡٜ نجَࢡِّمٛ، نغَمْ ࢡٜ ڢُو ࢡٜطٛنّٛ ندٜىٰنَ مٛ؞ 41ندٜنْ غٛطّٛ بِعٜتٜىٰطٛ جَيْرُسْ، عَرْدِيطٛ سُودُ دٜوَلْ يَحُودُعٜنْ وَرِ حَا عِيسَى، دٛعِّ يٜىٰسٛ مَاکٛ، تٛرِمٛ عٛيَحَ سَارٜ مُوطُمْ، 42نغَمْ عٛوٛودِ ࢡِنغٜلْ دٜيٜلْ، بَجّٜلْ، مٛ دُوࢡِ سَݠّٛ عٜ طِطِ، ࢡَدَکٜ مَايُغٛ؞
ندٜ عِيسَى طٛنْ يَحَ تٛنْ، يِمْࢡٜ ࢡِطِّمٛ؞ 43وٛودِ بٛو دٜبّٛ ڢٜىٰرٜ تٛنْ؞ دُوࢡِ سَݠّٛ عٜ طِطِ عٛ ࢩَوْطٛ ࢩَوُ عِلٛلْ ࢨِيࢨَمْ؞ عٛمَجِّنِ جَوْدِ مَاکٛ ڢُو حَا حُرْغٛوࢡٜ، عَمَّا وَلَا مٛ وَاوِ يَمْطِتِنْغٛ مٛ؞ 44عٛࢡَدِتِ عِيسَى حَا ࢡَاوٛ، عٛمٜىٰمِ غَوَرْغَلْ لِمْشٜ مَاکٛ؞ لَوْ نِي عِلٛلْ ࢨِيࢨَمْ مَاکٛ غٛ دَرِ؞ 45عِيسَى ࢨَمِ: «مٛيْ مٜىٰمِ يَمْ؟» کٛو مٛيْ ڢُو وِعِ: «نَا مِنْ؞» ݠِيٜرْ وِعِ: «جَاغٛرْطٛ، طُمْ تَارِيࢡٜ مَ ࢡِطَّتَ مَ؞» 46عَمَّا عِيسَى وِعِ: «وٛودِ مٛ مٜىٰمِ يَمْ، نغَمْ مِمَاتِ بَاوْطٜ نغُرْتِ حَا عَمْ؞» 47ندٜ دٜبّٛ يِعِ عٛوَاوَتَا سُوطَاغٛ، عٛوَرِ، عٛطٛنْ دِوْنَ، عٛدٛعِّ يٜىٰسٛ مَاکٛ، عٛلِمْتِ شَکَ يِمْࢡٜ ڢُو دَلِيلَ کَ عٛمٜىٰمْرِ عِيسَى عٜ بٛو نٛ عٛيَمْطِتِرِ وَکَّتِ مَنْ؞ 48ندٜنْ عِيسَى وِعِ: «ࢡِنغٜلْ عَمْ، نُطِّنْکِ مَاطَ يَمْطِتِنِ مَ، يَحْ جَمْ!»
49دِغَ عِيسَى تِمِّنَايْ وٛلْوُغٛ تَوٛنْ، غٛطّٛ مٛ سَارٜ جَيْرُسْ وَرِ، وِعِمٛ: «ࢡِنغٜلْ مَ مَايِ، تَا ࢡِلُّ جَاغٛرْطٛ؞» 50عَمَّا ندٜ عِيسَى نَنِ طُمْ، عٛوِعِ جَيْرُسْ: «تَا حُلْ، نُطِّنْ تَنْ، عٛيٜىٰطِتَنْ؞» 51ندٜ عٛيٛتِّ حَا سَارٜ، عٛدُنغَنَاکِ کٛو مٛيْ نَسْتِدَ بٜى مَاکٛ، سٜيْ ݠِيٜرْ، يُحَنَّ عٜ يَاکُبَ عٜ بَابَ بٜى دَادَ ࢡِنغٜلْ؞ 52يِمْࢡٜ ڢُو طٛنّٛ مبٛيَ، طٛنّٛ نغٛويْنَ نغَمْ ࢡِنغٜلْ غٛ؞ عِيسَى وِعِ ࢡٜ: «تَا مبٛيٜ، نغٜلْ مَايَايْ، عَمَّا نغٜلْ طٛنْ طَانِ نٛنْ؞» 53ࢡٜنجَنْشِمٛ نغَمْ ࢡٜعَنْدِ ࢡِنغٜلْ مَايِ؞ 54عَمَّا عِيسَى نَنغِ جُنغٛ مَاغٜلْ، عٛوِعِ بٜى سَوْتُ: «ࢡِنغٜلْ، ڢِنْ!» 55يٛنغْکِ مَاغٜلْ وَرْتَنِ نغٜلْ، نغٜلْ عُمِّ لَوْ ندٜرْ وَکَّتِ مَنْ ندٜنْ عٜ عِيسَى عُمْرِ ࢡٜندٛکَّ نغٜلْ کٛ نغٜلْ ࢩَامَ؞ 56سَارٛعٜنْ ࢡِنغٜلْ کَيْطِنِ، عَمَّا عِيسَى وِعِ، تَا ࢡٜمبِعَ کٛو مٛيْ کٛ لَاتِ؞
Currently Selected:
لُکَ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
