Luke 16

Pemesai Ke Pintar

1Jesus lalu bejaku enggau sida murid Iya, “Siku orang kaya bisi siku pemesai ke ngemataka reta iya. Orang bisi bejaku madahka pemesai nya masau duit tuan iya. 2Orang kaya nya lalu ngangauka pemesai nya, lalu bejaku ngagai iya, ‘Nama utai tu ti didinga aku pasal nuan? Padahka ngagai aku jalai nuan udah ngemataka reta tengkira aku, laban nuan enda tau agi ngemataka reta tengkira aku.’ 3Pemesai nya lalu bejaku dalam ati diri, ‘Tuan aku deka muai aku ari pengawa. Nama utai ti patut dikereja aku? Aku enda kering nyangkul, lalu aku malu minta sedekah. 4Tu utai ti deka dikereja aku, ngambika lebuh aku dibuai ari pengawa, orang deka ngelaluka aku ngagai rumah sida.’ 5Nya alai iya ngangauka siku-siku orang ke berutang ba tuan iya. Iya lalu bejaku enggau orang ke terubah datai, ‘Berapa utang nuan ba tuan aku?’ 6Orang nya lalu nyaut, ‘Seratus tung minyak kana.’ Lalu ku pemesai nya bejaku ngagai iya, ‘Ambi surat utang nuan tu, duduk, lalu tuliska lima puluh.’ 7Udah nya pemesai nya nanya siku ti bukai, ‘Berapa pemayuh utang nuan?’ Orang nya lalu nyaut, ‘Seribu pikul gandum.’#16.7 Gerika: seratus korous Pemesai nya lalu bejaku, ‘Ambi surat utang nuan tu, lalu tuliska lapan ratus.’ 8#1 Tes 5.5; Eps 5.8; Luk 20.34; Jhn 12.36. Tuan iya lalu muji pemesai ke enda betul ati nya ketegal pemintar iya ngereja utai, laban orang dunya tu pintar agi ngatur utai ti mai penguntung ngagai sida empu ari nembiak penampak.

9 # Luk 12.33; 18.22; [2] Tob 4.9-11. Lalu Aku madah ngagai kita, gaga orang nyadika pangan kita ngena pengaya dunya,#16.9 Gerika: mammon ngambika lebuh utai nya udah abis, kita deka diterima ke dalam rumah ti meruan belama iya. 10#Mat 25.21; Luk 19.17. Barang sapa tau dikarapka ngemataka utai ti mimit, tau mega dikarapka ngemataka mayuh utai, lalu orang ke enda tau dikarapka ngemataka pekara ti mit, enda mega tau dikarapka ngemataka pekara ti besai. 11Nya alai, enti kita enda tau dikarapka ngemataka pengaya dunya,#16.11 Gerika: mammon sapa deka ngarapka kita ngemataka pengaya ti bendar? 12Lalu enti kita enda tau dikarapka ngemataka utai orang bukai, sapa deka meri kita utai ti endang enggi kita? 13#Mat 6.24. “Nadai orang#16.13 Tauka: ulun ulih betuaika dua iku tuan, laban iya deka begedika siku lalu rinduka siku, tauka angkunka siku, lalu mechat siku. Kita enda ulih betuaika Allah Taala enggau duit.”#16.13 duit; Tauka: pengaya; Gerika: mammon

Adat Enggau Perintah Allah Taala

(Matthew 11.12-13; 5.31-32; Mark 10.11-12)

14Lebuh orang Parisi, ke angkunka duit, ninga semua utai nya, sida lalu ngeleseka Jesus. 15#1 Sam 16.7; J-lam 21.2; SKR 1.24; Luk 10.29. Nya alai Iya lalu bejaku ngagai sida, “Kita tu orang ke belurus diri empu di mua orang mayuh, tang Allah Taala nemu ati kita; laban utai ti dikangkunka mensia, nya utai ti dipegedika Allah Taala.

16 # Mat 11.12-13. “Adat enggau jaku ti ditulis sida nabi mengkang dikena nyentuk ngagai maya John. Tang berengkah ari maya John, Berita Manah pasal Perintah Allah Taala dipadahka ngagai orang mayuh, lalu semua orang bela majakka diri tama ngagai Perintah nya.#16.16 Tauka: semua orang balat diperansang tama ngagai Perintah nya. 17#Mat 5.17-18; Luk 21.33. Tang mudah agi serega enggau dunya lesap, ari siti titik dalam Adat tu lenyau.

18 # Mat 5.31-32; 19.9; Mrk 10.11-12; 1 Kor 7.10-11. “Barang sapa muai bini, lalu jadi enggau indu bukai, butang. Lalu lelaki ke jadi enggau indu ke udah dibuai laki, butang.

Orang Ke Kaya Enggau Lasarus

19“Nyadi dia bisi siku orang kaya. Iya bekenaka pekayan ti berega, lalu diau makai nyamai tiap hari. 20#Jhn 11.1-44; 12.1, 9. LLalu ba mua pintu orang nya bisi siku orang ke seranta, ke abis dibalut rumbak. Nama iya Lasarus. 21Lasarus bisi amat ati deka makai pemakai ti labuh ari mija orang kaya nya. Indah ukui deh datai lalu nilat rumbak iya. 22#Jhn 13.23. Orang ke seranta nya mati, lalu dibai bala melikat ngambika iya diau enggau Abraham.#16.22 Gerika: ngambika iya diberap Abraham Orang kaya nya mega mati, lalu dikuburka. 23#[2] 2 Esd 7.36; 8.59. Di dunya pemati,#16.23 Tauka: Hades alai iya ke balat kena perinsa, iya engkadah lalu tepedaka ari jauh Abraham duduk ngimbai#16.23 Gerika: diberap Lasarus. 24Orang kaya nya lalu ngangau, ‘Apai Abraham! Kasihka aku, lalu asuh Lasarus datai kitu ngambika iya nyepuhka ujung tunjuk iya ngagai ai, lalu ngenyelapka dilah aku, laban aku pedis amat merinsa dalam api tu!’ 25#Luk 6.24. Tang ku Abraham bejaku, ‘Ingat, anak, lebuh nuan agi idup, nuan diberi semua utai ti manah, tang Lasarus diberi semua utai ti jai. Tang diatu iya lantang diau ditu, tang nuan pedis merinsa. 26Nambahka nya, ba entara kitai bisi siti darung ti dalam, ngambika orang ke deka meraka ari tu ngagai kita, enda ulih, lalu orang ke deka meraka ari endur kita ngagai kami, pen enda mega ulih.’ 27Ku orang kaya nya bejaku, ‘Enti pia, apai, aku minta nuan ngirumka Lasarus ngagai rumah apai aku, 28laban aku bisi lima iku menyadi lelaki, ngambika iya meri jaku tangkan ngagai sida, enggai ke sida datai ba endur pemerinsa tu.’ 29#Jhn 5.45-47; SKR 15.21; Luk 4.17. Abraham lalu nyaut, ‘Sida bisi Moses enggau sida nabi. Awakka bala menyadi nuan patut mendingka sida.’ 30#Luk 3.8; 19.9. Ku orang kaya nya bejaku, ‘Ukai baka nya, apai Abraham! Enti siku orang ke angkat ari mati mansang ngagai sida, nya baru sida deka nesal ati ke dosa sida.’ 31Tang ku Abraham, ‘Enti sida enggai mendingka Moses enggau sida nabi, sida pen enggai mega arap enti orang siku angkat ari mati.’ ”

Currently Selected:

Luke 16: BK

Highlight

Copy