Chivkeeb 17
17
Kevcai Txav Ua Cim Cogtseg
1Thaus Anplaas noobnyoog muaj cuajcaum-cuaj xyoos, tug TSWV tau lug tshwm rua nwg pum hab has tas, “Kuv yog Vaajtswv tug kws muaj Fwjchim Luj Kawg Nkaus. Koj yuavtsum noog Kuv lug hab ua lub neej ncaajnceeg taag moog le. 2Kuv yuav coglug tseg rua koj hab yuav pub kuas koj muaj caajceg coob heev.”
3Anplaas txawm txhuscaug ndlua hab nyo ti nkaus aav, tes Vaajtswv has ntxiv tas, 4“Kuv coglug tseg rua koj le nuav: Koj yuav tau ua ntau tsaav tuabneeg tug yawmkoob. 5Koj lub npe yuav tsi hu ua Anplaas ntxiv lawm, tabsis yuav hu ua Anplahaas,#17:5: Anplahaas: Lub npe nuav has muaj ntsiv thooj le lulug Henplais kws has tas “ntau tsaav tuabneeg tug yawmkoob.” ruaqhov Kuv yuav tsaa koj ua ntau tsaav tuabneeg tug yawmkoob. #Loos 4:17 6Kuv yuav pub kuas koj caajceg coob hab dlhau moog ua ntau tsaav tuabneeg, qeeleej yuav dlhau moog ua vaajntxwv.
7“Kuv yuav ceev Kuv tej lug cogtseg rua koj hab koj caajceg moog lawm yaav tomntej ib tam rua ib tam kws yog cov lug cogtseg moog ibtxhis tsi kawg le. Kuv yuav yog koj tug Vaajtswv hab koj caajceg tug Vaajtswv. #Lukas 1:55; 17:8; Tegnum 7:5 8Kuv yuav muab taagnrho lub tebchaws Kana-aas kws taamsim nuav koj nyob taam le tuabneeg poob tebchaws nuav pub rua koj hab koj caajceg moog ibtxhis; hab Kuv yuav yog puab tug Vaajtswv.”
9Vaajtswv has rua Anplahaas tas, “Koj yuavtsum txaussab hlo ceev Kuv cov lug cogtseg nuav; koj hab koj caajceg ib tam rua ib tam yuavtsum tau ua le ntawd. 10Koj hab koj tej caajceg txhua tug txivneej yuavtsum ua kevcai txav tawv. #Tegnum 7:8; Loos 4:11 11-12Txij nubnua moog lawm yaav tomntej koj yuavtsum muab txhua tug mivnyuas tub ua kevcai txav tawv thaus nwg noobnyoog muaj yim nub; tsi has tej tubqhe kws yug huv mej tsev hab tej tubqhe kws mej yuav ntawm lwmtsaav tuabneeg lug, los yuavtsum tau ua kevcai txav huv tuabsi. Qhov nuav yog lub cim ntawm lulug cogtseg ntawm koj hab Kuv. 13Txhua tug yuavtsum tau ua kevcai txav tawv, qhov ntawd yuav ua lub cim rua ntawm saab nqajtawv qha tas Kuv txujlug cogtseg muaj nyob nrug mej moog ibtxhis. 14Txhua tug txivneej kws tsi tau ua kevcai txav tawv yuav raug muab txav tawm ntawm Kuv tsaav tuabneeg moog, ruaqhov nwg tsi ceev Kuv lulug cogtseg ntawd.”
15Vaajtswv has rua Anplahaas tas, “Koj tsi xob hu koj tug quaspuj hu ua Xalais lawm, txij nubnua moog nwg lub npe yog Xalas#17:15: Xalas: Lub npe nuav lug Henplais txhais has tas “ntxhais vaajntxwv.” xwb. 16Kuv yuav foom koobmoov rua nwg hab Kuv yuav pub nwg muaj ib tug tub rua koj. Kuv yuav foom koobmoov rua nwg hab nwg yuav dlhau moog ua ntau tsaav tuabneeg leejnam, hab nwg caajceg yuav muaj cov sawv lug ua vaajntxwv.”
17Anplahaas txawm txhuscaug ndlua hab nyo ti nkaus aav, tabsis nwg luag tuabywv huv sab tas, “Tug tuabneeg kws tub muaj noobnyoog 100 xyoo lawm, yuav ua lecaag muaj taug mivnyuas? Xalas tub muaj cuajcaum xyoo lawm, nwg tseem yuav xeeb taug tub hab lov?” 18Anplahaas has rua Vaajtswv has tas, “Thov Koj cale foom koobmoov rua Yisamayees xwb!”
19Tabsis Vaajtswv has tas, “Tsi yog le ntawd. Xalas kws yog koj tug quaspuj yuav yug ib tug tub rua koj hab koj yuav tis nwg lub npe hu ua Ixaj.#17:19: Ixaj: Lub npe nuav lug Henplais txhais has tas “nwg luag.” Kuv yuav ceev Kuv tej lug cogtseg nrug nwg hab nwg caajceg moog ibtxhis. Yog lulug cogtseg kws yuav nyob moog ibtxhis le. 20Kuv nov tej lug kws koj tau thov Kuv has txug Yisamayees, yogle ntawd, Kuv yuav foom koobmoov rua nwg hab pub kuas nwg muaj tubki hab caajceg coob heev. Nwg yuav ua kaum-ob tug vaajntxwv leejtxiv, hab Kuv yuav ua kuas nwg caajceg ua ib tsaav tuabneeg tseemceeb. 21Tabsis Kuv yuav ceev Kuv tej lug cogtseg nrug koj tug tub Ixaj, kws lwm xyoo rov txug lub caij nuav Xalas yuav yug rua koj.” 22Tomqaab Vaajtswv has le ntawd taag rua Anplahaas, tes Nwg txawm ncaim Anplahaas moog lawm.
23Anplahaas txawm ua lawvle Vaajtswv has; nub ntawd kag xwb nwg txawm ua kevcai txav tawv rua nwg tug tub Yisamayees hab txhua tug txivneej kws nyob huv nwg tsev tuabneeg, xaam taagnrho tej tubqhe kws yug huv nwg tsev hab tej tubqhe kws nwg moog yuav lug huv tuabsi. 24Anplahaas ua kevcai txav tawv thaus nwg noobnyoog muaj cuajcaum-cuaj xyoos, 25hab nwg tug tub Yisamayees muaj kaum-peb xyoos. 26Obtug puavleej ua kevcai txav rua tuabnub ntawd, 27tuabtxhij nrug Anplahaas cov tubqhe txhua tug.
Currently Selected:
Chivkeeb 17: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 17
17
Kevcai Txav Ua Cim Cogtseg
1Thaus Anplaas noobnyoog muaj cuajcaum-cuaj xyoos, tug TSWV tau lug tshwm rua nwg pum hab has tas, “Kuv yog Vaajtswv tug kws muaj Fwjchim Luj Kawg Nkaus. Koj yuavtsum noog Kuv lug hab ua lub neej ncaajnceeg taag moog le. 2Kuv yuav coglug tseg rua koj hab yuav pub kuas koj muaj caajceg coob heev.”
3Anplaas txawm txhuscaug ndlua hab nyo ti nkaus aav, tes Vaajtswv has ntxiv tas, 4“Kuv coglug tseg rua koj le nuav: Koj yuav tau ua ntau tsaav tuabneeg tug yawmkoob. 5Koj lub npe yuav tsi hu ua Anplaas ntxiv lawm, tabsis yuav hu ua Anplahaas,#17:5: Anplahaas: Lub npe nuav has muaj ntsiv thooj le lulug Henplais kws has tas “ntau tsaav tuabneeg tug yawmkoob.” ruaqhov Kuv yuav tsaa koj ua ntau tsaav tuabneeg tug yawmkoob. #Loos 4:17 6Kuv yuav pub kuas koj caajceg coob hab dlhau moog ua ntau tsaav tuabneeg, qeeleej yuav dlhau moog ua vaajntxwv.
7“Kuv yuav ceev Kuv tej lug cogtseg rua koj hab koj caajceg moog lawm yaav tomntej ib tam rua ib tam kws yog cov lug cogtseg moog ibtxhis tsi kawg le. Kuv yuav yog koj tug Vaajtswv hab koj caajceg tug Vaajtswv. #Lukas 1:55; 17:8; Tegnum 7:5 8Kuv yuav muab taagnrho lub tebchaws Kana-aas kws taamsim nuav koj nyob taam le tuabneeg poob tebchaws nuav pub rua koj hab koj caajceg moog ibtxhis; hab Kuv yuav yog puab tug Vaajtswv.”
9Vaajtswv has rua Anplahaas tas, “Koj yuavtsum txaussab hlo ceev Kuv cov lug cogtseg nuav; koj hab koj caajceg ib tam rua ib tam yuavtsum tau ua le ntawd. 10Koj hab koj tej caajceg txhua tug txivneej yuavtsum ua kevcai txav tawv. #Tegnum 7:8; Loos 4:11 11-12Txij nubnua moog lawm yaav tomntej koj yuavtsum muab txhua tug mivnyuas tub ua kevcai txav tawv thaus nwg noobnyoog muaj yim nub; tsi has tej tubqhe kws yug huv mej tsev hab tej tubqhe kws mej yuav ntawm lwmtsaav tuabneeg lug, los yuavtsum tau ua kevcai txav huv tuabsi. Qhov nuav yog lub cim ntawm lulug cogtseg ntawm koj hab Kuv. 13Txhua tug yuavtsum tau ua kevcai txav tawv, qhov ntawd yuav ua lub cim rua ntawm saab nqajtawv qha tas Kuv txujlug cogtseg muaj nyob nrug mej moog ibtxhis. 14Txhua tug txivneej kws tsi tau ua kevcai txav tawv yuav raug muab txav tawm ntawm Kuv tsaav tuabneeg moog, ruaqhov nwg tsi ceev Kuv lulug cogtseg ntawd.”
15Vaajtswv has rua Anplahaas tas, “Koj tsi xob hu koj tug quaspuj hu ua Xalais lawm, txij nubnua moog nwg lub npe yog Xalas#17:15: Xalas: Lub npe nuav lug Henplais txhais has tas “ntxhais vaajntxwv.” xwb. 16Kuv yuav foom koobmoov rua nwg hab Kuv yuav pub nwg muaj ib tug tub rua koj. Kuv yuav foom koobmoov rua nwg hab nwg yuav dlhau moog ua ntau tsaav tuabneeg leejnam, hab nwg caajceg yuav muaj cov sawv lug ua vaajntxwv.”
17Anplahaas txawm txhuscaug ndlua hab nyo ti nkaus aav, tabsis nwg luag tuabywv huv sab tas, “Tug tuabneeg kws tub muaj noobnyoog 100 xyoo lawm, yuav ua lecaag muaj taug mivnyuas? Xalas tub muaj cuajcaum xyoo lawm, nwg tseem yuav xeeb taug tub hab lov?” 18Anplahaas has rua Vaajtswv has tas, “Thov Koj cale foom koobmoov rua Yisamayees xwb!”
19Tabsis Vaajtswv has tas, “Tsi yog le ntawd. Xalas kws yog koj tug quaspuj yuav yug ib tug tub rua koj hab koj yuav tis nwg lub npe hu ua Ixaj.#17:19: Ixaj: Lub npe nuav lug Henplais txhais has tas “nwg luag.” Kuv yuav ceev Kuv tej lug cogtseg nrug nwg hab nwg caajceg moog ibtxhis. Yog lulug cogtseg kws yuav nyob moog ibtxhis le. 20Kuv nov tej lug kws koj tau thov Kuv has txug Yisamayees, yogle ntawd, Kuv yuav foom koobmoov rua nwg hab pub kuas nwg muaj tubki hab caajceg coob heev. Nwg yuav ua kaum-ob tug vaajntxwv leejtxiv, hab Kuv yuav ua kuas nwg caajceg ua ib tsaav tuabneeg tseemceeb. 21Tabsis Kuv yuav ceev Kuv tej lug cogtseg nrug koj tug tub Ixaj, kws lwm xyoo rov txug lub caij nuav Xalas yuav yug rua koj.” 22Tomqaab Vaajtswv has le ntawd taag rua Anplahaas, tes Nwg txawm ncaim Anplahaas moog lawm.
23Anplahaas txawm ua lawvle Vaajtswv has; nub ntawd kag xwb nwg txawm ua kevcai txav tawv rua nwg tug tub Yisamayees hab txhua tug txivneej kws nyob huv nwg tsev tuabneeg, xaam taagnrho tej tubqhe kws yug huv nwg tsev hab tej tubqhe kws nwg moog yuav lug huv tuabsi. 24Anplahaas ua kevcai txav tawv thaus nwg noobnyoog muaj cuajcaum-cuaj xyoos, 25hab nwg tug tub Yisamayees muaj kaum-peb xyoos. 26Obtug puavleej ua kevcai txav rua tuabnub ntawd, 27tuabtxhij nrug Anplahaas cov tubqhe txhua tug.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.