Chivkeeb 18
18
Anplahaas Tug Tub Kws Vaajtswv Coglug Tseg
1Tug TSWV lug tshwm rua Anplahaas pum ntawm cov ntoo xeeb huv thaaj chaw Maales. Thaus Anplahaas tseem taabtom nyob quastsawg ntawm nwg lub qhovrooj tsevntaub, lub sijhawm ntawd tshaavntuj taabtom kub heev, 2nwg tsaa qhovmuag saib txawm pum peb tug txivneej sawv nreg nreeg tod. Thaus nwg pum dlheev puab, nwg txawm ceevnrooj moog cuag puab hab txhuscaug ndlua nyo ti nkaus aav, #Henpl 13:2 3nwg has tas, “Kuv tug tswv, yog mej txaussab rua kuv, thov mej tsi xob dlhau ntawm mej tug tubkhai nuav moog. 4Ca kuv moog nqaa mivntsiv dlej tuaj rua mej ntxuav kutaw, es thov mej su huvqaab tsob ntoo nuav kuas lugsav. 5Kuv yuav moog nqaa mivntsiv zaub-mov tuaj rua mej noj, sub mej txhaj yuav muajzug taug kev moog ntxiv. Mej tub paamxeeb tuaj txug ntawm kuv tsev nuav lawm, thov ca kuv tam mej tsaiv.”
Puab teb tas, “Ua koj tsaug nawb; ua le koj has ntawd.”
6Anplahaas maaj ceevnrooj rov moog rua huv tsevntaub hab has rua Xalas has tas, “Kawg-kag, koj cale moog muab ib naab moov nplej kws zoo tshaajplawg lug puab ua ncuav hab muab cub.” 7Tes Anplahaas txawm dlha loo moog rua nraag cov tsaj hab nteg kag tau ib tug mivnyuas nyuj tseem mog hab dlu-dlav, coj lug rua ib tug tubkhai, kuas nwg coj moog npaaj kawg-kag kuas sav. 8Nwg txhaj muab mivntsiv roj mig nyuj qhuav, mivntsiv kua mig nyuj, hab cov nqaj kws hau tau sav lawm, coj moog rau kag rua ntawm cov txivneej ntawd xubndlag. Nwg rau zaub rau mov rua puab noj huvqaab tsob ntoo ntawd.
9Tes puab nug nwg has tas, “Xalas kws yog koj tug quaspuj nyob qhovtwg?”
Anplahaas teb tas, “Nwg nyob huv tsevntaub.”
10Puab cov ntawd muaj ib tug has rua Anplahaas has tas, “Cuaj hlis tomntej nuav#18:10: Cuaj hlis tomntej nuav, lossis Lwm xyoo lub caij nuav. Kuv yuav rovqaab tuaj dlua, mas Xalas kws yog koj tug quaspuj yuav yug tau ib tug mivtub.”
Xalas sawv ntawm lub qhovrooj tsevntaub saabhuv kws ncaaj ntawm Anplahaas nrauqaum, noog puab sisthaam. #Loos 9:9 11Anplahaas hab Xalas tub laug heev lawm, hab Xalas tub tseg tsi coj khaubdluag lawm. 12Yogle ntawd, Xalas txawm luag tuabywv hab xaav tas, “Nwgnuav kuv tub laug dlhau qhov kws yuav muaj tau mivnyuas lawm, kuv tseem yuav muaj taug qhov kev zoosab nuav hab lov? Kuv tug quasyawg los kuj laug lawm hab.” #1Pet 3:6
13Tes tug TSWV nug Anplahaas has tas, “Vim lecaag Xalas txhaj luag hab has tas, ‘Kuv tub laug npaum le nuav lawm, es tseem muaj taug mivnyuas hab lov?’ 14Puas muaj ib yaam dlaabtsi kws tug TSWV yuav ua tsi tau? Lawvle Kuv tau has lawm, cuaj lub hlis tomntej nuav Kuv yuav rovqaab tuaj dlua, mas Xalas yeej yuav yug tau ib tug mivtub xwb.” #Lukas 1:37
15Vim Xalas ntshai, nwg txhaj tsi leeg has tas nwg tau luag lawm; nwg has tas, “Kuv tsi tau luag as.”
Tabsis tug TSWV teb tas, “Koj yeej luag lawm los mas.”
Anplahaas Thov Rua Lub Nroog Xaudoos
16Tomqaab ntawd puab peb tug txivneej txawm moog rua ntawm ib qhov chaw kws saib pum lub nroog Xaudoos; Anplahaas kuj xaa puab sawvkev hab nrug puab moog uake. 17Tug TSWV xaav tas, “Kuv yuav tsi zais tej kws Kuv taabtom yuav ua ntawd rua Anplahaas. 18Nwg caajceg yuav dlhau moog ua ib tsaav tuabneeg tseemceeb hab muaj fwjchim heev, hab Kuv yuav foom koobmoov lug ntawm nwg moog rua txhua tsaav tuabneeg.#18:18: ntawm nwg … txhua tsaav tuabneeg; lossis txhua tsaav tuabneeg yuav thov Kuv foom koobmoov rua puab ib yaam le Kuv tau foom rua nwg lawm hab. 19Kuv tau xaiv nwg sub nwg txhaj yuav xaaj nwg tej tub hab tej caajceg kuas noog Kuv lug, kuas puab ua zoo hab ua ncaaj ua nceeg. Yog puab ua le ntawd, Kuv yuav ua txhua yaam rua nwg lawvle Kuv tau coglug tseg ca lawm.”
20Tes tug TSWV has rua Anplahaas has tas, “Muaj suab quaj qw luj heev tawmtsaam lub nroog Xaudoos hab lub nroog Kaumaulas; ob lub nroog ntawd tej kev txhum luj kawg nkaus le. 21Kuv yuavtsum moog saib seb puas muaj tseeb lawvle tej lug kws Kuv tau nov ntawd.”
22Tes ob tug txivneej txawm sawvkev moog rua huv lub nroog Xaudoos lawm, tabsis tug TSWV tseem nrug Anplahaas nyob. 23Anplahaas txaav moog ze zog rua ntawm tug TSWV hab nug has tas, “Koj yuav ua kuas cov tuabneeg tsi muaj txim raug kev puamtsuaj nrug cov tuabneeg muaj txim huv tuabsi hab lov? 24Yog tas muaj tsibcaug tug tuabneeg zoo nyob huv lub nroog ntawd, Koj puas yuav ua kuas taagnrho lub nroog ntawd puamtsuaj moog? Koj txawm yuav tsi tseg lub nroog ntawd kuas tsibcaug tug kws zoo ntawd dlim le lov? 25Yeej paub meej tas Koj yeej yuav tsi laam muab cov tuabneeg zoo tua nrug cov tuabneeg txhum ib zag le. Yog Koj ua le ntawd, cov tuabneeg zoo yuav raug txim nrug cov tuabneeg txhum uake. Koj yeej yuav tsi ua le ntawd! Tug kws txavtxim rua taagnrho tej tuabneeg nplajteb yuavtsum txavtxim ncaajnceeg xwb.”
26Tug TSWV teb tas, “Yog Kuv pum muaj tsibcaug tug tuabneeg kws zoo nyob huv lub nroog Xaudoos, Kuv yuav tseg taagnrho lub nroog ntawd vim yog tseem muaj puab.”
27Anplahaas rov has ntxiv tas, “Tug TSWV, thov Koj zaamtxim rua kuv lub sab tawv kws pheej nrug Koj haslug. Kuv yog plau luaj plau aav xwb, yeej tsi tsimnyog yuav has ib yaam dlaabtsi le. 28Tabsis yog tas muaj txug plaubcaug-tsib leeg kws zoo xwb, es muaj tsi txug tsibcaug leej ne, Koj yuav ua kuas lub nroog ntawd puamtsuaj taag huv tuabsi, vim tu tsib nyuas leeg ntawd xwb lov?”
Tug TSWV teb tas, “Yog Kuv pum muaj plaubcaug-tsib leeg kws zoo, Kuv yuav tsi ua kuas lub nroog ntawd puamtsuaj.”
29Anplahaas rov has dlua has tas, “Yog tas muaj txug plaubcaug leej xwb ne?”
Tug TSWV teb tas, “Yog muaj plaubcaug leej, los Kuv yuav tsi ua kuas lub nroog ntawd puamtsuaj.”
30Anplahaas rov has dlua tas, “Tug TSWV, thov Koj tsi xob chim, ruaqhov kuv xaav rov has dlua. Yog tas muaj txug pebcaug leej xwb ne?”
Tug TSWV teb tas, “Yog Kuv pum muaj pebcaug leej, los Kuv yuav tsi ua kuas lub nroog ntawd puamtsuaj.”
31Anplahaas has tas, “Tug TSWV, thov Koj zaamtxim rua kuv lub sab tawv kws pheej nrug Koj haslug. Yog tas Koj nrhav pum muaj neegnkaum leej xwb ne?”
Tug TSWV teb tas, “Yog Kuv pum muaj neegnkaum leej, los Kuv yuav tsi ua kuas lub nroog ntawd puamtsuaj.”
32Anplahaas has tas, “Tug TSWV, thov Koj tsi xob chim lau, kuv thov has ib zag ntxiv xwb. Yog tas Koj nrhav pum muaj kaum leej xwb ne?”
Tug TSWV teb tas, “Yog Kuv pum muaj kaum leej xwb, los Kuv yuav tsi ua kuas lub nroog ntawd puamtsuaj.” 33Tomqaab kws tug TSWV nrug Anplahaas thaam taag lawm, Nwg txawm ncaim moog, hab Anplahaas txawm rovqaab moog tsev lawm.
Currently Selected:
Chivkeeb 18: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 18
18
Anplahaas Tug Tub Kws Vaajtswv Coglug Tseg
1Tug TSWV lug tshwm rua Anplahaas pum ntawm cov ntoo xeeb huv thaaj chaw Maales. Thaus Anplahaas tseem taabtom nyob quastsawg ntawm nwg lub qhovrooj tsevntaub, lub sijhawm ntawd tshaavntuj taabtom kub heev, 2nwg tsaa qhovmuag saib txawm pum peb tug txivneej sawv nreg nreeg tod. Thaus nwg pum dlheev puab, nwg txawm ceevnrooj moog cuag puab hab txhuscaug ndlua nyo ti nkaus aav, #Henpl 13:2 3nwg has tas, “Kuv tug tswv, yog mej txaussab rua kuv, thov mej tsi xob dlhau ntawm mej tug tubkhai nuav moog. 4Ca kuv moog nqaa mivntsiv dlej tuaj rua mej ntxuav kutaw, es thov mej su huvqaab tsob ntoo nuav kuas lugsav. 5Kuv yuav moog nqaa mivntsiv zaub-mov tuaj rua mej noj, sub mej txhaj yuav muajzug taug kev moog ntxiv. Mej tub paamxeeb tuaj txug ntawm kuv tsev nuav lawm, thov ca kuv tam mej tsaiv.”
Puab teb tas, “Ua koj tsaug nawb; ua le koj has ntawd.”
6Anplahaas maaj ceevnrooj rov moog rua huv tsevntaub hab has rua Xalas has tas, “Kawg-kag, koj cale moog muab ib naab moov nplej kws zoo tshaajplawg lug puab ua ncuav hab muab cub.” 7Tes Anplahaas txawm dlha loo moog rua nraag cov tsaj hab nteg kag tau ib tug mivnyuas nyuj tseem mog hab dlu-dlav, coj lug rua ib tug tubkhai, kuas nwg coj moog npaaj kawg-kag kuas sav. 8Nwg txhaj muab mivntsiv roj mig nyuj qhuav, mivntsiv kua mig nyuj, hab cov nqaj kws hau tau sav lawm, coj moog rau kag rua ntawm cov txivneej ntawd xubndlag. Nwg rau zaub rau mov rua puab noj huvqaab tsob ntoo ntawd.
9Tes puab nug nwg has tas, “Xalas kws yog koj tug quaspuj nyob qhovtwg?”
Anplahaas teb tas, “Nwg nyob huv tsevntaub.”
10Puab cov ntawd muaj ib tug has rua Anplahaas has tas, “Cuaj hlis tomntej nuav#18:10: Cuaj hlis tomntej nuav, lossis Lwm xyoo lub caij nuav. Kuv yuav rovqaab tuaj dlua, mas Xalas kws yog koj tug quaspuj yuav yug tau ib tug mivtub.”
Xalas sawv ntawm lub qhovrooj tsevntaub saabhuv kws ncaaj ntawm Anplahaas nrauqaum, noog puab sisthaam. #Loos 9:9 11Anplahaas hab Xalas tub laug heev lawm, hab Xalas tub tseg tsi coj khaubdluag lawm. 12Yogle ntawd, Xalas txawm luag tuabywv hab xaav tas, “Nwgnuav kuv tub laug dlhau qhov kws yuav muaj tau mivnyuas lawm, kuv tseem yuav muaj taug qhov kev zoosab nuav hab lov? Kuv tug quasyawg los kuj laug lawm hab.” #1Pet 3:6
13Tes tug TSWV nug Anplahaas has tas, “Vim lecaag Xalas txhaj luag hab has tas, ‘Kuv tub laug npaum le nuav lawm, es tseem muaj taug mivnyuas hab lov?’ 14Puas muaj ib yaam dlaabtsi kws tug TSWV yuav ua tsi tau? Lawvle Kuv tau has lawm, cuaj lub hlis tomntej nuav Kuv yuav rovqaab tuaj dlua, mas Xalas yeej yuav yug tau ib tug mivtub xwb.” #Lukas 1:37
15Vim Xalas ntshai, nwg txhaj tsi leeg has tas nwg tau luag lawm; nwg has tas, “Kuv tsi tau luag as.”
Tabsis tug TSWV teb tas, “Koj yeej luag lawm los mas.”
Anplahaas Thov Rua Lub Nroog Xaudoos
16Tomqaab ntawd puab peb tug txivneej txawm moog rua ntawm ib qhov chaw kws saib pum lub nroog Xaudoos; Anplahaas kuj xaa puab sawvkev hab nrug puab moog uake. 17Tug TSWV xaav tas, “Kuv yuav tsi zais tej kws Kuv taabtom yuav ua ntawd rua Anplahaas. 18Nwg caajceg yuav dlhau moog ua ib tsaav tuabneeg tseemceeb hab muaj fwjchim heev, hab Kuv yuav foom koobmoov lug ntawm nwg moog rua txhua tsaav tuabneeg.#18:18: ntawm nwg … txhua tsaav tuabneeg; lossis txhua tsaav tuabneeg yuav thov Kuv foom koobmoov rua puab ib yaam le Kuv tau foom rua nwg lawm hab. 19Kuv tau xaiv nwg sub nwg txhaj yuav xaaj nwg tej tub hab tej caajceg kuas noog Kuv lug, kuas puab ua zoo hab ua ncaaj ua nceeg. Yog puab ua le ntawd, Kuv yuav ua txhua yaam rua nwg lawvle Kuv tau coglug tseg ca lawm.”
20Tes tug TSWV has rua Anplahaas has tas, “Muaj suab quaj qw luj heev tawmtsaam lub nroog Xaudoos hab lub nroog Kaumaulas; ob lub nroog ntawd tej kev txhum luj kawg nkaus le. 21Kuv yuavtsum moog saib seb puas muaj tseeb lawvle tej lug kws Kuv tau nov ntawd.”
22Tes ob tug txivneej txawm sawvkev moog rua huv lub nroog Xaudoos lawm, tabsis tug TSWV tseem nrug Anplahaas nyob. 23Anplahaas txaav moog ze zog rua ntawm tug TSWV hab nug has tas, “Koj yuav ua kuas cov tuabneeg tsi muaj txim raug kev puamtsuaj nrug cov tuabneeg muaj txim huv tuabsi hab lov? 24Yog tas muaj tsibcaug tug tuabneeg zoo nyob huv lub nroog ntawd, Koj puas yuav ua kuas taagnrho lub nroog ntawd puamtsuaj moog? Koj txawm yuav tsi tseg lub nroog ntawd kuas tsibcaug tug kws zoo ntawd dlim le lov? 25Yeej paub meej tas Koj yeej yuav tsi laam muab cov tuabneeg zoo tua nrug cov tuabneeg txhum ib zag le. Yog Koj ua le ntawd, cov tuabneeg zoo yuav raug txim nrug cov tuabneeg txhum uake. Koj yeej yuav tsi ua le ntawd! Tug kws txavtxim rua taagnrho tej tuabneeg nplajteb yuavtsum txavtxim ncaajnceeg xwb.”
26Tug TSWV teb tas, “Yog Kuv pum muaj tsibcaug tug tuabneeg kws zoo nyob huv lub nroog Xaudoos, Kuv yuav tseg taagnrho lub nroog ntawd vim yog tseem muaj puab.”
27Anplahaas rov has ntxiv tas, “Tug TSWV, thov Koj zaamtxim rua kuv lub sab tawv kws pheej nrug Koj haslug. Kuv yog plau luaj plau aav xwb, yeej tsi tsimnyog yuav has ib yaam dlaabtsi le. 28Tabsis yog tas muaj txug plaubcaug-tsib leeg kws zoo xwb, es muaj tsi txug tsibcaug leej ne, Koj yuav ua kuas lub nroog ntawd puamtsuaj taag huv tuabsi, vim tu tsib nyuas leeg ntawd xwb lov?”
Tug TSWV teb tas, “Yog Kuv pum muaj plaubcaug-tsib leeg kws zoo, Kuv yuav tsi ua kuas lub nroog ntawd puamtsuaj.”
29Anplahaas rov has dlua has tas, “Yog tas muaj txug plaubcaug leej xwb ne?”
Tug TSWV teb tas, “Yog muaj plaubcaug leej, los Kuv yuav tsi ua kuas lub nroog ntawd puamtsuaj.”
30Anplahaas rov has dlua tas, “Tug TSWV, thov Koj tsi xob chim, ruaqhov kuv xaav rov has dlua. Yog tas muaj txug pebcaug leej xwb ne?”
Tug TSWV teb tas, “Yog Kuv pum muaj pebcaug leej, los Kuv yuav tsi ua kuas lub nroog ntawd puamtsuaj.”
31Anplahaas has tas, “Tug TSWV, thov Koj zaamtxim rua kuv lub sab tawv kws pheej nrug Koj haslug. Yog tas Koj nrhav pum muaj neegnkaum leej xwb ne?”
Tug TSWV teb tas, “Yog Kuv pum muaj neegnkaum leej, los Kuv yuav tsi ua kuas lub nroog ntawd puamtsuaj.”
32Anplahaas has tas, “Tug TSWV, thov Koj tsi xob chim lau, kuv thov has ib zag ntxiv xwb. Yog tas Koj nrhav pum muaj kaum leej xwb ne?”
Tug TSWV teb tas, “Yog Kuv pum muaj kaum leej xwb, los Kuv yuav tsi ua kuas lub nroog ntawd puamtsuaj.” 33Tomqaab kws tug TSWV nrug Anplahaas thaam taag lawm, Nwg txawm ncaim moog, hab Anplahaas txawm rovqaab moog tsev lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.