مَتّیٰ 23

وای حالینگیزا!‏

مَرقُس ۱۲‏:۳۸‏-۴۰؛ لوقا ۱۱‏:۳۹‏-۵۲؛ ۲۰‏:۴۵‏-۴۷

1سُنگرا عیسی خالقا و اُز شَگیرتلِرینه شِیله گورّونگ بِردی:‏ 2‏«‏دین عُلَمالار بیلِن فَریسی‌لِر موسانینگ تاختیندا اُتیرلار.‏ 3شُنونگ اوچین اُلارینگ سیزه آیدیانلارینینگ بارینی یِرینه یِتیریپ، بِرجای اِدینگ، اِمّا اُلارینگ اِدِنلِرینی اِتمَنگ، سِبَبی آیدیان زاتلارینی اُزلِری اِدیَن دَلدیرلِر.‏ 4اُلار آغیر، گُتِرمِسی قین یوکلِری باغلاپ، آداملارینگ گِرشینه قُییاندیرلار، یُنه اُزلِری بو یوکلِری گُتِرمِک اوچین، بارماغینی هِم قیمیلداتماق ایسلِیَن دَلدیرلِر.‏ 5اُلار هِمّه اِدیَن زاتلارینی گُز اوچین اِدیَندیرلِر.‏ تُورات آیه‌لِرینینگ قوتوسینی گینگِلدیپ، دُنلارینینگ قُتازلارینی اوزالدیاندیرلار.‏ 6ضیافاتلاردا یُقارینی، کِنیسه‌لِرده قاوی جایلاری، 7بازارلاردا سالام آلماغی و آداملارینگ اُزلِرینه ‏”‏اُستاد“‏ دییمِکلِرینی حالایاندیرلار.‏ 8سیز اُزونگیزه ‏”‏اُستاد“‏ دییدیرمَنگ، سِبَبی سیزینگ بیر اُستادینگیز باردیر.‏ سیزینگ هِمَّه‌نگیز دُغانسینگیز.‏ 9یِر یوزونده هیچ کیمه ‏”‏آتا“‏ دییمَنگ، سِبَبی سیزینگ بیر آتانگیز باردیر، اُل هِم آسماندادیر.‏ 10اُزونگیزه ‏”‏باشلیق“‏ دییدیرمَنگ، سِبَبی سیزینگ بیر باشلیقچینگیز باردیر، اُل هِم مسیحدیر.‏ 11آرانگیزدا بِییک حاساپلانیان هِمَّه‌نگیزه خیدماتکَر بُلسون.‏ 12کیم اُزونی یُقاری توتسا پِسِلدیلِر، کیم اُزونی آشاق توتیان بُلسا بِیگِلدیلِر.‏

13‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز آسمانینگ پادیشاهلیغینا گیرمَگه آداملارینگ اُوونی باغلایارسینگیز، اُنگا نه اُزونگیز گیریَرسینگیز، نه-ده گیرجِکلِره یُل بِریَرسینگیز.‏

‏[‏ 14‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز دول آیال‍لارینگ اُیلِرینی طالاب، گُز اوچین اوزین-اوزین دُغالار اُقیان بُلیارسینگیز.‏ شُنونگ اوچین هِم سیز اینگ آغیر جِزا سِزاوار بُلارسینگیز.‏]‏

15‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز یِکِجه آدامی اُز دینینگیزه سالجاق بُلوپ، دِریالارا، دوزلِره آیلانیارسینگیز.‏ دینینگیزه سالانینگیزدان سُنگ بُلسا، اُنی اُزونگیزدِن هِم ایکی بِرابار کَن دُوزاخینگ جِزاسینا سِزاوار اِدیَرسینگیز.‏

16‏«‏وای حالینگیزا، اِی کُر یُلباشچیلار!‏ سیز:‏ ‏”‏کیم عیباداتخانا قاسام ایچسه، بو هیچ حاساپلانار، اِمّا کیم عیباداتخانانینگ قیزیلنا قاسام ایچسه، اُل اُز قاسامینی بِرجای اِتمَگه بِرگیلیدیر“‏ دییَّرسینگیز.‏ 17اِی نادان کُرلِر!‏ هایسیسی اولی:‏ قیزیلمی یا-دا قیزیلی مُقادِّس اِدیَن عیباداتخانا؟ 18شِیله-ده، سیز:‏ ‏”‏کیم قربانلیق جایا قاسام ایچسه، بو هیچ حاساپلانار، اِمّا کیم اُنونگ اوستوندَکی قربانلیغا قاسام ایچسه، اُز قاسامینی بِرجای اِتمَگه بِرگیلی بُلار“‏ دییَّرسینگیز.‏ 19اِی کُرلِر!‏ هایسیسی اولی:‏ صاداقامی یا-دا صاداقانی مُقادِّس اِدیَن قربانلیق جایی؟ 20قربانلیق جایا قاسام ایچیَن، اُندان هِم، اُنونگ اوستوندَکی هِمّه زاتدا هِم قاسام ایچیَندیر.‏ 21عیباداتخانا قاسام ایچیَن اُنگا هِم، اُل مِکان توتان خودایا هِم قاسام ایچیَندیر.‏ 22آسمانا قاسام ایچیَن خودایینگ تاختینا هِم، اُندا اُتورانا هِم قاسام ایچیَندیر.‏

23‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز نَعنادان، شِویددِن و زیره‌دِن اُندان بیر بُلِگی بِریَرسینگیز، اِمّا مُقادِّس شِریغاتینگ خاص واجیپ ایشلِرینی:‏ عادالاتلیغی، رِحمدارلیغی و ایمانی تِرک اِدیَرسینگیز.‏ بولارینگ بیرینی بِرجای اِدیپ، بِیلِکیلِرینی تِرک اِتمِلی دَلسینگیز.‏ 24اِی کُرلِری قُلّایانلار!‏ سیز سووی سوزوپ، چیبینی آییریارسینگیز، اِمّا دویَه‌نی یووودیارسینگیز!‏

25‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز کَسه و قاپ-چاناغینگ داشینی آراسّالایارسینگیز، اِمّا اُلارینگ ایچی آچگُزلیکدِن هِم یامانلیقدان دُلودیر.‏ 26اِی کُر فَریسی!‏ سِن اَوَّل کَسه و قاپ-چاناغینگ ایچینی آراسّالا، شُندا اُلارینگ داشی-دا آراسّا بُلار.‏

27‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز آقاردیلیپ، داشیندان آوادان گُرونیَن، اِمّا ایچی اُلولِرینگ سونگکلِری و هِر هیلی نِجیسلیکدِن دُلی قابرلارسینگیز.‏ 28سیز هِم داشینگیزدان آداملارا دُغری آدام یالی گُرونیَرسینگیز، اِمّا ایچینگیز ایکی‌یوزلیلیکدِن و کیردِن دُلی.‏

29‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز پیغامبارلار اوچین قابرلار سالیپ، دُغری آداملارینگ یادیگارلیکلِرینی بِزَپ:‏ 30‏”‏بیز آتالاریمیزینگ زامانیندا یاشان بُلساق، پیغامبارلارینگ قانینی دُکمِکده اُلارا اُرتاق بُلمازدیق“‏ دییَّرسینگیز.‏ 31شِیلِلیک بیلِن، پیغامبارلاری اُلدورِنلِرینگ اُغول‍لاریدیغینگیزا اُزونگیز گووَه بِریارسینگیز.‏ 32اُندا آتالارینگیزینگ باشلان ایشلِرینی تاماملانگ!‏ 33اِی ییلانلار!‏ اِی زَهِرلی ییلانینگ نِسلی!‏ سیز دُوزاخینگ جِزاسیندان نَهیلی قاچجاقسینگیز؟ 34شُنونگ اوچین هِم مِن سیزه پیغامبارلاری، عاقیلدارلاری و دین عُلَمالاری یُلّایارین.‏ سیز اُلارینگ کَبیرینی اُلدورِرسینگیز، صلیبه چویلَرسینگیز، کَبیرینی کِنیسه‌لِرینگیزده یِنجِرسینگیز، شَهردِن-شَهره ایزلارینا دوشورسینگیز.‏ 35شِیلِلیکده، یِر یوزونده بی‌گونَه دُکولِن هِر بیر دُغری آدامینگ قانینا سیز جُغاپکَرسینگیز.‏ هابیل‌ینگ قانیندان، عیباداتخانا بیلِن قربانلیق جایینگ آراسیندا اُلدورِنینگیز بِرِخیانینگ اُغلی زِکِریانینگ قانینا چِنلی سیز جُغاپکَرسینگیز.‏ 36سیزه دُغروسینی آیدیارین:‏ بو زاتلارینگ هِمّه‌سینه شو نِسل جُغاپکَردیر.‏

37‏«‏اِی اورشلیم!‏ پیغامبارلاری اُلدوریَن، اُزونه یُلّانانلاری داشلایان اورشلیم!‏ تُووغینگ اُز جویجه‌لِرینی قاناتلارینینگ آشاغینا ییغنایشی یالی، مِن هِم اِنچِمه گِزِک سِنینگ فِرزِنتلِرینگی ییغناجاق بُلدوم، اِمّا سیز مونی ایسلِمِدینگیز.‏ 38اینه، اُیونگیز خارابا اُورولِر.‏ 39و مِن سیزه شونی آیدایین:‏ ‏”‏خودایینگ آدیندان گِلیَنه موبارِک بُلسون!‏“‏ دییَنچَنگیز، مِنی قایتادان گُرمِرسینگیز.‏»‏#زِبور ۱۱۸‏:۲۶

Currently Selected:

مَتّیٰ 23: TUKIR

Highlight

Copy