John 10
10
Jaku Sempama Pasal Pengibun Bedus
1“Enggau bendar Aku madah ngagai kita, orang ke enda tama ngagai kandang bedus nengah pintu, tang niki nengah jalai bukai, nya penchuri enggau perumpak. 2#Mrk 6.34. Tang orang ke tama nengah pintu nya pengibun bedus. 3Orang ke nyaga pintu, muka pintu ke iya. Raban bedus ninga nyawa iya, lalu iya ngangauka nama sida siku-siku, lalu nguluka sida pansut. 4Lebuh iya udah mai semua bedus iya pansut, iya lalu bejalai dulu ari sida, lalu sida nitihka iya, laban sida ngelala munyi nyawa iya. 5Sida enggai nitihka orang bukai, tang deka rari ari orang nya, laban sida enda ngelala munyi nyawa orang nya.”
6 #
Jhn 16.25. Jesus nyebut sempama tu ngagai sida, tang sida enda meretika utai ti disebut Iya ngagai sida.
Jesus Nya Pengibun Bedus Ti Badas
7Nya alai Jesus lalu bejaku baru ngagai sida, “Enggau bendar Aku madah ngagai kita: Aku tu pintu ke raban bedus. 8#Jer 23.1; Esk 34.2. Semua orang ke udah datai dulu ari Aku nya penchuri enggau perumpak, tang bedus enda mendingka sida. 9Aku tu pintu. Barang sapa tama nengah Aku, deka diselamatka, lalu iya deka tama, lalu pansut, lalu nemu padang rumput. 10Penchuri datai laban iya semina deka ngenchuri, munuh enggau ngerusak. Aku datai ngambika sida bulih pengidup, pengidup ti belipat-lipat.
11 #
Isa 40.11; Esk 34.11-16; Heb 13.20; 1 Pet 5.4; Pem 7.17; 1 Jhn 3.16; Jhn 15.13; [2]
Sir 18.13. “Aku tu pengibun bedus ti badas. Pengibun bedus ti badas nyerahka nyawa diri ke bedus. 12Orang gaji ke ukai pengibun bedus sereta ukai bempu bedus, ninggalka bedus lebuh iya meda ukui kampung datai, lalu ukui kampung nerekam raban bedus lalu mambarka sida. 13Orang gaji nya rari laban orang gaji endang enggai ibuhka bedus nya. 14Aku tu pengibun bedus ti badas. Aku ngelala bedus Aku, lalu bedus Aku ngelala Aku, 15#Mat 11.27; Luk 10.22. baka Apai ke ngelala Aku, lalu Aku ngelala Apai; lalu Aku nyerahka nyawa Aku ketegal sida. 16#Isa 56.8; Jhn 11.52; 17.20; Eps 2.13-18; 1 Pet 2.25. Aku bisi bedus ti bukai, ti ukai ari raban tu. Aku enda tau enda mega mai sida, lalu sida deka mendingka nyawa Aku. Nya alai sida deka nyadi siti raban, enggau siku aja pengibun.
17Nya meh kebuah Apai rinduka Aku, laban Aku nyerahka nyawa Diri, lalu ngambi nyawa nya pulai baru. 18#Jhn 14.31; 15.10; Plp 2.8; Heb 5.8. Nadai orang ulih ngambi#10.18 Sekeda salin: udah ngambi nyawa Aku ari Aku. Aku nyerahka nyawa Aku ari peneka Aku Empu. Aku bisi kuasa nyerahka iya, lalu Aku bisi kuasa ngambi iya pulai baru. Aku udah nerima pesan tu ari Apai Aku.”#10.18 Sekeda salin: Tu meh utai ti udah diasuh Apai kereja Aku
19 #
Jhn 7.43; 9.16. Orang Judah lalu beserekang penemu baru ketegal jaku nya. 20#Jhn 7.20; 8.48; Mat 11.18. Mayuh sida nyebut, “Iya dirasuk antu, lalu udah gila! Nama kebuah kita mendingka Iya?”
21 #
Jhn 9.32; P-sut 4.11. Ku sida ti bukai bejaku, “Tu ukai jaku orang ke dirasuk antu. Kati antu ulih ngasuh orang ke buta meda?”
Jesus Enda Diterima Orang Judah
22 # [2]
1 Ma 4.36, 52-59; 2 Ma 1.18; 10.5. Lebuh maya nya Gawai Penyerah benung nyadi di Jerusalem. Musin lebuh maya nya endang musin chelap, 23#SKR 3.11; 5.12. lalu Jesus bejalai dalam Rumah Sembiang, dalam Serambi Solomon. 24Nya alai orang Judah lalu begelumu ngelingi Iya, lalu bejaku ngagai Iya, “Ni pengelama Nuan mengkang enggai madah ngagai kami? Enti Nuan amat Kristus,#10.24 Hebrew: Messiah padahka ngagai kami enggau terang.”
25 #
Jhn 5.36; 10.38. Disaut Jesus, “Aku udah madah ngagai kita, tang kita enda arap. Pengawa ti dikereja Aku dalam nama Apai Aku, besaksika pasal Aku, 26#Jhn 8.47. tang kita enda arap, laban kita ukai bedus Aku. 27Bedus Aku mendingka nyawa Aku. Aku ngelala sida, lalu sida nitihka Aku. 28#Jhn 17.2; 1 Jhn 2.25. Aku meri sida pengidup ti meruan belama iya, lalu sida enda mati. Nadai orang ulih ngerampas sida ari jari Aku. 29#[2] P-dlm 3.1. Utai ti udah diberi Apai ngagai Aku besai agi ari semua utai bukai, lalu nadai orang ulih ngerampas sida ari jari Apai.#10.29 Sekeda salin: Apai Aku ke udah meri sida ngagai Aku, besai agi ari semua, lalu nadai orang ulih ngerampas sida ari jari Apai 30#Jhn 17.21. Kami Duai Apai endang siku.”
31 #
Jhn 8.59; 11.8. Orang Judah lalu ngambi batu baru, deka nuku Iya. 32Jesus lalu nyaut sida, “Aku udah ngayanka mayuh bengkah kereja ti badas di mua kita ari Apai. Kereja ni ti ngasuh kita keran deka nuku Aku ngena batu?”
33 #
Lew 24.16; Mrk 14.64. Disaut sida, “Kami ukai deka nuku Nuan ngena batu ketegal pengawa ti badas ti dikereja Nuan, tang laban Nuan bejaku busung, laban Nuan, ke semina mensia aja, ngumbai Diri Allah Taala!”
34 #
Jhn 8.17; Mas 82.6. Disaut Jesus, “Kati jaku tu nadai ditulis dalam Adat kita: Ku Allah Taala bejaku, ‘Kita tu petara’? 35Enti orang ke nerima jaku Allah Taala nya dikumbai ‘petara’ -- lalu jaku Bup Kudus endang enda ulih dibuai -- 36baka ni ku kita ngumbai Aku, ke udah dipilih lalu dikirumka Apai ngagai dunya, bejaku busung ketegal Aku madahka Diri Anak Allah Taala? 37Enti Aku enda ngereja pengawa Apai Aku, anang meh kita arapka Aku. 38Tang enti Aku ngereja pengawa Apai Aku, taja pen kita enda arapka Aku, kita patut arapka pengawa ti dikereja Aku, ngambika kita nemu sereta meretika#10.38 Tauka: arapka Apai bisi dalam Aku, lalu Aku dalam Apai.”
39 #
Jhn 7.30; 8.59; Luk 4.30. Sida lalu sekali agi nguji nangkap Iya, tang Iya ngelechut ari jari sida.
40 #
Jhn 1.28. Iya lalu pulai baru meraka Sungai Jordan, ngagai endur alai John ke terubah maptisa orang, lalu diau dia. 41Mayuh orang datai ngagai Iya. Ku sida, “John nadai ngereja kereja ajih, tang semua utai ti disebut John pasal orang tu, amat magang.” 42#Jhn 7.31; 11.45. Lalu mayuh orang dia arapka Iya.
Currently Selected:
John 10: BK
Highlight
Share
Copy
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
