لوقا 2
2
عیسی دُغیار
مَتّیٰ ۱:۱۸-۲۵
1شُل گونلِرده روم ایمپِراطُری آگوستوس تامام ایلاتدا ساناماغینی گِچیرمِک بارادا دِستور چیقاردی. 2بو اَوَّلکی ایلات ساناماغی بُلوپ، اُل کیرینیوسینگ سوریه حُکومدارلیق اِدِن زاماندا گِچیریلدی. 3ایلات ساناماغیندان گِچمِک اوچین، هِر کیم اُز شَهرینه گیتدی.
4شِیلِلیکده، یوسف هِم جلیل‌دَکی ناصِره شَهریندِن چیقیپ، یهودیه‌دَکی بِیت‌لِحِم دییِن داوودینگ شَهرینه گیتدی، سِبَبی اُل داوودینگ ایلیندِن بُلوپ، اُنونگ نِسلینه دِگیشلیدی. 5یوسف یازیلماق اوچین اُل یِره گُورِلی آداغیلیسی مریمی هِم آلیپ گیتدی. 6-7اُلار بِیت‌لِحِمدِکیلِر، مریمینگ آیی-گونی دُلوپ، اَوَّلکی اُغلونی دُغوردی. مریم اُنی قونداغا دُلادی-دا، بیر آخوردا یاتیردی، سِبَبی اُلار میهمانخانادان یِر تاپماندیلار.
چُپانلار و پِریشده‌لِر
8شُل گیجه بِیت‌لِحِمینگ قُلاییندا کَبیر چُپانلار سورولِرینی قُرییاردیلار. 9بیردِن اُلارینگ اُوونده خودایینگ بیر پِریشده‌سی گُروندی و خودایینگ یالقیمی داش-تُوِرِگی یاغتیلتدی. چُپانلار قاتی قُرقدولار. 10پِریشده اُلارا: «قُرقمانگ! مِن سیزه هِمّه خالقی بِگِندیرجِک شاتلیقلی خوش خاباری اِعلان اِدیَرین: 11شو گون داوودینگ شَهرینده سیزینگ اوچین نِجات بِریَنچی دُغدی. اُل خوداییمیز مسیحدیر. 12اینه، بو سیزه بیر عالامات بُلار: سیز قونداغا دُلُغیلی، آخوردا یاتان بیر اُغلانی تاپارسینگیز» دییدی. 13بیردِن پِریشده بیلِن بیرلیکده آسمانینگ سانسیز قُشونی گُروندی. اُلار خودایی اُووپ بِییکلِندیردیلِر:
14«آسمانلار آسمانیندا خودایا حُرمات بُلسون!
خودایدان مِرحِمِت تاپان یِردَکی اینسانلارا پاراحاتلیق بُلسون!» دییَّردیلِر.
15پِریشده‌لِر چُپانلارینگ یانیندان آیریلیپ، آسمانا گُتِریلِنلِرینده، چُپانلار بیری-بیرلِرینه: «یُرینگ، بِیت‌لِحِمه گیدِلینگ. خودایینگ بیزه آیان اِدِن بو واقاسینی گُرِلینگ» دییّشدیلِر.
16شِیلِلیکده، اُلار باسیمچاق گیدیپ، مریمی، یوسفی و آخوردا یاتان اُغلانی تاپدیلار. 17اُلار عیسانی گُرِنلِرینده، بو اُغلان حاقدا اِشیدِنلِرینی اُلارا گورّونگ بِردیلِر. 18چُپانلارینگ گورّونگلِرینی اِشیدِنلِرینگ هِمّه‌سی حایران قالدی. 19مریم بُلسا بو زاتلارینگ هِمّه‌سی حاقدا قاتی فیکره گیریپ، اُلاری یورِگینده ساقلایاردی. 20چُپانلار هِمّه زادی گُروپ-اِشیدِنلِرینینگ اُزلِرینه آیدیلیشی یالی بُلاندیغی اوچین، خودایی اُودیلِر و شوکورلِر اِدیپ، ایزلارینا دُلاندیلار.
عیسانینگ خودایا باغیش اِدیلمِگی
21سِکیزینجی گون اُغلانی سونِّتلِمِلی بُلاندا، اُنونگ آدینا عیسی داقدیلار. بو اُنونگ اِنه‌سینینگ گُوره‌سینده قالمازدان اُوال، پِریشدَه‌نینگ اُنگا بِرِن آدیدی. 22موسانینگ شِریغاتینا گُرَه گِچیریلیَن پَکلِنمه سونِّتلِرینگ بِرجای اِدیلمِلی واقتی یِتیپ گِلِنده، یوسف بیلِن مریم اورشلیمه گیتدیلِر. اُلار عیسانی خودایا باغیش اِتمِک اوچین، اُنی هِم یانلارینا آلدیلار. 23شِریغاتدا: «اَوَّلکی دُغان هِر بیر اِرکِک اُغلان خودایا باغیش اِدیلمِلی» دییّپ یازیلاندیر.#چیقیش ۱۳:۲،۱۲ 24اُلار شِریغاتدا یازیلیشی یالی، ایکی قُمرینی یا-دا کِپدِرینی هِم قربانلیق حُکمونده هُدورلِمِلیدیلِر.#لاویلار ۱۲:۸
25شُل واقت اورشلیمده شمعون آدلی بیر دُغری و تاقوالی آدام یاشایاردی. اُل اسرائیل خالقینینگ آزاد اِدیلمِگینه قاراشیاردی، مُقادِّس روح اُنونگ اوستوندِدی. 26اُنگا خودایینگ مسیحینی گُرمِزدِن اُنگ اُلمِجِکدیگی مُقادِّس روح طارافیندان آیان بُلوپدی. 27شمعون مُقادِّس روحونگ اوغراتدیرماغی بیلِن عیباداتخانانینگ حایاطینا گِلدی. عیسانینگ اِنه-آتاسی شِریغاتدا یازیلان عاداتی بِرجای اِتمِک اوچین، اُغلانی ایچِری سالانلاریندا، 28شمعون اُنی قوجاغینا آلیپ، خودایا شوکور اِدیپ، شِیله دییدی: 29«یا خودای، اُز بِرِن سُزونگه گُرَه، ایندی بِندَنگ آرقایین ساغامان تابشیریپ بیلِر. 30-31اینه، سِنینگ هِمّه خالقلارینگ اُوونده تاییارلان نِجات بِریَنچینگی گُزوم بیلِن گُردوم. 32بیگانه میلِّتلِره آیانلیق بِرجِک، خالقینگ اسرائیلی بِییکلِندیرجِک نوری گُردوم.»
33چاغا بارادا آیدیلیان سُزلِره اُنونگ اِنه-آتاسی حایران قالدی. 34شمعون اُلارا بِرِکِت بِریپ، اِنه‌سی مریمه: «بو اُغلان اسرائیل‌دا کَن آداملارینگ پِسِلمِگینه و بِیگِلمِگینه سِبَپکَر بُلار. اُل خودای طارافیندان بِرلِن عالامات بُلوپ، اینسانلار اُنگا قارشی چیقارلار. 35شُندا اِنچِمه یورِکلِرینگ سیرلی فیکرلِری بِلّی بُلار. سِنینگ قالبینگا هِم قیلیچ کیمین سُقولار» دییدی.
36-37اُل یِرده سِگسِن دُرت ییلدان بَری دول یاشایان حَنّا آدلی قارّی نِبیه هِم باردی. اُل اَشیر طایفاسیندان فَنوئیل‌ینگ قیزیدی. اُل دورموشا چیقاندان سُنگرا اَری بیلِن یِدی ییل یاشاشیپ، دول قالیپدی. بو آیال هِمیشه عیباداتخانانینگ حایاطیندا بُلوپ، آرازا توتوپ، دُغا اِدیپ، گیجه-گوندیز خودایا عیبادات اِدیَردی. 38حَنّا هِم اِدیل شُل واقت گِلیپ، خودایا شوکور اِدیپ، اورشلیمینگ نِجات تاپماغینا قاراشیانلارینگ بارینا بو اُغلان حاقدا گورّونگ بِردی.
39یوسف بیلِن مریم موسانینگ شِریغاتینا گُرَه هِمّه زادی بِرجای اِدِنلِریندِن سُنگرا، جلیلَه، اُزلِرینینگ ناصِره شَهرینه دُلاندیلار. 40چاغا اولالیپ، گویچده و حِکمِتده اُسوپ باریاردی. خودایینگ مِرحِمِتی اُنونگ اوستوندِدی.
عیسی دین مُعلِّملِری بیلِن
41عیسانینگ اِنه-آتاسی هِر ییل پِسَح بایرامیندا اورشلیمه گیدیَردیلِر. 42عیسی اُن ایکی یاشینا یِتِنده، اُلار بایرامچیلیق عاداتینا گُرَه یِنه اورشلیمه گیتدیلِر. 43بایرامچیلیق قوتاراندان سُنگ، اُلار اُیلِرینه دُلاندیلار. یِتیشِنجِک عیسی بُلسا اورشلیمده قالدی، اِمّا اُنونگ اِنه-آتاسینینگ موندان خاباری یُقدی. 44اُلار اُنی یُلاغچیلارینگ آراسیندادیر دییّپ، بیر گونلوک یُلی گِچدیلِر. سُنگرا اُنی دُغان-قارینداشلارینینگ، دُست-یارلارینینگ آراسیندان گُزلَپ باشلادیلار. 45اُنی گُزلَپ تاپمانسُنگلار، ایزلارینا اورشلیمه دُلاندیلار. 46اوچ گوندِن سُنگ، اُنی عیباداتخانانینگ حایاطیندان تاپدیلار. اُل دین مُعلِّملِرینینگ آراسیندا اُتوریپ، اُلاری دینگلَپ، سُراغلار بِریَردی. 47عیسانی دینگلِیَنلِرینگ هِمّه‌سی اُنونگ دوشونجِسینه، بِریَن جُغاپلارینا حایران قالیاردیلار. 48اِنه-آتاسی اُنی گُرِنلِرینده گِنگ قالدیلار. اِنه‌سی اُنگا: «اُغلوم! نَمه اوچین بِیتدینگ؟ آتانگ ایکیمیز قاتی قایغی اِدیپ، سِنی گُزلِدیک» دییدی. 49عیسی اُلارا: «مِنی نَمه اوچین گُزلِدینگیز؟ سیز مِنینگ آتامینگ اُیونده بُلمالیدیغیمی بیلمِیَردینگیزمی؟» دییدی. 50اِمّا اُلار اُنونگ نَمه دییجِک بُلیاندیغینا دوشونمِدیلِر. 51سُنگرا عیسی اِنه-آتاسی بیلِن ناصِره قایتدی، اُلارینگ سُزونه قولاق آسدی. اِمّا اُنونگ اِنه‌سی بو گورّونگلِرینگ هِمّه‌سینی یورِگینده ساقلایاردی. 52عیسی حِکمِتده و بُیدا اُسوپ، خودایینگ هِم آداملارینگ مِهرینی قازانیاردی.
Currently Selected:
لوقا 2: TUKIR
Highlight
Share
Copy
Want to have your highlights saved across all your devices? Sign up or sign in
© Turkmen Truth
