یوحنا 9

عیسی بیر دُغا کُری شِفا بِریَر

1عیسی گِچیپ باریارقا، بیر دُغا کُر آدامی گُردی.‏ 2شَگیرتلِری اُندان:‏ ‏«‏اُستاد، بو آدامینگ کُر بُلوپ دُغماغینا کیم گونَه‌کَر؟ اُنونگ اُزی گونَه‌کَرمی یا-دا اِنه-آتاسی؟»‏ دییّپ سُرادیلار.‏ 3عیسی اُلارا:‏ ‏«‏مونگا اُل آدامینگ اُزی هِم، اِنه-آتاسی هِم گونَه‌کَر دَل.‏ بو اُندا خودایینگ ایشلِرینینگ گُرکِزیلمِگی اوچین بُلدی.‏ 4اُزومی ایبِرِنینگ ایشلِرینی مِن گوندیزلیکده اِتمِلی.‏ گیجه یِتیپ گِلیَر، شُندا هیچ کیم ایشلَپ بیلمِز.‏ 5مِن دونیَه‌دِکَم، دونیَه‌نینگ نوری مِندیرین»‏ دییّپ جُغاپ بِردی.‏ 6اُل سُنگرا، یِره تویکوردی-ده، تویکوریگیندِن پالچیق بِجِردی، پالچیقی بُلسا کُرونگ گُزونه سورتدی.‏ 7اُنسُنگ اُنگا:‏ ‏«‏گیت-ده، سیلوحا حاوضوندا یووون»‏ دییدی.‏ ‏(‏سیلوحا یَعنی ‏«‏ایبِریلِن»‏.‏)‏ اُل گیدیپ یوووندی و گُزلِری آچیلیپ ایزینا گِلدی.‏

8هِمسایالاری و اُنونگ اُوال دیلِگچیلیک اِدیپ یُرِنینی گُرِنلِر:‏ ‏«‏بو اُتوریپ، دیلِگچیلیک اِدیَن آدام دَلمی؟»‏ دییّپ سُرادیلار.‏ 9کَبیرلِری:‏ ‏«‏شُل»‏ دییدیلِر.‏ کَبیرلِری:‏ ‏«‏یُق، بو شُنگا مِنگزِش»‏ دییدیلِر.‏ یُنه اُنونگ اُزی:‏ ‏«‏هاووا، مِن شُل آدام»‏ دییدی.‏ 10اُندان:‏ ‏«‏شِیله بُلسا، اُندا گُزلِرینگ نَهیلی آچیلدی؟»‏ دییّپ سُرادیلار.‏ 11اُل:‏ ‏«‏عیسی دییِن آدام پالچیق بِجِریپ، گُزومه سورتدی-ده:‏ ‏”‏سیلوحا حاوضونا گیت-ده، یووون“‏ دییدی.‏ مِن هِم گیدیپ یوووندیم و گُزلِریم آچیلدی»‏ دییّپ جُغاپ بِردی.‏ 12اُندان:‏ ‏«‏شُل آدام نیرِده؟»‏ دییّپ سُرادیلار.‏ اُل:‏ ‏«‏بیلِمُق»‏ دییّپ جُغاپ بِردی.‏

13اُزال کُر بُلان بو آدامی فَریسی‌لِرینگ یانینا گِتیردیلِر.‏ 14عیسانینگ پالچیق بِجِریپ، اُنونگ گُزلِرینی آچان گونی سَبَّت گونودی.‏ 15فَریسی‌لِر-ده اُنونگ گُزونینگ نَهیلی آچیلاندیغی بارادا سُرادیلار.‏ اُل آدام:‏ ‏«‏اُل مِنینگ گُزومه پالچیق سورتدی، اُنسُنگ یوووندیم.‏ ایندی مِن گُریَرین»‏ دییّپ جُغاپ بِردی.‏ 16فَریسی‌لِرینگ کَبیرلِری:‏ ‏«‏اُل آدام خودایدان دَل، سِبَبی سَبَّت گونونی ساقلامایار»‏ دییدیلِر.‏ باشغالاری بُلسا:‏ ‏«‏شُندا گونَه‌کَر آدام بِیله عالاماتلاری گُرکِزیپ بیلِرمی؟»‏ دییدیلِر.‏ شِیدیپ، اُلارینگ آراسیندا اُنگوشماسیزلیق بُلدی.‏ 17اُلار یِنه-ده کُردِن:‏ ‏«‏گُزونگی آچان شُل آدام بارادا نَمه دییَّرسینگ؟»‏ دییّپ سُرادیلار.‏ اُل هِم:‏ ‏«‏اُل بیر پیغامبار»‏ دییدی.‏

18یَهودی باشلیغلاری گُزلِری آچیلان آدامینگ اِنه‌سی بیلِن آتاسینی چاغیریپ سُرایانچالار، اُنونگ اُزال کُر بُلوپ، ایندی گُزلِرینینگ آچیلاندیغینا اینانمادیلار.‏ 19اُلاردان:‏ ‏«‏کُر دُغدی دییَّن اُغلونگیز شومی؟ ایندی بو نَدیپ گُریَر؟»‏ دییّپ سُرادیلار.‏ 20اُنونگ اِنه‌سی بیلِن آتاسی اُلارا:‏ ‏«‏مونونگ اُز اُغلومیزدیغینی، اُنونگ کُر دُغاندیغینی بیلیَریس.‏ 21یُنه اُنونگ ایندی نَدیپ گُریَندیگینی یا-دا اُنونگ گُزونی کیمینگ آچاندیغینی بیز بیلمِیَریس.‏ اُل ایندی بیر یِتیشِن ییگیت، اُزوندِن سُرانگ، دِگمه، اُزی آیدیپ بِرسین»‏ دییّپ جُغاپ بِردیلِر.‏ 22اُنونگ اِنه‌سی بیلِن آتاسی یَهودی باشلیقلاریندان قُرقولارینا شِیله دییدیلِر.‏ سِبَبی یَهودیلِر عیسانینگ مسیحدیگینی ایقرار اِدِن آدامی کِنیسه‌دِن کُوماق بارادا دیل بیریکدیریپدیلِر.‏ 23شُنونگ اوچین اُنونگ اِنه‌سی بیلِن آتاسی:‏ ‏«‏اُل بیر یِتیشِن ییگیت، اُزوندِن سُرانگ»‏ دییدیلِر.‏

24شِیلِلیک بیلِن، فَریسی‌لِر اُزالقی کُری ایکینجی گِزِک چاغیریپ، اُنگا:‏ ‏«‏خودایینگ حاقی اوچین حاقیقاتی آیت.‏ بیز اُل آدامینگ گونَه‌کَردیگینی بیلیَریس»‏ دییدیلِر.‏ 25گُزلِری آچیلان آدام:‏ ‏«‏اُنونگ گونَه‌کَردیگینی یا-دا دَلدیگینی بیلِمُق.‏ یُنه مِن بیر زادی بیلیَرین:‏ اُزال کُردوم، ایندی گُریَرین»‏ دییّپ جُغاپ بِردی.‏ 26‏«‏اُل سانگا نَمه اِتدی؟ گُزونگی نَدیپ آچدی؟»‏ دییّپ، اُندان یِنه سُرادیلار.‏ 27اُل بولارا:‏ ‏«‏مِن یانگی آیتدیم آخیری، یُنه دینگلِمِدینگیز.‏ نَمه اوچین یِنه اِشیتمِک ایسلِیَرسینگیز؟ یا سیزِم اُنونگ شَگیرتلِری بُلماقچیمی؟»‏ دییّپ جُغاپ بِردی.‏ 28اُنگا سِووپ:‏ ‏«‏اُنونگ شَگیردی سِنسینگ، بیز موسانینگ شَگیردیدیریس.‏ 29بیز خودایینگ موسی بیلِن کِپلِشِندیگینی بیلیَریس، بو آدامینگ بُلسا نیرِدِندیگینی-ده بیلمِیَریس»‏ دییدیلِر.‏ 30یانگقی آدام اُلارا شِیله جُغاپ بِردی:‏ ‏«‏حایران قالمالی!‏ سیز اُنونگ نیرِدِندیگینی-ده بیلمِیَرسینگیز، اُل بُلسا مِنینگ گُزلِریمی آچدی.‏ 31خودایینگ گونَه‌کَرلِری دینگلِمِیَندیگینی بیلیَریس، اِمّا کیم خودایدان قُرقوپ، ایسلِگینی بِرجای اِتسه، اُنی دینگلِیَر.‏ 32دُغا کُرونگ گُزونینگ آچیلماغی هِنیزه چِنلی گُرلوپ-اِشیدیلِن زات دَل.‏ 33اِگِر اُل خودایدان بُلمادیق بُلسا، هیچ زات اِدیپ بیلمِزدی.‏»‏ 34اُنگا:‏ ‏«‏سِن بُیدان-باشا گونَه ایچینده دُغلوپ، ایندی بیزه عاقیل بِریَرمینگ؟»‏ دییدیلِر.‏ شِیلِلیکده، اُنی کِنیسه‌دِن کُووپ چیقاردیلار.‏

35اُنی کُووپ گُیبِرِنلِرینی اِشیدِن عیسی یانگقی آدامی تاپیپ:‏ ‏«‏سِن اینسان اُغلونا ایمانینگ بارمی؟»‏ دییدی.‏ 36اُل هِم اُنگا:‏ ‏«‏آقا، آیتسانا، اُل کیمکَه؟ مِن اُنگا ایمان گِتیرِیین»‏ دییّپ جُغاپ بِردی.‏ 37عیسی اُنگا:‏ ‏«‏سِن اُنی گُردونگ.‏ اینه، سِنینگ بیلِن کِپلِشیپ دوران شُلدور»‏ دییدی.‏ 38اُل هِم:‏ ‏«‏اِی آقام، ایمان گِتیریَرین»‏ دییّپ، اُنگا سِجده اِتدی.‏

39عیسی اُنگا:‏ ‏«‏مِن بو دونیَه گُرمِیَنلِر گُرسون، گُریَنلِر کُر بُلسون دییّپ، حُکوم چیقارماغا گِلدیم»‏ دییدی.‏ 40مونی دینگلَپ دوران فَریسی‌لِرینگ کَبیری اُندان:‏ ‏«‏اُندا بیز هِم کُرمی؟»‏ دییّپ سُرادیلار.‏ 41عیسی اُلارا:‏ ‏«‏کُر بُلان بُلسادینگیز، گونَه‌نگیز بُلمازدی، اِمّا گُریَریس دییِنینگیز اوچین گونَه‌نگیز اُز بُینونگیزدا بُلار»‏ دییدی.‏

Currently Selected:

یوحنا 9: TUKIR

Highlight

Copy